ដោយ ជុន ច័ន្ទបុត្រ
2015-03-21
RFA
អ្នកស្រី មីស៊្ហែល អូបាម៉ា (ឆ្វេង) (Michelle Obama) ជួបជជែកជាមួយសិស្សស្រីនៅវិទ្យាល័យ ហ៊ុន សែន ប្រាសាទបាគង ខេត្តសៀមរាប កាលពីថ្ងៃទី២១ ខែមីនា ឆ្នាំ២០១៥។ RFA/Hang Savyouth
ភរិយារបស់ប្រធានាធិបតីសហរដ្ឋអាមេរិក អ្នកស្រី មីស្ហ៊ែល អូបាម៉ា (Michelle Obama) អំពាវនាវអោយក្មេងស្រីបន្តការរៀនសូត្រក្នុងសាលា ដើម្បីជំរុញអោយមានភាពស្មើគ្នា និងដើម្បីជួយជំរុញអោយមេដឹកនាំមានការទទួលខុសត្រូវចំពោះអំពើរបស់គេ។
អ្នកស្រី មីស្ហ៊ែល អូបាម៉ា ពេលនេះកំពុងស្នាក់នៅខេត្តសៀមរាប។ នេះគឺជាដំណើរទស្សនកិច្ចមួយរបស់អ្នកស្រីដើម្បីរំលេចនូវអ្វីដែលអ្នកស្រីហៅថា ជាវិបត្តិក្នុងការសិក្សារបស់ស្ត្រី ដែលអ្នកស្រីអះអាងថា នៅទូទាំងពិភពលោកមានស្រីប្រមាណ ៦២លាននាក់ មិនបានទទួលការសិក្សាដោយសារមូលហេតុសេដ្ឋកិច្ច និងវប្បធម៌។ រយៈពេល ២ថ្ងៃមកនេះ អ្នកស្រី មីស្ហ៊ែល អូបាម៉ា បានលើកទឹកចិត្តក្មេងស្រីក្រីក្រថា ថ្វីត្បិតតែកម្ពុជា នៅឆ្ងាយពីសហរដ្ឋអាមេរិក ក្តី ក៏អ្នកស្រីបានដឹងពីការខិតខំតស៊ូរៀនសូត្ររបស់កុមារីកម្ពុជា ដែរ។
ក្នុងដំណើរទស្សនកិច្ចរយៈពេលខ្លី អ្នកស្រី មីស្ហ៊ែល អូបាម៉ា ហាក់មមាញឹកក្នុងការចុះទៅតាមមូលដ្ឋានខ្លះ ព្រមទាំងជួបជជែកជាមួយអង្គការក្រៅរដ្ឋាភិបាលខ្លះ ជុំវិញបញ្ហាធ្វើយ៉ាងណាជំរុញឲ្យក្មេងស្រីបានចូលរៀនគ្រប់គ្នា។
ក្មេងស្រីម្នាក់ឈ្មោះ មាន សុហាង នៅខេត្តសៀមរាប បានសំណូមពរទៅស្ត្រីទី១របស់សហរដ្ឋអាមេរិក និងអ្នកស្រី ប៊ុន រានី ហ៊ុន សែន ដែលរួមដំណើរជាមួយភរិយាលោកប្រធានាធិបតីសហរដ្ឋអាមេរិកនេះ ឲ្យជួយពួកគេបន្តការសិក្សារហូតដល់ថ្នាក់ឧត្ដមសិក្សា និងជួយក្មេងស្រីខ្មែរនៅទូទាំងប្រទេសឲ្យបានរៀនសូត្រថ្នាក់ខ្ពស់ដូចគ្នាដែរ។
ក្រៅពីបំពេញទស្សនកិច្ចដោយធ្វើការងារជាច្រើនពាក់ព័ន្ធនឹងការជំរុញក្មេងស្រីឲ្យបានចូលរៀន កាលពីល្ងាចថ្ងៃសៅរ៍ ទី២១ ខែមីនា ដែរ អ្នកស្រី មីស្ហ៊ែល អូបាម៉ា ក៏បានអញ្ជើញទៅទស្សនាប្រាសាទអង្គរវត្ត នៅក្នុងខេត្តសៀមរាប។
មុនពេលបន្តមកកម្ពុជា អ្នកស្រី មីស្ហ៊ែល អូបាម៉ា បានធ្វើទស្សនកិច្ចនៅប្រទេសជប៉ុន ពីថ្ងៃទី១៨ ដល់ថ្ងៃទី២០ ខែមីនា។
សេចក្តីប្រកាសព័ត៌មានរបស់សេតវិមាននៃសហរដ្ឋអាមេរិក រំពឹងថា ដំណើរទស្សនកិច្ចរបស់អ្នកស្រី មីស្ហ៊ែល អូបាម៉ា ទៅកាន់ប្រទេសជប៉ុន និងកម្ពុជា នឹងអាចផ្ដល់នូវធនធានជាច្រើនសម្រាប់សាលានៅសហរដ្ឋអាមេរិក ដែលនាំមកនូវការយល់ដឹងផ្នែកវប្បធម៌ ភូមិសាស្ត្រតំបន់ និងព្រឹត្តិការណ៍ថ្មីៗជាច្រើនទៀតនៅក្នុងប្រទេសជប៉ុន និងកម្ពុជា។ អ្នកស្រី មីស្ហ៊ែល អូបាម៉ា វិលត្រឡប់ទៅសហរដ្ឋអាមេរិកវិញ នៅព្រឹកថ្ងៃអាទិត្យ ទី២២ មីនា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ភរិយាប្រធានាធិបតីអាមេរិកជំរុញឲ្យក្មេងស្រីខ្មែរយកគំរូនៃអ្នកស្ម័គ្រចិត្តភីសខរ
- អ្នកស្រី មីស៊្ហែល អូបាម៉ា និងអ្នកស្រី ប៊ុន រ៉ានី ហ៊ុន សែន ប្ដេជ្ញាជំរុញក្មេងស្រីឲ្យរៀនខ្ពង់ខ្ពស់
- ស្ត្រីនិងកុមារីខ្មែររំពឹងថាភរិយាប្រធានាធិបតីអាមេរិកនឹងអាចជួយជំរុញវិស័យអប់រំនៅកម្ពុជា
- ព្រឹទ្ធសភានឹងប្រជុំពិនិត្យនិងអនុម័តច្បាប់បោះឆ្នោតនិងច្បាប់ គ.ជ.ប ថ្មីនៅថ្ងៃ២៣មីនា
- ភរិយាប្រធានាធិបតីសហរដ្ឋអាមេរិកអញ្ជើញមកដល់ខេត្តសៀមរាប
- រដ្ឋាភិបាលប្រកាសបើកបៀវត្សនិងប្រាក់ឧបត្ថម្ភជូនមន្ត្រីរាជការឲ្យបានមុនចូលឆ្នាំ
- អង្គការក្រៅរដ្ឋាភិបាលនិងពលរដ្ឋនៅកំពង់ចាមប្រារព្ធបុណ្យផ្កាយកថវិកាជួយសាលារៀន
- ស្ថាប័នស្រាវជ្រាវរកឃើញថាគម្លាតពលករជំនាញកាន់តែធំជាងមុននៅឆ្នាំ២០១៥
- លោក កឹម សុខា អះអាងថានឹងវិលត្រឡប់មកកម្ពុជាវិញដោយមិនខ្លាចការគំរាមដាក់ខ្នោះ
Welcome to Cambodia the US First Lady Michelle OBama!
With great honor we wholeheartedly commend your compassionate
and historic trip to our country.
We wish your Let Girls Learn project the best success for Khmer girls.
We wish your concerns on Civil and Political Rights in Cambodia would, in general, bear great fruits and, in particular, would at least help secure the “stay out of jail on bail” for all those Khmer women and men civil and political activists, i.e. Ms. Tep Vanny’s and Mr. Meach Sovannara’s groups.
We wish you the best cultural experience and pleasant visit.
22 March 2015
MICHELLE OBAMA your compassion and honor to this nation will stay in every Cambodian heart and sole for generation to come. you have help pushing our nation to get on their feet. my appreciation for what you do for our nation. I wishing you all the best in the future….. from Cambodian over sea