ដោយ៖ ទូច សុខា
ថ្ងៃចន្ទ ទី8 ធ្នូ 2014
http://vodhotnews.com
មើលរូបភាពបន្ថែម
ទីស្នាក់ការអគ្គនាយកដ្ឋានពន្ធដារ
អគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុ បានសម្រេចពន្យារពេលក្នុងការបង់ពន្ធលើអចលនទ្រព្យជាលើកទី៣ គឺពន្យារហូតដល់ថ្ងៃទី៣១ ខែធ្នូ ឆ្នាំ២០១៤នេះ ដើម្បីទុកពេលឲ្យម្ចាស់អចលនទ្រព្យបានទៅបង់ពន្ធទាំងអស់គ្នា ។
ក្នុងសេចក្តីជូនដំណឹងរបស់អគ្គនាយកដ្ឋានពន្ធដារ កាលពីថ្ងៃទី០៤ ខែធ្នូ កន្លងទៅនេះឲ្យដឹងថា ការពន្យាពេលនេះ គឺធ្វើឡើងបន្ទាប់ពីអគ្គនាយកដ្ឋានមើលឃើញថា នៅមានម្ចាស់អចលនទ្រព្យមួយចំនួនតូចទៀត ដែលមិនទាន់បានមកប្រកាសធ្វើការបង់ពន្ធលើអចលនទ្រព្យនេះនៅឡើយ ។ ការពន្យារពេលនេះគឺ ដើម្បីទុកពេលវេលាឲ្យម្ចាស់អចលនទ្រព្យទាំងនោះមានពេលគ្រប់គ្រាន់មកធ្វើការបង់ពន្ធ ។
ម្ចាស់អចលនទ្រព្យដែលមិនទាន់បានបង់ពន្ធ អាចបង់ពន្ធនៅតាមបណ្តាសាខាពន្ធដារខេត្ត-ខណ្ឌ ដែលអចលនទ្រព្យតាំងនៅ ឬក៏អាចទៅបង់បង់ពន្ធនៅតាមធនាគារអេស៊ីលីដា ភីអិលស៊ី និងធនាគារ កាណាឌីយ៉ា ក.អ ណាមួយដែលជិតទីតាំងអចលនទ្រព្យ ។
ដោយឡែកករណីម្ចាស់អចលនទ្រព្យណាដែលខកខានមិនបានមកប្រកាសបង់ពន្ធ ទៅតាមកាលបរិច្ឆេទខាងលើ នឹងត្រូវរងទោសទណ្ឌក្នុងការបង់ពន្ធផង និងការបង់ផាកពិន័យផង ស្របតាមច្បាប់ស្តីពីសារពើពន្ធ ៕
សូមសរសេរមកកាន់លោក ទូច សុខា តាមរយៈ sokha@vodhotnews.com
Dear, GDOT
ខ្ញុំចង់ដឹងអំពីអចលនទ្រព្យ ប្រភេទណាដែលជាប់ពន្ធ ចូរផ្តល់ជាតារាងដែលខ្ញុំអាចឆែកមើលបាន
សូមអរគុណ!