Mon, 8 December 2014
ឃុត សុភចរិយា
ភ្នំពេញប៉ុស្តិ៍
ភ្នំពេញៈ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា កាលពីព្រឹកថ្ងៃចន្ទ បានយាងទៅចូលរួមសន្និសីទកំពូល ព្រះពុទ្ធសាសនាពិភពលោកលើកទី ៦ ដែលនឹងប្រារពធ្វើឡើងរយៈពេលពីរថ្ងៃ គឺ ថ្ងៃទី ៨-៩ ខែ ធ្នូ ឆ្នាំ ២០១៤ នេះ នៅទីក្រុងតូក្យូ ប្រទេសជប៉ុន។
ការយាងទស្សនកិច្ច នៅក្នុងប្រទេសជប៉ុន នៃអង្គព្រះមហាក្សត្រខ្មែរ ដែលអមព្រះរាជដំណើរដោយ លោក គង់ សំអុល រដ្ឋមន្ត្រីក្រសួងព្រះបរមរាជវាំង និងព្រះអង្គម្ចាស់ក្សត្រី បុប្ជា ទេវី នាពេលនេះ ត្រូវបានធ្វើឡើង តាមការអញ្ជើញរបស់សម្តេចសង្ឃនៃប្រទេសជប៉ុន។
លោក អ៊ុំ ដារ៉ាវុធ ទីប្រឹក្សា ព្រះរាជលេខាធិការដ្ឋានសម្តេចព្រះមាតា បានប្រាប់ឲ្យដឹងកាលពីម្សិលមិញថា ក្នុងព្រះរាជដំណើរទស្សនកិច្ចរបស់ព្រះមហាក្សត្រ ទៅកាន់ប្រទេសជប៉ុន ដើម្បីចូលរួមកិច្ចប្រជុំកំពូលព្រះពុទ្ធសាសនាពិភពលោកលើកទី៦នេះ ព្រះអង្គក៏បាននាំយកនូវរបាំព្រះរាជទ្រព្យរបស់កម្ពុជាទៅសំដែងនៅក្នុងប្រទេសជប៉ុនផងដែរ៕
អស់លោក លោកស្រី
កាលៈទេសៈ បច្ចុប្បន្ន ព្រះមហាក្សត្រ អាច បំពេញ កាតព្វកិច្ច ជូនជាតិ បានច្រេីនណាស់ ដោយ យក សង្គមសីុវិល ជាទីប្រឹក្សា ទាំងថ្នាក់ជាតិ និង អន្តរជាតិ ដេីម្បីឆ្លេីយតប ទៅនឹង កាតព្វកិច្ច តំរូវ និង ទទួលបន្ទុក ក្នុង រដ្ឋធម្មនុញ្ញ កម្ពុជា។
សូមអរគុណ។
សំនៀង