Fri, 31 October 2014
សេត គឹមសឿន
ភ្នំពេញប៉ុស្តិ៍
ភ្នំពេញៈ ដោយសារតែការស្រឡាញ់វប្បធម៌សិល្បៈខ្លួន និងមិនចង់ឲ្យភាពយន្តបរទេស ពិសេសភាពយន្តថៃត្រឡប់មកគ្របដណ្តប់លើ ឬក៏សម្លាប់ភាពយន្តខ្មែរដែលកំពុងរើបរស់ឡើងវិញនោះ តារាសម្តែងជើងចាស់អ្នកនាង ចន ច័ន្ទលក្ខិណា បានខំស្ទុះស្ទាងើបកេណ្ឌគ្នាជាអ្នកសិល្បៈតវ៉ាប្រឆាំង ប៉ុន្តែយ៉ាងណាការខិតខំនោះបែរជាទទួលការរិះគន់ពីមនុស្សអគតិមួយចំនួនទៅវិញ។
ការរិះគន់ និងវាយប្រហារទាំងទទឹងទិសរបស់មនុស្សមួយចំនួននោះហើយ បានធ្វើឲ្យអ្នកនាង ចន ច័ន្ទលក្ខិណា ហាក់ដូចជាឈឺចាប់រកពាក្យអ្វីនិយាយគ្មាន ខណៈការខិតខំរបស់នាងគឺដើម្បីតែប្រយោជន៍រួមប៉ុណ្ណោះ។ ឆ្លើយតបនឹងការឈឺចាប់ចាក់ដោតក្នុងបេះដូងនេះហើយ ដែលធ្វើឲ្យអ្នកនាងចន ច័ន្ទ និយាយនូវពាក្យមួយនៅលើទំព័រសង្គមថា បើអាច នាងនឹងចាកចេញពីកម្ពុជា ដោយសារតែការឈឺចាប់នេះ។
ក្រោយការក្រោកឈរតវ៉ាប្រឆាំងនឹងការចាក់បញ្ចាំងភាពយន្តបរទេស ពិសេសរឿងថៃលើកញ្ចក់ទូរទស្សន៍ខ្មែរដែលដឹកនាំដោយអ្នកនាង ចន ច័ន្ទលក្ខិណា នោះ នាងបានទទួលរងការរិះគន់ជាបន្តបន្ទាប់។ លុះក្រោយការបើកវេទិកាបញ្ចេញមតិដ៏ធំនៅក្រសួងព័ត៌មានមក នាងក៏កាន់តែទទួលរងការរិះគន់បន្ត ដោយសារតែអ្នករិះគន់នោះមិនសូវមានសន្តានចិត្តជាតិនិយមក្នុងខ្លួន និងមិនដឹងស៊ីជម្រៅអំពីរឿងនេះ។
អ្នករិះគន់ទាំងនោះ បែរជាចោទអ្នកនាង ចន ច័ន្ទលក្ខិណា ថា ការធ្វើនោះគឺដើម្បីប្រយោជន៍ផ្ទាល់ខ្លួន ដែលមើលទៅដូចជាតិនិយម តែតាមពិតឆ្កួតនិយមសោះ។
ភ្លាមនោះអ្នកនាង ចន ច័ន្ទលក្ខិណា ដែលខំប្រឹងដើម្បីសិល្បៈជាតិបានសម្តែងនូវការឈឺចាប់ស្ទើរក្អួតឈាម ហើយនាងសឹងតែលែងចង់រស់នៅកម្ពុជាបន្តទៀត ដោយសារតែកម្ពុជាសម្បូរមនុស្សប្រភេទអគតិបែបនោះ។
ការឈឺចាប់បានជំរុញឲ្យនាងសរសេរនៅលើទំព័រសង្គមហ្វេសប៊ុកនាងជាភាសាអង់គ្លេស និងត្រូវបានប្រែសម្រួលនៅពេលនេះថា៖«ប្រសិនបើជាអាច ខ្ញុំនឹងទៅឲ្យឆ្ងាយពីកម្ពុជា ពីព្រោះពលរដ្ឋខ្មែរមួយចំនួនបានធ្វើឲ្យខ្ញុំឈឺចាប់ខ្លាំងណាស់ វាគ្រប់គ្រាន់ហើយសម្រាប់ខ្ញុំនៅពេលនេះ»។
ទោះបីជាយ៉ាងណាទាំងមន្ត្រីរាជការ ឧកញ៉ា បណ្ឌិត បញ្ញវន្ត រហូតដល់សិស្សនិស្សិត នៅគាំទ្រពេញទំហឹងចំពោះទង្វើរបស់ ចន ច័ន្ទលក្ខិណា ហើយពួកគេបានស្នើសុំឲ្យតារារូបនេះនៅតែបន្តជំរុញការងារនេះដើម្បីប្រយោជន៍សិល្បៈជាតិ។
មតិមហាជនភាគច្រើនបានលើកឡើងថា ការរិះគន់ទាំងឡាយគួរតែធ្លាក់ទៅលើក្រសួងវប្បធម៌ និងវិចិត្រសិល្បៈ ដែលកន្លងមកហាក់ដូចជាមិនបានធ្វើការងារអ្វីជាដុំកំភួនដើម្បីសិល្បៈខ្មែរនោះទេ។ ក្រសួងវប្បធម៌បានត្រឹមតែនិយាយថា ទីផ្សារសេរីមិនអាចហាមឃាត់នោះ៕
ខ្ញុំគិតថាជាតិនិយមគឺល្អហើយតែឲ្យវាត្រូវតាមទឹសផង។ ជាតិនិយាមត្រូវទិសនោះគឺជាតិនិយមការ ពារទឹកដីដែលបរទេសទាំងខាងលិចនិងខាងកើតកំពុងតែរឹបអូស ជាពិសេសគឺកោះត្រល់និងដីរាប់ សិបហិតាដែលយួនកំពុងតែរំកិលយកដោយមានការគាំទ្រពីរដ្ឋាភិបាលហ៊ុនសែន។ រឿងហ្នឹងបាន គេហៅថាជាតិនិយមត្រូវទិស។ ប្រសិនបើបាត់ទឹកដីខាននៅទៅនោះតើនាងបានដីអីនៅដើម្បីតវ៉ា រឿងគេចាក់ផ្សាយកុនថៃនោះ។ រឿងគេចាក់ផ្សាយកុនបរទេសវាជារឿងធម្មតានោះទេមិនមានបញ្ហា ធំដំនោះទេ សំខាន់បើចង់ឲ្យគេគាំទ្រធ្វើយ៉ាងណាកំសំដែងឲ្យវាល្អដូចគេទៅនោះមានអ្នកគាំទ្រនាង ហើយ។ មិនត្រូវមានចិត្តចង្អៀតចង្អល់ខុសរឿងពេកនោះទេសម័យភាវូបនីយកម្មគេត្រូវមានសេចក្តី សម្រេចចិត្តទូលំទូលាយមិនត្រូវបិទសិទ្ធិគេដោយយកជាតិនិយមខុសទឹសមកបិទបាំងនោះទេ។
com’on darling’ calm down o k .in this world every body have the criticism even mr obama they still criticise him so it dos’nt matter ,white and black,goog and bad they all way come the same so the importance is act professionally and will draw alot from people .i wish you don’t advertise the beer and vine that poison the society.GOD bless all cambodian people’
កុំអេាយគេថាលុះកុំធ្វេី
ការឈឺចាប់ ជាចំណែកមួយ នៃទំព័រ ឆ្លងកាត់របស់គ្រប់ជីវិត។ កត្តាចាំបាច់ គឺ ការទទួលស្គាល់ នូវភាពអវិជ្ជមាននៃជីវិត ហេីយ បំផ្លែងវា អោយក្លាយទៅជា វិជ្ជមាន សំរាប់ខ្លួន នាងផ្ទាល់ ឫ ដល់ ជនដ៏ទៃទៀត។ មនុស្សជាច្រេីនទៀតដែលជីវិត ជួបប្រទះ សឹងតែក្នុងមួយជីវិត។
គិតថា ដូចជាពុំមែនរឿងដែលយើងត្រូវឈឺចាប់ជាមួយការរិះគន់នេះទេ។
យើងក៏មិនត្រូវគិតថា ហាមមិនឲ្យកុនថៃ ចូលមកប្រទេស ឬផ្សាយតាមទូរទស្សន៍ នោះ ដែរ។
យើងទទួលស្គាល់ទឹកចិត្តស្នេហាជាតិរបស់នាង តែសូមកុំឲ្យវាជ្រុល។ បើចង់ឈ្នះគេ សូមប្រឹងបង្កើនសមត្ថភាព ធ្វើគុណភាពកុនយើងឲ្យល្អជាងគេ ទៅ គេចូលែងបានទៅហើយ។
តែយើងក៏បានសំគាល់ឃើញថា ទូរទស្សន៍លេខ ៥ កងយោធពលខេមរភូមិន្ទនេះ ក៏វាហួសហេតុដែរ។ តាំងតែពីព្រឹកម៉ោង ៨ ទៅ គឺសុទ្ធតែកុនថៃ។
ល្មមៗ បានហើយ!!!! ឲ្យដឹងថា យើងជាទូរទស្សខ្មែរ ណា៎ ពុំមែនទូរទស្សន៍ថៃទេ!! ម្យ៉ាង ក៏យើងពាក់ផ្លាក « កងយោធពលខេមរភូមិន្ទ » ផង!!