ដោយ៖ ពៅ មេត្តា
ថ្ងៃអាទិត្យ ទី15 មិថុនា 2014
http://vodhotnews.com
ពលករខ្មែរដែលរដ្ឋាភិបាលយោធាថៃចាប់បញ្ជូនមកកម្ពុជាវិញ ៧នាក់ស្លាប់ និង១៦នាក់រងរបួស នៅពេលរថយន្តដឹកជញ្ជូនបែកកង់រួចក្រឡាប់ នៅស្រុក រ៉ាតចាសាន ខេត្តឆាក់ឈើង សៅ កាលពីយប់ថ្ងៃសៅរ៍។
សារព័ត៌មានបាងកកប៉ុស្តិ៍របស់ថៃ ចុះផ្សាយថា គ្រោះថ្នាក់ចរាចរណ៍នោះកើតឡើងនៅម៉ោង១១ និង៣០នាទីយប់។ រថយន្តនោះបានដឹងពលករខ្មែរភៀសខ្លួនមកកាន់ព្រំដែនកម្ពុជា បន្ទាប់ពីទទួលព័ត៌មានថា ក្រុមប្រឹក្សាសន្តិសុខជាតិដើម្បីសន្តិភាព និងសណ្តាប់ធ្នាប់ចាត់វិធានការផ្លូវច្បាប់ចំពោះពលករដែលទៅការខុសច្បាប់ក្នុងទឹកដីថៃ។
នៅប៉ុន្មានជិត១០ថ្ងៃមកនេះ រដ្ឋាភិបាលយោធាថៃ បានដឹកពលករខ្មែរដែលទៅធ្វើការខុសច្បាប់ នៅលើទឹកដីថៃ មកកម្ពុជាវិញតាមច្រកប៉ោយប៉ែតទាំងយប់ទាំងថ្ងៃ។ គិតត្រឹមថ្ងៃអាទិត្យនេះ ចំនួនពលករខ្មែរដែលថៃចាប់បញ្ជូនមកមានជាង១០ម៉ឺននាក់។
សរសេរមកកាន់លោក ពៅ មេត្តា តាមរយៈ minpov@vodhotnews.com