ដោយ៖ ឡាយ សាមាន | ថ្ងៃពុធ ទី22 កក្កដា 2015
http://vodhotnews.com
ស្តាប់សំឡេង៖ |
ចម្លងទុក |
អ្នកនាំពាក្យគណបក្សប្រជាជនកម្ពុជា ស្នើសុំផែនទីខ្នាត១/១០០ ០០០(មួយលើមួយរយពាន់)ពីប្រធានបក្សប្រឆាំង ដោយអះអាងថា ដើម្បីយកទៅផ្ទៀងផ្ទាត់ជាមួយផែនទីដែលរដ្ឋាប្រើប្រាស់បច្ចុប្បន្ន ក្នុងការបោះបង្គោលព្រំដែនជាមួយប្រទេសជិតខាង។
លិខិតចុះហត្ថលេខាដោយអ្នកនាំពាក្យគណបក្សប្រជាជនកម្ពុជា លោក សួស យ៉ារ៉ា ផ្ញើជូនប្រធានគណបក្សសង្គ្រោះជាតិ លោក សម រង្ស៊ី កាលពីម្សិលមិញនេះ បានស្នើសុំជាផ្លូវការចំពោះឯកសារផែនទីចម្លងខ្នាត១/១០០០០០ ព្រំដែនកម្ពុជា-វៀតណាម ដោយបញ្ជាក់ថា ប្រធានបក្សនេះបានទិញក្នុងតម្លៃ ១៥៣,៩១អឺរ៉ូ ស្មើនឹង១៦៨ដុល្លារ។ លិខិតបន្តថា ការស្នើសុំនេះដើម្បីធ្វើការដាក់តាំងបង្ហាញ និងប្រៀបធៀបជាមួយផែនទីខ្នាត១/១០០០០០របស់រាជរដ្ឋាភិបាល ដែលបានប្រើប្រាស់ជាមូលដ្ឋានចរចាក្នុងការកំណត់ និងបោះបង្គោលព្រំដែនកន្លងមក ជាពិសេសផែនទីដែលបានចែងក្នុងរដ្ឋធម្មនុញ្ញនៃកម្ពុជា។
អ្នកនាំពាក្យគណបក្សប្រជាជនកម្ពុជាលោក សួស យ៉ារ៉ា ប្រាប់វីអូឌី(VOD)បន្ថែមថា ការស្នើសុំនេះដើម្បីយកមកធ្វើការផ្ទៀងផ្ទាត់ជាមួយផែនទីរបស់រដ្ឋាភិបាល មុននឹងប្រទេសមហាអំណាច ឬអង្គការសហប្រជាជាតិផ្តល់ឯកសារ និងផែនទីមកកម្ពុជា។ បែបនេះក្តីលោកថា ការស្នើសុំនេះដើម្បីបង្ហាញពីតម្លាភាពរវាងគ្នានឹងគ្នា និងរក្សាវប្បធម៌សន្ទនា។ លោកថា៖ “អ៊ីចឹងដើម្បីរក្សាវប្បធម៌សន្ទនា គឺយើងមិនត្រូវធ្វើកិច្ចការណាដែលយើងទៅឆ្ងាយហួសពីព្រំដែនរបស់យើងពេក។ អ៊ីចឹងបើសិនខ្មែរអាចនឹងយល់ខ្មែរគ្នាឯងបាន ហើយបើឯកឧត្តម សម រង្ស៊ី គាត់មានផែនទីរបស់គាត់ដែលយល់ថាអាចជឿបាន អ៊ីចឹងគួរយកមកប្រើប្រាស់សិន ក្នុងកម្រិតណាមួយដែលយើងរង់ចាំនូវប្រទេសមហាអំណាច និងប្រគល់នូវ Copy(ផែនទីចម្លង) របស់គាត់ ឬមួយក៏ប្រគល់ផែនទីឲ្យយើងខ្ចីរបៀបម៉េច អាហ្នឹងរឿងរបស់មហាអំណាចជាមួយប្រទេសយើង។ ប៉ុន្តែផ្ទៃក្នុងខ្មែរនិងខ្មែរ ប្រសិនជាមានយើង យើងត្រូវដាក់ចូលគ្នាព្រោះវប្បធម៌សន្ទនា ត្រូវយកមកបង្ហាញទាំងអស់គ្នា ដើម្បីឲ្យមានតម្លាភាព”។
VOD មិនទាន់អាចសុំការអត្ថាធិប្បាយពីប្រធានគណបក្សប្រឆាំងលោក សម រង្ស៊ី និងអ្នកនាំពាក្យគណបក្សនេះបានទេ។
ប៉ុន្តែតំណាងរាស្ត្រគណបក្សសង្គ្រោះជាតិ មណ្ឌលខេត្តស្វាយរៀង លោក រៀល ខេមរិន្ទ្រ មានប្រសាសន៍ថា លោកមិនបានដឹងពីលិខិតរបស់គណបក្សប្រជាជនកម្ពុជា ដែលស្នើសុំផែនទីពីលោក សម រង្ស៊ី នោះទេ។ តែលោកថា កាលពីពេលថ្មីៗនេះ លោក សម រង្ស៊ី ប្រាប់មន្ត្រីរបស់ខ្លួនថា គណបក្សសង្គ្រោះជាតិនឹងសហការជាមួយរដ្ឋាភិបាលក្នុងការផ្តល់ឯកសារនានា និងផែនទីជាដើម។ លោកបញ្ជាក់ថា៖ “ខ្ញុំថាជាការល្អហើយ ព្រោះថាហ្នឹងជាកិច្ចការដែលយើងគិតរឿងជាតិទាំងអស់គ្នា ព្រោះថាបើសិនជាយើងម្នាក់ៗថាផែនទីនេះក្លែងក្លាយ ឬផែនទីមិនក្លែងក្លាយ អ៊ីចឹងយើងយកមកនាំគ្នាប្រមូលឯកសារអស់ហ្នឹងមកដាក់ទៅថាមួយណាក្លែងក្លាយ មួយណាមិនក្លែងក្លាយ ហើយបើសិនជាយើងដឹងថា អាហ្នឹងពិតប្រាកដ ហើយរួមគ្នាធ្វើកិច្ចការទាំងអស់គ្នា ដើម្បីជាតិរបស់យើងទាំងអស់គ្នាទៅ ខ្ញុំគាំទ្រការដែលគណបក្សប្រជាជនសុំឲ្យមានការចូលរួម ជាពិសេសសុំឲ្យលោកប្រធាន សម រង្ស៊ី បញ្ចេញឯកសារនៅនឹងដៃ យកមកមើលទាំងអស់គ្នាទៅថាអ្នកណាខុស អ្នកណាត្រូវ”។
គួរបញ្ជាក់ថា កាលពីពេលថ្មីៗនេះ លោក សម រង្ស៊ី បានសរសេរនៅលើទំព័រហ្វេសប៊ុករបស់ខ្លួនថា៖ “ផែនទីបារាំង មុនឆ្នាំ ១៩៥៣ ខ្នាត ១/១០០០០០ បង្ហាញពីព្រំដែនកម្ពុជា-វៀតណាម ទាំង២៦ផ្ទាំង ដែលទាំងអស់គ្នាចង់បានពេលនេះ មានដាក់លក់នៅប្រទេសបារាំង ក្នុងតម្លៃ ១៥៣,៩១ Euros ស្មើនឹង១៦៨ ដុល្លារអាមេរិក“ ។ លោក សម រង្ស៊ី បន្តថា៖ “គណបក្សសង្គ្រោះជាតិ បានទិញផែនទីទាំង២៦ផ្ទាំង (វិក័យបត្រភ្ជាប់មកជាមួយនេះ) យកមកបង្ហាញ ប្រជាពលរដ្ឋខ្មែរទូទាំងប្រទេស ។ ច្បាប់ដើមនៃផែនទីនេះ មានតែមួយច្បាប់គត់ ដែលតម្កល់ទុក នៅប្រទេសបារាំង។ អ្វីដែលគេដាក់លក់នោះ គឺជាច្បាប់ចម្លងតាមប្រព័ន្ធអេឡិចត្រូនិក ដែលដាក់បញ្ជូលក្នុង DVD (រូបថតភ្ជាប់មកជាមួយនេះ)” ។
ការទាមទារយកផែនទីមកផ្ទៀងផ្ទាត់គ្នានេះ គឺបន្ទាប់ពីគណបក្សប្រឆាំងចោទរដ្ឋាភិបាលថា ប្រើប្រាស់ផែនទីក្លែងក្លាយសម្រាប់បោះបង្គោលព្រំដែនជាមួយយប្រទេសវៀតណាម ដែលធ្វើឲ្យកម្ពុជាបានបង់ដីមួយចំនួនតាមព្រំដែន៕
សូមសរសេរមកលោក ឡាយ សាមាន តាមរយៈ samean@vodhotnews.com
ម៉េចមិនទៅទិញដែរទៅ ? ដើសុំគេ ធ្វើមើតែអត់លុយ។
I agree this all party must to show the map at the same time to compare each other .
ការស្នើសុំផែនទីពីលោក សម រង្ស៊ី ទៅផ្ទៀងផ្ទាត់ វាជារឿងល្អសម្រាប់ជាប្រយោជន៍ជាតិខ្មែរទាំងមូល
ប៉ុន្តែកូនមីឆ្កែចុយម៉ែវាមន្រ្តីគណបក្សប្រជាជនខ្លះ បានបើកមាត់ស្អុយរិះគន់ថាយកផែនទីលោក សម រង្ស៊ី
ទិញ ទៅផ្ទៀងផ្ទាត់ក្រែងនាំឱ្យអាប់ឱនកិត្តិយសជាតិហ្អី ?ឥឡូវធ្វើមុខឆ្កែមកស្នើរសុំកណ្ដួយម៉ែវាអី ?
លោក សម រង្ស៊ីពុំគួរឱ្យផែនទីទៅពួកកូនមីឆ្កែគណបក្សប្រជាជនទេ ក្រែងវាលេងល្បិចមួលបង្កាច់យក
ពូស៊ីឯងឡើងតុលាការឆ្កែវារបស់ពួកវា ។