ដោយ យាង សុជាមេត្តា
2014-11-16
RFA
ស្ដាប់ ឬ ទាញយកសំឡេង
ប្រធានសហគមន៍ខ្មែរកម្ពុជាក្រោម លោក ថាច់ សេដ្ឋា ឈរកាន់ញត្តិរង់ចាំដាក់ជូនស្ថានទូត នារាជធានីភ្នំពេញ នៅព្រឹកថ្ងៃទី១៣ សីហា ២០១៤។ RFA/Mom Sophon
រដ្ឋាភិបាលបារាំងអះអាងថា នឹងប្រគល់ឯកសារផ្សេងៗ ពាក់ព័ន្ធនឹងប្រវត្តិសាស្ត្រទឹកដី កម្ពុជាក្រោម ទៅឲ្យអង្គការសមាគមខ្មែរកម្ពុជាក្រោមតាមការស្នើសុំ។ ការអះអាងនេះ ធ្វើឡើងប្រមាណជាង១ខែ បន្ទាប់ពីអង្គការសមាគមខ្មែរកម្ពុជាក្រោម បានដាក់ញត្តិទៅ កាន់ស្ថានទូតបារាំងប្រចាំកម្ពុជា ដើម្បីឲ្យអតីតប្រទេសគ្រប់គ្រង និងធ្វើអាណានិគម នៅឥណ្ឌូចិនមួយនេះ បង្ហាញឯកសារនានា ពាក់ព័ន្ធនឹងការកាត់ទឹកដីកម្ពុជាក្រោម ទៅឲ្យវៀតណាម។
ការអះអាងរបស់រដ្ឋាភិបាលបារាំងនៅពេលនេះ អាចចាត់ទុកថាជាដំណឹងល្អសម្រាប់ អង្គការសមាគមខ្មែរកម្ពុជាក្រោម ក្នុងការប្រមូលឯកសារភស្តុតាងបន្ថែមទៅលើឯកសារ ដែលមានស្រាប់ ដើម្បីធ្វើជាមូលដ្ឋាន បង្ហាញឲ្យរដ្ឋាភិបាលវៀតណាម ដឹងថាទឹកដីកម្ពុជាក្រោម គឺជាអតីតទឹកដីរបស់ខ្មែរ ដែលទើបត្រូវបានបារាំងកាត់ឲ្យវៀតណាមនៅឆ្នាំ ១៩៤៩ គឺមិនមែនជាទឹកដីរបស់វៀតណាមតាំងពីយូរណាស់មកហើយ ដូចការអះអាង របស់មន្ត្រីស្ថានទូតវៀតណាមប្រចាំកម្ពុជា កាលពីកន្លងមកនោះឡើយ។
ប្រធានសហគមន៍ខ្មែរកម្ពុជាក្រោម លោក ថាច់ សេដ្ឋា មានប្រសាសន៍នៅថ្ងៃទី១៦ វិច្ឆិកា ថា ស្ថានទូតបារាំងប្រចាំកម្ពុជា កាលពីថ្ងៃទី១៣ វិច្ឆិកា បានឆ្លើយតបថា ប្រទេសបារាំង យល់ព្រមប្រគល់ឯកសារនានាពាក់ព័ន្ធនឹងទឹកដីកម្ពុជាក្រោម ទៅឲ្យអង្គការសមាគមខ្មែរកម្ពុជាក្រោម និងសម្ព័ន្ធយុវជនទៅតាមការស្នើសុំ។ ទោះជាយ៉ាងណា លោកថាពួកលោក ត្រូវធ្វើដំណើរទៅយកឯកសារទាំងនោះដោយផ្ទាល់ នៅប្រទេសបារាំង គឺទៅតាមការចង្អុលបង្ហាញរបស់រដ្ឋាភិបាលបារាំង។
លោក ថាច់ សេដ្ឋា ចាត់ទុកការឆ្លើយតបរបស់រដ្ឋាភិបាលបារាំងនៅពេលនេះ ថាជារឿង ប្រវត្តិសាស្ត្រដំបូងបំផុតមួយសម្រាប់ខ្មែរក្រោម ហើយក៏ជាកិត្តិយសមួយសម្រាប់ខ្មែរក្រោម និងក្រុមយុវជនកម្ពុជាផងដែរ។ លោកថាក្រុមលោកនឹងរៀបចំគណៈប្រតិភូផ្លូវការ ដើម្បីទៅយកឯកសារទាំងនោះ ពីប្រទេសបារាំង។ ទោះយ៉ាងណា លោកមិនទាន់អាចបញ្ជាក់ពីពេលវេលាជាក់លាក់ដើម្បីធ្វើដំណើរទៅប្រទេសបារាំងនៅឡើយទេ ដោយលោកថាមានបញ្ហាកង្វះខាតថវិកា៖ «ដោយសារបញ្ហាថវិកា វាទាក់ទិននឹងការស្នាក់នៅ ហូបចុក សំបុត្រយន្តហោះ ទាំងអស់ អ៊ីចឹងយើងមានការខ្វះខាត អ៊ីចឹងកំពុងប្រជុំគ្នាត្រូវដោះស្រាយយ៉ាងម៉េចអ៊ីចឹង មានតែអំពាវនាវដល់សប្បុរសជន ដែលគាំទ្រក្នុងស្មារតីហ្នឹង សូមឲ្យលោកជួយវិភាគទាន តាមលទ្ធភាពដើម្បីយើងមានឱកាស យើងមានលទ្ធភាពក្នុងការទៅ តាំងពីសំបុត្រ យន្តហោះ ក៏ដូចជាការស្នាក់នៅ ដូចបងប្អូនយើងនៅស្រុកបារាំងអីចឹង យើងអាចស្នើគាត់ សុំជួយដល់ការស្នាក់នៅ ហូបចុក ឬក៏ដឹកជញ្ជូន ឬជួយទៅដល់ការស្រាវជ្រាវបកប្រែអីទាំង អស់ហ្នឹង»។
កាលពីដើមខែតុលា ឆ្នាំ២០១៤ លោក ថាច់ សេដ្ឋា និងក្រុមសម្ព័ន្ធយុវជន បានដង្ហែញត្តិ ទៅដាក់នៅស្ថានទូតបារាំង ដើម្បីស្នើឲ្យរដ្ឋាភិបាលបារាំងជួយបញ្ជាក់អំពីកិច្ចព្រមព្រៀងនានា រវាងបារាំង និងវៀតណាម ដែលឈានដល់ធ្វើច្បាប់លេខ ៤៩/៧៣៣ ក្នុងការកាត់ទឹកដីកម្ពុជាក្រោម ទៅឲ្យវៀតណាម។
លោក ថាច់ សេដ្ឋា ថ្លែងនៅពេលនេះថា ឯកសារដែលពួកលោកនឹងទទួលបានពី រដ្ឋាភិបាលបារាំងក្នុងពេលខាងមុខ នឹងក្លាយជាឯកសារប្រវត្តិសាស្ត្រដ៏សំខាន់។ លោកថា លោកនឹងយកឯកសារទាំងនោះ មកសិក្សាជាមួយអ្នកច្បាប់ ដើម្បីស្វែងយល់ថាតើ ឯកសារដែលនឹងទទួលបាន ត្រូវយកទៅប្រើប្រាស់បែបណា។
ស្រដៀងគ្នានេះដែរ អ្នកវិភាគនយោបាយឯករាជ្យ លោកបណ្ឌិត សុខ ទូច កត់សម្គាល់ថា ឯកសារដែលបារាំងប្រុងប្រគល់ឲ្យខ្មែរក្រោមនេះ នឹងក្លាយជាឯកសារដ៏មានសារៈសំខាន់ខ្លាំងណាស់សម្រាប់ប្រវត្តិសាស្ត្រទឹកដីកម្ពុជាក្រោម ព្រោះលោកថាបារាំងខ្លួនឯងផ្ទាល់ជា ដើរតួនាទី ជាអាជ្ញាកណ្ដាលក្នុងការកាត់ទឹកដីកម្ពុជាក្រោមទៅឲ្យវៀតណាម៖ «ទី១បារាំងចង់បង្ហាញថានៅក្នុងសម័យអាណានិគមខ្លួនបានធ្វើកិច្ចការហ្នឹង ដោយសារមានហេតុការណ៍ជាច្រើនពាក់ព័ន្ធនឹងឯកសារ ទី២បើបារាំងមិនបង្ហាញឯកសារ ទេ ខ្ញុំជឿជាក់ថាខាងខ្មែរកម្ពុជាក្រោម ឬទំនាក់ទំនងកម្ពុជាទៅថ្ងៃអនាគត នៅពេលដែល មានការដោះដូរអ្នកនយោបាយ ហាក់បីដូចជាល្អក់កករជាមួយប្រទេសកម្ពុជា ចំណុចទី៣ បើសិនជាបារាំងនៅតែបន្តអាថ៌កំបាំងទេ ខ្ញុំជឿជាក់ថាដំបៅមហារីកនៅកម្ពុជាក្រោមកាន់តែផ្ទុះ។
កាលពីខែមិថុនា ឆ្នាំ២០១៤ ពោលគឺបន្ទាប់ពីអង្គការសមាគមខ្មែរកម្ពុជាក្រោម ធ្វើពិធីរម្លឹកខួបបាត់បង់ទឹកដីកម្ពុជាក្រោម អ្នកនាំពាក្យស្ថានទូតវៀតណាមប្រចាំកម្ពុជា លោក ត្រឹង វ៉ាំងថុង (Tran Van Thong) បានអះអាងថា ទឹកដីកម្ពុជាក្រោម គឺជាទឹកដីរបស់ វៀតណាមតាំងពីយូរយារណាស់មកហើយ។ ការអះអាងនេះ ត្រូវបានខ្មែរក្រោមនិងយុវជន យល់ថាវៀតណាមមានចេតនាបំភ្លៃប្រវត្តិសាស្ត្រ និងជាការប្រមាថមើលងាយទៅ លើប្រជាពលរដ្ឋខ្មែរ។ ពួកគេបានធ្វើបាតុកម្មជាបន្តបន្ទាប់ចំនួន៤លើករួចមកហើយ ដើម្បីទាមទារឲ្យរដ្ឋាភិបាលវៀតណាម ប្រកាសទទួលស្គាល់ប្រវត្តិសាស្ត្រទឹកដីកម្ពុជាក្រោម និងសុំទោសពលរដ្ឋខ្មែរជាសាធារណៈ។
ប៉ុន្តែរហូតមកទល់ពេលនេះ រដ្ឋាភិបាលវៀតណាម នៅមិនទាន់បានឆ្លើយតបយ៉ាងណា ចំពោះការទាមទាររបស់ខ្មែរក្រោម និងយុវជននៅឡើយ។
ទោះជាយ៉ាងណា លោក ថាច់ សេដ្ឋា បញ្ជាក់ជាថ្មីថា ក្រុមលោកនឹងមិនបោះបង់ចោលការ ទាមទារឲ្យរដ្ឋាភិបាលវៀតណាមទទួលស្គាល់ប្រវត្តិសាស្ត្រទឹកដីកម្ពុជាក្រោមនោះទេ។ លោកថា ប្រសិនបើពលរដ្ឋខ្មែរមិនទាមទារនៅពេលនេះទេ រដ្ឋាភិបាលវៀតណាមនឹងបន្ត បំភ្លៃប្រវត្តិសាស្ត្រខ្មែរ និងបន្តប្រមាថមើលងាយទៅលើប្រជាជាតិខ្មែរនៅថ្ងៃខាងមុខទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- វៀតណាមឃាត់ខ្លួនព្រះសង្ឃនិងយុវជនមិនឲ្យទៅចូលរួមបុណ្យកឋិននៅកម្ពុជាក្រោម
- ខ្មែរកម្ពុជាក្រោមប្រកាសផ្អាកបាតុកម្មប្រឆាំងទូតវៀតណាមរង់ចាំដោះស្រាយតាមការទូត
- ខ្មែរក្រោមស្នើឲ្យអ.ស.ប.បញ្ជាក់មូលហេតុទទួលស្គាល់កម្ពុជាក្រោមជារបស់វៀតណាម
- បាតុករបន្តតវ៉ាបញ្ចេញកំហឹងនៅមុខស្ថានទូតវៀតណាម
- ក្រុមអ្នកតវ៉ាបន្តទាមទារឲ្យវៀតណាមសុំទោសរឿងខ្មែរក្រោម
- ក្រុមបាតុករដុតទង់ជាតិវៀតណាមទាមទារឲ្យសុំទោសរឿងប្រវត្តិសាស្ត្រកម្ពុជាក្រោម
- សមាគមខ្មែរក្រោមនឹងប្រមូលផ្ដុំមុខស្ថានទូតវៀតណាមនៅព្រឹកថ្ងៃ៤តុលា
- សាលាក្រុងអនុញ្ញាតឲ្យសមាគមខ្មែរក្រោមជួបជុំតែ១ថ្ងៃនៅទីលានប្រជាធិបតេយ្យ
- សមាគមខ្មែរក្រោមនឹងធ្វើបាតុកម្ម៥ថ្ងៃរឿងប្រវត្តិសាស្ត្រកម្ពុជាក្រោមចាប់ពីថ្ងៃ៤តុលា
from cambodian kroam : sir thach setha sould you don`t bring all document come here (cambodia) you shouldjust your team research at france country is enough .because you may lost all document to future in cambodia . if you love camboian ,land kroam
see that what I mean … if you did not ask or doing any thing they can not help you. now we know you have to help yourself first be for they can help you. peace for all
ខែ្មរក្រោម រួមមានលោក ទូស សាមុត លោក សឺន សាន្ត លោក អៀង សារី សុទ្ធតែអួតថាខែ្មរក្រោម តស៊ូជួយខែ្មរក្រោម ចុងក្រោយងាប់ខែ្មរលើ ជិតផុតពូជ ហើយពូជកើតថ្មីខ្លះចង់បំបាត់វរជនមុនចោលទាំងអស់ ដើម្បីរៀបចំរបបដឹកនាំថ្មី ។
The France has given us a hard time. Why they don’t send the document here? It is not a big job to do that, but they don’t want. They want to make us to travel all the way there. Why? It must be some reason.
of course france have a plenty of their nationalist .they said you can go and khmer need to spend a lot of money so who earn? they are very smart that why their country so rich and their people living good life style not like cambodia only the power people so rich and the corrupted people that leaving the big gap between poor and rich.the documents should copy and spread all to cambodian in the country and in the world.we can rely on the international to help us ,like tral island we must take it back when ever we have a good leader or opportunity.GOD bless all cambodian people’