Wed, 30 July 2014
មាស សុខជា
ភ្នំពេញប៉ុស្តិ៍
ភ្នំពេញៈ ក្រុមការងាររបស់គណបក្សកាន់អំណាច និងគណបក្សសង្គ្រោះជាតិ កាលពីម្សិលមិញបានជួបប្រជុំពិភាក្សាអំពីបទបញ្ជាផ្ទៃក្នុងរដ្ឋសភា ហើយបានព្រមព្រៀងធ្វើវិសោធនកម្មលើចំណុចមួយចំនួនទាក់ទងនឹងការអញ្ជើញរដ្ឋាភិបាលមកសាកសួរ និងការថ្លែងទៅកាន់អ្នកយកព័ត៌មានបន្ទាប់ពីសម័យប្រជុំ។
លោក ឈាង វុន អ្នកនាំពាក្យរដ្ឋសភាជាតំណាងរាស្រ្តក្រុមការងារគណបក្សប្រជាជន បានប្រាប់អ្នកយកព័ត៌មានថា បទបញ្ជាផ្ទៃក្នុងរដ្ឋសភា តម្រូវឲ្យតំណាងរាស្រ្តពីគណបក្សនីមួយៗថ្លែងទៅកាន់អ្នកយកព័ត៌មានបន្ទាប់ពីកិច្ចប្រជុំបង្ហាញពីចក្ខុវិស័យឬគោលនយោបាយរបស់គណបក្ស។
លោក ឈាង វុន បន្តថា៖ «យើងបានកែតម្រូវថា បន្ទាប់ពីសម័យប្រជុំរដ្ឋសភាម្តងៗ គណបក្សនយោបាយនីមួយៗដែលមានអាសនៈក្នុងរដ្ឋសភា អាចថ្លែងទៅកាន់អ្នកសារព័ត៌មាន អំពីទស្សនៈដែលខ្លួនបានជជែកពិភាក្សាក្នុងសម័យប្រជុំ ក្នុងរយៈពេល ២០ នាទីដើម្បីរៀបចំសន្និសីទសារព័ត៌មាន»។
លោកបន្ថែមថា អ្នកយកព័ត៌មាននៅតែមិនត្រូវបានអនុញ្ញាតឲ្យចូលក្នុងសម័យប្រជុំ ឬថតរូបពីការប្រជុំទេ ប៉ុន្តែនេះគឺជាបទបញ្ជាថ្មីរបស់រដ្ឋសភា។
លោក យ៉ែម បុញ្ញឫទ្ធិ អ្នកនាំពាក្យគណបក្សសង្គ្រោះជាតិ ជាតំណាងរាស្រ្តក៏បានថ្លែងប្រាប់អ្នកយកព័ត៌មានថា គ្មានអ្វីជាឧបសគ្គក្នុងការពិភាក្សានេះទេ ប៉ុន្តែ មូលហេតុដែលគណបក្សទាំងពីរចំណាយពេលយូរក្នុងការពិភាក្សា គឺដោយសារតែការផ្តោតលើបញ្ហាចោទសំណួរទៅរដ្ឋាភិបាល។
លោក យ៉ែម បុញ្ញឫទិ្ធ បានថ្លែងថា៖ «កន្លងមក យើងមិនអនុវត្តបទបញ្ជាផ្ទៃក្នុងបានពេញលេញទេ។ យើងបានជជែកយូរមកហើយលើចំណុចនេះ ដើម្បីឲ្យរដ្ឋាភិបាលអនុវត្តតាមបទបញ្ជាផ្ទៃក្នុងរដ្ឋសភា ក្នុងការមកឆ្លើយតបដោយផ្ទាល់មាត់ ឬជាលាយលក្ខណ៍អក្សរ»។
ទាក់ទងនឹងការស្បថ លោក បុញ្ញឫទ្ធិ បានថ្លែងថា គណបក្សសង្គ្រោះជាតិមិនទាន់កំណត់កាលបរិច្ឆេទជាក់លាក់ក្នុងការចូលស្បថទេ រហូតទាល់តែបទបញ្ជាផ្ទៃក្នុងរដ្ឋសភា និងរដ្ឋធម្មនុញ្ញ បានធ្វើវិសោធនកម្មរួច។
នៅពេលសួរអំពីសមាជិក ៨ រូបក្នុងគណៈកម្មាធិការជាតិរៀបចំការបោះឆ្នោត (គ.ជ.ប) ទាំងលោក យ៉ែម បុញ្ញឫទ្ធិ និងលោក ឈាង វុន នៅតែបដិសេធមិនប្រាប់បេក្ខភាពទេ។
បន្ទាប់ពីពិភាក្សាអស់ ៤ ម៉ោង គណបក្សប្រជាជន និងគណបក្សសង្គ្រោះជាតិ បានព្រមព្រៀងធ្វើវិសោធនកម្ម ៥ ចំណុចលើបទបញ្ជាផ្ទៃក្នុងរដ្ឋសភា។ គួរកត់សម្គាល់ដែរថា កិច្ចព្រមព្រៀងរវាងគណបក្សសង្គ្រោះជាតិ និងគណបក្សប្រជាជនស្ទើរតែដូចបទបញ្ជាផ្ទៃក្នុងរដ្ឋសភាចាស់។
ប្រការ ៦ បង្ហាញពីគណៈកម្មការរដ្ឋសភាទាំង ១០ ហើយប្រការ ៩ បង្ហាញពីអនុប្រធានគណៈកម្មការនីមួយៗត្រូវជួយការងារប្រធាន ហើយថា ពេលប្រធានមិននៅឬមានជំងឺ អនុប្រធានត្រូវក្លាយជាប្រធានស្តីទី។ ប្រការ ៣២ ថ្មី គ្រាន់តែបញ្ជាក់ថា នាយករដ្ឋមន្រ្តី ឬរដ្ឋមន្រ្តី ចាំបាច់ត្រូវចូលមកឆ្លើយសំណួររបស់តំណាងរាស្រ្ត បន្ទាប់ពីត្រូវអញ្ជើញមកឆ្លើយសំណួរ។
ទន្ទឹមនឹងនេះ នៅថ្ងៃម្សិលមិញ ក្រុមការងារពីរក្រុមទៀតរបស់គណបក្សសង្គ្រោះជាតិ និងគណបក្សប្រជាជន ក៏បានជួបប្រជុំពិភាក្សាអំពីវិសោធនកម្មរដ្ឋធម្មនុញ្ញ និងច្បាប់បោះឆ្នោតថ្មី ហើយពួកគេមិនទាន់បានបញ្ចប់កិច្ចពិភាក្សាទេ ប៉ុន្តែ ការពិភាក្សាគ្មានបញ្ហាទេ។
ក្រុមការងារទាំងពីរបញ្ជាក់ថា ការពិភាក្សាធ្វើតាមស្មារតីនៃកិច្ចប្រជុំកំពូល ពីសប្តាហ៍មុនរវាងមេដឹកនាំបក្សទាំងពីរ៕
I fully support this agreement. I strongly support the amendment of the internal rule of the National Assembly saying that the government minister(s) or/and Prime Minister shall definitely be appeared at the National Assembly’s Question-Answer session in person to clarify or response to questions raised by MPs. They have to verbally response to questions raised by MPs at the National Assembly and this shall be live-broadcast or televised for Cambodian citizens to listen and watch. If this works, it will be the first time for Cambodia’s Assembly to question or impeach minister(s) or prime minister or high dignity for their responsibility in implementation of the national policy.
In other democratic countries, the government minister(s) or prime minister or high dignity have to appear at the National Assembly, if invited, to clarify any important issues related to the performance of the national policy or any issues that badly affects the national interests. In the past, Tomi Blair, former prime minister of the Great Britain and his high-ranking officials were impeached and questioned by the parliamentarians on enforcement of the national policy. Thus, it is time for Cambodia to do so. By so doing, it would prove that the legislative body is influential and totally separated from the executive body. The country’s National Assembly has to be reformed to democratize this institution.