Thu, 21 August 2014
សេត គឹមសឿន
ភ្នំពេញប៉ុស្តិ៍
ភ្នំពេញៈ មួយរយៈចុងក្រោយនេះ គេសង្កេតឃើញថា តារាសម្តែងដ៏មានប្រជាប្រិយភាពនាង សឿ សុធារ៉ា ហាក់ដូចជាលាក់ខ្លួនពួនអាត្មាមិនសូវបង្ហាញមុខលើវេទិកាសិល្បៈប៉ុន្មាននោះទេ។ ការលាក់មុខរបស់តារារូបនេះត្រូវបានគេសង្ស័យថា នាងកំពុងតែសម្ងំពពោះកូនទី២ ហើយនៅពេលសួរបញ្ជាក់តារារូបនេះ បានឆ្លើយធ្វើឲ្យមហាជនភ្ញាក់ផ្អើលថា ពិតមែនហើយ!។
ក្រោយសម្រាលកូនស្រីទីមួយបានតែរយៈពេលដ៏ខ្លី ទស្សនិកជនក៏ស្រាប់តែបានឃើញពីសន្ទុះនៃចេញមុខច្បាមយកប្រជាប្រិយរបស់តារាស្រីមានប្តីរួចហើយនាង សឿ សុធារ៉ា ចេញមុខស្ទើរគ្រប់វេទិកាសិល្បៈ ដោយនាងបានលើកឡើងថា នាងនឹងពុះពារដើម្បីក្រសោបយកភាពល្បាញល្បីឡើងវិញ ហើយគ្រានោះគេបានឃើញថា សឿ សុធារ៉ា ក៏ទទួលបានឱកាសចេញទៅសម្តែងនៅអាមេរិកផងដែរ។
ប៉ុន្តែយ៉ាងណាការតាំងចិត្តរបស់តារារូបនេះ ហាក់មិនបានយូរអង្វែងនោះទេ សន្ទុះប្រជាប្រិយភាពរបស់នាងស្ទុះឡើងបានតែមួយចម្អិនកំពឹសក៏បានស្រកស្រុតវិញ ហើយមួយរយៈកាលចុងក្រោយនេះ សឿ សុធារ៉ា គ្មានឱកាសណាបញ្ចេញទេពកោសល្យក្រៅតែពីយូរៗម្តងឡើងច្រៀងនៅលើឆាកតន្ត្រីតាមប៉ុស្តិ៍ទូរទស្សន៍នោះទេ ពោលគឺការសម្តែងចម្រៀងកាយវិការ ថតភាពយន្ត ឬក៏ស្ប៉តពាណិជ្ជកម្ម គឺអត់មានតែម្តង។
ការធ្លាក់ចុះនូវប្រជាប្រិយភាពស្ទើរតែហៅលែងឮនេះ ត្រូវបានគេលើកឡើងថា ដោយសារតែតារារូបនេះគ្មានពេលគ្រប់គ្រាន់ក្នុងការពង្រឹងអាជីពសិល្បៈដោយសារតែនាងត្រូវចំណាយពេលយ៉ាងច្រើនលើការរកស៊ី និងមើលថែកូនស្រី។ ប៉ុន្តែថ្មីៗនេះ អ្នកជិតស្និទ្ធនឹងតារារូបនេះបានបញ្ជាក់ថា ការលាក់ខ្លួនពួនអាត្មាពីវេទិកាសិល្បៈកន្លងមកនោះ ព្រោះតែ សឿ សុធារ៉ា ចង់ថែខ្លួនយកកូនម្នាក់បន្ថែមទៀតនៅក្នុងអំឡុងពេលរយាលពីរដូវរកស៊ី ហើយអ្វីដែលគួរឲ្យភ្ញាក់ផ្អើលនោះគឺ គេបានដឹងថា នៅពេលនេះ សឿ សុធារ៉ា កំពុងតែពពោះកូនទី២ ដូចបំណងហើយ។
តារាសម្តែងស្រីដែលមានវ័យនៅតែក្មេងខ្ចីនាង សឿ សុធារ៉ា បានទទួលស្គាល់ហើយបានប្រាប់អ្នកសារព័ត៌មានទាំងស្រពេចស្រពិលថា នាងប្រហែលជាកំពុងពពោះកូនពិតមែន ព្រោះអាការរបស់នាងនៅពេលនេះ គឺជាអាការអ្នកមានផ្ទៃពោះមិនអាចប្រកែកបាន។ ប៉ុន្តែយ៉ាងណា តារារូបនេះបានបញ្ជាក់ថា នាងមិនទាន់បានទៅជួបពេទ្យដើម្បីពិនិត្យឲ្យបានជាក់ច្បាស់១០០ភាគរយថា នាងពិតជាពពោះកូនទី២នៅឡើយ។
ជាមួយគ្នានោះ លោក សាពូន មីដាដា បាននិយាយថា៖«ពិតមែនហើយអាការប្រពន្ធខ្ញុំនៅពេលនេះ គឺអាការអ្នកមានកូន ព្រោះគាត់តែងចាញ់កូន ហើយចេះតែចង់ញ៉ាំអ្វីប្លែកៗ ដូចជាចង់ញ៉ាំខ្យងជាដើម តែខ្ញុំនៅតែមិនអាចបញ្ជាក់១០០ភាគរយ នៅឡើយ ព្រោះយើងអត់ទាន់បានពិនិត្យតាមវេជ្ជសាស្ត្រនោះទេ» ។ តារារូបនេះបានបញ្ជាក់ថា៖ «លទ្ធផលនឹងដឹងច្បាស់នៅពេលបន្តិចទៀតនេះ ព្រោះខ្ញុំមានគម្រោងថា ១សប្តាហ៍ទៀតនឹងទៅពេទ្យហើយ»។
ការពពោះនេះ សឿ សុធារ៉ា ហាក់កាន់តែមានអារម្មណ៍ល្អទ្វេដង ដោយសារតារារូបនេះបានយល់សុបិនឃើញថា អ្នកមកចាប់ជាតិក្នុងកំណើតកូនទី២របស់នាង គឺជាបងប្រុសបង្កើតរបស់នាង ដែលទើបតែទទួលមរណភាពកាលពីប៉ុន្មានខែកន្លងមកនេះ។ តាមរយៈការលើកឡើងរបស់ សឿ សុធារ៉ា នាងហាក់មានជំនឿយ៉ាងមុតមាំថា កូនទី២ របស់នាងជាកូនប្រុស មិនមែនស្រីនោះទេ។ បន្ថែមលើនោះ នាង គិតថា កូនទី២របស់នាងនឹងនាំមកនូវលាភសំណាងដល់គ្រួសាររបស់នាងជាក់ជាមិនខាន។
តារាចម្រៀងប្រចាំផលិតកម្មរស្មីហង្សមាស លោក សាពូន មីដាដា បានឲ្យដឹងផងដែរថា នៅពេលលោកឃើញភរិយាមានអាការពពោះកូនបែបនេះ លោកពិតជារីករាយមែនទែន ព្រោះគូស្វាមីភរិយាលោកចង់បានកូនទី២យូរមកហើយ ហើយ ដោយលោកក៏មិនបានប្រកាន់ថា កូនប្រុស ឬស្រីដែរ គឺលោកចង់បានទាំងអស់។
តារាចម្រៀងរូបនេះបាននិយាយថា៖ «ខ្ញុំចង់បានកូនទី២ យូរហើយ ពិតជាសប្បាយចិត្តណាស់។ រឿងថា កូនប្រុស ឬស្រីនោះ ខ្ញុំស្រឡាញ់ទាំងអស់ អត់ប្រកាន់ទេ តែខ្ញុំមានកូនស្រីម្នាក់ហើយ បើបានកូនប្រុសវិញកាន់តែប្រសើរ»។
សឿ សុធារ៉ា មានសង្ឃឹមយ៉ាងមុតមាំថា កូនទី២របស់នាងនឹងធ្វើឲ្យចំណងស្នេហាគូស្វាមីភរិយារបស់ខ្លួនកាន់តែរឹងមាំជាក់ជាមិនខាន៕
yeah yeah , only fuck and suck all the night … you will get your goal …
ម៉េចម៉ាកុំយកកូនជាមួយល្បងគន់គីមណ៎ាមីនាង ព្រោះអាសាពូនវាស្មានថាមីនាងហ្នឹងមានពងក្រហម តាមពិតដែលគេសោះ!