ដោយ៖ អុឹង ប៊ុនថន
ថ្ងៃពុធ ទី20 សីហា 2014
http://vodhotnews.com
ស្តាប់សំឡេង៖ |
ចម្លងទុក |
មើលរូបភាពបន្ថែម
ថ្នាក់ដឹកនាំនៃគណបក្សទាំងពីរ ចាប់ដៃគ្នា ក្រោយកិច្ចប្រជុំនៅវិមានព្រឹទ្ធសភា នាពេលកន្លងមក (រូបថត៖ តាំង វីដា)
ភ្លាមៗក្រោយកិច្ចព្រមព្រៀង២២ កក្កដា ឆ្នាំ២០១៤ បេក្ខជនជាប់ឆ្នោតតំណាងរាស្ត្រគណបក្សសង្គ្រោះជាតិ៧រូប និងសកម្មជនម្នាក់ ដែលតុលាការចាប់ខ្លួនពីបទញុះញង់ឲ្យមានអំពើហិង្សានៅទីលានប្រជាធិបតេយ្យ ត្រូវបានដោះលែង។
ប៉ុន្តែនៅពេលដែល គណបក្សសង្គ្រោះជាតិ បន្តពន្យាពេលចូលវាំងធ្វើពិធីសម្បថដើម្បីចូលកាន់តំណែងក្នុងសភានោះ នៅថ្ងៃ២ សីហា ២០១៤ តុលាការបានចាប់ខ្លួនយុវជន៣ នាក់របស់គណបក្សសង្គ្រោះជាតិ។ វិធានការនេះ គណបក្សសង្គ្រោះជាតិ បានចោទថា គណបក្សប្រជាជនកម្ពុជាបានរំលោភលើកិច្ចព្រមព្រៀង២២ កក្កដា លើចំណុច ដែលភាគីទាំងពីរសន្យាថា នឹងមិនបង្កភាពតានតឹង និងការគាបសង្កត់។
មកដល់សប្តាហ៍នេះ មានមន្ត្រីជាន់ខ្ពស់ និងសកម្មជនគណបក្សសង្គ្រោះជាតិយ៉ាងតិច៥រូបទៀត ត្រូវបានតុលាការកោះហៅដោយចោទពីបទញុះញង់ឲ្យមានអំពើហិង្សានៅទីលានប្រជាធិបតេយ្យ បើទោះជាទីលានប្រជាធិបតេយ្យត្រូវបានបើកឡើងវិញក៏ដោយ។
អ្នកវិភាគ ព្រមានថា ការបន្តរុកគួនសកម្មជនបក្សប្រឆាំងដោយប្រើប្រាស់តុលាការនេះ នឹងមិនអាចបញ្ចប់បានទេ នូវវប្បធម៌ដែលហៅថា “ទឹកឡើងត្រីស៊ីស្រមោច ទឹកហោចស្រមោចស៊ីត្រី”។
ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព លោក យង់ គិមអេង យល់ថា ការបន្តខ្លួនអ្នកតវ៉ា និងកោះហៅមន្ត្រីបក្សប្រឆាំងបន្តទៀតនេះ គឺជាការយកប្រៀបលើការចរចា និងកុំឲ្យមានការតវ៉ាជាថ្មីទៀត ពិសេសការតវ៉ាប្រឆាំងនឹងវៀតណាម «ភាពប៉ិនប្រសព្វរបស់រដ្ឋាភិបាលក្នុងក្រុមមួយៗ ក្នុងការចរចាគ្នា យកប្រៀបទៅលើការចរចា ដោយសុទ្ធសាធ គឺច្រើនតែដាក់គំនាបគ្នា ។ ថ្នាក់ដឹកនាំ របស់យើង[ហ៊ុន សែន]តែងលើកឡើងថា កាលពីសម័យកុំមុយនីស្តហ្នឹង ភាគីចរចា ដោះស្រាយឲ្យមានកិច្ចព្រមព្រៀងទីក្រុងប៉ារីសនោះ ច្រើននិយាយថា ចរចាផងវាយផងនោះ នៅតែបន្តមករហូត»។
លោកបណ្ឌិត ហ៊ាង ឬទ្ធី ប្រធានអង្គការស្រាវជ្រាវជាតិកម្ពុជា អះអាងថា មានភស្តុតាងគ្រប់គ្រាន់ដែលបញ្ជាក់ថា កងកម្លាំងប្រដាប់អាវុធ បានបាញ់សម្លាប់អ្នកតវ៉ា នៅផ្លូវវ៉េងស្រេង និងមុខរោងចក្រយ៉ាកជីង ហើយពួកសន្តិសុខស៊ីឈ្នួលបានវាយអ្នកតវ៉ានៅទីលានប្រជាធិបតេយ្យនោះ ប៉ុន្តែតុលាការកម្ពុជាដែលលោកហៅថា មិនឯករាជ្យ មិនអាចចាត់ការទេ «ខ្ញុំបញ្ជាក់ជូនថា នេះជាការផ្តល់ឱកាសឲ្យ ជនល្មើសរួចខ្លួន ហើយគេនៅតែប្រព្រឹត្តអំពើអាក្រក់មកលើ ខ្មែរ អ្នកជាតិនិយម គ្នាឯងទៅវិញ។ ដើម្បីអី? ប្រយោជន៍អស់ទាំងនេះគឺចំណេញទៅយួន ខ្មោចហូជីមិញដែលបានផ្តាំ ឲ្យមកទិសខាងលិច នយោបាយគ្រប់គ្រងឥណ្ឌូចិន នៅក្នុងនោះបូកនឹងខ្មែរផង ហើយខ្មែរមានប្រវត្តិហើយ»។
មន្ត្រីជាន់ខ្ពស់រាជធានីភ្នំពេញមួយចំនួន កំពុងជាប់បណ្តឹងនៅតុលាការពីបទបញ្ជាក្រុមសន្តិសុខស៊ីឈ្នួល ឲ្យវាយបង្ក្រាបលើអ្នកតវ៉ានិងអ្នកសារព័ត៌មានកន្លងមក។ ប៉ុន្តែតុលាការមិនទាន់បានចាត់វិធានទៅលើមន្ត្រីមានអំណាចទាំងនោះទេ តែបែរជាប្រញាប់ប្រញាល់ចាត់វិធានការតែលើអ្នកតវ៉ា ឲ្យបើកទីលានប្រជាធិបតេយ្យទៅវិញ។
ប្រការនេះមានការរិះគន់ថា តុលាការនៅកម្ពុជា ជាឧបករណ៍នយោបាយរបស់គណបក្សប្រជាជនកម្ពុជា ក្នុងការគាបសង្កត់លើគណបក្សសង្គ្រោះជាតិឲ្យចូលសភា និងបំបាក់ស្មារតីអ្នកដែលមានទស្សនៈផ្ទុយពីខ្លួន។
លោកបណ្ឌិត ហ៊ាង ឬទ្ធី គិតថា នៅពេលដែលគណបក្សប្រជាជនកម្ពុជា នៅតែកាន់អំណាច នោះពួកគេអាចធ្វើអ្វីៗគ្រប់បែបយ៉ាងដោយមិនចេះខុស «អំណាចគេពេញក្នុងដៃ កងកម្លាំងប្រដាប់អាវុធគេពេញ ក្នុងដៃ ទោះបីប្រព្រឹត្តខុសយ៉ាងណាក៏ដោយ ក៏គេមិនមានទោសអ្វីដែរព្រោះនេះជាអំណាចរបស់គេ។ នៅតែគេប្រើពាក្យមួយម៉ាត់ឲ្យស្តាប់គឺថា ស្រេចតែគេ»។
លោកនាយករដ្ឋមន្ត្រី ហ៊ុន សែន និងលោក សម រង្ស៊ី បានបង្ហាញជំហរថា វប្បធម៌សងសឹកគ្នារវាងខ្មែរគ្នាឯង ឬហៅថា ទឹកឡើងត្រីស៊ីស្រមោច ទឹកហោចស្រមោចស៊ីត្រី ត្រូវតែបញ្ចប់ចាប់ពីពេលដែលគណបក្សសង្គ្រោះជាតិព្រមចូលសភា ជាថ្នូរនឹងការសន្យាពីគណបក្សប្រជាជនកម្ពុជា ក្នុងការកែទម្រង់ស្ថានប័នជាតិសំខាន់ៗ ដើម្បីបញ្ចប់វិបត្តិនយោបាយ។
ប៉ុន្តែនៅពេលដែលអាជ្ញាធរដ្ឋាភិបាល នៅតែបន្តចាប់ខ្លួន និងកោះហៅមន្ត្រីបក្សប្រឆាំងនោះ លោក សម រង្ស៊ី ប្រកាសឡើងវិញថា វិបត្តិនយោបាយមិនទាន់បញ្ចប់ទេ។
លោក នី ចរិយា ប្រធានផ្នែកស៊ើបអង្កេតនៃសមាគមអាដហុក យល់ថា បើគណបក្សប្រជាជនកម្ពុជានៅតែបន្តប្រើតុលាការចាត់ការអ្នកប្រឆាំង ដោយមិនភស្តុតាងផ្លូវច្បាប់រឹងមាំ នោះ មិនអាចបញ្ចប់វប្បធម៌ ទឹកឡើងត្រីស៊ីស្រមោច ទឹកហោចស្រមោចស៊ីត្រីបានទេ «ខ្ញុំយល់ថា វប្បធម៌ហ្នឹង មិនអាចបញ្ចប់បានដោយគ្រាន់តែនិយាយទេ។ ត្រូវតែអ្នកនយោបាយអនុវត្តន៍ ពិសេស នៅពេលខ្លួនមានអំណាច មិនត្រូវធ្វើទុក្ខបុកម្នេញទៅភាគីម្ខាងទៀត ឬជនដែលមិនគាំទ្រទេ។ កាលណាយើង[អ្នកកាន់អំណាច]នៅតែធ្វើទុក្ខបុកម្នេញនេះទៀត ទោះបីជាយើងចង់បញ្ចប់ ក៏វប្បធម៌ហ្នឹងមិនចប់ដែរ ព្រោះការឈឺចាប់របស់មនុស្សវាកាន់តែច្រើនទៅៗ វាបង្កើតទៅជាភ្លើងកំហឹង ភ្លើងគំនុំ ដែលមិនអាចបញ្ចប់បាន»។
មុនពេលគណៈកម្មាធិការប្រព្រឹត្តិកម្មធ្វើសន្និសិទ ដើម្បីបង្ហាញពីភស្តុតាងផ្លូវច្បាប់ ក្នុងការចាប់ខ្លួនយុវជនគណបក្សសង្គ្រោះជាតិ៣នាក់នោះ លោក នី ចរិយា បញ្ជាក់ថា ការចាប់ខ្លួនសកម្មជនទាំងនេះ គឺគ្រាន់តែជារឿងនយោបាយដែលបក្សកាន់អំណាចបង្កើតឡើងឲ្យមានរូបភាពហិង្សា ហើយយកលេសបង្ក្រាបបក្សសង្គ្រោះជាតិកុំឲ្យទាមទារលលក្ខខណ្ឌច្រើន ក្នុងការចរចា «បើយើងនិយាយពីហេតុការណ៍ថ្ងៃទី១៥កក្កដាហ្នឹង មិនមានបទល្មើសពាក់ព័ន្ធនឹង៣នាក់ ហើយក៏ពាក់ព័ន្ធនឹង៥នាក់ទៀតនេះដែរ។សូម្បីតែអ្នកដែលចាប់ខ្លួនមុន[តំណាងរាស្ត្រ]ក៏មិនពាក់ព័ន្ធដែរ។ អញ្ចឹងរឿងនេះគ្រាន់តែជារឿងបង្កើតឲ្យមានព្រឹត្តិការណ៍ហិង្សាទៅ ដើម្បីប្រើប្រាស់ប្រព័ន្ធតុលាការចាប់គៀបសង្កត់ ទៅខាងគណបក្សសង្គ្រោះជាតិ ជាថ្នូរកុំឲ្យគណបក្សសង្គ្រោះជាតិតវ៉ាទាមទារ ក្នុងការកែទម្រង់ច្រើនពេក»។
ក្រុមអ្នកវិភាគ យល់ថា វប្បធម៌ ទឹកឡើងត្រីស៊ីស្រមោច ទឹកហោចស្រមោចស៊ីត្រី មិនអាចបញ្ចប់បានទេ បើអ្នកនយោបាយនៅតែប្រើប្រព័ន្ធតុលាការចាត់វិធានការទៅលើអ្នកប្រឆាំងដោយមិនមានភស្តុតាងច្បាប់ត្រឹមត្រូវនោះ ដោយសារតែកំហឹងនៃការឈឺចាប់របស់អ្នករងគ្រោះពីអំពើអយុត្តិធម៌នេះ៕
សូមសរសេរមកលោក អុឹង ប៊ុនថន តាមរយៈ chanthorn@vodhotnews.com
The man is the man!!
Human is human!!
Better the man of the word!!
បើតាមខ្ញុំចាំ ច្បាប់ដែលប្រើប្រាស់ដោយសម្តេចហ៊ុន សែន មានពីរមាត្រា: មាត្រាទី១” សម្តេចធ្វើអ្វីៗមិនចេះខុស” មាត្រាទី២ ” បើសម្តេចធ្វើខុស សូមមើលមាត្រា១”
ចាំតែបញ្ចប់បានតើ ស៊ូទ្រាំអត់ធ្មត់២០ឆ្នាំក៍មិនទាន់ហួសពេលសងសឹកដែរ។
how can I believing HUN SEN any promising from the past was never the real word as he stated. as the CAMBODIAN word said the elephant they take ivory, the people we take words. it is every important to keep your word as you said. expressly on the person who take responsibility for any nation that the whole nation trust him to represent them. as I always say … it’s shame of me that was born as a CAMBODIAN and having this kind of leader full of trick, lying non stop, rough, actuary person, not enough education to lead his nation, not responsible for his nation. I mean for thirty five years what has he been doing. he didn’t even know what going on in the whole country. all he did was fitting whit any person or his opponent who again whit wrong way of doing. evil are still be evil no matter what ??????? it’s very hard for this nation to have evil that acting to be GOD saving this nation from some thing he was truly don in the past.as I said for along time ago that our nation was under a political interfering from ( VIETNAME government) every thing every sadness came from those no brainer CAMBODIAN that only wanted powers, as what we are seeing everyday. the big question is what will we do to make our nation alive in the world community.??????????and my personal question to our nation is ( do all of you having fate on the current government can make peace for this nation without blood and this nation identity) peace for all CAMBODIAN
how can I believing HUN SEN any promising from the past was never the real word as he stated. as the CAMBODIAN word said the elephant they take ivory, the people we take words. it is every important to keep your word as you said. expressly on the person who take responsibility for any nation that the whole nation trust him to represent them. as I always say … it’s shame of me that was born as a CAMBODIAN and having this kind of leader full of trick, lying non stop, rough, actuary person, not enough education to lead his nation, not responsible for his nation. I mean for thirty five years what has he been doing. he didn’t even know what going on in the whole country. all he did was fitting whit any person or his opponent who again whit wrong way of doing. evil are still be evil no matter what ??????? it’s very hard for this nation to have evil that acting to be GOD saving this nation from some thing he was truly don in the past.as I said for along time ago that our nation was under a political interfering from ( VIETNAME government) every thing every sadness came from those no brainer CAMBODIAN that only wanted powers, as what we are seeing everyday. the big question is what will we do to make our nation alive in the world community.??????????and my personal question to our nation is ( do all of you having faite on the current government can make peace for this nation without blood and this nation identity) peace for all CAMBODIAN
បើនៅមានក្បាលឣាប្រឆាំងបំផ្លាញប្រយោជន៍ជាតិ ពាក្យ វប្បធម៌ខាងលើនេះនៅតែប្រើការបានមិនទាន់
ផុតកំណត់នៅឡើយទេ រហូតទាល់តែ……………….!!!។
ជនល្មើស ត្រូវតែទទួលទោសតាមច្បាប់ ដោយពុំមានយោគយល់គណបក្ស។
បណ្តឹងសន្តិសុខ ៣៨ នាក់ ពុំមែនជាបណ្តឹងរបស់លោកហ៊ុន សែនទេ ។ លោកហ៊ុនសែន មិនត្រូវយករឿងនយោបាយទៅលុបពាក្យបណ្តឹងសន្តិសុខ ៣៨ នាក់ ឡើយ។
ត្រូវតែដឹងថា កាលណាទៅធ្វើអំពើល្មើសច្បាប់ ចូរកុំពាក់ផ្លាកគណៈបក្ស, តែបើទៅចែកអំណោយ ទៅសង្គ្រោះប្រជាជន សឹមពាក់ផ្លាក។ តែម្យ៉ាងទៀត បើទៅឃោសនាបោកប្រាស់ សន្យាឲ្យស្រូវឡើងថ្លៃ អង្ករចុះថោក ក៏គួរកុំពាក់ផ្លាកគណបក្ស ដែរ។ ប្រយ័ត្នជំពាក់សន្យា! នេះ មិនមែនរឿងទឹកឡងត្រីស៊ីស្រម៉ោច ឬក៏រឿងស្អីនោះទេ តែគឺជារឿងព្រៃផ្សៃ ដែលច្បាប់ត្រូវតែនាំខ្លួនឡើងតុលាកា។
យើងចាំតែមើលថា តើតំណាងរាស្ត្រ ៧ នាក់ទៀត មានឈ្មោះក្នុងតុលាកានោះ ត្រូវបានដកអភ័យឯកសិទ្ធិ ដើម្បីឡើងការពារខ្លួន ឬក៏អត់?
កុំអាងអភ័យឯកសិទ្ធិពេក!
shared from facebook
បញ្ហាចំពោះមុខរបស់ខ្មែរត្រូវការពារ គឺមហិច្ឆតាយួនលេបទឹកដីខ្មែរ !!!
ជាការពិតរឿងបាត់បង់ទឹកដី ជារឿងអាម៉ាស់បំផុតសម្រាប់កូនខ្មែរគ្រប់ៗរូបដែលមិនអាចនៅឱបដៃឈរមើល បណ្តែតបណ្តោយឲ្យអាយ៉ងយួនក្រុម CPP ហ៊ុនសែន ហេងសំរិន ជាសីុម ហោណាំហុង ជាមយាប ឈាងវុន គាតឈុន …សម្លាប់ខ្មែរថែយួន ដោយកាត់ទឹកដីគោកកោះ សម្បទានដីព្រៃព្រឹក្សា សម្បត្តិវប្បធម៌ឲ្យយួន99ឆ្នាំបានទៀតឡើយ ។ ខ្ញំុរ៉ាបិរីម៉ាគីធ្លាប់បានអានឯកសារជាច្រើន មានឯកសាររបស់លោកឆាងយុក្តី ឯកសារមហាបុរសរបស់លោកអេងសុតក្តី សៀវភៅប្រវត្តិសាស្ត្ររបស់លោកត្រឹងងាក្តី ។ល។និង។ល។ សុទ្ធតែបានបញ្ជាក់ច្បាស់ពីល្បិចអាក្រក់របស់យួនកូនចៅហូជីមិញ ក្នុងការលេបយកទឹកដីកម្ពុជាបញ្ចូលជាសហព័ន្ធឥណ្ឌូចិដែលមានយួនជាម្ចាស់សហព័ន្ធ ក៏ដូចជាម្ចាស់ប្រទេសទាំងបី ពិសេសគឺដាំតែអុង ។ ពេលនេះបើខ្មែរមិនព្រមភ្ញាក់រលឹកឲ្យបានទាន់ពេលវេលាទេ ទឹកដីកម្ពុជាកណ្តាលសព្វថ្ងៃនឹងក្លាយជាទឹកដីយួនដូចទឹកដីកម្ពុជាក្រោមមិនខាន ព្រោះទឹកដីឡាវសព្វថ្ងៃបានធ្លាក់ក្នុងកណ្តាប់ដៃយួនទាំងស្រុងហើយ នៅឡើយតែកម្ពុជានេះទេដែលយួនកំពុងប្រើអាយ៉ងរបស់វាគាបសង្កត់ផ្នត់គំនិតកូនខ្មែរឲ្យស្នេហាយួន តាមរយៈចំណងមិត្តភាព ឬសម្ព័ន្ធភាពមុឺនឆ្នាំកម្ពុជា-វៀតណាមនេះឯង ។ មិនមែនខ្ញំុរ៉ាបិរីម៉ាគីស្អប់ខ្ពើមយួនទេ តែវាជាការពិតដែលត្រូវតែភ័យ ត្រូវតែព្រួយបារម្ភសូម្បីរបបកម្ពុជាប្រជាធិបតេយ្យខ្មែរក្រហមប៉ុលពតក៏បានថ្កោលទោសយួនដែលមានមហិច្ឆតាលេបទឹកដីខ្មែរនេះដែរ ។