ដោយ៖ ឡាយ សាមាន
ថ្ងៃពុធ ទី9 កក្កដា 2014
http://vodhotnews.com
មន្រី្តរដ្ឋាភិបាល នៅព្រឹកថ្ងៃពុធនេះ ឲ្យដឹងថា កម្ពុជាមិនទាន់មានគ្រោងឆ្លើយតបទៅនឹងការលើកឡើងរបស់មន្ត្រីស្ថានទូតវៀតណាមដែលមិនទទួលស្គាល់ទឹកខ្មែរកម្ពុជាក្រោមនោះទេ បើទោះបីជាមានប្រជាជនខ្មែរចេញតវ៉ាប្រឆាំង នឹងការលើកឡើងរបស់មន្ត្រីទូតនេះក៏ដោយ។
កាលពីម្សិលមិញនេះ ក្រុមនិស្សិត និងព្រះសង្ឃជាង១០០អង្គ/នាក់ បានប្រមូលផ្តុំនៅមុខស្ថានទូតវៀតណាម ដើម្បីទាមទារឲ្យវៀតណាមសុំទោសប្រជាជនកម្ពុជាជាសាធារណៈ ចំពោះការដែលមន្ត្រីទូតនេះ ថ្លែងកាលពីដើមខែមិថុនាថា ទឹកដីកម្ពុជាក្រោមជារបស់វៀតណាម តាំងពីយូរមកហើយ មិនមែនបារាំងកាត់ចេញពីកម្ពុជាទេ។
អ្នកនាំពាក្យក្រសួងការបរទេសកម្ពុជា លោក កុយ គួង មានប្រសាសន៍យ៉ាងខ្លីថា ការលើកឡើងរបស់មន្ត្រីស្ថានទូតវៀតណាមជាសិទ្ធិរបស់គេ ប៉ុន្តែលោកសង្កត់ធ្ងន់ថា វៀតណាមមិនអាចបំភ្លៃប្រវត្តិសាស្ត្របានទេ។ តែទោះជាយ៉ាងណា លោកថា រដ្ឋាភិបាលមិនទាន់មានគម្រោងចេញសេចក្តីថ្លែងការណ៍ ឬធ្វើសន្និសីទសារព័ត៌មានទាក់នឹងការលើកឡើងរបស់មន្ត្រីទូតវៀតណាមនោះទេ។
ស្ថានទូតវៀតណាមប្រចាំកម្ពុជា បានចេញសេចក្តីប្រកាសព័ត៌មាន ដោយបញ្ជាក់ជំហរថា ខ្លួននឹងមិនសុំទោស ចំពោះសំដីរបស់អ្នកនាំពាក្យរបស់ខ្លួន កន្លងមកនោះទេ ហើយបែរជាការចោទមកលើពលរដ្ឋខ្មែរវិញថា ការតវ៉ានេះជាការរំលោភច្បាប់ទៅវិញ។
ប៉ុន្តែសេចក្តីថ្លែងការណ៍របស់សហគមន៍ខ្មែរកម្ពុជាក្រោម ចុះថ្ងៃទី០៨ ខែកក្កដានេះ លើកឡើងថា ការប្រឆាំងតវ៉ាចំពោះសំដីរបស់អ្នកនាំពាក្យស្ថានទូតវៀតណាមប្រចាំកម្ពុជាដែលបំភ្លៃប្រវត្តិសាស្ត្រខ្មែរ មិនមែនមានន័យថាជ្រៀតជ្រែកចូលកិច្ចការផ្ទៃក្នុងរបស់ប្រទេសវៀតណាមនោះទេ។
សេចក្តីថ្លែងការណ៍បញ្ជាក់ថា ទឹកដីកម្ពុជាក្រោមជាអតីតទឹកដីនៃព្រះរាជាណាចក្រកម្ពុជា មិនដែលមានក្សត្រខ្មែរអង្គណាឬមេដឹកនាំខ្មែរណាម្នាក់ បានធ្វើសន្ធិសញ្ញា ឬអនុសញ្ញាប្រគល់ទឹកដីកម្ពុជាក្រោមឲ្យវៀតណាមនោះទេ។ សេចក្តីថ្លែងការណ៍ដដែល បន្ថែមថា ប្រជារាស្ត្រខ្មែរនៅតែចាត់ទុកទឹកដីកម្ពុជាក្រោមជាទឹកដីរបស់ខ្មែរ ហើយការត្រួតត្រាទឹកដីកម្ពុជាក្រោមសព្វថ្ងៃ គឺជាការត្រួតត្រាបែបអាណានិគមបន្តពីបារាំង តាមច្បាប់បារាំងលេខ៤៩/៧៣៣ ចុះថ្ងៃទី៤ ខែមិថុនា ឆ្នាំ១៩៤៩។
សម្រាប់អ្នកវិភាគនយោបាយ លោកបណ្ឌិត សុខ ទូច យល់ថា វៀតណាមមិនអាចកាឡៃប្រវត្តិសាស្ត្រពិតនៃទឹកដីខ្មែរកម្ពុជាក្រោមបានទេ បើទោះជាពេលនេះបានក្លាយស្ថិតក្រោមការគ្រប់គ្រងរបស់គេក៏ដោយ។ សម្រាប់អ្នកវិភាគរូបនេះ ជឿជាក់ថា វៀតណាមមិនសុំទោសខ្មែរទេ ដោយលោកប្រៀបធៀបថា បើសុំទោសមានន័យថាវៀតណាមទទួលស្គាល់ទឹកដីកម្ពុជាក្រោមជារបស់ខ្មែរ។
លោកបណ្ឌិត សុខ ទូច បញ្ជាក់ថា ទឹកដីកម្ពុជាក្រោមជារបស់ខ្មែរតាំងពីរដូនតាមកដោយផ្អែកលើ ជាតិពិន្ធុ(ជាតិសាសន៍) ភូមិសាស្ត្រ និងសាសនា ប្រពៃណីជាដើម ដែលប្រជាជនកម្ពុជាក្រោមនៅតែកាន់ភ្ជាប់សព្វថ្ងៃ។ ប៉ុន្តែលោកយល់ថា មូលហេតុដែលរដ្ឋាភិបាលកម្ពុជា មិនមានវិធានការចំពោះការលើកឡើងរបស់មន្ត្រីស្ថានទូតវៀតណាមនោះ ដោយសារខ្លាចមានផ្ទុះកំហឹងជាតិសាសន៍រវាងវៀតណាម និងកម្ពុជា ហើយទីបំផុតរដ្ឋាភិបាលកម្ពុជាជាអ្នកទទួលខុសត្រូវ ដូចករណីពលរដ្ឋខ្មែរចូលដុតស្ថានទូតថៃកាលពីឆ្នាំ ២០០៣៕
សូមសរសេរមកលោក ឡាយ សាមាន តាមរយៈ samean@vodhotnews.com
Because of our long lasting friends, Vietnam, we come to power in Cambodia, and we are so rich with wealth and power! We do not care the so called kumpucheakrom territory! We only care our own family, wealth and power!
it come to the pion that HUN SEN can not say even one word. if he supporting the statement from VEITNAME embassy his whole nation will know very clearly that he is a bad leader in our history. but if he supporting his own people again whit this hot and real situation, his thief boos will not going to like him any more. my question is what will HUN SEN and his followers going to do whit these?????????????????????????????????? HASSSSSSSSSSSSSSS your life line is getting closer and closer to the end?????????????????????? SAMREK CHHEAM KHMER NEAK SNERHACHEAT NEING KROUKLEING NOVPEALNESS
The leader team, you should know that now people dare to advocate and unlike the older generation is fearful who always keep quiet. The next generation will be more active than this.