លោក មាជ សុវណ្ណារ៉ា (កណ្តាល) ជាប្រធាននាយកដ្ឋានព័ត៌មាននៃគណបក្សសង្គ្រោះជាតិ អមដោយប៉ូលិសនៅឯតុលាការក្រុងភ្នំពេញនៅថ្ងៃទី២១ ខែកក្កដា ឆ្នាំ២០១៥។
ម៉ែន គឹមសេង
21 កក្កដា 2015
វីអូអេខ្មែរ
វ៉ាស៊ីនតោន—
តុលាការក្រុងភ្នំពេញបានកាត់ទោសមន្ត្រីនិងសកម្មជនគណបក្សសង្គ្រោះជាតិចំនួន១១នាក់នៅថ្ងៃអង្គារនេះ ឱ្យជាប់ពន្ធនាគារពី៧ដល់២០ឆ្នាំទាក់ទងនឹងសំណុំរឿងហិង្សានៅទីលានប្រជាធិបតេយ្យដែលបានប្រព្រឹត្តឡើងកាលពីឆ្នាំ២០១៤។
លោក មាជ សុវណ្ណារ៉ា ប្រធាននាយកដ្ឋានព័ត៌មានគណបក្សឆាំង លោក ឃិនជំរឿន និងលោកអឿ ណារិទ្ធ ត្រូវបានកាត់ទោសឱ្យជាប់ពន្ធនាគារចំនួន២០ឆ្នាំ រីឯអ្នកដទៃទៀតត្រូវបានកាត់ទោសឱ្យជាប់ពន្ធនាគារចំនួន៧ឆ្នាំក្នុងម្នាក់ៗ។
លោកមាជ សុវណ្ណារ៉ា បានចាត់ទុកថានេះជា«រឿងនយោបាយ»ហើយវាគួរតែ បញ្ចប់នៅពេលដែលមានដំណោះស្រាយនយោបាយមុនពេលដែលគណបក្សប្រឆាំងព្រមចូលប្រជុំសភាកាលពីឆ្នាំ២០១៤។
លោកបានប្រាប់ក្រុមអ្នកសារព័ត៌មានថា៖
«រឿងនេះជារឿងនយោបាយ។ នយោបាយដោះចប់ហើយគួរបញ្ចប់ទៅ»។
គណបក្សសង្គ្រោះជាតិបានដឹកនាំធ្វើបាតុកម្មមួយកាលពីថ្ងៃទី១៥ខែកក្កដាឆ្នាំ២០១៤ដើម្បីទាមទារឱ្យបើកទីលានប្រជាធិបតេយ្យហើយក៏ឈានដល់មានអំពើហិង្សារវាងបាតុករនិងកងសន្តិសុខ។ មានមនុស្សជាច្រើនបានរងរបួសនៅក្នុងការប៉ះទង្គិចគ្នានោះ។
ប៉ូលិសបានដាក់ខ្នោះហើយបណ្តើរអ្នកទាំងនោះទៅដាក់ពន្ធនាគារភ្លាមៗក្រោយពីការសម្រេចរបស់ចៅក្រម។
អង្គការសិទ្ធិមនុស្សបានរិះគន់ដល់ការសម្រេចដាក់ទោសទណ្ឌយ៉ាងឆាប់រហ័សដោយគ្មានវត្តមានមេធាវីជនជាប់ចោទ។
លោកស្រី Naly Pilorge នាយកអង្គការសិទ្ធិមនុស្សលីកាដូបានបញ្ជាក់ថា៖
«ការកាត់ទោសនេះបង្ហាញយ៉ាងច្បាស់ថាវាគឺជាការកាត់ទោសដែលមានការកំណត់ពេលបញ្ចប់ជាមុន ដែលរៀបចំ ឡើងដើម្បីបំភិតបំភ័យគណបក្សសង្គ្រោះជាតិ»។
ចំណែកលោកអំ សំអាតប្រធានបច្ចេកទេសស៊ើបអង្កេតនៃអង្គការសិទ្ធិមនុស្សលីកាដូក៏បានភ្ជាប់ហេតុការណ៍នេះទៅនឹងការធ្វើពហិការរបស់អ្នកតំណាងរាស្ត្រគណបក្សប្រឆាំងចំនួន៥៥នាក់ដែលមិនចូលរួមអនុម័តសេចក្តី ព្រាងច្បាប់អង្គការក្នុងពេលថ្មីៗ នេះ។
តុលាការសាលាដំបូងរាជធានីភ្នំពេញ បានបើកសវនាការលើសំណុំរឿងក្តីបាតុកម្មនៅទីលានប្រជាធិបតេយ្យ ចាប់តាំងពីថ្ងៃទី២០ ខែកក្កដា ឆ្នាំ២០១៥។ រហូតដល់រសៀលថ្ងៃទី២១កក្កដានេះ ចៅក្រមបានប្រកាសសាលក្រម ផ្តន្ទាទោស និងបង្គាប់ឲ្យចាប់ខ្លួនសកម្មជនគណបក្សសង្គ្រោះជាតិទាំង ១១ រូបនោះ ដាក់ពន្ធនាគារ៕
អត្ថបទព័ត៌មានទាក់ទង
- តុលាការក្រុងភ្នំពេញបន្តសវនាការលើសំណុំរឿងហិង្សាក្បែរសួនប្រជាធិបតេយ្យ
- តុលាការបានផ្អាកការសាកសួរសកម្មជនបក្សប្រឆាំងរឿងបាតុកម្មហិង្សា
- តុលាការពន្យាពេលសវនាការសំណុំរឿងហិង្សានៅទីលានប្រជាធិបតេយ្យ
- តុលាការដោះលែងសកម្មជនប្រឆាំងសេសសល់មុនចូលឆ្នាំខ្មែរ
- គណបក្សសង្គ្រោះជាតិចេញសេចក្តីថ្លែងការណ៍ថ្កោលទោសការចាប់ខ្លួនមន្ត្រីរបស់ខ្លួន
- លោកសម រង្ស៊ីបន្ទោសគណបក្សកាន់អំណាចថាមិនមានចេតនាបញ្ចប់វិបត្តិ
បានជាប់គុករីករាយសប្បាយចិត្ត!!!! រីឯអ្នករងគ្រោះខ្លះធ្លាក់ពិការភាព !! ដូចនេះយុតិ្តធម៌ហើយ អ្នកជាប់គុកក៏សប្បាយចិត្តនិងទទួលយកយុតិ្តធម៌នេះ រីឯអ្នករងគ្រោះក៏អស់ចិត្តដែរ!!
to baramei noruok,
wait until you and your people be put in jail, I will ensure that it is worst than the killing field 1000 times
នៅទីបំផុត យុត្តិធម៌បានផ្តល់ជូនដល់ជនរងគ្រោះដែលដេកក្នុងថ្លុកឈាមដ៏គួរអោយអាណោចអាធម្មក្រោមដំបងនៃជនឧក្រិដ្ឋទាំង នេះ នេះជាសារមួយបញ្ជូនដល់ជនឧក្រិដ្ឋទាំងឡាយណាដែលប៉ុន ប៉ងយាយីដល់គេ
Justice is served. The victims and their families find themselves a big relief on this case.
These career criminals become the career inmates and they will not be back on the streets to do the harm to the other people anymore . The criminal justice system in Cambodia is working to protect the right and civil liberty to the innocent people such as the security personnels who only do their job to protect the people.