ដោយ សូត សុខប្រាថ្នា
2015-05-25
RFA
ស្ដាប់ ឬ ទាញយកសំឡេង
ប៊ីដុងថ្នាំពុលដែលអាជ្ញាធរវៀតណាម ប្រើបាញ់លើដំណាំស្រូវ ដំឡូងមី របស់ពលរដ្ឋនៅស្រុកមេមត់ ខេត្តត្បូងឃ្មុំ កាលពីថ្ងៃទី១៩ មេសា ឆ្នាំ២០១៥។ RFA/Saut Sokprathna
ពលរដ្ឋនៅភូមិជើង ឃុំជាំ ស្រុកមេមត់ ខេត្តត្បូងឃ្មុំ អះអាងថា អាជ្ញាធរវៀតណាម មកហាមឃាត់ និងជាន់ដំណាំស្រូវរបស់ពួកគាត់ជាថ្មីទៀត កាលពីថ្ងៃទី២៣ ខែឧសភា។ ការអះអាងនេះ ក្រោយពេលពលរដ្ឋចូលទៅដកស្មៅស្រូវដែលសេសសល់ពីការបាញ់ថ្នាំពុលរបស់អាជ្ញាធរវៀតណាម កាលពីខែមេសា។
បើទោះបីជាអាជ្ញាធរនៅខេត្តត្បូងឃ្មុំ បានអំពាវនាវឱ្យពលរដ្ឋមានដីនៅតំបន់ជម្លោះជាមួយប្រទេសវៀតណាម នៅឃុំជាំ បញ្ឈប់ការចូលទៅដាំដំណាំលើដីជម្លោះនោះក៏ដោយ ប៉ុន្តែពលរដ្ឋមួយចំនួននៅតែមិនទាន់អស់ចិត្ត។
ពលរដ្ឋបញ្ជាក់ថា ពួកគេនៅតែស្តាយដំណាំដែលនៅសេសសល់ ម្យ៉ាងពួកគាត់មិនមានដីផ្សេងសម្រាប់ធ្វើកសិកម្មផង ទើបជំរុញឱ្យពួកគាត់ចូលទៅតំបន់ដីជម្លោះនោះបន្តទៀត។
ពលរដ្ឋនៅភូមិជើង ម្នាក់ លោក អ៊ឹម ឃ្លោក ឱ្យដឹងថា អាជ្ញាធរព្រំដែនវៀតណាម បីនាក់ មកចាប់យកកាំបិតពីលោក ខណៈដែលពួកគាត់កំពុងដកស្មៅស្រូវលើដីចំណុច ១៦ហិកតារ ព្រមទាំងគំរាមមិនឱ្យពលរដ្ឋខ្មែរចូលទៅតំបន់នោះទៀតឡើយ។
លោកបន្តថា អាជ្ញាធរវៀតណាម មិនត្រឹមតែដកហូតយកកាំបិតពលរដ្ឋទេ ពួកគេថែមទាំងបានជាន់ស្រូវរបស់ពួកគាត់ដែលនៅសេសសល់ទៀតផង ទើបបណ្ដាលឱ្យមានការប្រទាញប្រទង់គ្នាមួយសន្ទុះ ក៏ខាងភាគីវៀតណាម ព្រមប្រគល់កាំបិតឱ្យពលរដ្ឋខ្មែរវិញ៖ «មិនដឹងយល់យ៉ាងម៉េចទេ ប៉ុន្តែយើង យើងមិនអស់ចិត្ត អាជ្ញាធរយើងមិនព្រមសួរដោះស្រាយជូនប្រជាជនដូចថាយ៉ាងម៉េចយ៉ាងម៉ា។ ដោះស្រាយតែគ្នាគេអីគ្នាគេ ពលរដ្ឋអត់ដឹង យើងចេះតែធ្វើទៅ»។
កន្លងមកអាជ្ញាធរខេត្តត្បូងឃ្មុំ ដោយមានទាំងស្នងការនគរបាលខេត្ត លោក ម៉ៅ ពៅ ផង បានស្នើឱ្យពលរដ្ឋខ្មែរបញ្ឈប់សកម្មភាពចូលដាំដំណាំលើដីជម្លោះនោះតទៅទៀត ដើម្បីជៀសវាងការប៉ះទង្គិចគ្នាជាមួយភាគីវៀតណាម ពីព្រោះដីនោះត្រូវបានមន្ត្រីរាជរដ្ឋាភិបាលកម្ពុជា ប្រកាស និងបង្ហាញផែនទីបញ្ជាក់ថា ជាដីរបស់វៀតណាម។ តែយ៉ាងណាស្នងការខេត្តត្បូងឃ្មុំ ធ្លាប់បញ្ជាក់ថា ខាងអាជ្ញាធរកម្ពុជា និងវៀតណាម បានសម្រេចគ្នាឱ្យពលរដ្ឋខ្មែរអាចចូលប្រមូលផលដំណាំលើដីនោះរហូតរួចរាល់ ប្រសិនបើមានដំណាំសេសសល់ លើកលែងតែការចូលទៅដាំដំណាំថ្មីតែប៉ុណ្ណោះ។ ក្រៅតែជាន់ដំណាំពលរដ្ឋហើយ លោក អ៊ឹម ឃ្លោក ឱ្យដឹងទៀតថា អាជ្ញាធរវៀតណាម ទាំងនោះ ក៏បានទៅដកជន្លង់ម្រេចរបស់ពលរដ្ឋនៅក្បែរនោះ ប៉ុន្តែពួកគេបានបដិសេធភ្លាមៗ ក្រោយពេលម្ចាស់ចម្ការម្រេចបានទៅជួប។
ទាក់ទងការហាមឃាត់ពលរដ្ឋខ្មែរជាថ្មីទៀតនេះ មន្ត្រីប៉ុស្តិ៍ព្រំដែននៅឃុំជាំ ម្នាក់ លោក ថេង ចិន្តា បញ្ជាក់ថា ខាងលោកមិនទាន់ដឹងបញ្ហានេះទេ។ ដោយឡែកមេឃុំជាំ លោក ប្រាក់ វន្នី មានប្រសាសន៍ថា លោកទទួលបានព័ត៌មាននេះ ប៉ុន្តែមិនទាន់ច្បាស់នៅឡើយទេ។ តែយ៉ាងណាលោកនឹងចុះស្រាវជ្រាវលើបញ្ហានេះបន្ថែមទៀត ហើយបើរកឃើញថា ពិតជាដូចការលើកឡើងរបស់ពលរដ្ឋមែន ខាងលោកនឹងអនុវត្តតាមនីតិវិធី៖ «អានេះខ្ញុំធ្វើទៅតាមគោលការណ៍ច្បាប់។ ខ្ញុំមិនបានធ្វើអ្វីខុសពីច្បាប់ទេ។ បញ្ហារដ្ឋាភិបាលសម្រេចចិត្តប៉ុណ្ណាអីប៉ុណ្ណា គឺខ្ញុំឱ្យគាត់គោរពប៉ុណ្ណឹងសិនទៅ»។
ទាក់ទងនឹងបញ្ហាជម្លោះដីនៅព្រំដែនរវាងពលរដ្ឋខ្មែរនិងវៀតណាមនេះ ប្រជាពលរដ្ឋជនជាតិចាម ដែលដឹកនាំដោយលោក អ៊ីសា អូស្មាន ជាអ្នកស្រាវជ្រាវអំពីជនជាតិចាម គ្រោងនឹងដឹកនាំពលរដ្ឋជនជាតិចាម ជាង ១០០នាក់ ទៅទស្សនកិច្ចនៅតំបន់ជម្លោះនេះ។
លោក អ៊ីសា អូស្មាន លើកឡើងថា គម្រោងចុះទៅពិនិត្យមើលបញ្ហាព្រំដែននៅថ្ងៃទី៣០ ខែឧសភា ខាងមុខ ដើម្បីទាមទារឱ្យមានការសើរើរឿងព្រំដែនឡើងវិញ ប្រសិនបើរកឃើញថា ដីនោះពិតជាដីរបស់ខ្មែរ ព្រោះពលរដ្ឋចាម មិនចង់ឱ្យពលរដ្ឋខ្មែរណាម្នាក់បាត់បង់ទឹកដី និងមិនចង់ឃើញដីខ្មែរចេះតែរួមតូចទៅៗ នោះឡើយ។ លើសពីនេះទៀត ពួកគេរឹតតែមិនចង់ឃើញប្រទេសកម្ពុជា មានវាសនាដូចប្រទេសចម្ប៉ា និងខ្មែរកម្ពុជាក្រោមឡើយ៖ «ទីពីរ ដើម្បីរំលឹកពីប្រវត្តិសាស្ត្ររបស់នគរចម្ប៉ាបាត់បង់កាលពី ២០០ឆ្នាំកន្លងទៅ ដោយសារវៀតណាម ឈ្លានពានយក។ នេះក៏ជាសារដាស់រំលឹកស្មារតីដល់ពលរដ្ឋខ្មែររៀនពីប្រវត្តិសាស្ត្រជូរចត់របស់នគរចម្ប៉ានេះ»។
បញ្ហាព្រំដែននៅចំណុចជាំប្រាំល្វែង ចន្លោះបង្គោលព្រំដែនលេខ ៩៤ និង ៩៥ ក្នុងភូមិជើង ឃុំជាំ គឺជាបញ្ហារសើបរវាងពលរដ្ឋនិងរាជរដ្ឋាភិបាលកម្ពុជា ព្រមទាំងអាជ្ញាធរវៀតណាមផង។ បញ្ហាក្ដៅទាំងនោះ កើតឡើងបន្ទាប់ពីអាជ្ញាធរ និងពលរដ្ឋវៀតណាម យកថ្នាំពុលមកបាញ់លើដំណាំពលរដ្ឋខ្មែរជាច្រើនហិកតារកាលពីថ្ងៃទី១៩ មេសា។ ក្រោយមកអ្នកតំណាងរាស្ត្រគណបក្សប្រឆាំង ផ្ញើលិខិតឱ្យរដ្ឋមន្ត្រីក្រសួងការបរទេសកម្ពុជា ចាត់វិធានការលើបញ្ហានេះ បន្ទាប់ពីពួកគេបានចុះទៅដល់ទីតាំងជម្លោះ។ បន្ទាប់ពីទទួលបានលិខិតពីមន្ត្រីគណបក្សប្រឆាំង ឧបនាយករដ្ឋមន្ត្រី រដ្ឋមន្ត្រីការបរទេសកម្ពុជា លោក ហោ ណាំហុង ព្រមទាំងទេសរដ្ឋមន្ត្រីទទួលបន្ទុកកិច្ចការព្រំដែន លោក វ៉ា គឹមហុង ក៏បានចេញលិខិតនិងបកស្រាយជាសាធារណៈបញ្ជាក់ថា ដីជាង ១៦ហិកតារដែលកំពុងមានជម្លោះ គឺស្ថិតនៅក្នុងបូរណភាពដែនដីរបស់ប្រទេសវៀតណាម។ ពួកគេថែមទាំងអះអាងថា ការកំណត់ខ្សែបន្ទាត់ និងបោះបង្គោលព្រំដែនរវាងប្រទេសទាំងពីរកន្លងមក គឺធ្វើតាមផែនទីភូមិសាស្ត្រឥណ្ឌូចិន ដែលយកទៅតម្កល់នៅអង្គការសហប្រជាជាតិទៀតផង។ ប៉ុន្តែខាងមន្ត្រីខាងគណបក្សប្រឆាំងបានទាត់ចោលការលើកឡើងនេះ។
ការបកស្រាយ ពីសំណាក់មន្ត្រីរាជរដ្ឋាភិបាលកម្ពុជា ធ្វើឱ្យពលរដ្ឋស្ទើរទូទាំងនគរនាំគ្នាងឿងឆ្ងល់ថា ហេតុអ្វីបានជាពលរដ្ឋខ្មែរជាអ្នករំលោភលើដីវៀតណាម ទៅវិញ? ភាពងឿងឆ្ងល់ទាំងនោះ បានជំរុញឱ្យពលរដ្ឋ ពិសេសក្រុមយុវជនកាន់តែចង់ដឹងពីបញ្ហាដែលកើតឡើង ហើយថ្មីៗនេះ ក៏មានយុវជនជាង ១០០នាក់នាំគ្នាទៅដល់តំបន់ដីជម្លោះទៀតផង។
បញ្ហាព្រំដែននៅស្រុកមេមត់ កាន់តែមានភាពចម្រូងចម្រាស នាំឱ្យពលរដ្ឋ យុវជន សមាជិកគណបក្សប្រឆាំង ស្នើឱ្យសើរើឡើងវិញចំពោះបញ្ហាព្រំដែនរវាងប្រទេសទាំងពីរម្ដងហើយម្ដងទៀត បើទោះបីជាមន្ត្រីរាជរដ្ឋាភិបាលកម្ពុជា បញ្ជាក់ជំហរថា មិនអាចទៅរួចក៏ដោយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ក្រុមតំណាងរាស្ត្របក្សប្រឆាំងនឹងដាក់លិខិតស្នើឲ្យរដ្ឋាភិបាលបង្ហាញផែនទីប្រើប្រាស់សព្វថ្ងៃ
- ក្រុមប្រឹក្សាឃ្លាំមើលកម្ពុជាបញ្ជាក់ថាដីដែលមានជម្លោះជាង១៦ហិកតារជារបស់កម្ពុជា
- សង្គមស៊ីវិលនិងបក្សប្រឆាំងប្រតិកម្មនឹងការបកស្រាយរឿងព្រំដែនកម្ពុជា-វៀតណាម
- ពលរដ្ឋនៅខេត្តត្បូងឃ្មុំនិងក្រុមយុវជនស្នើរដ្ឋាភិបាលសើរើបញ្ហាព្រំដែនកម្ពុជា-វៀតណាម
- រដ្ឋាភិបាលបដិសេធរឿងវៀតណាមរំកិលព្រំដែនចូលដីខ្មែរនៅតន់ហន់
- ក្រុមនិស្សិតចុះពិនិត្យដីជម្លោះរវាងកម្ពុជា-វៀតណាមនៅខេត្តត្បូងឃ្មុំ
- តំណាងរាស្ត្របក្សប្រឆាំងរិះគន់រដ្ឋាភិបាលថាគ្មានឆន្ទៈដោះស្រាយបញ្ហាព្រំដែន
- តំណាងរាស្ត្របក្សប្រឆាំងស្នើរដ្ឋាភិបាលពិនិត្យការរំលោភព្រំដែនពីសំណាក់វៀតណាម
- ពលរដ្ឋខេត្តត្បូងឃ្មុំស្នើអាជ្ញាធររកដីតំបន់ផ្សេងជំនួសដីដាំដំណាំដែលវៀតណាមបាញ់ថ្នាំពុល
បេីអាឆ្កែខ្មែរបំរេីយួនទៅហេីយតេីមានន័យអ្វីទៀតមានតែបងប្អូនខែ្មររូបរួមគ្នាកាពារនឺងប្រឆាំង
ដល់ទីបព្ចាាប់។សូមជួនពរឲ្យបានជេាគជ័យណាបងបង។
ត្រូវធ្វើការផ្សេងៗតទៅទៀតដើម្បីជម្រុញឪ្យរដ្ឋាភិបាលដោះស្រាយបញ្ហារទាំនេះជូនបងប្អូន ព្រោះដូចយើងដឹងស្រាប់ហើយ រដ្ឋាភិបាលយើងមិនសូវអើរពើររវីរវល់ដោះស្រាយផលវិបាកជនប្រជាជនទេ ខំតទៅទៀត បើរដ្ឋអំណាចមិនព្រមដោះស្រាយ ត្រូវប្រម៉ូលផ្តុំគ្នាធ្វើបាតុកម្ម ដើម្បីរកដំណោះស្រាយសមស្រប រួមគ្នាដើម្បីការពារទ្រព្យទឹកដីយើង ង
តើ ប្រជាជន កម្ពុជា ជា មនុស្ស គល់ឈើ ឬ បានជា វៀតណាម វា ហ៊ាន រំលោភ យកទឹកដី កម្ពុជា
មិនឈប់ ដោយ អត់ អៀនខ្មាស់ !
{{ ពី អតីតកាល យួន វៀតណាម គ្មានទឹកដី ទេ គឺជាជនជាតិ ព្នង ភាគតិច របស់ ចិន ! }}
believing me this border issue will never end. because I knew from my heart all Cambodian who love their nation won give up that easy. generation after generation our nation knowing quit well about the VEIT intention to our poor nation. I’m admiring that our nation was always been robed by that thief for centuries . it’s hurt to every Cambodian heart that our nation never have peace along the border in the ease side of our country. the thief nation they said they love our nation as a good friend of their nation. but this good friend take advantage from us every generation. just remembers the policy of this thief was took our nation to hurt our own nation. it just like every day situation that our nation facing. the question is how can we deal whit this harmful in political invasion of silence action . Cambodian have to come together as one voice . seeing the dangerous of this nation in the nearest future. finding a solution to make peace for the whole nation through out international community. as we know the poppet leader can not be isolated from the world community. just like what he said the typhoon in bottle . peace to all Cambodian who love their own nation
នៅស្រុកខ្មែរសព្វថ្ងៃបើឥតមានអាចុយម្រាយហ៊ុនសែនហោណាំហុងវាគិមហុងផៃសិផានឬពួកអាចុយម្រាយcppក្បតជាតិអាយ៉ងយួនអស់នឹង,ពួកអាក្រពើយួនចោរយួនមិនហានលូកដៃឡើយ,ព្រោះអាcppសុតតែខ្ញុំកញ្ជះយួនបម្រើយួនថ្ងៃណាមួយអាអស់ឯងនឹងយួនកាត់ក្បាលដូចសម័យខ្មែរកម្ពុជាក្រោម,ព្រោះសម័យនោះមានខ្មែរខ្លះក្បត់ខ្មែរគ្នាឯង,បងប្អូនខ្មែរអើយសព្វថ្ងៃខ្ញុំអង្វរទៅចុះសូមកុំទុកចិត្តពួកអាក្រពើយួនឲ្យសោះយើងស្គាល់ជីវប្រវត្តជាយូរមកហើយខ្មែរមិនចោលក្បួនយួនមិនចោលពុតពេលខ្លះវាសុីយើងឆៅៗ។