ដោយ៖ បាន វិទ្យា
ថ្ងៃអង្គារ ទី5 សីហា 2014
http://vodhotnews.com
សម្ព័ន្ធកំណែទម្រង់ការបោះឆ្នោត (ERA) ស្នើឲ្យរដ្ឋសភាលើកសំណើទៅគ.ជ.ប ដើម្បីផ្អាកដំណើរការពិនិត្យបញ្ជីឈ្មោះ និងចុះឈ្មោះបោះឆ្នោតសម្រាប់ឆ្នាំ២០១៤។
សម្ព័ន្ធកំណែទម្រង់ការបោះឆ្នោត (ERA) ដែលជាបណ្ដុំនៃអង្គការសង្គមស៊ីវិលធ្វើការលើការបោះឆ្នោត ថ្ងៃទី៥ ខែសីហានេះ ចេញសេចក្តីប្រកាសពត៌មានមួយលើកឡើងពីការព្រមព្រៀងក្រុមការងារគណបក្សប្រជាជនកម្ពុជា និងគណបក្សសង្គ្រោះជាតិ កាលពីថ្ងៃទី១៨ ខែកុម្ភៈ ឆ្នាំ២០១៤ និងថ្ងៃទី១៧ ខែមីនា ឆ្នាំ២០១៤ ក្នុងការរៀបចំការចុះឈ្មោះបោះឆ្នោត និងបញ្ជីឈ្មោះអ្នកបោះឆ្នោត ព្រមទាំងកិច្ចព្រមព្រៀងស្តីពីដំណោះស្រាយនយោបាយរវាងគណបក្សទាំងពីរចុះថ្ងៃទី ២២ ខែកក្កដា ឆ្នាំ២០១៤ ត្រង់ប្រការ ២ វាក្យខ័ណ្ឌទី២ បានព្រមព្រៀង “រៀបចំបញ្ជីឈ្មោះបោះឆ្នោតជាថ្មី” ។
សេចក្តីប្រកាសព័ត៌មានដដែលបន្តថា ក្នុងដំណាក់កាលពិនិត្យបញ្ជីឈ្មោះ និងចុះឈ្មោះបោះឆ្នោតក្នុងឆ្នាំដែលមិនមានការបោះឆ្នោត ត្រូវចំណាយថវិកាជាតិប្រមាណជាងមួយលានដុលា្លរ ដូចនេះដំណើរការពិនិត្យបញ្ជីឈ្មោះ និងចុះឈ្មោះបោះឆ្នោតគួរផ្អាក រហូតដល់មានច្បាប់ បទបញ្ជា និងនីតិវិធីចុះឈ្មោះបោះឆ្នោត និងការបង្កើតបញ្ជីឈ្មោះបោះឆ្នោតថ្មីត្រូវបានប្រកាសឱ្យប្រើប្រាស់។
សេចក្តីប្រកាសព័ត៌មានរបស់ (ERA) ក៏បានពាវនាវឱ្យក្រុមការងារគណៈកម្មការចម្រុះនៃគណបក្សទាំងពីរ បន្តពិភាក្សាលើវិសោធនកម្មច្បាប់បោះឆ្នោត ជាពិសេសជំពូកស្តីពីការចុះឈ្មោះអ្នកបោះ ឆ្នោត និងបញ្ជីបោះឆ្នោត ដោយផ្តោតសំខាន់លើការប្តូរមន្ត្រីទទួលបន្ទុកការពិនិត្យឈ្មោះ និងចុះឈ្មោះបោះ ឆ្នោត ដោយកំណត់ឱ្យ គ.ជ.ប ជាស្ថាប័នតែមួយជំនួសក្រុមប្រឹក្សាឃុំ សង្កាត់ និងស្មៀនឃុំ សង្កាត់ទទួលខុសត្រូវធ្វើការចុះឈ្មោះអ្នកបោះឆ្នោតថ្មីមួយ ដើម្បីធានាគុណភាពបញ្ជីឈ្មោះបោះឆ្នោត និងសិទ្ធិអ្នកបោះឆ្នោត។
គណៈកម្មាធិការជាតិរៀបចំការបោះឆ្នោត (គ.ជ.ប) កាលពីថ្ងៃទី២១ ខែកក្កដា ឆ្នាំ២០១៤ ចេញសេចក្តីសម្រេច ស្តីពីការពិនិត្យបញ្ជីឈ្មោះ និងចុះឈ្មោះបោះឆ្នោត ឆ្នាំ២០១៤ ដោយបានសម្រេចធ្វើការពិនិត្យបញ្ជីឈ្មោះ និងការចុះឈ្មោះបោះឆ្នោត និងការផ្តល់សុពលភាពលើបញ្ជីបោះឆ្នោតសម្រាប់ឆ្នាំ២០១៤ ចាប់ពីថ្ងៃទី០១ ខែតុលា ដល់ថ្ងៃទី៣១ ខែធ្នូ ឆ្នាំ២០១៤។
សូមសរសេរមកកាន់កញ្ញា បាន វិទ្យា តាមរយៈ vitcheaban77@gmail.com
រាស្ត្របញ្ជាក់ពី ការ ែលងទុកចិត្តលេី គជប ទៀតហេីយ ដូចនេះសូមអស់លោកឈប់មានមោទនភាពខាងខុសឆ្គងទៀតទៅ។ គណកម្មការថ្មី នឹង រៀបចំសាឡេីងវិញ។ អ្វីដែលព្យាយាមធ្វេីបន្ត ដោយខ្វះការទុកចិត្ត គ្មានសក្តានុពលទេ។
បើចេះអីក៏ចេះយ៉ាងនេះ ម្តេចក៏មិនសុំដាក់ពាក្យ ចូលមកជំនួសលោកស្រី ពុង ឈីវកិក??
មេបក្សទាំងពីរ ក៏អញ្ចឹងដែរ ! គួរណាស់តែ ឲ្យអ្នកទាំងអស់គ្នានេះ ចូលប្រឡង បញ្ចេញសមត្ថភាព ដូចប្រឡងបាក់ឌុបអញ្ចឹង ទៅ។
មិនគួរណា មេបក្ស នាំគ្នាចង្អុលចំឈ្មោះ នាំឲ្យលោកស្រី កិក ឡើងថ្លៃសោះ!