ដោយ៖ អុឹង ប៊ុនថន
ថ្ងៃសុក្រ ទី29 សីហា 2014
http://vodhotnews.com
មើលរូបភាពបន្ថែម
សិស្សានុសិស្ស ក្រោយបញ្ចប់ការប្រលង នៅវិទ្យាល័យមួយ (រូបថតពី៖ ACU)
ការប្រកាសលទ្ធផលនៃការប្រឡងសញ្ញាបត្រមធ្យមសិក្សាទុតិយភូមិ ឬហៅថាបាក់ឌុប ត្រូវធ្វើឡើងនៅរសៀលថ្ងៃទី២៩ ខែសីហា ឆ្នាំ២០១៤នេះ សម្រាប់មណ្ឌលនៅរាជធានីភ្នំពេញ និងខេត្តកណ្តាល ខណៈមណ្ឌលតាមបណ្តាខេត្តនានាប្រកាសនៅថ្ងៃទី៣០ខែសីហា។
លោកនាយករដ្ឋមន្ត្រី ហ៊ុន សែន ថ្លែងឲ្យដឹងហើយថា ចំនួនបេក្ខជនប្រឡងជាប់មានប្រហែលតែ៣០%ប៉ុណ្ណោះ ប៉ុន្តែលោកប្រកាសឲ្យមានការប្រឡងលើកទី២ចំពោះអ្នកធ្លាក់។
មូលហេតុអ្វីបានជា ប្រកាសឲ្យមានការប្រឡងលើកទី២ បន្ទាប់ពីដឹងថា ការធ្វើកំណែទម្រង់ស៊ីជម្រៅនៃក្រសួងអប់រំធ្វើឲ្យសិស្សប្រឡងធ្លាក់ច្រើន? តើមានគុណសម្បត្តិ និងគុណវិបត្តិអ្វីខ្លះ?
នាយកប្រតិបត្តិអង្គការខ្មែរសម្រាប់អភិវឌ្ឍន៍ជាតិដែលធ្វើការផ្តោតលើវិស័យអប់រំដែរនោះ លោក សេង ឬទ្ធី យល់ថា ការប្រកាសឲ្យមានការប្រឡងបាកឌុបលើកទី២ ជាការល្អ បើទោះជាមិនមានគោលការណ៍ពីមុនមកក៏ដោយ។
សិស្សដែលប្រឡងបាកឌុបឆ្នាំ២០១៤នេះ មានជិត១០ម៉ឺននាក់ ហើយបើប្រឡងជាប់តែ៣០% មែននោះ មានន័យថា សិស្សជិត៧ម៉ឺននាក់ទៀត នឹងត្រូវក្លាយជាបន្ទុកធ្ងន់មួយសម្រាប់គ្រួសារ និងសង្គម ។ បន្ទុកធ្ងន់នោះដោយសារពួកគេ អាចបោះបង់ការសិក្សា និងបង្កើតឲ្យមានបញ្ហាដល់សង្គម ឬអ្នកខ្លះទៀតត្រូវសិក្សាត្រួតថ្នាក់ ដែលជាការចំណាយទ្វេដង។
អ្នកស្រាវជ្រាវឯករាជ្យពីការអភិវឌ្ឍន៍សង្គម លោក កែម ឡី យល់ថា ការប្រកាសឲ្យមានការប្រឡងបាក់ឌុបលើកទី២ ដោយអត់គ្រោងទុកនេះ ជារឿងនយោបាយរបស់គណបក្សកាន់អំណាច និងបង្ហាញថា នយោបាយកែទម្រង់យ៉ាងគំហុកនេះមិនបានជោគជ័យទេ។
បើតាមលោកកែម ឡី ដែលយោងតាមសំដីរបស់គ្រូធ្វើកំណែខ្លះ ឲ្យដឹងថា បើកែឲ្យបានហ្មត់ចត់ នោះ ចំនួនសិស្សដែលប្រឡងជាប់មានតែ១០ភាគរយប៉ុណ្ណោះ។
បច្ចុប្បន្ននេះ សិស្សដែលប្រឡងជាប់បាក់ឌុបភាគច្រើនបានស្រូបយកដោយសាកលវិទ្យាល័យឯកជនដែលមានចំនួនច្រើន ខណៈសាកលវិទ្យាល័យរដ្ឋមិនអាចទទួលយកអស់។ ម្យ៉ាងទៀតសាកលវិទ្យាល័យឯកជនខ្លះ ក៏ទទួលយកសិស្សធ្លាក់បាក់ឌុបឲ្យចូលរៀនថ្នាក់បរិញ្ញាបត្ររង ឬជំនាញផ្សេងៗ។
អ្នកវិភាគគិតថា ការប្រឡងបាក់ឌុបលើកទី២នេះ ក៏ជាយុទ្ធសាស្ត្រមួយកុំឲ្យយុវជនដែលប្រឡងធ្លាក់ជ្រួលច្របល់។
លោក William E. Todd ឯកអគ្គរដ្ឋទូតសហរដ្ឋអាមេរិកប្រចាំកម្ពុជា បានសរសេរលិខិតរបស់លោកមកកាន់ VOD បន្ទាប់ពីការបោះឆ្នោតឆ្នាំ២០១៣ថា មានការរចាប់អារម្មណ៍យ៉ាងខ្លាំង ដែលយុវជនបានសម្តែងចេញ គឺការចូលរួមធ្វើយុទ្ធនាការ និងបោះឆ្នោតក្នុងចំនួនយ៉ាងច្រើន ដែលនេះគឺជាការមួយគួរឲ្យលើកទឹកចិត្ត។ តាំងពីពេលនោះមក Facebook របស់ស្ថានទូត និង blog របស់លោកបានទទួលមតិយោបល់រាប់រយពីយុវជនកម្ពុជា ដោយគេសម្តែងទស្សនៈរបស់គេស្តីពីការបោះឆ្នោត មតិរបស់គេស្តីពីការអភិវឌ្ឍនៃប្រទេសរបស់គេ និងការសង្ឃឹម និងបំណងប្រាថ្នារបស់គេទៅអនាគត។
ក្រសួងអប់រំ ឲ្យដឹងថា សម្រាប់អ្នកប្រឡងធ្លាក់នៅមានវគ្គរៀនបំប៉នដើម្បីប្រឡងលើកទី២ ដែលនឹងធ្វើឡើងនៅពាក់កណ្តាលខែតុលាខាងមុខនេះ។ ប៉ុន្តែក្រសួងបានសម្រេចកំណត់នីតិវិធីដំណើរការប្រឡងដូចគ្នាលើកទី១ដែរ ប៉ុន្តែវិញ្ញាសារខុសពីមុន។
នាយកប្រតិបត្តិនៃអង្គការកម្មវិធីអភិវឌ្ឍន៍ធនធានយុវជនកម្ពុជា (YRDP) លោក ជាង សុខា យល់ថា យន្តការបង្កើតវគ្គបំប៉ននេះ អាចជួយសិស្សបានលុះណាតែវិញ្ញាសារប្រឡងលើកទី២នេះ ស្របតាមអ្វីដែលសិស្សបានរៀនក្នុងវគ្គបំប៉ននោះ ប៉ុន្តែលោកគិតថា ការធ្វើបែបនេះនឹងនាំឲ្យគុណភាពអប់រំកាន់តែធ្លាក់ចុះ និងប្រែប្រួល តាមអ្វីដែលក្រសួងចង់បានទៅវិញ។ លោកធ្លាប់ឲ្យដឹងថា តួលេខនៃអ្នកជាប់ប្រមាណ៣០%នេះ គ្រាន់តែជាអត្រានៃអ្នកដែលអាចធ្វើបានដោយមិនចម្លងគ្នា តែមិនឆ្លុះបញ្ចាំងពីគុណភាពអប់រំនោះទេ។
សម្រាប់លោក កែម ឡី គាំទ្រចំពោះការបង្កើតវគ្គបំប៉ននេះ ដែលជាផ្នែកមួយនៃការជួយដល់សិស្ស មានឱកាសទទួលបានការបណ្តុះបណ្តាលបន្ថែម ប៉ុន្តែលោកគិតថា ក្រសួង គួរពិចារណាពីគុណភាពនៃការអប់រំឡើងវិញ ពាក់ព័ន្ធនឹងបញ្ហាប្រាក់ខែគ្រូបង្រៀន កម្មវិធីសិក្សា ការរួមចំណែករបស់សង្គមស៊ីវិល និងការលើកទឹកចិត្តដល់សិស្ស ឲ្យចាប់អារម្មណ៍លើការសិក្សា ដើម្បីកុំឲ្យការប្រឡងលើកទី២ ក្លាយជាវប្បធម៌មិនល្អមួយនៃប្រព័ន្ធអប់រំនៅកម្ពុជា៕
សូមសរសេរមកលោក អុឹង ប៊ុនថន តាមរយៈ chanthorn@vodhotnews.com
លទ្ធផលនេះ ឆ្លុះបញ្ចាំងអោយឃើញថា វិស័យអប់រំ កម្ពុជាមានការធ្លាក់ចុះយ៉ាងខ្លាំងក្រោមការដឹកនាំរបស់បុរសខ្លាំង ខាងកាប់ ចាក់ បាញ់ប្រហារ…!
១. ហេតុអ្វី សម័យសម្តេចជោរហ៊ុនសែនសិស្សប្រឡង់ធ្លាក់ច្រើនម្ល៉េះ? តើមកពីកត្តាអ្វី?
២. ខ្ញុំក៍ធ្លាប់រៀនដែរ ហើយធ្លាប់មានអារម្មណ័ជាសិស្សដែរ!! កត្តាសំខាន់ គឺ អយុត្តិធម៌នៃសង្គមហ៊ុនសែន ឬអាចនិយាយបញ្ច្រាសទៅវិញថា អត់អោយតម្លៃអ្នករៀនទេ!! អោយតម្លៃតែបក្ខពួកគ្រួសារហ៊ុនសែនប៉ុណ្ណោះ នេះជាសច្ចៈភាពដែរយើងទាំងអស៉គ្នាសុទ្ធតែដឹងឮ?
៣. ឥឡូវមកប៉ះរដ្ឋមន្រ្តីអប់រំស្ទាវ គ្មានបទពិសោធន័ពីសច្ចះភាពនៃសង្គមហ៊ុនសែន បានមកហែកខោហ៊ុនសែនអោយគេឃើញពងគ្រប់គ្នា! ព្រះអើយធ្លាក់ដល់ក មិនដែលមានទេលើលោក!!
៤. ពង្រឹងគុណភាព អ្នកពូកែជាប់! ចំណែកអ្នកខ្សោយធ្លាក់ នេះជាជោគជ័យដ៍មហាលោតផ្លោះមហាអស្ចារ្យ!!
៥. ស្រាប់តែមានប្រឡងបាក់ឌុបលើកទី២ ដើម្បីចម្រាញ់សិស្សគ្មានគុណភាពអោយជាប់ដែរ!! ម្តាយអើយ !!!
high school students in US can take 3 to 4 times of high school exams to pass, but they also need to finish all the required credits in total of 230 credits in 4 years. Cambodia needs to look at other countries how they do it, and look at the result of their countries.
សម័យមន្រ្តីចោររដ្ឋាភិបាលហ៊ុនសែនពុករលួយ
សិស្សានុសិស្សពូកែឆ្លាតយ៉ាងណាក៍ត្រូវធ្លាក់ដែរ ឱ្យតែអត់ដុល្លាបុករុកពួកវា ។
remind me about my younger brother he was number 1 in school every years he got award from school .i fade away like dust 15year later i asked him why you are not finish school he told me he can’t go anymore because no money no link even i am the top one i fell sorry for him .poor my brother.that communist school.