ដោយ៖ បូ សាវី
ថ្ងៃអង្គារ ទី17 មិថុនា 2014
http://vodhotnews.com
ក្នុងរយៈពេលប្រមាណ១០ថ្ងៃមកនេះ គេសង្កេតឃើញមានរថយន្ដរាប់រយគ្រឿងរបស់អាជ្ញាធរខ្មែរ ចាំដឹកបន្តទៅកាន់ស្រុកកំណើតនៅតាមបណ្ដាខេត្ដរៀងខ្លួន ចំពោះពលករខ្មែរ ដែលត្រូវបានរដ្ឋាភិបាលយោធាថៃចាប់ដឹកមកទម្លាក់ចោលនៅច្រកព្រំដែន។
រហូតដល់ម៉ោងជាង១២រំលងអធ្រាត្រទៅហើយ គេនៅតែឃើញពលករខ្មែររាប់រយនាក់បន្តដំណើរចេញពីប្រទេសថៃ ចូលមកកម្ពុជាជាបន្ដបន្ទាប់។ ពួកគេខ្លះបានទៅរកកន្លែងស្នាក់នៅតាមផ្សារ និងមួយចំនួនទៀតអង្គុយ និងដេកក្បែររង្វង់មូលច្រកព្រំដែនអន្តរជាតិប៉ោយប៉ែត។
ពលករ ឲ្យដឹងថា កាលពីធ្វើចំណាកស្រុកខុសច្បាប់ ពួកគេបានបង់លុយឲ្យមេខ្យល់តាមច្រករបៀង នៅតំបន់ក្រុងប៉ោយប៉ែត និងច្រកជាច្រើនទៀត ចាប់ពី២៥០០បាតឡើងទៅ។ តែពេលមកដល់ខ្មែរវិញ ពួកគេជួបទុក្ខវេទនាម្តងទៀត ដោយសារមិនមានប្រាក់គ្រប់គ្រាន់ ដើម្បីត្រឡប់ទៅជួបជុំក្រុមគ្រួសារ ព្រោះតែពួកគាត់ភាគច្រើនមិនទាន់បានបើកប្រាក់ឈ្នួលគ្រប់ចំនួន ពីថៅកែនៅថៃ។ ពួកគេអះអាង ដោយសារភ័យខ្លាចយោធាថៃចាប់ និងបង្ខំឲ្យវិលមកស្រុកកំណើតវិញ ថៅកែថៃ បានឆ្លៀតឱកាសនេះ មិនបើកប្រាក់ឈ្នួលឲ្យពួកគេគ្រប់ចំនួនទេ ឬមិនបើឲ្យទាំងអស់តែម្តង។
កំពុងអង្គុយលើគំនរសំរាមចាំរថយន្ដដឹកបន្ដទៅស្រុក នៅឯខេត្ដពោធិ៍សាត់ លោក រិទ្ធី ដែន ប្រាប់ VOD ថា លោកមានសមាជិកចំនួន៥នាក់ បានធ្វើការនៅប្រទេសថៃជាង១០ឆ្នាំមកហើយ។ បុរសវ័យជាង៤០ឆ្នាំរូបនេះ បន្តថា ពួកគេធ្វើជាកម្មករសំណង់ទទួលបានប្រាក់ឈ្នួល មួយថ្ងៃ៥០០បាត។ ប៉ុន្ដែប្រាក់កម្រៃនេះ មិនទាន់បានបើកនៅឡើយ ដោយសារតែក្រុមលោកលួចរត់ចេញពីកន្លែងការងារទាំងកណ្ដាលរាត្រី បន្ទាប់ពីថៅកែគំរាម និងឲ្យលុយ១០០០បាតសម្រាប់ទិញម្ហូប។ លោកថា ការងារជាពលករចំណាកស្រុកនៅក្រៅប្រទេស ត្រូវបានគេមើលងាយដូចទាសករ។ ពលកររូបនោះបន្ដថា នៅពេលមកដល់ទឹកដីខ្មែរវិញ លោក និងភរិយានៅសល់លុយជាប់នឹងខ្លួនមិនដល់មួយពាន់រៀលទេ បន្ទាប់ពីបង់ឲ្យសមត្ថកិច្ចថៃតាមផ្លូវរួច។
ក្រុមអង្គការសង្គមស៊ីវិលដែលធ្វើការលើវិស័យពលករ បានរិះគន់ទៅលើការដឹកជញ្ជូនពលករខ្មែរខុសច្បាប់ពីប្រទេសថៃ មកកម្ពុជានាពេលនេះ បង្ហាញពីការរំលោភសិទ្ធិមនុស្សធ្ងន់ធ្ងរ ហើយក៏បានបង្ហាញពីភាពអាម៉ាសរបស់ប្រទេសកម្ពុជាផងដែរ។ ជាមួយគ្នានោះដែរ រដ្ឋាភិបាលកម្ពុជាក៏បានចេញលិខិតមួយ ហៅការចាប់បញ្ជូនពលករខុសច្បាប់របស់យោធាថៃមកកម្ពុជានេះថា ធ្វើឡើងដោយតក់ក្រហល់ មិនមានសុវត្ថិភាព និងជាទង្វើអមនុស្សធម៌។
យ៉ាងណាក៏ដោយ ពលករបានឲ្យដឹងដូចៗគ្នាថា ពួកគាត់ធ្វើការនៅប្រទេសថៃ ទទួលបានប្រាក់កម្រៃអាចផ្គត់ផ្គង់ជីវភាពបានមួយកម្រិត បើទោះបីរស់នៅទីនោះមានការលំបាក និងភ័យខ្លាចអាជ្ញាធរថៃចាប់ដាក់ទោស ដោយសាររតែខ្លួនជាជនអន្ដោប្រវេសន៍ខុសច្បាប់ក្ដី។ ពលករឲ្យដឹងទៀតថា ពួកគេមិនចង់ឲ្យធ្វើជនចំណាកស្រុកខុសច្បាប់នោះទេ។ ប៉ុន្ដែដោយសារជីវភាពគ្រួសារ គួបផ្សំ នឹងកម្រៃការងារនៅក្នុងស្រុក មិនអាចដោះបំណុលធនាគារបានទើបពួកគេភាគច្រើនបង្ខំចិត្តទៅរកការងារធ្វើនៅថៃ។
អាជ្ញាធរខ្មែរ ឲ្យដឹងថា ពលករខ្មែរខុសច្បាប់ ដែលអាជ្ញាធរថៃដឹកបញ្ជូនមកប្រគល់ឲ្យអាជ្ញាធរកម្ពុជា ចាប់ពីថ្ងៃទី៦ដល់ថ្ងៃ១៧ខែមិថុនានេះ នៅតាមច្រកព្រំដែនជាប់ព្រំប្រទល់កម្ពុជា-ថៃ មានចំនួនប្រហែលជិត២០ម៉ឺននាក់។
ក្រសួងការងារ និងបណ្ដុះបណ្ដាលវិជ្ជាជីវៈ បានរៀបចំកន្លែងផ្តល់ព័ត៌មានចល័តចំនួន៣៨គ្រឹះស្ថាននៅតាមបណ្ដារាជធានី-ខេត្ដ សម្រាប់បណ្ដុះបណ្ដាលបច្ចេកទេស និងវិជ្ជាជីវៈដល់ពលករដែលទើបនឹងត្រឡប់មកពីប្រទេសថៃ ដើម្បីឲ្យពួកគេមានជំនាញពិតប្រាកដ។ សេចក្ដីជូនដំណឹងរបស់ក្រសួងការងារឲ្យដឹងថា វគ្គបណ្ដុះបណ្ដាលបច្ចេកទេស និងវិជ្ជាជីវៈនេះ មានរយៈពេលចាប់ពីមួយសប្ដាហ៍ដល់៤ខែ លើជំនាញផ្នែកឧស្សាហកម្ម បច្ចេកទេស សិប្បកម្ម សេវាកម្ម ទេសចរណ៍ និងកសិកម្មជាដើម។
យ៉ាងនេះក្តី ពលករខ្មែរភាគច្រើនទៅថៃធ្វើជាកម្មករសំណង់ ប៉ុន្តែនៅពេលដល់ស្រុកកំណើតវិញពួកគេព្រួយបារម្ភ ខ្លាចអត់ការងារធ្វើ និងមិនអាចរកប្រាក់កម្រៃបានដូចនៅថៃ។
អភិបាលខេត្ដបន្ទាយមានជ័យ លោក គោ ស៊ុំសារឿត ធ្លាប់ប្រាប់ VOD ថា រដ្ឋាភិបាលកម្ពុជាបានពង្រីកប្រព័ន្ធសេដ្ឋកិច្ចជាច្រើនកន្លែង ដើម្បីឲ្យពលរដ្ឋមានការងារធ្វើនៅក្នុងប្រទេស ប៉ុន្ដែលោកទទួលស្គាល់ថា ប្រាក់កម្រៃមិនស្មើនឹងប្រទេសជិតខាងនោះទេ។
អ្នកសម្របសម្រួល សមាគមការពារសិទ្ធិមនុស្សអាដហុក ខេត្ដបន្ទាយមានជ័យ យល់ថា ពលករទាំងនោះអាចប្រឈមនឹងអត់ការងារធ្វើ ខណៈដែលរដ្ឋាភិបាលកម្ពុជាបានផ្ដល់ដីសម្បទានសេដ្ឋកិច្ចដល់ក្រុមហ៊ុនប៉ះពាល់ដល់ដីធ្លីរបស់កសិករខ្មែរ។ លោកបន្ដថា ពលរដ្ឋ៨៥%ជាកសិករ ហើយរដ្ឋាភិបាលគួរផ្ដល់ដីសម្បទានសង្គមកិច្ច ឬជួលដីកសិកម្ម ដើម្បីបង្កបង្កើនផល និងជួយរកទីផ្សារលក់ផលិតផលកសិកម្មឲ្យបានគ្រប់គ្រាន់។
ត្រឡប់មករកពលករចំណាកស្រុកទាំងនោះវិញ បន្ទាប់ពីមកដល់ស្រុកកំណើតវិញហើយនោះ ពួកគេបារម្ភគ្មានការងារធ្វើនៅក្នុងស្រុក ឬការងារដែលរកបាន គឺមានតម្លៃឈ្នួលតិចជាងនៅប្រទេសថៃ៕
សូមសរសេរមកលោក បូ សាវី តាមរយៈ savy@vodhotnews.com
មើលទៅមុខរបស់ ah ឆ្កែ ka- ចាស់ ហ៊ុន សែន យូរ tov ដូចជាសត្វឆ្កែ, ស្លេក, herm, មាត់ veach ភ្នែក kvac ធ្មេញខូច bak ដែលជានិមិត្តសញ្ញានៃការ vi-neass un-dor-ri-tien ngoab tai-hong ,
pous ធំ, ស្បែកខ្មៅទាំងអស់, chea ជនក្បត់, ព្រៃផ្សៃ, chareuk- toak- tiep
Kadouy mer ah ckhher sam-re ot-om-noy-tien
-គ្រួសាររបស់ vea ទាំងអស់ដូចគ្នា
-mi cho –kadouy ធំ ta pork prouk ប៊ុនរ៉ានី មុខមើលទៅដូច សត្វចម្លែក , khmouch- chhao, toc-ka-ta
=========================
share from friend Facebook
អាខ្វាក់វាស្មានថាយួន លើកតំកើនពូជវា … តាមពិតយួនធ្វើដើម្បី លេបទឹកដីខ្មែរ អោយបាន១០០% ហើយវានឹងសម្លាប់ អាពូជក្បត់ជាតិ អាខ្វាក់ហ៊ុនសែនអោយអស់ …
ព្រោះយួនវាស្អប់ណាស់ពូជអាក្បត់ជាតិ វាមិនទុក នាំចង្រៃទេ…