Wed, 18 June 2014
សូ វុទ្ធី
ភ្នំពេញប៉ុស្តិ៍
ភ្នំពេញ: ទឹម រដ្ឋា បានទទួលស្គាល់ថា នាងនិងបុរសសម្បុរស្រដៀងខ្មែរ សម្បូររោមមុខ ប៉ាគីស្ថានឈ្មោះ ហ្សាក់គី (Zak Ky) ជាគូស្នេហ៍ផ្អែមល្ហែមនឹងគ្នា ប៉ុន្តែនាងតែងបដិសេធមិនបរិយាយបើកកកាយពីជីវិតគូស្នេហ៍រស់នៅរបៀបណានោះ ក្រៅតែពីប្រាប់ថា សង្សារនាងជាអ្នកជំនួញ។
ទន្ទឹមនឹងអណ្តាតភ្លើងស្នេហ៍ឆ្លងសញ្ជាតិកាន់តែបើកចំហឲ្យសាធារណជនដឹងច្បាស់នោះ ប្រភពដ៏ច្បាស់ការណ៍មួយដែលរមែងដឹងរឿងជនបរទេសឆ្លងដែនចូលមកកម្ពុជា បានអះអាងប្រាប់ភ្នំពេញប៉ុស្តិ៍ថា បុរសគូស្នេហ៍ តារាខ្មែរស្រស់ប្រិមប្រិយរាងខ្ពស់ស្រឡះនាង ទឹម រដ្ឋា នោះ មិនមែនជាអ្នកមានប្រាក់ច្រើនក្រាស់ក្រែលទេ សព្វថ្ងៃបុរសនោះជិះម៉ូតូធំធម្មតា។
បើទោះជាទំនាក់ទំនងរវាងបុរសសម្បុរខ្មៅសម្បូររោមមុខ ជនជាតិប៉ាគីស្ថាន និងតារាសម្តែង ម៉ូដែល នាងទឹម រដ្ឋា ត្រូវបានរំលេចឡើងតាមរយៈការឧស្សាហ៍បណ្តើរគ្នាដើរលេងកម្សាន្ត បង្ហាញពីភាពយល់ចិត្តយល់ថ្លើមគ្នាក្នុងកាយវិការផ្អែមល្ហែម កៀកកើយក្នុងឈុតប៊ីគីនី ហើយម្ចាស់ខ្លួនក៏បានប្រកាសថា មានម្ចាស់ចិត្តហើយក្តី ប៉ុន្តែនាង ទឹម រដ្ឋា ក៏នៅថា មានកន្លង់ទ្រព្យស្ដុកទាំងក្នុង និងក្រៅស្រុក ងារសុទ្ធជាឧកញ៉ា តាមឆ្វែលស្រង់លម្អងគន្ធាបុប្ផា ទឹម រដ្ឋា ដោយឲ្យតែនាងឆ្លើយយល់ព្រមភ្លាមនោះ ប្រាក់ដុល្លារនឹងធ្លាក់មកទាំងដុំជាថ្នូរនឹងស្នេហាមិនខាន។
ទោះជាយ៉ាងណា តារារូបនេះក៏ធ្លាប់បានប្រាប់គេឯងថា៖ «បើទោះជាស្នេហាបុរសប៉ាគីស្ថាន ហ្សាក់គី ខ្ញុំធ្លាប់អះអាងថា នៅដំណាក់កាលសង្កេតចិត្តគ្នា មិនទាន់ឈានដល់រកពេលវេលាភ្ជាប់ពាក្យឬគិតដល់ចំណុះដឹកដៃគ្នាចូលរោងការ ជាប់ចំណងប្រាំប្រការក៏ដោយ តែខ្ញុំក៏មិនមានភាពទន់ទោររេតាមខ្យល់ផ្តេសផ្តាសងាយៗនោះដែរ »។
យ៉ាងណា នៅជុំវិញស្នេហ៍ងប់នេះ មិនមានការបញ្ជាក់ពីសមាសភាពពិតនៃម្ចាស់ស្នេហ៍ជាជនបរទេសនោះឡើយ ខណៈនាង ទឹម រដ្ឋា នៅតែព្យាយាមបដិសេធមិនបរិយាយ ដោយនាងលើកឡើងថា រឿងនេះមួយសូមលាក់សិន សូមដឹងតែត្រឹមថាខ្ញុំនិងគាត់(ហ្សាក់គី) ជាគូស្នេហ៍នឹងគ្នាពិតទៅបានហើយ»។
ប៉ុន្តែប្រភពច្បាស់ការណ៍មួយបានអះអាងប្រាប់ភ្នំពេញប៉ុស្តិ៍ថា បុរសជនជាតិប៉ាគីស្ថានដែលជាគូស្នេហ៍នាង ទឹម រដ្ឋា នោះមិនមែនជាអ្នកមានទ្រព្យធនស្តុកអ្វីនោះទេ បើប្រៀបធៀបជាមួយឧកញ៉ាដែលតាមប្រមាញ់ស្នេហ៍នាងនោះ។
ប្រភពដដែលនេះក៏បានបញ្ជាក់ផងដែរថា៖ «បុរសប៉ាគីស្ថានដែលជាប្រុសស្នេហ៍ ទឹម រដ្ឋា នោះសព្វថ្ងៃជិះម៉ូតូធំ មិនឃើញមានរថយន្តឡិចស៊ីស ឬឡង់រ៉ូវែរទំនើបៗអីជិះនឹងគេទេ»៕
វាមិនសំខាន់លុយកាក់ទ្រព្យសម្បត្តិនោះទេ ឲ្យតែបានចូលរោងការតាមផ្លូវច្បាប់ ហើយមិនមាន អំណាចហួងហែង បិទសិទ្ឋិសេរីភាព ឬមានប្រព័ន្ឋដើម/អ្នកទីបីមករំខានទៅ នោះគ្រួសារសុខសាន្ត មួយ សម្រាប់ទឹម រដ្ឋា គឺគ្រប់គ្រាន់ហើយ តែខ្ងុំបារម្មណ៏ជួស ក្លាចក្រែងលោបុរស ប៉ាគីស្ថាននោះ លេងសើចទេដឹង ព្រោះជនជាតិប៉ាគឺស្ថាន ឬពួកមជ្ឈឹមបូពារនោះ (វប្បធម៌របស់ពួកគេ បុរស់អាចយក ប្រព័ន្ឋបានច្រើន តែបើស្រី មិនអាចយកប្តីបានលើសពីពីរទេ នៅពេលដែលមិនទាន់មានការលែងលះ ហើយម្យ៉ាងទៀត ត្រូវចូលសាសនាគេផង ចង់មិនចង់ខ្លាតែមិនអាចទៅរួចទេដឹង