ដោយ៖ ស៊ុន ណារិន
ថ្ងៃសុក្រ ទី14 ខែកុម្ភៈ ឆ្នាំ2014
http://vodhotnews.com
ស្រ្តីម្នាក់ដែលរងរបួស នៅពេលសមត្ថកិច្ចបង្រ្កាបនៅព្រឹកថ្ងៃសុក្រនេះ/រូបថតពី លោក មឿន តុលា
មន្ត្រីសិទ្ធិមនុស្ស ឲ្យដឹងថា យ៉ាងហោចណាស់ប្រជាសហគមន៍អ្នកបុរីកីឡា៤នាក់ រងរបួសនៅព្រឹកថ្ងៃសុក្រនេះ ដោយសារការបង្ក្រាបរបស់កម្លាំងសមត្ថកិច្ច នៅពេលពលរដ្ឋ ព្យាយាមមិនចេញពីអគារនៅតំបន់បុរីកីឡា។
ប្រធានផ្នែកសិទ្ធិការងារនៃមជ្ឈមណ្ឌលអប់រំច្បាប់សម្រាប់សហគមន៍លោកមឿន តុលា មានប្រសាសន៍ថាយ៉ាងតិចស្ត្រីបុរីកីឡា៤នាក់ រងរបួស ខណៈពួកគេ ត្រូវបានបណ្តេញចេញយ៉ាងហិង្សាពីអគារបុរីកីឡា ដែលកំពុងសាងសង់។
អ្នករងរបួស ត្រូវបានអង្គការលីកាដូ យកទៅពិនិត្យ និងព្យាបាល។ បន្ទាប់ពីបណ្តេញអ្នកបុរីកីឡា សមត្ថកិច្ចរាប់សិបនាក់ ចាប់ផ្តើមឡោមព័ទ្ធរបងនៅតាមច្រក កុំឲ្យពលរដ្ឋចូលទៅក្នុងអគារ។
ប្រជាសហគមន៍បុរីកីឡា កាលពីថ្ងៃព្រហស្បតិ៍ ប្រកាសថា ពួកគេប្តេជ្ញាបន្តកាន់កាប់អាគារទី៩ ស្ថិតនៅសង្កាត់វាលវង់ ខណ្ឌ៧មករា បើទោះជាមានការរាំងពីសមត្ថកិច្ចក៏ដោយ។
(ស្រ្តីនៅសហគមន៍បុរីកីឡាម្នាក់ទៀត រងរបួស/រូបថតពីលោក មឿន តុលា)
ការអះអាងនេះ ធ្វើឡើងបន្ទាប់ពីតំណាងប្រជាសហគមន៍ចំនួន១២នាក់ ត្រូវបានអនុញាតិឲ្យចូលទៅជួបអភិបាលរាជធានីភ្នំពេញ លោក ប៉ា សុជាតិវង្ស កាលពីម្សិលមិញ។
សហគមន៍បុរីកីឡា មានជម្លោះដីធ្លីជាមួយក្រុមហ៊ុនផានអ៊ីម៉ិច ជាច្រើនឆ្នាំមកហើយ ដោយខាងក្រុមហ៊ុនផានអ៊ីម៉ិច បានសន្យាថានឹងសាងសង់អាគារចំនួន១០ សម្រាប់ជាថ្នូរនឹងការយកដីតំបន់បុរីកីឡាទៅអភិវឌ្ឍន៍ ប៉ុន្តែក្រុមហ៊ុននេះ សង់បានតែ ៨អាគារ ជាហេតុនាំឲ្យពលរដ្ឋដែលមិនទទួលបានសំណង ផ្ទុះការតវ៉ា រហូតមកដល់បច្ចុប្បន្ននេះ៕
សរសេរមកកាន់ លោក ស៊ុន ណារិន តាមរយៈsun_narin@vodhotnews.com
រដ្ឋាភិបាលមានអាថកំបាំងអ្វី ជាមួយក្រុមហ៊ុនផានអីមិុចនោះ បានជាមិនព្រមដោះស្រាយ អោយរួចទៅ សន្យាសាងសង់អាគារ១០ខ្នង សាង១០ខ្នងអោយរួចទៅវាចប់ គ្មានអីតវ៉ាទៀត គ្រាន់តែប៉ុណ្ណឹង ដោះស្រាយមិនចេញធ្វើអីផ្សេងទៀតម៉េចកើតទៅ។
គ្មានចេះអ្វីក្រៅពីប្រើហិង្សា បង្រ្កាប ចាប់ចង ដាក់គុកច្រវាក់នោះទេ…! រដ្ឋាភិបាលចោរ ឬរដ្ឋាភិបាលទេវត្ត ចេះតែបុ៉ណ្ណឹង…?
Cambodian government is very good at killing , fighting, suppressing compatriot without pity, this is communist leading for 30 year and wonderful strategy after meeting with pouk a youn already. a dog a dog dog hun sen!