Mon, 25 May 2015
ឃុត សុភចរិយា
ភ្នំពេញប៉ុស្តិ៍
បន្ទាយមានជ័យ៖ យ៉ាងហោចណាស់មនុស្សបួននាក់រងរបួសធ្ងន់និងស្រាល បន្ទាប់ពីមានការប៉ះទង្គិចដោយហិង្សាមួយរវាងក្រុមកម្មករអូសរទេះ និង ក្រុមកម្លាំងសមត្ថកិច្ចកងរាជអាវុធហត្ថខេត្តបន្ទាយមានជ័យ កាលពីរសៀលថ្ងៃចន្ទនេះ។
ការប៉ះទង្គិចបានកើតឡើង ក្រោយពីក្រុមកម្មករអូសរទេះប្រមាណជាង ១០០ នាក់ បានប្រមូលផ្ដុំគ្នាតវ៉ានៅមុខទីស្នាក់ការគយនិងរដ្ឋាករ ប្រចាំច្រកទ្វារអន្តរជាតិប៉ោយប៉ែត ដើម្បីទាមទារឲ្យមានការបន្ធូរបន្ថយការបង់ពន្ធទៅលើតម្លៃទំនិញជាលក្ខណៈគ្រួសារ ដែលនាំចូលពីប្រទេសថៃ ។
អ្នកតវ៉ា បាននិយាយថា ការប៉ះទង្គិចដោយហឹង្សានោះបានកើតឡើងចំនួនពីរលើក។ លើកទីមួយបានផ្ទុះឡើងនៅវេលាម៉ោងប្រមាណជា ១០ ព្រឹក ដោយក្រុមអ្នកតវ៉ាចំនួនបីនាក់ ត្រូវបានកម្លាំងកងរាជអាវុធហត្ថ វាយដោយកណ្ដាប់ដៃ និង ទាត់ធាក់ យ៉ាងហឹង្សាបណ្ដាលឲ្យរងរបួសធ្ងន់និងស្រាល ក្នុងនោះបុរសឈ្មោះ ម៉ៅ សុន ហៅ ស្រស់ អាយុ ៣៥ ឆ្នាំ ត្រូវសមត្ថកិច្ចវាយរហូតដល់សន្លប់បាត់ស្មារតី។
នៅម៉ោងជាង ២ រសៀល ការប៉ះទង្គិចបានកើតឡើងជាថ្មីម្ដងទៀត បន្ទាប់ពីក្រុមអ្នកតវ៉ា បាននាំគ្នាប្រើអំពើហិង្សា ដោយបានដុតកង់ឡាន រុញរទេះបុកបំផ្លាញទ្វាររបងការិយាល័យគយនិងរដ្ឋាករ និង បានគប់ដុំថ្មទៅលើកម្លាំងសមត្ថកិច្ច បណ្ដាលឲ្យសន្តិសុខម្នាក់រងបួសក្បាល និង ខូចខាតកញ្ចក់ទ្វារ និងបង្អួចអគារការិយាល័យគយនិងរដ្ឋាករ ព្រមទាំងកញ្ចក់រថយន្តរបស់រដ្ឋចំនួន ៦ គ្រឿង។
នៅទីបំផុតសមត្ថកិច្ចបានសម្រេចចិត្តផ្ទុះអាវុធឡើងលើ ដើម្បីបំបែកហ្វូងក្រុមអ្នកតវ៉ា និង ដើម្បីរក្សាស្ថានភាពសន្តិសុខសណ្ដាប់ធ្នាប់សាធារណៈឡើងវិញ ប៉ុន្តែមិនមាននរណាម្នាក់រងរបួស ឬ ស្លាប់ ឬចាប់ខ្លួននោះទេ។
សូមរង់ចាំអានព័ត៌មានពិស្តារក្នុងកាសែតភ្នំពេញ ប៉ុស្តិ៍…
ព្រោះតែក្រពះសោះក៏គ្មានដំណោះស្រាយសមរម្យសំរាប់ប្រជាជនខ្មែរដូចគ្នាដែរ ពួកអាថោកទាបអស់់នេះ
poor people’ the government should not take tax or rip off theses poor people ‘they work just for survive and used their energy in the rain,hot ,but theses authority waiting to suck their blood and sit in cool room and drive nice cars ,this is unbelievable theses authority are animal brain .poor people no hope for their life in future .GOD bless all cambodian people’
Pls pity those porters. They’re so poor while custom officials are just rich.