ដោយ កែវ និមល
2015-01-11
RFA
ស្លាកសញ្ញាក្រសួងព័ត៌មាន (Photo: RFA)
ក្រសួងព័ត៌មាន នៅថ្ងៃទី១១ មករា ព្រមានផ្អាកការផ្សាយរបស់ស្ថានីយទូរទស្សន៍មួយចំនួនជាបណ្ដោះអាសន្នចាប់ពី ២សប្ដាហ៍ដល់ ១ខែ និងឈានដល់ការដកហូតអាជ្ញាប័ណ្ណទាំងស្រុង បើសិនជាស្ថានីយទូរទស្សន៍ល្មើសបម្រាមផ្សាយពាណិជ្ជកម្មគ្រឿងស្រវឹង នៅចន្លោះពីម៉ោង ៦ ដល់ម៉ោង ៨ល្ងាច ក្នុងកម្មវិធីផ្សាយរបស់ខ្លួន។
សេចក្ដីជូនដំណឹងរបស់ក្រសួងព័ត៌មាន បានរំលឹកជូនម្ចាស់ស្ថានីយទូរទស្សន៍មួយចំនួនថា កាលពីថ្ងៃទី១ តុលា ឆ្នាំ២០១៤ ក្រសួងព័ត៌មានបានចេញសារាចរមួយស្តីពីការហាមផ្សាយពាណិជ្ជកម្មគ្រឿងស្រវឹងនៅចន្លោះពីម៉ោង ៦ ដល់ម៉ោង ៨ល្ងាច ហើយក្រសួងសង្កេតឃើញថា មានស្ថានីយវិទ្យុ និងទូរទស្សន៍មួយចំនួន ភាគច្រើនបានអនុវត្តគោរពតាមខ្លឹមសារណែនាំរបស់សារាចរនោះ។
ដោយឡែកនៅមានស្ថានីយទូរទស្សន៍មួយចំនួនពុំទាន់អនុវត្តតាមចំណុចមានចែងនៅក្នុងសារាចរចេញថ្ងៃទី១ តុលា នោះទេ។ ដូច្នេះក្រសួងព័ត៌មាន សុំធ្វើការក្រើនរំលឹកដល់ស្ថានីយទូរទស្សន៍ទាំងអស់ជាថ្មីម្ដងទៀត សូមធ្វើការអនុវត្តឲ្យបានម៉ឺងម៉ាត់ តាមចំណុចដែលមានចែងនៅក្នុងសារាចរនោះឲ្យមានប្រសិទ្ធភាពខ្ពស់បំផុត។
បច្ចុប្បន្នគ្រោះថ្នាក់ចរាចរណ៍កើតមានច្រើននៅប្រទេសកម្ពុជា ដោយមានអ្នកស្លាប់ ៥នាក់ ក្នុងមួយថ្ងៃ ហើយមូលហេតុសំខាន់មួយ បណ្ដាលឲ្យកើតមានគ្រោះថ្នាក់ចរាចរណ៍នោះ គឺអ្នកបើកបរសេពគ្រឿងស្រវឹង។ ការសេពគ្រឿងស្រវឹងពេញនិយម ដោយសារមានការផ្សាយពាណិជ្ជកម្មនានា ទាក់ទាញមនុស្សឲ្យសេពគ្រឿងស្រវឹងតាមវិទ្យុ និងទូរទស្សន៍នានា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ពលរដ្ឋនៅក្រចេះចោទក្រុមហ៊ុនចម្ការកៅស៊ូដាក់បារាសយកលុយពីអ្នកធ្វើដំណើរ
- បណ្តាញពលរដ្ឋជួបជុំគ្នាលើកដំបូងចងក្រងគំនិតផ្ដល់ជូនរដ្ឋាភិបាលនិងបក្សនយោបាយ
- ស្ពានអ្នកលឿងនឹងបើកឲ្យប្រើប្រាស់នៅដើមខែមេសាឆ្នាំ២០១៥
- សមាគមព្រះកាតូលិកនឹងរៀបចំពិធីប្រកួតខ្លែងឯកនៅខេត្តតាកែវនៅថ្ងៃទី២៧ធ្នូ
- ពលរដ្ឋនៅខេត្តត្បូងឃ្មុំត្អូញត្អែរចំពោះភាពរញ៉េរញ៉ៃកន្លែងជញ្ជីងថ្លឹងដំឡូងក្បែរព្រំដែន
- ពលរដ្ឋប្ដឹងក្លឹបហ៊ីបហបនៅសៀមរាបជាថ្មីរឿងចាក់ធុងបាសឮខ្លាំងៗនៅពេលយប់
- សមត្ថកិច្ចចម្រុះស្រង់ស្ថិតិព្រះសង្ឃសិស្សនិងនិស្សិតនៅវត្តស្ទឹងមានជ័យ
- ដំណាំកៅស៊ូជាង១ហិកតាររបស់ពលរដ្ឋនៅខេត្តត្បូងឃ្មុំត្រូវជនមិនស្គាល់មុខបំផ្លាញ
- មុខរបរធ្វើណែមលក់របស់ពលរដ្ឋមួយចំនួនរស់នៅខេត្តបាត់ដំបង
ចោរហើយថាមិនចោរទៀត។
I am appreciate with the ministry of information, but I really want the MI take strong action to the poeple who are under age. Not only losing lives in traffics , but also cause the violin in the family and in the community.