ដោយ៖ ឈុន វួចលាង | ថ្ងៃសុក្រ ទី10 កក្កដា 2015, 02:44 PM
http://vodhotnews.com
ក្បួនហែយុទ្ធនាការ “បុរសល្អ” នៅក្នុងខេត្តកំពង់ឆ្នាំង កាលពីខែឧសភា ឆ្នាំ២០១៥ (រូបភាពសហការី)
យុទ្ធនាការដង្ហែក្បួន«បុរសល្អ» ធ្វើឡើងនៅព្រឹកថ្ងៃសុក្រ ទី១០ ខែកក្កដានេះ នៅក្រុងតាខ្មៅ ខេត្តកណ្តាល មានអ្នកចូលរួមជាង២០០នាក់ ដើម្បីផ្សព្វផ្សាយបញ្ឈប់ការប្រើអំពើហិង្សាលើស្ត្រី និងកុមារ។
អ្នកចូលរួមទាំងនោះរួមមាន នគរបាល កងយុទ្ធពលខេមរភូមិន្ទ និងកងរាជអាវុធហត្ថ សិស្សានុសិស្ស គ្រូបង្រៀន និងមន្ត្រីស៊ីវិលជាដើម។ យុទ្ធនាការនេះ ដឹកនាំដោយក្រសួងកិច្ចការនារី និងសម្របសម្រួលដោយអង្គការសន្តិភាព និងអភិវឌ្ឍន៍ហៅកាត់ថា PYD។
របាយការណ៍របស់ទីភ្នាក់ងារមូលនិធិអង្គការសហប្រជាជាតិសម្រាប់ប្រជាជន អោយដឹងថា បុរសកម្ពុជាម្នាក់ក្នុងចំណោម៥នាក់ ដែលមានអាយុចាប់ពី១៨ ដល់៤៩ឆ្នាំ បានសារភាពថាខ្លួនធ្លាប់មានបទពិសោធន៍ក្នុងការរំលោភសេពសន្ថវៈ។
សេចក្តីថ្លែងការណ៍នៅក្នុងកម្មវិធីនេះបញ្ជាក់ថា នគរបាល កងយុទ្ធពលខេមរភូមិន្ទ និងកងរាជអាវុធហត្ថ មានសក្តានុពលយ៉ាងសំខាន់ក្នុងការចូលរួមកាត់បន្ថយអត្រាអំពើហិង្សាលើស្ត្រី និងកុមារនៅក្នុងប្រទេសកម្ពុជា។
គួរបញ្ជាក់ផងដែរថា ក្បួនដង្ហែយុទ្ធនាការបុរសល្អនេះបានធ្វើឡើងចំនួន៦ខេត្តរួចមកហើយ ដូចជា កំពត កំពង់ស្ពឺ ស្ទឹងត្រែង រតនគិរី កំពង់ធំ និងកំពង់ឆ្នាំង ហើយនេះជាលើកចុងក្រោយដែលធ្វើឡើងនៅខេត្តកណ្តាល ក្រុងតាខ្មៅ៕
សូមសរសេរមកលោក ឈុន វួចលាង តាមរយៈ chhun.vouchleang@yahoo.com
ក្រសួងកិច្ចការនារីថ្កោលទោសឧកញ៉ាម្នាក់ប្រើហិង្សាលើស្រ្តីអតីតពិធីការិនីទូរទស្សន៍ (វីដេអូ)
ដោយ៖ ឧស្សាហ៍ | ថ្ងៃសុក្រ ទី10 កក្កដា 2015, 06:43 PM
http://vodhotnews.com
ក្រសួងកិច្ចការនារីថ្កោលទោសឧកញ៉ាម្នាក់ប្រើហិង្សាលើស្រ្តីអតីតពិធីការិនីទូរទស្សន៍