ដោយ៖ ទូច សុខា | ថ្ងៃចន្ទ ទី25 ឧសភា 2015
http://vodhotnews.com
បុរសវ័យចំណាស់ម្នាក់ឡើងរិះគន់លោក សម រង្ស៊ី នៅក្នុងកម្មវិធីជួបសំណេះសំណាល (រូបកាត់ចេញពីវីដេអូ)
ក្នុងដំណើរទស្សនកិច្ចទៅជួបជាមួយអ្នកគាំទ្រនៅទីក្រុងអុកឡែន (Oakland) រដ្ឋកាលីហ្វ័រញ៉ា នៅសហរដ្ឋអាមេរិក ប្រធានគណបក្សសង្គ្រោះជាតិលោក សម រង្ស៊ី ត្រូវបានអ្នកគាំទ្រម្នាក់រិះគន់នៅចំពោះមុខ សម្រាប់ការដែលគណបក្សនេះសម្រេចចិត្តចូលសភា ។
ក្នុងវីដេអូឃ្លីបដែលមានរយៈពេលជាង៥នាទី ដែលបង្ហាញពីការជួបសំណេះសំណាលរវាងលោកសម រង្ស៊ី និងអ្នកគាំទ្រ បុរសវ័យចំណាស់ម្នាក់បានឡើងបញ្ចេញមតិដោយធ្វើការរិះគន់ចំពោះការដែលគណបក្សសង្គ្រោះជាតិយល់ព្រមចូលសភា បើទោះជាគណបក្សនេះបានបដិសេធមិនទទួលស្គាល់លទ្ធផលនៃការបោះឆ្នោតឆ្នាំ២០១៣ និងរិះគន់ថារដ្ឋសភាដែលត្រូវបានបង្កើតឡើងជាសភាមិនគ្រប់ទឹកក៏ដោយ ។
បុរសនោះលើកឡើងថា «ដូចបោះឆ្នោត ប្រជុំនៅហ្វីលីពីនកាលពី២០១៣ បើមិនដូរ គ.ជ.ប មិនទៅបោះទេ ហើយអា[អាសនៈ] ៥៥ [កៅអី] ក៏មិនទទួលដែរ ។ ហើយហេតុអីក៏ទទួល?…សភាមិនគ្រប់ទឹក ចុះបើចូលសភាមិនគ្រប់ទឹក អញ្ចឹងប្រធាន [លោក សម រង្ស៊ី] ក៏ជាសភាមិនគ្រប់ទឹកដែរមិនអញ្ចឹង ហើយកឹម សុខា ថាសភាអាចម៍គោ ហើយចូល មិនអាចម៍គោ [ដែរ] ហើយបើសភាអាចម៍គោយើងមកដោះស្រាយបញ្ហាជាតិម៉េចបានបើយួនចូលពេញស្រុកទៅហើយ» ។
ជាការឆ្លើយតប លោក សម រង្ស៊ី បានលើកឡើងថា គណបក្សសង្គ្រោះជាតិមិនអាចនៅក្រៅសភារហូតនោះទេ ដោយលោកអះអាងថា គណបក្សសង្គ្រោះជាតិត្រូវតែចូលសភា ដើម្បីកែច្បាប់ និងគ.ជ.ប ។ លោកអះអាងទៀតថា នៅពេលនេះ បន្ទាប់ពីការចូលក្នុងសភា គណបក្សសង្គ្រោះជាតិទទួលបាន គ.ជ.ប ថ្មី និងច្បាប់បោះឆ្នោតថ្មីហើយ ។
ទាក់ទងទៅនឹងការរិះគន់របស់អ្នកគាំទ្ររបស់ខ្លួននេះ អ្នកនាំពាក្យគណបក្សសង្គ្រោះជាតិ លោក យឹម សុវណ្ណ មានប្រសាសន៍ថា ក្នុងសង្គមប្រជាធិបតេយ្យ ការរិះគន់ ការបញ្ចេញមតិគឺជារឿងធម្មតា ។ លោកថា បើសិនជាអ្នករិះគន់មានភាគរយតិចតួចជាងភាគរយអ្នកគាំទ្រ លោកថា គោលនយោបាយរបស់គណបក្ស ឬអ្វីដែលគណបក្សបានធ្វើគឺត្រឹមត្រូវ ។ លោកឲ្យដឹងទៀតថា ក្នុងនាមជាអ្នកនយោបាយគឺមិនត្រូវមានទោមនស្សទៅនឹងការិះគន់នោះទេ ។
លោកបន្ថែមថា «យើងធ្វើជាអ្នកនយោបាយ ធ្វើយ៉ាងម៉េចដែលអាចឲ្យគេគាំទ្រយើងមួយប្រទេស១០០ភាគរយនោះ ហើយក៏មិនអាចទាញមនុស្សឲ្យគាំទ្រយើង១០០ភាគរយទូទាំងពិភពលោកដែរ រឿងមតិមនុស្សម្នាក់ ពីរនាក់ រិះគន់ជារឿងធម្មតាក្នុងសង្គមប្រជាធិបតេយ្យ» ។
បណ្ឌិតវិទ្យាសាស្ត្រនយោបាយលោក សុខ ទូច ឲ្យដឹងថា ក្នុងសង្គមប្រជាធិបតេយ្យ អ្នកគាំទ្រ ឬសកម្មជនរបស់បក្សនយោបាយអាចរិះគន់ថ្នាក់ដឹកនាំរបស់ខ្លួននៅពេលថ្នាក់ដឹកនាំមិនបានធ្វើអ្វីទៅតាមការសន្យាកន្លងមក ។ លោកថា មានតែក្នុងរបបផ្តាច់ការទេដែលថ្នាក់ដឹកនាំធ្វើអ្វីមិនចេះខុស និងមិនមានការរិះគន់ពីសំណាក់អ្នកក្រោមឱវាទ។
លោកបន្ថែម «ពីព្រោះមិនមែនដូចក្នុងសម័យផ្តាច់ការទេ មេចេះតែត្រូវ ប្រការ១មេមិនចេះខុស ប្រការ២បើមេខុសមើលប្រការ១ អាហ្នឹងមិនមែនសង្គមប្រជាធិបតេយ្យទេ ការរិះគន់វាជាការចាំបាច់របស់សង្គមប្រជាធិបតេយ្យ…ខ្លួនគាត់ជាមេ កាលណាគាត់ធ្វើស្អី ហើយមិនគោរពទៅតាមអ្វីដែលគាត់មាន វាធ្វើឲ្យគាត់បាត់បង់ការគាំទ្រ និងប្រជាប្រិយភាព អាហ្នឹងជាក្រិត្យក្រមនយោបាយក្នុងសង្គមប្រជាធិបតេយ្យ» ។
គួររំឭកថា ក្រោយការបោះឆ្នោតឆ្នាំ២០១៣ គណបក្សសង្គ្រោះជាតិបានបដិសេធមិនព្រមទទួលស្គាល់លទ្ធផលបោះឆ្នោតនោះ ដោយអះអាងថាមានភាពមិនប្រក្រតីជាច្រើនក្នុងការបោះឆ្នោត ។ គណបក្សសង្គ្រោះជាតិក៏បានពហិការមិនព្រមចូលសភាធ្វើឲ្យការជាប់គាំងនយោបាយអស់រយៈពេលជិត១ឆ្នាំ ។ នៅថ្ងៃទី២២ ខែកក្កដា ឆ្នាំ២០១៤ គណបក្សទាំងពីរសម្រេចបានកិច្ចព្រមព្រៀងមួយ ដើម្បីបញ្ចប់ភាពជាប់គាំងនយោបាយ ដោយបក្សទាំងពីរបានឯកភាពគ្នាលើចំណុចសំខាន់ៗមួយចំនួនដូចជា កែទម្រង់ការបោះឆ្នោតដោយរៀបចំស្ថាប័នរៀបចំការបោះឆ្នោតជាស្ថាប័នដែលមានភាពឯករាជ្យពេញលេញចែងក្នុងរដ្ឋធម្មនុញ្ញ រៀបចំឲ្យមានការបែងចែកអំណាចដាច់ពីគ្នាវរវាងអំណាចនីតិបញ្ញត្តិនិងនីតិប្រតិបត្តិ និងរៀបចំឡើងវិញនូវក្បាលម៉ាស៊ីនដឹកនាំរដ្ឋសភា និងព្រឹទ្ធសភាជាដើម ៕
(វីដេអូពីបណ្តាញសង្គមហ្វេសប៊ុក)
សូមសរសេរមកកាន់លោក ទូច សុខា តាមរយៈ sokha@vodhotnews.com
Please be patient in order to make our nation advance, I support your idea H.E Sam Rainsy
មេបោកជាប់isoនៅកម្ពុជា គឺលោកប៉ាធានឆ្អួតនិងអនុប៉ាធានអន់ជាងអាចម៏គោ។។
Let looking at NEC reform and election law, the election law is helping CPP to become stronger and better secure for wining the election as well as to keep CPP to stay in power at a longer term. With new election laws of 171 articles and 26 articles in chapter 10 provide a great support to CPP. Regarding NEC members changed is very common for CPP as the previous members were also some members come from Sam Rainsy and FUNCEPEC parties as well.
គួរឱយអាម៉ាស ដោយសារការនិយាយនេះគឺបង្ហាញនិងឆ្លុះុបញ្ចាំងពីភាពបោកប្រាស់ មិនមែនគ្រាន់តែជារឿងនយោបាយទេ!!!
នេះហើយដែលគេហៅថានយោបោកណាតាទំពែក! តាឯងទម្រាំភ្ញាក់ពីដេកគេយក
វែកគោះក្បលតាឯងឡើងរងាលដូចសត្វរនាលក្បាលត្រង៉ោល ខំប្រមែប្រមូលកន្លុក
កន្លៀតកៀនកោះដើម្បីសង្រ្គោះលោកប្រធាននិងឣនុប្រធានឲ្យឆាប់មានបានជិះ
ឡានទំនើប វីឡាថ្មីៗ ដីរាប់ហិតា ចំការម្រេច ភ្លេចៗចំការកៅស៊ូ មុខរមូរឣាជឿផ្កាប់
មុខ ស៊ូស៊ីប្រហុកឲ្យតែមានឈ្មោះជាវីរជន រស់ទម្ងន់ផែនដី។
នៅប្រទេសកម្ពុជាយើង,សឹងគ្រប់ទីកន្លែង,គ្រប់ស្រុកភូមិ,គេធ្វើកម្មវិធីៈភូមិឃុំមានសុវត្ថិភាពជារៀងរាល់ខែ,រាល់ឆ្នាំ,ប៉ុន្តែនៅតែមានចោរប្លន់ម៉ូតូ,លួចគោក្របីអ្នកស្រុកសឹងតែរាល់ថ្ងៃ,សូម្បីតែចោរម្នាក់ក៏ចាប់មិនបាន,ទុកចិត្តធ្វើអ្វីទៅលើកម្មវិធីភូមិឃុំមានសុវត្ថិភាព,,,។ភូមិឃុំមានសុវត្ថិភាពទាល់តែគ្មានចោរលួចប្លន់,គ្មានក្មេងពាល,ស្ទាវអុកឡុកភូមិស្រុក,,,,,,។គួតែដូរទៅជាៈភូមិឃុំចាប់ចោរបានដោយសុវត្ថិភាព,,,,,,,។
ឬមួយដូរពីភូមិឃុំមានសុវត្ថិភាព,ទៅជាៈ ភូមិឃុំគ្មានសុវត្ថិភាព,ប៉ូលីសចាប់ចោរមិនបានដោយសុវត្ថិភាព,,,,,,,,,,,,,,,,,,,,,។ល។។។។។