ដោយ៖ ខាន់ លក្ខិណា
ថ្ងៃសុក្រ ទី14 វិច្ឆិកា 2014
http://vodhotnews.com
អាជ្ញាធររាជធានីភ្នំពេញ ចាប់ផ្ដើមប៉ះទង្គិចចជាមួយអ្នកភូមិបឹងកក់ នៅព្រឹកថ្ងៃសុក្រនេះ និងបានចាប់ខ្លួនមនុស្សម្នាក់ ខណៈអ្នកភូមិប្រមូលផ្ដុំគ្នាដើរ ក្បួនទៅកាន់រដ្ឋសភា ដើម្បីសុំអន្តរាគមន៍ដោះលែងតំណាងរបស់ពួកគាត់មកវិញ។
អ្នកស្រី បូវ សុភា ដែលតំណាងអ្នកបឹងកក់ក្នុងការដឹកនាំការតវា់បានប្រាប់VODថា ការប៉ះទង្គិចនេះកើតឡើងនៅម្ដុំវិហារឥស្លាម នៅក្នុងតំបន់បឹកក់ គឺ នៅពេលអ្នកភូមិចេញដើរក្បួនទៅកាន់មន្ទីររដ្ឋសភា ដើម្បីទាមទារឲ្យដោះលែង តំណាងរបស់ពួកគាត់១០នាក់ និងព្រះសង្ឃមួយអង្គ ដែលកំពុងជាប់ឃុំនៅពន្ធនាគារព្រៃស ។
អ្នកស្រីអះអាងថា នៅក្នុងហេតុការណ៍នេះ អាជ្ញាធរចាប់ខ្លួនបុរសម្នាក់ និងរឹបអូសរ៉ឺម៉កម៉ូតូចំនួន២គ្រឿងយកទៅបាត់ ។
អ្នកស្រីបន្តថា បើទោះជាយ៉ាងនេះក្ដី ពួកគាត់ជាអ្នករងគ្រោះករណីដីធ្លី នៅតែបន្តរកមធ្យោបាយ ដោយសន្តិវិធី ដើម្បីបានទៅដល់មន្ទីររដ្ឋសភា នៅព្រឹកនេះ ។
តាមព័ត៌មាន មិនមែនមានតែអ្នកភូមិបឹងកក់នោះទេ ដែលធ្វើការតវ៉ាគឺមានក្រុមយុវជន និងសហគមន៍ ជាច្រើន ទៀត ដែលអាចមានជិត១០០០នាក់ កំពុងរៀបចំចេញក្បួន ទៅកាន់រដ្ឋសភា។
សូមជម្រាបថា ក្នុងចំណោមមនុស្ស១១នាក់ដែលស្ថិតក្នុងពន្ធនាគារព្រៃស គឺក្នុងនោះមានអ្នកស្រី ទេព វន្នី និងព្រះសង្ឃមួយអង្គផងដែរ ។ ពួកគាត់ ត្រូវបានតុលាការរាធានីភ្នំពេញកាត់ទោសម្នាក់ៗ១ឆ្នាំ និងពិន័យប្រាក់២លានរៀល ដោយស្ត្រី៧នាក់ ត្រូវចោទពីបទបង្កការកកស្ទះចរចារណ៍សាធារណៈ ឯស្ត្រី៣នាក់ផ្សេងទៀត និងព្រះសង្ឃមួយអង្គ ត្រូវចោទពីបទប្រឆាំងរាជការសាធារណៈ ដោយមានស្ថានទម្ងន់ទោស ៕
law is made by the will of the majority of people throught their representatives in the NA, for the people. So Single Standard of law must be applied equally before the law, by whichthe court must play an independent and neutral role to adjudicate all cases fairly! As people in this Kingdom, we do not want to see the application of double stanadrd of law withim this Kingdom! we need a national unity with indenity is Khmer! unity is the force! L”union fait la force!, Former King Sihanouk said!
1