ដោយ៖ ទូច សុខា
ថ្ងៃចន្ទ ទី23 មិនា 2015
http://vodhotnews.com
មើលរូបភាពបន្ថែម
ក្លឹបកម្សាន្តដែលត្រូវអគ្គិភ័យឆាបឆេះ (រូបពីហ្វេសប៊ុក)
មនុស្សយ៉ាងតិចណាស់៥នាក់បានស្លាប់ដោយសារអគ្គិភ័យឆេះក្លឹបកំសាន្តមួយនៅក្រុងបាវិត ខេត្តស្វាយរៀង នៅម៉ោងប្រមាណ៣ទៀបភ្លឺ ថ្ងៃចន្ទនេះ ។
អភិបាលក្រុងបាវិត លោក សេង សីលា ឲ្យVODដឹងថា ក្លឹបកម្សាន្តដែលត្រូវបានអគ្គិភ័យឆាបឆេះនោះមានឈ្មោះថា ក្លឹបកម្សាន្តស្តារ ហើយមនុស្សទាំង៥នាក់ដែលបានស្លាប់គឺជាបុគ្គលិកបម្រើការនៅក្នុងក្លឹបនោះ ។ លោកមិនទាន់អាចបញ្ជាក់ពីមូលហេតុដែលបណ្តាលឲ្យមានអគ្គិភ័យនេះកើតឡើងនៅឡើយទេ ហើយកម្លាំងមានសមត្ថកិច្ចកំពុងធ្វើការលើរឿងនេះ ។
លោកបញ្ជាក់ថា «ខាងប៉ូលីសគេកំពុងធ្វើការ…មែនទែនទៅក្នុងអាគារហ្នឹងមានកន្លែងខ្លះគេអត់ទាន់អាចចូលបានទេ ពិនិត្យរកជនរងគ្រោះបានទេ…វានៅក្តៅនៅឡើយ» ។
គួររំឮកថា កាលពីថ្ងៃទី១៨ ខែវិច្ឆិកា ឆ្នាំ២០១៤ កន្លងទៅ អគ្គីភ័យមួយបានឆាបឆេះក្លឹបកម្សាន្តមានយីហោហ៊ីបហប នៅក្រុងសៀមរាប ដែលបណ្តាលឲ្យមនុស្ស៦នាក់ស្លាប់ និង២នាក់រងរបួស ៕
សូមសរសេរមកកាន់ លោក ទូច សុខា តាមរយៈ sokha@vodhotnews.com