ដោយ៖ តាំង វីដា និង ឡាយ សាមាន
ថ្ងៃអាទិត្យ ទី26 ខែមករា ឆ្នាំ2014
http://vodhotnews.com
លោកស្រី មូរ សុខហួរ (ខាងឆ្វេង) លោក កឹម សុខា (ខាងស្តាំ) (រូបថត ឡាយ សាមាន
ប្រធានស្តីទីគណបក្សសង្គ្រោះជាតិ ប្រកាសថ្កោលទោសគណបក្សប្រជាជនកម្ពុជា ថាបានប្រើប្រាស់នយោបាយរំខាន និងបំភិតបំភ័យអ្នកគាំទ្រគណបក្សនេះ ជាពិសេសទង្វើគំរាមកំហែងអាយុជីវិតមេដឹកនាំបក្សនេះ។
ការប្រកាសនេះ ធ្វើឡើងបន្ទាប់ពីវេទិកាសំណេះសំណាលបក្សនេះ ជាមួយអ្នកគាំទ្រ នៅទីក្រុងកំពង់ចាម ខេត្តកំពង់ចាម ត្រូវបានប្រកាសរំសាយ ខណៈដែលសមត្ថកិច្ចក្រោមការដឹកនាំរបស់គណបក្សប្រជាជនកម្ពុជា បានចល័តកងកម្លាំងប្រដាប់អាវុធ និងកៀងគរប្រជាពលរដ្ឋប្រមាណ១ពាន់នាក់ បញ្ជូនមកដាក់នៅខាងមុខទីស្នាក់ការគណបក្សសង្គ្រោះជាតិ ក្នុងក្រុងកំពង់ចាម ដើម្បីបង្កចលាចល និងបំភិតបំភ័យប្រជាពលរដ្ឋផ្សេងទៀត។
ថ្លែងក្នុងសន្និសីទសារព័ត៌មាន ប្រធានស្តីទីគណបក្សសង្គ្រោះជាតិ ចាត់ទុកទង្វើនៃការដាក់ពង្រាយកម្លាំងសមត្ថកិច្ច និងអ្នកគាំទ្រគណបក្សប្រជាជនកម្ពុជា ដោយមានចាក់មេក្រូបំពងសំឡេង ប្រឈមគ្នានឹងវេទិការបស់គណបក្សសង្គ្រោះជាតិថា ជាចេតនារបស់គណបក្សប្រជាជនកម្ពុជា ដើម្បីរំខានដល់វេទិការបស់លោក។ លោក កឹម សុខា ក៏ថ្កោលទោសចំពោះទង្វើរបស់សមត្ថកិច្ច និងអាជ្ញាធរមូលដ្ឋាន មិនប្រកាន់នូវអព្យាក្រឹត្យភាព ចំពោះសកម្មភាពនយោបាយរបស់គណបក្សសង្គ្រោះជាតិ ដោយសារមិនបានរារាំងសកម្មភាពអនាធិបតេយ្យរបស់អ្នកគាំទ្រគណបក្សប្រជាជនកម្ពុជា ដែលស្រែកច្រៀងឡូឡា។
លោក កឹម សុខា ឲ្យដឹងទៀតថា ក្រោយការប្រកាសលុបចោលវេទិកានៅព្រឹកនេះ រថយន្តរបស់កងទ័ពនៅខេត្តកំពង់ចាម បានបរយ៉ាងលឿន ដេញពីក្រោយ និងមកពីខាងមុខ ប្រុងនឹងបុករថយន្តរបស់ លោក ដែលករណីនេះ លោកសង្ស័យថា ជាការប៉ុនប៉ងគំរាមរូបលោកផ្ទាល់។
VOD មិនទាន់អាចសុំការបំភ្លឺពីមន្ត្រីគណបក្សប្រជាជនកម្ពុជា បាននៅឡើយទេ។
គួរបញ្ជាក់ថា កាលថ្ងៃទី២១ ខែមករានេះ គណបក្សសង្គ្រោះជាតិ ក៏បានប្រកាសលុបចោលភ្លាមៗផងដែរ ចំពោះគម្រោងជួបសំណេះសំណាលជាមួយអ្នកគាំទ្រខ្លួន នៅឃុំត្រើយស្លា ស្រុកស្អាង ខេត្តកណ្តាល ខណៈសមត្ថកិច្ចរាប់រយនាក់ ត្រូវបានត្រៀមដាក់រារាំងការជួបសំណេះសំណាលនោះ៕
សរសេរមកកាន់លោក តាំង វីដា តាមរយៈ vida@vodhotnews.com
ks, played poor politic, then , blaming on government, LOL
Khmer peoples is getting sick & tired of CNRP troubled maker.,
they woke up & fight back ,,,
——
don’t get mad & don’t get upset ,, at government ,, OK !
ការប៉ុនប៉ងប្រើអំពើហិង្សាលើលោក កឹម សុខា និងរារាំងវេទិកាសំណេះសំណាលរបស់គណបក្សសង្គ្រោះជាតិ គឺជានយោបាយដ៏អាក្រក់របស់គណបក្សប្រជាជន ។
MY SHIT
អាខា កំពុងក្លាយខ្លួនជា ស៊ូថេប ធៀកសុវ៉ាន់ ហើយ។
អាខាកំពុងបង្កើតកំហុសឲ្យខ្លួនកាន់តែច្រើនទៅៗ ហើយ។
I do not understand, one party can gather people more than 10 persons but another party n ngo gather the same then not allow. What is democratic?
ដល់ពេលវេលាដែលអ្នកគាំទ្រគណបក្សប្រជាជន គេទ្រាំលែងបានជាមួយនឹងល្បែងអនាធិបតេយ្យរបស់សម រង្ស៊ី និង កឹម សុខា ក៏ដូចជាពួកអាជំនួញបាតុកម្មប៉ុន្មានក្បាលនោះហើយ។