ដោយ៖ ឡាយ សាមាន និង អឹុង ប៊ុនថន
ថ្ងៃពុធ ទី19 វិច្ឆិកា 2014
http://vodhotnews.com
ស្តាប់សំឡេង៖ |
ចម្លងទុក |
មើលរូបភាពបន្ថែម
កូនៗ របស់អ្នកស្រី ស៊ាង ធាវី សកម្មជនដីធ្លីដែលត្រូវឃុំខ្លួន (រូបថត៖ ឡាយ សាមាន)
សូរសំឡេងក្មេងស្រីអាយុ២ឆ្នាំ បានយំកងរំពង ស្រែកដង្ហោយរកម្តាយដែលកំពុងជាប់ក្នុងពន្ធនាគារដោយសារដើរចេញតវ៉ារឿងជម្លោះដីធ្លី។
កុមារីតូចនេះជាកូនរបស់អ្នកស្រី ភួង សុភាព សកម្មជនដីធ្លីម្នាក់នៅសហគមន៍ថ្មគោលខណ្ឌពោធិ៍សែនជ័យ រាជធានីភ្នំពេញ។ ក្នុងផ្ទះតូចមួយដែលដំបូង និងជញ្ជាំងហ៊ុមព័ទ្ធដោយស័ង្កសីច្រេះចាប់ គឺមានសមាជិក ៧នាក់ ក្នុងនោះស្រី៤ ប្រុស៣នាក់ កំពុងរស់នៅកណ្តោចកណ្តែងដោយសារម្តាយត្រូវជាប់គុក និងឪពុករត់ចោលទៀត។
អ្នកស្រី ភួង សុភាព អាយុ៤០ឆ្នាំ ត្រូវបានអាជ្ញាធរចាប់ដាក់ពន្ធនាគារព្រៃស ខណៈគាត់បានចេញតវ៉ាជាមួយអ្នកមានជម្លោះដីធ្លីផ្សេងទៀតមកពីសហគមន៍បឹងកក់ អ្នកឡពាង និងអ្នកភូមិថ្មគោល នៅមុខសាលាដំបូងរាជធានីភ្នំពេញ កាលពីថ្ងៃទី១០ ខែវិច្ឆិកា ឆ្នាំ២០១៤នេះ។
កញ្ញា ស៊ាង ធារី ជាកូនស្រីច្បងទទួលបន្ទុកចិញ្ចឹមបងប្អូន៦នាក់ រៀបរាប់ទាំងទឹកមុខក្រៀមក្រំថា បន្ទាប់ពីម្តាយត្រូវបានអាជ្ញាធរចាប់ដាក់ពន្ធនាគារ ក្នុងក្រុមគ្រួសារជួបបញ្ហាប្រឈមជាច្រើន ដូចជាគ្មានអ្នករកចំណូលផ្គត់ផ្គង់គ្រួសារ និងគ្មានពេលជូនក្មេងទៅសាលារៀន។ ដោយជួបបញ្ហានេះ នាងសម្រេចចិត្តឈប់ពីការងារជាកម្មករកាត់ដេរ ដើម្បីមើលថែទាំងប្អូនៗទាំងនោះ រង់ចាំម្តាយចេញពីគុកមកវិញ។ កញ្ញាបញ្ជាក់ថា «ខ្ញុំសូមអំពាវនាវដល់តុលាការ សុំឲ្យជួយដោះលែងម៉ាក់ខ្ញុំមកវិញមក ព្រោះអីអត់ពីគាត់ទៅ អត់មានអ្នកណាផ្គត់ផ្គងគ្រួសារទេ ហើយជីវភាពពិបាកមែនទែន ហើយប្អូនៗខ្ញុំ យំរកម៉ាក់ ខ្ញុំចង់បានម៉ាក់មកវិញ សុំឲ្យតុលាការដោះលែងម៉ាក់ខ្ញុំមកវិញផង»។
អត្ថបទទាក់ទង
អ្នកស្រី ភួង សុភាព ជាស្រីមេម៉ាយ ប្រកបរបរលក់ដូរបន្តិចបន្តួចនៅតាមផ្សារ ដើម្បីយកលុយចិញ្ចឹមកូនទាំង៧នាក់ បន្ទាប់ពីប្តីរបស់អ្នកស្រីចាកចេញបាត់គ្មានដំណឹង។ អ្នកស្រីក៏ជាសកម្មជនដីធ្លី ដែលតែងតែចេញមុខតវ៉ាឲ្យអាជ្ញាធរដោះស្រាយផងដែរ។
កូនស្រីទី៣ ក្នុងសមាជិកគ្រួសារ កុមារី ស៊ាង ស្រីផស្ស អាយុ៧ឆ្នាំ រៀននៅថ្នាក់ទី២ និយាយថា បន្ទាប់ពីម្តាយត្រូវអាជ្ញាធរចាប់ដាក់ពន្ធនាគារ នាងគ្មានអារម្មណ៍រៀនសូត្រ គ្មានភាពកក់ក្តៅ នឹងគ្មានអ្នករៀបចំទុកដាក់ផ្ទះសម្បែងឡើយ។ កុមាររូបនេះចាត់ទុកថា ម្តាយគឺជាអាយុជីវិតរបស់គាត់ ហើយក្រុមគ្រួសារមួយនេះមិនអាចខ្វះម្តាយបានទេ «ពិបាកចិត្ត ហើយខ្ញុំអត់សូវចង់រៀនប៉ុន្មានទេ ព្រោះអីម៉ាក់ខ្ញុំមិននៅ។ កាលពីមុនម៉ែខ្ញុំនៅផ្ទះ ម៉ែខ្ញុំដាំបាយ លាងចាន [ខ្ញុំ]មកពីរៀនវិញ បានឱបម៉ាក់។ ឥឡូវលែងបានឱបម៉ាក់ហើយ ព្រោះម៉ែគេចាប់បាត់ហើយ»។
សកម្មជនម្នាក់ដែលនៅសេសសល់ពីការចាប់ខ្លួននោះ អ្នកស្រី ភួង ង៉ែត ត្រូវជាប្អូនបង្កើត អ្នកស្រី ភួង សុភាព ឲ្យដឹងថា គ្រួសាររបស់បងស្រីគាត់មានជីវភាពលំបាក ក្រក្សត់ រកមួយថ្ងៃរស់មួយថ្ងៃ។ អ្នកស្រី បន្តថា មូលហេតុដែលពួកគាត់ចេញតវ៉ា ក៏ដោយសារអាជ្ញាធរចង់យកដីរបស់គាត់ដើម្បីពង្រីកព្រលានយន្តហោះ ដោយគ្មានសំណង ។ អ្នកស្រីបញ្ជាក់ថា ពេលពួកគេតវ៉ា អាជ្ញាធរបានប្រើហិង្សាជាញឹកញាប់។អ្នកស្រីបញ្ជាក់ថា «គាត់ចេញទៅតវ៉ាម្តងៗ ប៉ូលិសវ៉ៃធ្វើបាបគាត់ ដូចឃើញរូបភាពជាក់ស្តែងហើយ ឈាមច្រមុះ ទាត់ ធាក់គាត់ សព្វគ្រប់បែបយ៉ាង តែគាត់តស៊ូដើម្បីអី? ដើម្បីដី និងផ្ទះនិងកូនគាត់ បើកាលណាគាត់មិនតស៊ូ ចុះកូន៧នាក់បានអីរស់នៅ អ៊ីចឹងគឺគាត់ចេញទៅតាមទារ តវ៉ា ទៅហ្នឹងក៏មានខ្ញុំទៅចូលរួមជាមួយដែរ ដោយសារខ្ញុំកូនតូច គេអត់ហ៊ានធ្វើអីខ្ញុំ ដល់ពេលត្រូវ ត្រូវតែបងស្រីខ្ញុំទេ និងបងប្អូនអ្នកបឹងកក់ អ្នកបុរីកីឡាផ្សេងៗទៀតត្រូវ។ ពួកខ្ញុំឡើងកង់បី(រ៉ឺម៉កម៉ូតូ)មកផ្ទះវិញហើយ ស្រាបតែគាត់មកចាប់បងស្រីខ្ញុំពីលើកង់បីទាញទម្លាក់ ចង់ធ្លាក់ទាំងខ្ញុំទៀត ហើយយកដំបងមកគំរាមខ្ញុំទៀត»។
អ្នកស្រី ភួង ង៉ែត អះអាងថា បងស្រីគាត់គ្មានកំហុសដូចអ្វីដែលតុលាការចោទប្រកាន់ឡើយ និងស្នើដល់រដ្ឋាភិបាលដោះលែងបងស្រីគាត់ ឲ្យត្រឡប់មកវិលជួបជុំគ្រួសារវិញ ដើម្បីចិញ្ចឹមកូន៧នាក់ក្នុងបន្ទុក។
កញ្ញា ស៊ាង ធារី ជាកូនស្រីច្បង ឲ្យដឹងថាពេលភ្លៀងម្តងៗទឹកលិចចូលផ្ទះដោយសារដំបូលផ្ទះធ្លុះធ្លាយ ជាពិសេសប្អូននាងអាយុ២ឆ្នាំ ដែលមិនទាន់ផ្តាច់ទឹកដោះ បានស្រែកយំរាល់យប់ តាំងពីម្តាយត្រូវជាប់គុក ហើយក្មេងៗខ្លះទៀតកំពុង មានជំងឺក្តៅខ្លួន ដោយគ្មានអ្នកថែទាំឡើយ។ កញ្ញាបន្តថា «ខ្ញុំសុំឲ្យតុលាការ ដោះលែងម៉ាក់ខ្ញុំឲ្យចេញឆាប់ៗមក ព្រោះអីមើលទៅ គាត់ដូចគ្មានធ្វើអ្វីខុសទេ គ្រាន់តវ៉ាដើម្បីយកដីធ្លី ផ្ទះសម្បែងមកវិញសោះ ហើយតុលាការអត់ជួយដោះស្រាយ ហើយចាប់ម៉ាក់ខ្ញុំទៅទៀត»។
អ្នកមានជម្លោះដីធ្លី និងកូនៗ មកតវ៉ាទាមទារឲ្យដោះលែងតំណាង និងម្តាយរបស់ខ្លួន
សកម្មជនដីធ្លីចំនួន១០នាក់រួមមាន អ្នកស្រី ភួង សុភាព អ្នកមានជម្លោះដីធ្លីនៅភូមិថ្មគោលក្បែរព្រលានយន្តហោះ អ្នកស្រី ទេព វន្នី ម្ចាស់ពានរង្វាន់ស្ត្រីក្នុងភាពជាអ្នកដឹកនាំពិភពលោក ព្រះសង្ឃ៣អង្គ ដែលជួយតវ៉ា ត្រូវបានអាជ្ញាធរចាប់ទៅកាត់ទោស ខណៈពួកគេតវ៉ាដោយបិទផ្លូវករណីទឹកស្អុយជន់លិចផ្ទះនៅបឹងកក់។
នាយកលេខាធិការដ្ឋានក្រុមការងារពិសេសសិទ្ធិលំនៅដ្ឋាន លោក សៀ ភារម្យ មានប្រសាសន៍ថា ចំណាត់របស់រដ្ឋាភិបាលលើសកម្មជនដីធ្លីទាំងនោះ គឺអយុត្តិធម៌បំផុត សម្រាប់ពលរដ្ឋក្រីក្រ និងគ្មានអំណាច។ លោកមានប្រសាសន៍ថា «ហើយយកគាត់ទៅឃុំដោយអយុត្តិធម៌នេះ គឺធ្វើឲ្យប៉ះពាល់ដល់ក្រុមគ្រួសារ របស់គាត់ជាពិសេស កូនៗកំព្រាម្តាយ ដែលកំពុងតែរង់ចាំទឹកដោះ កំពុងតែរង់ចាំនូវ ការបីបាច់ថែរក្សា និងចិញ្ចឹមថា្នក់ថ្នមពីម្តាយ ហើយឥឡូវនេះ ម្តាយជាប់ពន្ធនាគារ ហើយកូនង៉ែតកូនតូចច្រើន ដល់ពី៧នាក់ ដូច្នេះវាជារឿងអយុត្តិធម៌មួយ សម្រាប់គ្រួសារអ្នកក្រីក្រ អ្នកដែលរងនូវភាពអយុត្តិធម៌ ដោយសារតែប្រព័ន្ធតុលាការដែលមិនឯករាជ្យ»។
ប៉ុន្តែគណបក្សប្រជាជនកម្ពុជាដែលដឹកនាំរដ្ឋាភិបាល បានចេញសេចក្តីថ្លែងការណ៍មួយ ការពារចំណាត់របស់ខ្លួននេះថាធ្វើទៅតាមច្បាប់ ខណៈក្រុមអង្គការសិទ្ធិមនុស្ស និងបក្សប្រឆាំងថ្កោលទោស។
យ៉ាងណាក៏ដោយកុមារី ស៊ាង ស្រីផស្ស អាយុ៧ឆ្នាំ ជាកូនអ្នករបស់សកម្មជនដីធ្លីកំពុងជាប់ពន្ធនាគារ អង្វរឲ្យអាជ្ញាធរដោះលែងម្តាយគេមកវិញជាបន្ទាន់ ខណៈពួកគេកំពុងរស់នៅដោយអត់មានអ្នកថែទាំ និងខ្វះខាតអាហារបរិភោគ «ខ្ញុំសូមឲ្យអាជ្ញាធរហ្នឹង ដោះលែងម៉ែខ្ញុំមកវិញ ព្រោះអីខ្ញុំខ្វះម្តាយអត់បានទេ ខ្វះការរៀនសូត្រ គ្មានបាយហូបគ្រប់គ្រាន់ទេ ខ្ញុំសូមឲ្យតុលាការមានភាពយុត្តិធម៌ ដោះលែងម៉ែខ្ញុំមកវិញមក ខ្ញុំត្រូវការម៉ែព្រោះអីពួកខ្ញុំវេទនាណាស់ ត្រូវការម៉ែរៀនសូត្រ ត្រូវការម៉ែមកដាំបាយលាងចាន ធ្វើម្ហូបឲ្យខ្ញុំទៅរៀន»៕
សូមសរសេរមកលោក ឡាយ សាមាន តាមរយៈ samean@vodhotnews.com និងលោក អុឹង ប៊ុនថន តាមរយៈ chanthorn@vodhotnews.com
កងទ័ពថៃ បំបិទមាត់ក្រុមសកម្មជនដីធ្លីដោយធ្វើការចាប់ខ្លួនមនុស្ស៥នាក់
Tue, 18 November 2014
The Bangkok Post
ក្រុងបាងកកៈ ទាហាន និងប៉ូលិសថៃ កាលពីថ្ងៃអាទិត្យ បានរារាំងការប៉ុនប៉ងរបស់ក្រុមសកម្មជនកំណែទម្រង់ដីធ្លីក្នុងការធ្វើសន្និសីទកាសែតមួយដើម្បីពន្យល់ពីមូលហេតុដែលរបបយោធានេះ បានហាមប្រាមពួកគេមិនឲ្យរៀបចំកម្មវិធីពិភាក្សាអំពីកំណែទម្រង់ដីធ្លី។
អ្នករៀបចំកិច្ចពិភាក្សា៥នាក់ត្រូវបានគេប្រមូលផ្តុំនៅប៉ុស្តិ៍ប៉ូលិសចាណាសុងក្រាម ក្រោយពីពួកគេតវ៉ាដោយមាត់ របស់ពួកគេបិទស្តុតខ្មៅនៅពីមុខកន្លែងប្រារព្ធវិញ្ញាណក្ខន្ធនៅថ្ងៃទី១៤ខែតុលានៅឯកន្លែងជួបគ្នាKok Wua នៅតាម ផ្លូវ Ratchadamnoen បានចែកលិខិតជាចំហដល់ក្រុមអ្នកកាសែត។
ម្នាក់ក្នុងចំណោមអ្នកទាំងប្រាំនាក់ គឺ Nitirat Sap អតីតជាអគ្គលេខានៃសហព័ន្ធនិស្សិតថៃ។
ពួកគេតវ៉ាប្រឆាំងបម្រាមរបស់ក្រុមប្រឹក្សាជាតិដើម្បីសន្តិភាពនិងសណ្តាប់ធ្នាប់(NCPO)ទៅលើព្រឹត្តិការណ៍ដែលត្រូវបានគេគ្រោងនៅថ្ងៃអាទិត្យនៅឯAlliance Francaise នៅតាមដងផ្លូវWitthayu ក្នុងក្រុងបាងកក។
ចំណងជើង«ដីរបស់យើង តើដីទាំងអស់ជាកម្មសិទ្ធិរបស់អ្នកណា?»។
ព្រឹត្តិការណ៍នោះ ត្រូវបានគ្រោងបញ្ចូលកិច្ចពិភាក្សា និងការប្រគុំតន្រ្តី។
នៅថ្ងៃសៅរ៍ លោក Pakorn Areekul ជាសមាជិកនៃក្រុមអ្នករៀបចំព្រឹត្តិការណ៍ នេះ បាននិយាយថា លោកអនុសេនីយ៍ទោ Passakorn Kulrawiwan ជា មេបញ្ជាការកងវរសេនាតូចទ័ពសេះ បានទូរស័ព្ទប្រាប់លោកថា NCPO នឹងមិនអនុញ្ញាតឲ្យរៀបចំព្រឹត្តិការណ៍ដូចដែលបានគ្រោងនោះទេ។
ស្រុកខ្មែរ តែប៉ុណ្ណឹង មានអីថាទៅមិនរួច ច្បាប់នៅលើបបូរមាត់ពួកអាបន់ឌិត ទាំងភ្លើ អស់និង
កាដួយម៉ែវាកូនមីកាដួយហោកតុលាការ
កាដួយម៉ែវាកូនមីកាដួយហោកហ៊ុនសែន
កាដួយម៉ែវាច្បាប់ចុយកាដួយម៉ែមន្រ្តីបក្សប្រជាជន
កូនមីសំផឹងអនុវត្តច្បាប់អត់ពូជអំបូរតាមតែវាថា ។
អ្នកលើកឡើង ពី ប្រទេស ថៃ =
តើ ប្រទេស ថៃ មានបាន សម្លាប់ ប្រជាពលរដ្ឋថៃ អស់រាប់លាននាក់ដូច ប្រទេសកម្ពុជា ឬ នៅ ? !
ប្រទេសកម្ពុជាយើង រលាយ ដោយសារ : ស៊ីជោ លើកជើង អែបអប រាយការ កុហកថ្នាក់លើ !
អនាគតរបស់គាត់ទៅណាមិនឆ្ងាយពីការឈប់់រៀន ដើររើសអេតចាយ សុំទានគេ ឬក៏ធ្វើការចំណាកស្រុកតែប៉ុណ្ណោះ ។ នេះហើយសម័យដ៏មហាគតិបណ្ឌិត ដែលដឹកនាំដោយសម្ដេច មហាសែន ស៊ីជោរ ពូកែសុំទានបរទេស នេះឯងបើមិនដូរចេញ ទោះបីផែនដីរលាយក៏កម្ពុជាគ្មានផ្លូវឈានឆ្ពោះទៅរកការរិកចម្រើនដូចបណ្ដារប្រទេសអាស៊ានផង ចុះទម្រាំអន្តរជាតិវិញនៅឯណាឈ្មោះ ។ ដើម្បីអំណាចគ្មានគិតដល់ប្រជាជននោះទេ ស្រែកយំរាល់ថ្ងៃក្បែរផ្ទះកោតតែធ្វើមិនដឹងមិនលឺចុះទម្រាំគ្នានៅខេត្ដឆ្ងាយៗតើនឹងទៅជាយ៉ាងណា។ កុំនិយាយថាកម្ពុជាទើបងើបពីសង្រ្គាម មិនដែលមានឯណាទើបពីសង្រ្គាមជាង៣០ឆ្នាំ ហើយនៅតែក្រទៀត បើនិយាយពីទ្រព្យលក់ខ្ទិចលក់ខ្ទីគ្មានសល់រហូតដល់មានជនបរទេស ជួយការពារជំនួសជាតិខ្មែរទៀតខណៈដែលរដ្ឋាភិបាលមានបំណងលេបត្របាក់ជាយអារ៉ែងមួយសារទៀតកុំអីអោះអាលីង ។ នេះហើយសម័យមនុស្សស៊ីជោរ បក្សពួកនិយម ល្មោភអំនាចនិយម លោភលន់និយម ។ ត្រង់ប្រជាពលរដ្ឋស្លាប់អីក៏ស្លាប់ទៅៗ មិនខ្វល់ មិនលឺមិនដឹងសព្វបែបយ៉ាង ។
thai and other asean countries are corrupted but at least they improve their people life style and build proper roads and states building .cambodia amount the poores in asean countris,not even have one jet fighter.budget money should spend more on the health and the national roads but this government spend most of defend because they only defend their corrupted groups.people must think twice before voting to cpp and if they give small sac of rice or one sarong just take it but don’t vote to the leeks(cpp).GOD bless all cambodian people’