ដោយ៖ ណាត សុភាព និង ស៊ុន ណារិន
ថ្ងៃពុធ ទី5 ខែមិនា ឆ្នាំ2014
http://vodhotnews.com
សន្តិសុខនៅខាងមុខសាលារាជធានីភ្នំពេញ នៅព្រឹកថ្ងៃពុធនេះ ត្រូវបានរឹតបន្តឹង (រូបថតដោយណាត សុភាព)
ស្ត្រីអតីតអ្នកបឹងកក់៣នាក់ ត្រូវបានចាប់ខ្លួននៅព្រឹកថ្ងៃពុធនេះ ខណៈពួកគាត់ជាង១០នាក់ បានប្រមូលផ្តុំនៅខាងមុខសាលារាជធានីភ្នំពេញ ដើម្បីសុំឲ្យមានដំណោះស្រាយរឿងដីធ្លី។
អ្នកស្រី ស៊ា ណារ៉េត អាយុ៥៦ឆ្នាំ ដែលត្រូវបានចាប់ខ្លួន មានប្រសាសន៍ពីលើរថយន្តថា អ្នកស្រី និងស្ត្រី២នាក់ទៀត ត្រូវបានចាប់ខ្លួននៅម៉ោងជាង៨ព្រឹក និងកំពុងត្រូវបានបញ្ជូនទៅស្នងការដ្ឋាននគរបាលរាជធានីភ្នំពេញ។ អ្នកស្រីបន្តថា អ្នកស្រីមិនបានធ្វើសកម្មភាពអ្វីទេ តែសមត្ថកិច្ចបានចាប់ខ្លួនពួកគាត់។ឧគ្ឃោសនស័ព្ទមួយរបស់ប្រជាសហគមន៍ ត្រូវបានសមត្ថកិច្ច ចាប់យកពេលពួកគាត់តវ៉ា។
អតីតអ្នកបឹកកក់ សង្កាត់ស្រះចក ខណ្ឌដូនពេញ រាជធានីភ្នំពេញ ទទួលបានសំណង ៨ពាន់ដុល្លារ និង២លានរៀល ជាសំណងដែលប្រជាពលរដ្ឋអតីតបឹងកក់ ព្រមទទួលយកដោយបង្ខំចិត្ត ក្រោយពេល ក្រុមហ៊ុនបូមខ្សាច់ពន្លិចផ្ទះសម្បែងពួកគាត់ ក្នុងតំបន់អភិវឌ្ឍន៍បឹងកក់៕