ដោយ អ៊ុង សេរីវុទ្ធ
2014-08-29
RFA
ស្ដាប់ ឬ ទាញយកសំឡេង
បេក្ខជនជាង ២ម៉ឺននាក់ (២៣.១២៦នាក់) ប្រឡងជាប់សញ្ញាប័ត្រមធ្យមសិក្សាទុតិយភូមិ ឬបាក់ឌុប ដែលស្មើនឹង ២៥,៧២% ក្នុងចំណោមបេក្ខជនជិត ៩ម៉ឺននាក់ (៨៩.៩៣៧នាក់) ដែលចូលរួមក្នុងការប្រឡងឆ្នាំនេះ។ ចំនួនសិស្សដែលប្រឡងជាប់បានថយចុះប្រមាណ៦០ភាគរយប្រើប្រៀបធៀបនឹងការប្រឡងនៅឆ្នាំកន្លងទៅ។ ការថយចុះនេះគឺបន្ទាប់ពីក្រសួងអប់រំដាក់វិធានការកំណែទម្រង់វិស័យអប់រំ ក្រោមពាក្យស្លោក «អ្នកចេះគឺជាប់»។
ខុសប្លែកពីរាល់ឆ្នាំ សិស្ស ប្រមាណពី ៧០ ទៅ ៨០ ភាគរយ បានប្រឡងបាក់ឌុបជាប់ បើទោះបីបាននិទ្ទេសល្អ ឬមិនសូវល្អក្ដី នៅឆ្នាំ ២០១៤ បេក្ខជន ប្រមាណ៧០ភាគរយបានប្រឡងធ្លាក់។
សិស្សមួយចំនួនឃើញឈ្មោះរបស់ខ្លួន បិទនៅលើក្ដារប្រកាសលទ្ធផល ដែលមិនគូសប៉ិចក្រហម ពិតជាសប្បាយរីករាយ និងមានមោទនភាព ចំពោះខ្លួនឯងក្រៃលែង។ ក្នុងទឹកមុខញញឹមញញែម កញ្ញា សន ឆវីវតី បេក្ខនារី ប្រឡងមណ្ឌលវិទ្យាល័យ ជា ស៊ីម សាមគ្គី សង្កាត់បឹងសាឡាង ខណ្ឌទួលគោក ទើបនឹងឃើញលទ្ធផលប្រឡងរបស់ខ្លួន ជាប់បាននិទ្ទេសល្អផងទៀតនោះ ឲ្យដឹងថានេះជាលទ្ធផលល្អ សម្រាប់អ្នកដែលខិតខំប្រឹងប្រែង រៀនសូត្រគ្រប់គ្នា៖ «ផ្ដាំផ្ញើដល់ប្រឡងធ្លាក់ទាំងអស់ កុំបាក់ទឹកចិត្តអី ព្រោះនៅមានឱកាសជាលើកទីពីរទៀត ហើយរយៈពេលមួយខែជាង គួរតែខំប្រឹងរៀន ទាំងថ្ងៃទាំងយប់ គួរតែជឿជាក់ខ្លួនឯង ថាខ្លួនឯងអាចធ្វើបាន ទោះកាលមុខពីសូន្យភាគរយ អាចឡើងដល់ ២០ ទៅ ៣០អ៊ីចឹងដែរ»។
លោក ឈន់ អេងទ្រី គ្រូបង្រៀនម្នាក់ក្នុងវិទ្យាល័យ ជា ស៊ីម សាមគ្គី បានសាទរ ចំពោះចំណាត់ការដ៏មានប្រសិទ្ធភាព របស់ក្រសួងអប់រំ ហើយជំរុញឲ្យមាន ការរឹតបន្តឹងបែបនេះ រាល់ៗឆ្នាំទៅមុខទៀត ដោយរួមទាំងការប្រឡង លើកទី២ ខាងមុខនេះ។ លោកបញ្ជាក់ថា សិស្សដែលប្រឡងធ្លាក់ ត្រូវគិតគូរពីការរៀនសូត្ររបស់ខ្លួនឡើងវិញ៖ «ទីមួយគឺធ្វើឲ្យសិស្សខាងក្រោមៗ ទី១១ ប្រឹងរៀនណាស់ឥឡូវ គាត់ខំប្រឹងរៀនណាស់ សព្វថ្ងៃនៅសាលាខ្ញុំសិស្សរៀនគួរពេញៗ»។
ក្នុងបរិយាកាសអាប់អួរបន្តិច ហើយមេឃក៏កំពុងបង្អុរផងនោះ កញ្ញា សៀក រាសី កំពុងអង្គុយ សញ្ជប់សញ្ជឹង កែវភ្នែករលីងរលោង។ នាងថ្លែងទាំងអួលដើមកថា កាលពីថ្ងៃប្រឡងនាងពិតជាខំបញ្ចេញអស់ពីសមត្ថភាពរបស់ខ្លួន តែលទ្ធផលនៅតែធ្លាក់។ ឆ្លើយនឹងសំណួរថាតើនាងនឹងចូលប្រឡងលើកទីពីរឬទេ? រាសីហាក់នៅស្ទាក់ស្ទើរមិនដឹងថា អាចប្រឡងជាប់ ឬធ្លាក់នៅលើកទី២ ត្បិតនៅសល់ពេលជាង១ខែប៉ុណ្ណោះ។
លោក ផាន់ ណិល នាយកសាលាវិទ្យាល័យជា ស៊ីម សាមគ្គី ឲ្យដឹងថាការរៀបចំ ការប្រឡងបាក់ឌុបនៅឆ្នាំនេះជាលទ្ធផលល្អបំផុត សម្រាប់ដាស់ស្មារតី ដល់សិស្សគ្រប់រូប ឲ្យប្រឹងរៀន។ ចំណែកអាណាព្យាបាលទាំងអស់ ត្រូវយកចិត្តទុកដាក់ ជំរុញ និងចូលរួមតាមដានគ្រប់សកម្មភាព ការសិក្សារបស់កូន។
ចំពោះសិស្សដែលប្រឡងធ្លាក់វិញ ក្រសួងនឹងរៀបចំផ្ដល់ វគ្គបំប៉នបន្ថែមគ្រប់មុខវិជ្ជា តាមបណ្ដាខេត្តក្រុង ដើម្បីត្រៀមខ្លួនប្រឡងលើកទីពីរ នៅថ្ងៃទី ១៣ ទី ១៤ ខែ តុលាខាងមុខ លើកលែងតែបេក្ខជនដែលក្រសួងពិន័យ៕
ក្នុងចំណោមបេក្ខជនដែលប្រឡងជាប់នោះ សិស្សដែលបាននិទ្ទេស A មានចំនួន ១១នាក់ និងនិទ្ទេស B មានចំនួន ២៨០នាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- របាយការណ៍៖ កម្ពុជាចំណាយលុយច្រើនលើវិស័យអប់រំប៉ុន្តែគុណភាពនៅទាបដដែល
- សិក្ខាសាលាស្ដីពី«យុវជន ការអប់រំ និងការងារ»
- តុលាការសម្រេចដាក់យុវជនបក្សសង្គ្រោះជាតិម្នាក់ទៀតឲ្យស្ថិតក្រោមការតាមដាន
- យុវជនពិការភ្នែកខាងស្ដាំម្នាក់ចោលការសិក្សាមកប្រកបរបរលក់សណ្ដែកដីនៅភ្នំពេញ
- ក្រសួងអប់រំចាប់ផ្ដើមពិនិត្យបញ្ជីឈ្មោះដើម្បីបោសសម្អាតមន្ត្រីខ្មោច
- សមាគមគ្រូបង្រៀនឯករាជ្យស្នើក្រសួងស៊ើបអង្កេតអំពើពុករលួយស្រុកភ្នំក្រវាញ
- ក្រសួងអប់រំគ្រោងរៀបចំសិក្ខាសាលាចែករំលែកចំណេះដឹងបច្ចេកវិទ្យានិងសហគ្រិនភាព
- សាលាឧទ្ធរណ៍ដោះលែងយុវជនបក្សប្រឆាំង៣នាក់ឲ្យនៅក្រៅឃុំបណ្ដោះអាសន្ន
- នាយករដ្ឋមន្ត្រីប្រកាសដំឡើងប្រាក់ខែគ្រូបង្រៀនបន្ថែមទៀតចាប់ពីខែកញ្ញា
១. ហេតុអ្វី សម័យសម្តេចជោរហ៊ុនសែនសិស្សប្រឡង់ធ្លាក់ច្រើនម្ល៉េះ? តើមកពីកត្តាអ្វី?
២. ខ្ញុំក៍ធ្លាប់រៀនដែរ ហើយធ្លាប់មានអារម្មណ័ជាសិស្សដែរ!! កត្តាសំខាន់ គឺ អយុត្តិធម៌នៃសង្គមហ៊ុនសែន ឬអាចនិយាយបញ្ច្រាសទៅវិញថា អត់អោយតម្លៃអ្នករៀនទេ!! អោយតម្លៃតែបក្ខពួកគ្រួសារហ៊ុនសែនប៉ុណ្ណោះ នេះជាសច្ចៈភាពដែរយើងទាំងអស៉គ្នាសុទ្ធតែដឹងឮ?
៣. ឥឡូវមកប៉ះរដ្ឋមន្រ្តីអប់រំស្ទាវ គ្មានបទពិសោធន័ពីសច្ចះភាពនៃសង្គមហ៊ុនសែន បានមកហែកខោហ៊ុនសែនអោយគេឃើញពងគ្រប់គ្នា! ព្រះអើយធ្លាក់ដល់ក មិនដែលមានទេលើលោក!!
៤. ពង្រឹងគុណភាព អ្នកពូកែជាប់! ចំណែកអ្នកខ្សោយធ្លាក់ នេះជាជោគជ័យដ៍មហាលោតផ្លោះមហាអស្ចារ្យ!!
៥. ស្រាប់តែមានប្រឡងបាក់ឌុបលើកទី២ ដើម្បីចម្រាញ់សិស្សគ្មានគុណភាពអោយជាប់ដែរ!! ម្តាយអើយ !!!
បើទោះជាគ្មានសញ្ញាប័ត្រមធ្យមសិក្សាក៏អាចកាន់តំណែងជានាយករដ្ផមន្ត្រីនិងជាប្រធានសភាបាន
តើ???ចាំបាច់យំតូចចិត្តធ្វើអ្វី??????មានសញ្ញាប័ត្របានធ្វើជាស្មៀនគេតែដដែលហ្នឹង????
Anonymous: យោបល់លោក ពិតជាត្រឹមត្រូវ…តែមិនសុទ្ធតែត្រូវ១០០%នោះទេ នេះដោយសារតែ យួនទេ កុំអីមេដឹកនាំសព្វថ្ងៃនេះ នៅជំតិត ស្ទូងស្រូវកណ្តាលវាលស្រែនៅឡើយទេ …!?
ចំណែកលទ្ធផលប្រលង បាក់ឌុប ឆ្នាំនេះ បញ្ជាក់អោយឃើញពីភាពល្ងង់ខ្លៅរបស់មេដឹកនាំអវិជ្ជានេះហើយ!