Posts by DTN7
February 16, 2014
ព្រះរាជាណាចក្រកម្ពុជាទី២ ដែលគ្រប់គ្រងអំណាចដោយគណបក្សប្រជាជនកម្ពុជា ជាពិសេសសម្តេចអគ្គមហាសេនាបតីតេជោ បណ្ឌិតសភាចារ្យ ហ៊ុន សែន ហៅបុរសខ្លាំង ជានាយករដ្ឋមន្ត្រីរដ្ឋមន្ត្រីដ៏មានអំណាច មានឋានន្តរស័ក្តិថ្នាក់នាយឧត្តមសេនីយ៍ផុតលេខផ្កាយមាស៥ នៃកងយោធពលខេមរភូមិន្ទចំនួន៣នាក់គត់ ដែលជាថ្នាក់ដឹកនាំកំពូលគណបក្សប្រជាជនកម្ពុជាតែម្តង គឺ ៖
១-សម្តេចអគ្គមហាពញាចក្រី ហេង សំរិន ប្រធានកិត្តិយសគណបក្សប្រជាជនកម្ពុជា និងជាប្រធានរដ្ឋសភានីតិកាលទី៥បច្ចុប្បន្ន (ដំឡើងឋានន្តរស័ក្តិដោយព្រះរាជក្រឹត្យលេខនស/រកត/១២០៩/១១៨៧ ចុះថ្ងៃទី២១ ខែធ្នូ ឆ្នាំ២០០៩) ។
២-សម្តេចអគ្គមហាធម្មពោធិសាល ជា ស៊ីម ប្រធានគណបក្សប្រជាជនកម្ពុជា និងជាប្រធានព្រឹទ្ធសភានីតិកាលទី៣បច្ចុប្បន្ន (ដំឡើងឋានន្តរស័ក្តិដោយព្រះរាជក្រឹត្យលេខនស/រកត/១២០៩/១១៨៨ ចុះថ្ងៃទី២១ ខែធ្នូ ឆ្នាំ២០០៩) ។
៣-សម្តេចអគ្គមហាសេនាបតីតេជោ ហ៊ុន សែន អនុប្រធានគណបក្សប្រជាជនកម្ពុជា និងជានាយករដ្ឋមន្ត្រីរយៈពេលជាង២០ឆ្នាំទល់បច្ចុប្បន្ន (ដំឡើងឋានន្តរស័ក្តិដោយព្រះរាជក្រឹត្យលេខនស/រកត/១២០៩/១១៨៩ ចុះថ្ងៃទី២១ ខែធ្នូ ឆ្នាំ២០០៩) ។
គិតត្រឹមដើមខែកុម្ភៈឆ្នាំ២០១៤កន្លងទៅថ្មីៗនេះ ពោលគឺរយៈពេលប្រមាណតែជាង២ខែ ចាប់ពីកកើតរាជរដ្ឋាភិបាលនីតិកាលទី៥នៃរដ្ឋសភាគណបក្សប្រជាជនកម្ពុជា មាននាយទាហានជាន់ខ្ពស់នៃកងយោធពលខេមរភូមិន្ទចំនួន២៩នាក់ និងនាយនគរបាលជាតិជាន់ខ្ពស់ក្រសួងមហាផ្ទៃចំនួន៧នាក់ ត្រូវបានដំឡើងឋានន្តរស័ក្តិថ្នាក់នាយឧត្តមសេនីយ៍ (ផ្កាយ៤) ជាហេតុធ្វើឲ្យព្រះរាជាណាចក្រកម្ពុជាទី២ មាននាយឧត្តមសេនីយ៍ចំនួនសរុបជាង៧០នាក់ ខណៈដែលថ្នាក់ឧត្តមសេនីយ៍ឯក(ផ្កាយ៣) ឧត្តមសេនីយ៍ទោ(ផ្កាយ២) និងឧត្តមសេនីយ៍ត្រី(ផ្កាយ១) បូកសរុបចូលគ្នា គឺមានចំនួនដល់ទៅរាប់ពាន់នាក់ឯណោះ ។
កាលពីថ្ងៃទី០៩ ខែធ្នូ ឆ្នាំ២០១៣ មាននាយនគរបាលថ្នាក់ឧត្តមសេនីយ៍ចំនួន៧០នាក់ ក្របខ័ណ្ឌមន្ត្រីនគរបាលជាតិកម្ពុជា (ក្នុងនោះឧត្តមសេនីយ៍ឯកចំនួន៩នាក់, ឧត្តមសេនីយ៍ទោចំនួន២០នាក់ និងឧត្តមសេនីយ៍ត្រីចំនួន៤១នាក់) ត្រូវបានដាក់ឲ្យចូលនិវត្តន៍ ប៉ុន្តែមានឧត្តមសេនីយ៍មួយចំនួនដែលចូលនិវត្តន៍នេះត្រូវបានតែងតាំងឲ្យធ្វើជាទីប្រឹក្សាក្រសួងមហាផ្ទៃផងដែរ ។
មជ្ឈដ្ឋានអ្នកវិភាគកិច្ចការសង្គមនៅកម្ពុជា បានលើកឡើងថា ការណ៍ដែលព្រះរាជាណាចក្រកម្ពុជាទី២មានផ្ទៃដីតូច និងមានប្រជាជនតិច ប៉ុន្តែបែរមាននាយទាហាន និងនាយនគរបាលថ្នាក់ឧត្តមសេនីយ៍(ពាក់ផ្កាយ)ច្រើនព្រោងព្រាតបែបនេះ គឺកើតចេញពីសិល្បៈនៃការលើកទឹកចិត្តដល់នាយទាហាន នាយនគរបាលទាំងនោះ ដែលដង្ហែតាមសម្តេចអគ្គមហាសេនាបតីតេជោ នាយឧត្តមសេនីយ៍ផុតលេខផ្កាយមាស៥ បណ្ឌិតសភាចារ្យ ហ៊ុន សែន ហៅបុរសខ្លាំង ជានាយករដ្ឋមន្ត្រី តាមរយៈការដំឡើងកាំប្រាក់បៀវត្សរ៍ និងប្រាក់សោធននិវត្តន៍ គិតតាមចំនួនផ្កាយប៉ុណ្ណោះ ។ ផ្ទុយទៅវិញ វាមិនតុល្យភាពទៅនឹងប្រសិទ្ធភាពនៃការងារការពារជាតិ និងការងារថែរក្សាសន្តិសុខសណ្តាប់ធ្នាប់សង្គមអ្វីឡើយ ខណៈដែលថវិកាជាតិត្រូវចំណាយចេះតែកើនឡើងជាលំដាប់ និងលើសពីនេះ វាក៏អាចធ្វើឲ្យតម្លៃឋានន្តរស័ក្តិថ្នាក់ឧត្តមសេនីយ៍ឈានទៅធ្លាក់ក្នុងសភាពអាប់ឱន និងអតិផរណាថែមទៀតផង ៕
អង្គុយតែប្រថាប់ត្រាស្រួលដែរ បើមិនធ្វើ ស្រួលមិនស្រួលបាត់វាំងតែអីឡូវហ្នឹង។
， 。 ព្រះមហាក្សត្រ បើមិនធ្វើតាម ហ៊ុន សែន ច្បាស់ជា ខានបានសោយរាជ្យ !
គេមិនគិតអំពីតុល្យភាពទៅនឹងប្រសិទ្វិភាពនៃការងាការពារជាតិទេគឺគេគិត
តុល្យភាពអំណាចដើម្បីបំរើមនុស្សតែម្នាក់ឬមួយគ្រូសារតែប៉ុណ្ណោះ។
អញ្ចឹងសោះទើបប្រាក់ខែកម្មករ គ្រូបង្រៀន មន្ត្រីរាជការតូចតាច ដំឡើងមិនរួច ។ តើទ្រឹមត្រូវទេ
ប្រិយមិត្ត ?
កុំបបួលគ្នាភ្លើរពេកហ៊ុនសែនមិនដែលខ្វល់ពីស្ថាបន័ណាក្រៅពីស្ថាបន័កងកំលាំងប្រដាប់អាវុធនោះ ទេព្រោះកងកំលាំងប្រដាប់អាវុធនេះហើយដែលជួយការពារអំណាចហ៊ុនសែនដ៍មានប្រសិទ្ធភាព។ ដូច្នេះហ៊ុនសែនត្រូវតែយកចិត្តពួកនេះបើមាននណាចង់បានឡើងសគ្គ័គឺតម្លើងបានភ្លាមដើម្បីបំពេញ ចិត្តហើយបំរើស្មោះស្មគ្គ័ចំពោះហ៊ុនសែន។ ដូច្នេះការយកចិត្តទុកដាក់លើកងកំលាំងប្រដាប់អាវុធមាន សារះសំខាន់ណាស់ព្រោះជាជញ្ជាំងដ៍រឹងមុំាសម្រាប់ទប់អំណាចឲ្យហ៊ុនសែន ហើយចង់ស្ថាបន័ណា រលំអីរលំទៅមិនខ្វល់នោះទេ ដូចជាមកដល់ពេលនេះមានតែស្ថាបន័កងកំលាំងប្រដាប់អាវុធទេដែល បានបើកប្រាក់ខែមករា ចំពោះស្ថាបន័ផ្សេងមិនទាន់បានបើកប្រាក់នោះទេ។
ឧត្តមសេនីយផ្កាយចោរ៥!!!
ហេតុតែវង្វេងវាលបីមានសក្តិគ្មានយស!!!