ដោយ ខែ សុណង
2014-06-17
RFA

ពលរដ្ឋ​​មាន​បញ្ហា​ដី​ឈរ​តវ៉ា​នៅ​ខាង​មុខ​ការដ្ឋាន​ក្រុមហ៊ុន​ចិន ក្នុង​ស្រុក​គីរីសាគរ ខេត្ត​កោះកុង ទាមទារ​សំណង និង​អ្នក​ខ្លះ​តវ៉ា​មិន​ទៅ​នៅ​កន្លែង​ថ្មី កាល​ពី​ថ្ងៃ​ទី​៥ ខែ​កុម្ភៈ ឆ្នាំ​២០១៤។ RFA/Tin Zakariya

តំណាង​ពលរដ្ឋ ១៥​គ្រួសារ ក្នុង​ចំណោម ២០​គ្រួសារ មក​ពី​ភូមិ​ចម្លងគោ ឃុំ​ថ្មស ស្រុក​បុទុមសាគរ ខេត្ត​កោះកុង បាន​នាំ​គ្នា​ទៅ​សាលា​ស្រុក ដាក់​លិខិត​សុំ​ឲ្យ​អភិបាល​ស្រុក​អន្តរាគមន៍​ដោះស្រាយ​សំណង​ដីធ្លី​របស់​ពួកគាត់​ដែល​ប៉ះពាល់​ដោយសារ​ការ​អភិវឌ្ឍ​របស់​ក្រុមហ៊ុន​ចិន ឈ្មោះ យូញៀន ឌីវែលឡុបមេន (Union Development)។

ពលរដ្ឋ​ម្នាក់​ក្នុង​ចំណោម​ពលរដ្ឋ ១៥​គ្រួសារ អ្នកស្រី ឃុន ផល្លា មាន​ប្រសាសន៍​នៅ​ថ្ងៃ​ទី​១៧ មិថុនា ថា ពួកគាត់​ដាក់​លិខិត​ស្នើ​សុំ​ឲ្យ​អភិបាល​ស្រុក លោក អន ភារៈ សម្របសម្រួល​ជាមួយ​ក្រុមហ៊ុន​នេះ ផ្ដល់​សំណង​ដល់​ពលរដ្ឋ​ចំពោះ​ការ​អភិវឌ្ឍ​របស់​ក្រុមហ៊ុន​ប៉ះពាល់​ដី​ស្រែ​និង​ផ្ទះ​របស់​ពួកគាត់​នៅ​ចំណុច​តាទែន និង​ព្រែក​ស្វាយ ស្ថិត​នៅ​ឃុំ​តានូន។

អ្នកស្រី​បន្ត​ថា ក្រុមហ៊ុន​នេះ​បាន​ឈូស​ឆាយ​ដី​ស្រែ​ចម្ការ និង​ផ្ទះ​ពលរដ្ឋ ហើយ​ហាម​មិន​ឲ្យ​ពលរដ្ឋ​ធ្វើ​ស្រែ​ចម្ការ​ឡើយ។ អ្នកស្រី​បញ្ជាក់​ថា ពួកគាត់​ធ្លាប់​បាន​ដាក់​លិខិត​ទៅ​គណៈកម្មការ​អន្តរក្រសួង​សុំ​ឆ្វៀល​ចំណុច​ដី​ប៉ះពាល់​នេះ​ទុក​ឲ្យ​ពលរដ្ឋ​តែ​គ្មាន​ដំណោះ​ស្រាយ។

មន្ត្រី​សង្គម​ស៊ីវិល​ឲ្យ​ដឹង​ថា ពលរដ្ឋ​ទាំង​នេះ អាជ្ញាធរ​កន្លង​មក​ធ្លាប់​បដិសេធ​មិន​ទទួល​ស្គាល់ ហើយ​ថា​ពួកគាត់​ជា​ពលរដ្ឋ​រស់នៅ​ក្រៅ​មូលដ្ឋាន។ កាល​ពី​ថ្ងៃ​ទី​១២ មិថុនា ក្រុមហ៊ុន​ចិន បាន​ប្រើ​កម្លាំង​ទាហាន​ប្រមាណ ៣០​នាក់​បណ្ដេញ​ពលរដ្ឋ​ដែល​កំពុង​ភ្ជួរ​ស្រែ​នៅ​លើ​ដី​ទំនាស់​នោះ។

នៅ​ចុង​សប្ដាហ៍​នេះ អ្នក​រាយការណ៍​ពិសេស​របស់​អង្គការ​សហប្រជាជាតិ​ទទួល​បន្ទុក​សិទ្ធិ​មនុស្ស​ប្រចាំ​នៅ​កម្ពុជា លោក សុរិយា ស៊ូប៊ែឌី (Surya Subedi) គ្រោង​នឹង​ចុះ​ទៅ​តំបន់​នោះ ដើម្បី​ពិនិត្យ​មើល​ស្ថានភាព​នៃ​ការ​ជម្លៀស​ពលរដ្ឋ​នេះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

អត្ថបទ​ដែល​ទាក់ទង

• អ្នក​ភូមិ​ព្រៃផ្ដៅ​សុំ​ឲ្យ​អាជ្ញាធរ​បើក​ផ្លូវ​លំ​ដែល​តុលាការ​ខេត្ត​តាកែវ​សម្រេច​ផ្ទេរ​ជា​ដី​ឯកជន
• ពលរដ្ឋ​នៅ​ស្វាយរៀង​ចោទ​អាជ្ញាធរ​ថា​ជីក​ប្រឡាយ​ប៉ះពាល់​ដី​និង​លំនៅឋាន
• តំណាង​ជនជាតិ​ដើម​ភាគ​តិច​ព្នង​ជិត​២០០​គ្រួសារ​នៅ​ក្រចេះ​តវ៉ា​ទំនាស់​ដីធ្លី​ដល់​ភ្នំពេញ
• អ្នក​បឹងកក់​ហៅ​ធនាគារ​ពិភពលោក​ថា​មាន​បាតដៃ​ប្រឡាក់​ឈាម
• ពលរដ្ឋ​នៅ​ស្រុក​មេមត់​គ្រោង​ដាក់​ញត្តិ​ជំរុញ​ឲ្យ​មន្ត្រី​រដ្ឋាភិបាល​ដោះស្រាយ​បញ្ហា​ដី
• សមត្ថកិច្ច​រុះរើ​ខ្ទម​និង​បំផ្លាញ​ដំណាំ​ពលរដ្ឋ​ចំណាក​ស្រុក​នៅ​មណ្ឌលគិរី
• ពលរដ្ឋ​១៤​គ្រួសារ​នៅ​កំពង់ស្ពឺ​ទាមទារ​ឲ្យ​ក្រុមហ៊ុន​ដក​កម្លាំង​ទាហាន​ចេញ​ពី​តំបន់​ដី​ជម្លោះ
• ជន​ជាប់​ចោទ​ពី​បទ​ប៉ុនប៉ង​បង្កើត​តំបន់​អបគមន៍​នៅ​ក្រចេះ​ភៀស​ខ្លួន​ទៅ​ប្រទេស​ហូល្លង់ដ៍
• របាយការណ៍៖ ក្រុមហ៊ុន​ឧកញ៉ា ទ្រី ភាព បង្ក​ផល​ប៉ះពាល់​ដី​ពលរដ្ឋ​៨៤​គ្រួសារ​នៅ​ពោធិ៍សាត់