ដោយ សុ ជីវី
2014-02-10
RFA
ស្ដាប់ ឬ ទាញយកសំឡេង
ភរិយាលោក ចាន់ ពុទ្ធិស័ក្ដ (រូបកណ្ដាល) ផ្ដល់បទសម្ភាសន៍ដល់វិទ្យុអាស៊ីសេរី ក្រោយការសម្រេចរបស់សាលាឧទ្ធរណ៍កាលពីព្រឹកថ្ងៃទី១១ កុម្ភៈ ឆ្នាំ២០១៤។ លោក ចាន់ ពុទ្ធិស័ក្ដិ ជាសកម្មជនដីធ្លីដែលជាប់ឃុំក្នុងចំណោមមនុស្ស ២១នាក់។ RFA/Uon Chhin
សាលាឧទ្ធរណ៍នៅព្រឹកថ្ងៃអង្គារ ទី១១ ខែកុម្ភៈ បើកសវនាការសំណុំរឿងសុំនៅក្រៅឃុំរបស់សកម្មជនសិទ្ធិមនុស្ស និងកម្មករចំនួន ២១នាក់ ដែលកំពុងជាប់ឃុំនៅពន្ធនាគារត្រពាំងផ្លុង។
សវនាការនៅថ្ងៃនេះធ្វើដោយបិទទ្វារ ដោយពុំមានវត្តមានរបស់ជនជាប់ឃុំទាំង ២១នាក់នោះឡើយ គឺមានតែមេធាវីការពារជនជាប់ចោទដែលបានចូលរួមសវនាការ។ នៅក្រោយសវនាការចៅក្រមសាលាឧទ្ធរណ៍សម្រេចតម្កល់សេចក្ដីសម្រេចរបស់ចៅក្រមសាលាដំបូង គឺពុំអនុញ្ញាតអោយអ្នកទាំង ២១នាក់បាននៅក្រៅឃុំឡើយ។
ចៅក្រមសាលាឧទ្ធរណ៍ដឹកនាំដោយចៅក្រម ឃុន លាងម៉េង និងចៅក្រម សេង ស៊ីវត្ថា បានសំអាងហេតុផលសំខាន់៣ ក្នុងការសម្រេចមិនអោយសកម្មជនសិទ្ធិមនុស្ស និងកម្មករចំនួន ២១នាក់បាននៅក្រៅឃុំ។ ក្នុងនោះរួមមានការដោះលែងអោយនៅក្រៅឃុំ អាចនឹងធ្វើអោយប៉ះពាល់ដល់សន្តិសុខសណ្ដាប់ធ្នាប់សង្គម ហើយសំណុំរឿងនេះកំពុងឋិតក្នុងការស៊ើបអង្កេតនិងថា សំណើសុំនៅក្រៅឃុំដែលដាក់ដោយក្រុមគ្រួសារ និងមេធាវីការពារ គឺពុំមានហេតុផលគ្រប់គ្រាន់ដែលអាចអោយចៅក្រមពិចារណាបាន។
ការសម្រេចនេះត្រូវប្រកាសនៅក្នុងបន្ទប់សវនាការដែលបិទទ្វារ គឺធ្វើឡើងចំពោះមុខមេធាវីការពារចំនួន ១០នាក់ ដោយអវត្តមានជនជាប់ចោទចំនួន ២១នាក់។
មេធាវីការពារមកពីមជ្ឈមណ្ឌលសិទ្ធិមនុស្សកម្ពុជា លោក សំ សុខគង់ មានប្រសាសន៍នៅខាងមុខបន្ទប់សវនាការថា ចៅក្រមពុំបានបង្ហាញហេតុផលគ្រប់គ្រាន់ក្នុងការសម្រេចអោយកូនក្ដីរបស់លោក និងអ្នកដទៃទៀតបន្តជាប់ឃុំនោះទេ។
សំណុំរឿងសកម្មជនសិទ្ធិមនុស្ស និងកម្មករទាំង ២៣នាក់ ត្រូវបែកចែកជា ៣ដាច់ដោយឡែកពីគ្នា។ សំណុំរឿងនៃអ្នកដែលត្រូវចាប់ខ្លួនចំនួន ១០នាក់នៅរោងចក្រយ៉ាកជីន (Yak Jin) កាលពីថ្ងៃទី២ ខែមករា ក្នុងនោះរួមមាន លោក វន់ ពៅ លោក ថេង សាវឿន និងលោក ចាន់ ពុទ្ធិស័ក្ដ។ សំណុំរឿងមួយទៀតមានជនជាប់ចោទ ៣នាក់ ដែលត្រូវចាប់ខ្លួនកាលពីរំលងអធ្រាត្រឈានចូលថ្ងៃទី៣ មករា ក្នុងចំណោមនោះមាន ២នាក់ ត្រូវចៅក្រមសាលាដំបូងសម្រេចដោះលែងអោយនៅក្រៅឃុំ កាលពីថ្ងៃទី៧ កុម្ភៈ និងសំណុំរឿងដែលមានជនជាប់ចោទចំនួន ១០នាក់ ដែលត្រូវចាប់ខ្លួនកាលពីថ្ងៃទី៣ មករា។ អ្នកទាំង ២៣នាក់នេះត្រូវការពារដោយមេធាវីរបស់អង្គការមិនមែនរដ្ឋាភិបាលចំនួន ១០នាក់។ ចំណែកក្រុមប្រឹក្សាជំនុំជម្រះត្រូវបែងចែកជា ២ក្រុម។
ភ្លាមៗក្រោយសេចក្ដីសម្រេចភរិយាលោក វន់ ពៅ និងកូនប្រុស ២នាក់បានស្រែកទ្រហោយំ ដោយយល់ថា ការសម្រេចនេះអយុត្តិធម៌ ម្យ៉ាងព្រួយបារម្ភពីសុខភាពរបស់លោកនៅក្នុងពន្ធាគារ នៅពេលសុខភាពទ្រុឌទ្រោមក្នុងពេលតវ៉ាដោយបង្អត់អាហារ។
ការសម្រេចរបស់ចៅក្រមសាលាឧទ្ធរណ៍ពុំបានការសាទរពីអ្នកឃ្លាំមើលការរំលោភសិទ្ធិមនុស្សនៃអង្គការមិនមែនរដ្ឋាភិបាលកម្ពុជាឡើយ។
ប្រធានកម្មវិធីសិទ្ធិការងារនៃមជ្ឈមណ្ឌលអប់រំច្បាប់សម្រាប់សហគមន៍ លោក មឿន តុលា មានប្រសាសន៍ថា លោកមើលឃើញថា អ្នកទាំង ២១នាក់នោះ ជាពិសេសគឺអ្នកទាំង ១០នាក់ដែលត្រូវចាប់ខ្លួននៅក្បែររោងចក្រ យ៉ាក ជីន គ្មានកំហុសឡើយ។
ចំណែកលោក អំ សំអាត បានអោយដឹងដែរថា សវនាការនៅពេលនេះបានរំលោភលើសិទ្ធិរបស់ជនជាប់ចោទដែលត្រូវមកវែកញែកស្រាយបំភ្លឺហេតុការណ៍ដែលនាំអោយពួកគេត្រូវចាប់ខ្លួន។
វិទ្យុអាស៊ីសេរីពុំអាចសុំការពន្យល់ពីចៅក្រមសាលាឧទ្ធរណ៍នៅពីបញ្ហានេះបានទេ នៅរសៀលថ្ងៃទី១១ កុម្ភៈ។
ប្រធានពន្ធនាគារត្រពាំងផ្លុង លោក គា សុវណ្ណា មានប្រសាសន៍តាមទូរស័ព្ទថា លោកពុំបានទទួលដីកាបង្គាប់អោយនាំអ្នកទាំង ២១នាក់នោះមកសវនាការឡើយ ម្យ៉ាងពន្ធនាគារខ្វះខាតមធ្យោបាយដឹកជញ្ជូន។
ជនជាប់ចោទចំនួន ២១នាក់ក្នុងចំណោម ២៣នាក់ដែលត្រូវចាប់ឃុំខ្លួនក្នុងពេលអាជ្ញាធរបង្ក្រាបបាតុកម្មកម្មករដែលទាមទារដំឡើងប្រាក់ខែអោយបាន ១៦០ដុល្លារនៅពេលនេះកំពុងប្ដូរវេនគ្នាតវ៉ាដោយបង្អត់អាហារខ្លួនឯងក្នុងពន្ធនាគារ។ ប្រធានពន្ធនាគារត្រពាំងផ្លុង បញ្ជាក់ថា អ្នកដែលចាប់ផ្ដើមអត់អាហារតាំងពីថ្ងៃអាទិត្យ ដោយរួមទាំងលោក វន់ ពៅ ផង បានទទួលទានអាហារឡើងវិញហើយ ប៉ុន្តែក៏នៅមានអ្នកបន្តអត់អាហារមួយចំនួនទៀតដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ប្រតិកម្មជុំវិញសេចក្ដីសម្រេចបន្តឃុំមនុស្ស២១នាក់
- តើតុលាការអន្តរជាតិនឹងពិនិត្យមើលបណ្ដឹងប្រឆាំងរដ្ឋាភិបាលកម្ពុជាឬទេ?
- សង្គមស៊ីវិលធ្វើយុទ្ធនាការទាមទារឲ្យដោះលែងមនុស្ស២១នាក់
- តំណាងកសិករនៅស្វាយរៀងដាក់ញត្តិទាមទារឲ្យដោះលែងអ្នកជាប់ឃុំ២១នាក់
- សហជីពធំ៣លើពិភពលោកគ្រោងជួបគ្នានៅតាមបណ្ដាស្ថានទូតខ្មែរ
- កម្មករ២នាក់ក្នុងចំណោម២៣នាក់ត្រូវបានដោះលែងឲ្យនៅក្រៅឃុំបណ្ដោះអាសន្ន
- សមត្ថកិច្ចកម្ពុជាបដិសេធសហការជាមួយមេធាវីអន្តរជាតិករណីនៅផ្លូវវ៉េងស្រេង
- តុលាការក្រុងភ្នំពេញដោះលែងកម្មករ២នាក់ឲ្យនៅក្រៅឃុំបណ្ដោះអាសន្ន
- ប្រធានពន្ធនាគារខេត្តបាត់ដំបងរងការចោទថារារាំងមេធាវីចូលជួបកូនក្ដី
release 21 people and do arrest Kheng chyto , bun sreng, … who are shoots the workers OK
អបអរសាទរយ៉ាងក្រៃលែង! ជ័យោ នីតិរដ្ឋ ! ជ័យោ រដ្ឋធម្មនុញ្ញនៃព្រះរាជាណាចក្រកម្ពុជា! ចូលរួមទាំងអស់គ្នា លុបបំបាត់និទណ្ឌភាព!
វាត្រូវតែអញ្ចឹង។ ត្រឹមត្រូវណាស់ ! សមត្ថកិច្ចចាប់ឃាត់តែពួកក្រុមអនាធិបតេយ្យ ទេ។ បើមិនចង់ឲ្យគេចាប់ ចូរកុំទៅចូលរួមក្នុងជួរពួកអនាធិបតេយ្យ!
ម៉េចក្នុងក្រុមអនាធិបតេយ្យ ផ្លុំកញ្ចែរបញ្ជាកម្លាំងវាយប្រហារ ដូចឪខ្លាធំ ឬ ? ដល់ចូលគុក បែរជាថា សុទ្ធតែជាកូនឈ្លូស ឬយ៉ាងម៉េច?
កុំដោះខ្លួន
អ្នកនិយាយថារដ្ឋាភិបាលត្រូវ ខ្ញុំសូមនិយាយថាអ្នកនោះពិតជាគ្មានភ្នែក និងគ្មានខួរក្បាលគិតទេ។
បើប្រទេប្រជាធិបតេយ្យមែន គេក៏ត្រូវចាប់អ្នកបាញ់គេស្លាប់ដាក់គុកដែរ។ ចុះហេតុអីពេលនេះអ្នកញុះញង់ជាប់គុក អ្នកបាញ់គេស្លាប់បែជានៅរស់ដោយសម្បាយវិញ? នេះរឺការដឹកនាំដ៏ឈ្លាសវៃរបស់សម្តេចនោះ?
បើដោះលែងមានន័យថាសម រង្ស៊ី កឹម សុខា
ដែលជាអ្នកញុះញង់ឲ្យកម្មករធ្វើបាតុកម្ម ត្រូវបានលាងខ្លួនស្អាតធេង។ឯសម រង្ស៊ី កឹម សុខា
ដាក់ពាក្យប្ដឹងទៅតុលាការព្រហ្មទណ្ឌអន្តរជាតិ(យើងមិនដឹងថាពិតជាប្ដឹងឬអត់ព្រោះគាត់ក្រឡិច
ក្រឡុចពេក)។ដូច្នេះចង់ឬមិនចង់អ្នកទាំង២១នាកត្រូវតែនៅជាចំណាប់ខ្មាំង ដើម្បីជាផ្លូវក្រោយ
សម្រាប់ចាត់ការសម រង្ស៊ី កឹម សុខា និងមេៗដែលជាអ្នកញុះញង់ឲ្យទៅបាតុកម្ម។អ្វីដែលខ្លោចចិត្ត
នោះគឺអ្នកទាំង២១នាក់ដែលបណ្ដោយខ្លួនឲ្យក្លាយទៅជាសន្លឹកបៀររបស់គណបក្សធំទាំង២។
ចំណងនេះនរណាអ្នកចង អ្នកនោះត្រូវចេញមុខស្រាយ។នៅថ្ងៃខាងមុខបើពលរដ្ឋ កម្មករនៅតែគាំ
ទ្រគណបក្សនយោបាយណាដែលធ្វើនយោបាយឆ្លៀតឱកាស យកឈ្នះយកចាញ់ រកខុសរកត្រូវ
ដូចគណបក្សសង្គ្រោះជាតិសព្វថ្ងៃ បងប្អូនងាយនឹងក្លាយទៅជាសន្លឹកបៀររបស់គេយ៉ាងងាយស្រួល
បំផុត។មិនចូលរួមនយោបាយជាកំហុសមួយ ។ចូលរួមទាំងងងិតងងល់ក៏ជាកំហុសមួយដែរ។
សូមពិចារណារកឲ្យឃើញពីគណបក្សនយោបាយណាមួយដែលធ្វើនយោបាយសមស្រប
នឹងស្ថានការណ៍ស្រុកទេសរបស់យើង ហើយចូលរួមទាំងអស់គ្នាទើបយើងអាចនាំជាតិយើង
ទៅដល់គោលដៅបាន៕
ថាមែន,មែន! បើនិយាយ ដៃមិនកាន់ព្រនង់ មិនបាច់និយាយជាមួយពួកហ្នឹងក៏បានដែ។ទុកពេលយំ សោករៀបរាប់រឿងកំសត់ រឿងអយុត្តិធម៌ប្រាប់គ្នា ប្រាប់ញ្ញាត្តិមិត្តដែលមាននិស្ស័យនឹងគ្នាវិញល្អជាង ព្រោះ1) វាបានលំហែចិត្ត 2)វាបានផ្សព្វផ្សាយអំពើអាក្រក់របស់ពួកបិសាចឧ្យគ្នាយើងបានដឹង ទុកជាកុសលដល់ថ្ងៃបោះឆ្នោត។
អ្នកណាម្នាក់ ដែលហ៊ានធានាថា ពួកនេះគ្មានកំហុស? អ្នកធានានោះគឺមេក្រុមអនាធិបតេយ្យ។
ដឹងទេថា នៅពេលរដ្ឋាភិបាល សួរទៅមេបក្ស CNRP ពីបញ្ហាអនាធិបតេយ្យ , ពួកនោះថា អ្នករួមបាតុកម្មរបស់បក្សខ្លួន ពុំមានអ្នកធ្វើសកម្មភាពអនាធិបតេយ្យដូចនេះទេ ថែមទាំងបានសុំឲ្យរដ្ឋាភិបាលទទួលខុសត្រូវ។
ពេលនេះ រដ្ឋាភិបាលបានទទួលខុសត្រូវហើយ ដើម្បីស្ថេរភាព និងសន្តិសុខសង្គម ធ្វើឲ្យប្រជាពលរដ្ឋរាប់លាននាក់ក្នុងប្រទេស និងក្នុងរាជធានី ក្រុង មានជីវភាពល្អ សុខសប្បាយ ដូចពេលនេះ។
，，，，，，， សូមយល់ស្រប ， ដានី ， និយាយ គឺ ជា ការ ពិត ， !
ជាការងាស្រួលបំផុតបើចង់ដោះលែងអ្នកចាប់ចោទទាំង២១អ្នកគឹដោះដូរគ្នាទៅគឹយកមេញុះញុំង
គឹលោក សម រង្សុី លោក គឹម សុខា និង លោក រុ៉ង ឈុន ព្រមទាំងក្រុមសហជិពទាំង១៨អ្នកទៀតហើយសុំកាអនុញាតពីតុលាកាពួគខ្ញុំសុំដោះដូរដោយអោយអ្នកទោសទាំង២១អ្នករួចខ្លួនហើយពួគខ្ញុំទាំង២១នាក់សុកចិត្តសុកាយព្រមចូលក្ន្ុងមន្ទីឃុំឃាំងដើម្បីជាថ្នូលសូមលោកចៅក្រមមេត្តាអនុញាតដល់ពួគខ្ញុំបាតផង។