ដោយ៖ ស៊ុន ណារិន | ថ្ងៃពុធ ទី22 កក្កដា 2015
http://vodhotnews.com
គណបក្សប្រជាជនកម្ពុជាដែលកំពុងដឹកនាំរដ្ឋាភិបាលបានអះអាងថាកម្ពុជាមិនមានអ្នកទោសនយោបាយនោះទេ ប៉ុន្តែមានអ្នកនយោបាយដែលប្រព្រឹត្តកំហុស។
គណបក្សកាន់អំណាចបានលើកឡើងបែបនេះស្របពេលដែលមានការចោទប្រកាន់ថាការកាត់ទោសសកម្មជនគណបក្សសង្រ្គោះជាតិចំនួន១១រូបឲ្យជាប់ពន្ធនាគារ ដោយសារសម្ពាធនយោបាយ។
កាលពីថ្ងៃអង្គារ សាលាដំបូងរាជធានីភ្នំពេញបានផ្ដន្ទាទោសលោក មាជ សុវណ្ណារ៉ា និងសកម្មជនគណបក្សសង្គ្រោះជាតិ១០នាក់ផ្សេងទៀតឲ្យជាប់ពន្ធនាគារពី៧ឆ្នាំទៅ២០ឆ្នាំ ពីបទដឹកនាំនិងចូលរួមក្នុងចលនាកុប្បកម្មនាំឲ្យមានហិង្សានៅ ក្បែរទីលានប្រជាធិបតេយ្យកាលពីឆ្នាំ២០១៤។
សេចក្តីថ្លែងការណ៍គណបក្សប្រជាជនកម្ពុជាចុះថ្ងៃទី២២ខែកក្កដា ឆ្នាំ២០១៥ ឲ្យដឹងថាគណបក្សប្រជាជនកម្ពុជាប្រកាន់ខ្ជាប់នូវរបបប្រជាធិបតេយ្យសេរីពហុបក្ស និងបន្តប្រតិបត្តិ”ដោយស្មោះត្រង់”នូវគោលការណ៍ទាំងឡាយនៃវប្បធម៌សន្ទនាដែលបានបង្កើតឡើងដោយមេដឹកនាំនៃគណបក្សទាំងពីរ។ សេចក្តីថ្លែងការណ៍បន្តថា៖"ការណ៍វប្បធម៌សន្ទនាគឺត្រូវស្ថិតនៅក្រោមឆ័ត្រនៃរដ្ឋធម្មនុញ្ញនិងច្បាប់នានា ពិសេសមិនអាចគ្របដណ្តប់លើវិស័យតុលាការទេ ព្រោះអំណាចតុលាការជាអំណាចឯករាជ្យដែលត្រូវបានការពារដោយរដ្ឋធម្មនុញ្ញ”។
សេចក្តីថ្លែងការណ៍ឲ្យដឹងទៀតថាគណបក្សប្រជាជនកម្ពុជាគោរពគោលការណ៍បែងចែកអំណាចដាច់ពីគ្នារវាងអំណាចនីតិបញ្ញត្តិនិងអំណាចនីតិប្រតិបត្តិ ស្របតាមរដ្ឋធម្មនុញ្ញ ហើយស្របនឹងកិច្ចព្រមព្រៀងកាលពីថ្ងៃទី២២ខែកក្កដា ឆ្នាំ២០១៤ ស្តីពីដំណោះស្រាយនយោបាយរវាងគណបក្សទាំងពីរ។ សេចក្តីថ្លែងការណ៍បានបញ្ជាក់ថា៖"ដូច្នេះគណបក្សសូមអំពាវនាវដល់ដៃគូសន្ទនាបន្តគោរពដោយស្មោះត្រង់នូវកិច្ចព្រមព្រៀងទាំងឡាយដែលបានឯកភាព ដោយបែងចែកឲ្យដាច់ស្រឡះរវាងកិច្ចព្រមព្រៀងនយោបាយនិងច្បាប់”។
សេចក្តីថ្លែងការណ៍បញ្ជាក់បន្ថែមថា៖"គណបក្សប្រជាជនកម្ពុជាគោរពសិទ្ធិមនុស្សនិងសេរីភាពបុគ្គលគ្រប់រូប ក្នុងការអនុវត្តសិទ្ធិសេរីភាពរបស់ខ្លួននៅក្រោមរដ្ឋ ដូច្នេះប្រទេសកម្ពុជាមិនមានអ្នកទោសនយោបាយទេ មានតែអ្នកនយោបាយដែលប្រព្រឹត្តកំហុស ហើយត្រូវបានផ្តន្ទាទោសដោយច្បាប់”។
នៅថ្ងៃពុធនេះ គណបក្សសង្រ្គោះជាតិបានចេញសេចក្តីថ្លែងការណ៍មួយដោយចាត់ទុកការផ្តន្ទាទោសមន្រ្តីនិងសកម្មជនគណបក្សសង្រ្គោះជាតិទាំង១១នាក់ជាការរំលោភលើកិច្ចព្រមព្រៀងនយោបាយដែលគណបក្សទាំងពីរបានឯកភាពគ្នា។ សេចក្តីថ្លែងការណ៍បញ្ជាក់ថា៖"គណបក្សសង្រ្គោះជាតិសង្ឃឹមថាវប្បធម៌សន្ទនានឹងអាចបន្តដោះស្រាយនូវបញ្ហារបស់ប្រទេសជាតិ និងប្រជាពលរដ្ឋខ្មែរជាពិសេសនឹងបញ្ចប់នូវភាពតានតឹងនយោបាយ រួមទាំងសហការគ្នាធ្វើឲ្យមានការដោះលែងសកម្មជនគណបក្សសង្រ្គោះជាតិ ទាំង១១រូបនេះ ឲ្យមានសេរីភាពឡើងវិញ”។
ពាក់ព័ន្ធនឹងករណីនៃការផ្តន្ទាទោសសកម្មជនគណបក្សសង្រ្គោះជាតិ អង្គការលីកាដូបានចេញសេចក្ដីថ្លែងការណ៍មួយថ្កោលទោសសាលក្រមរបស់តុលាការនិងអំពាវនាវឲ្យតុលាការទម្លាក់ចោលសាលក្រមនោះ ដោយអះអាងថាការជំនុំជម្រះមានភាពមិនប្រក្រតី។ លីកាដូក៏បានអំពាវនាវកុំឲ្យមានការប្រើប្រាស់តុលាការជាឧបករណ៍នយោបាយផងដែរ។
គួរបញ្ជាក់ថា ក្រោយហិង្សាក្បែរទីលានប្រជាធិបតេយ្យកាលពីឆ្នាំ២០១៤ លោក មាជ សុវណ្ណារ៉ា និងសកម្មជនគណបក្សសង្គ្រោះជាតិមួយចំនួនទៀតត្រូវបានអាជ្ញាធរ ចាប់ខ្លួន។ នៅថ្ងៃទី១៣ ខែមេសា ឆ្នាំ២០១៥ មុនចូលឆ្នាំខ្មែរ លោក មាជ សុវណ្ណារ៉ា និងសកម្មជនគណបក្សសង្គ្រោះជាតិទាំងនោះត្រូវបានដោះលែងឲ្យនៅក្រៅឃុំ បណ្តោះអាសន្ន បន្ទាប់ពីលោកនាយករដ្ឋមន្ត្រី ហ៊ុន សែន និងប្រធានគណបក្សសង្គ្រោះជាតិលោក សម រង្ស៊ី បានជួបចរចាគ្នា៕
សរសេរមកកាន់លោក ស៊ុន ណារិន តាមរយៈsun_narin@vodhotnews.com
សារជាតិ វៀតណាម វា ពូកែ អាច ប្រើខ្មែរ អោយធ្វើបាប សម្លាប់ខ្មែរ ខ្លួនអែង ដោយមិនដឹងខ្លួន រួច
យក ទឹកដី ខ្មែរ ភោគផលធម្មជាតិ ខ្មែរ ជ័យភ័ណ្ឌ ខ្មែរ បានជា បន្តបន្ទាប់ បានយ៉ាងស្រួល ដោយ
ជោគជ័យ ដោយធ្វើ នយោបាយ ច្រេះស៊ីដែក !
POPUK AH KBUT CHEAT TEING ORS NES NOV TE KBOT CHEAT DODEL. lie after lie never ending. Cambodia will end soon if all these evil stay in powers. I do not understand when they talk lie to the whole world what did they think ?? no one smart enough to know about it?? only these guy are dump did not know the world are sick and tied to see HUN SEN face all the time . the world powers they knew excepting CHINA that right HUN SEN holding CHINA feet to preventing the other super power to top him down. but it doesn’t mater more wrong doing every thing will add up at the end he will be prosecute………. peace for Cambodian
ពួកអាក្បត់ជាតិឯង ដល់វេនអារែងវិញ រដ្ឋាភិបាលថ្មីក៍ឆេី្លយអញ្វឹងដែរ តេីអារែងយល់យាងណាដែ?
អរគុណគណបក្សប្រជាជនកម្ពុជា ទោះស្ថិតក្នុងស្ថានភាពបែបណាក៏ដោយ ក៏អ្នកអាច កែឆ្នៃស្ថានការណ៍បានដែរ។ សអោយទៅជាខ្មៅ ខ្មៅអោយទៅជា ស
ចង់និយាយអ្វីក៏អ្នកត្រូវដែរពេលនេះ
ពាក្យអ្នកទោសនយោបាយ គេមាននិយមន័យច្បាស់លាស់ មិនមែនគណបក្សប្រជាជនចេះតែថានោះទេ។ សម័យសកលភាវូបនីយកម្ម ពាក្យដោះសារបែបនោះរបស់បក្សប្រជាជន បង្ហាញឲ្យឃើញថា បក្សប្រជាជនប្រើតែជនល្ងង់ខ្លៅ និងអែបអបប៉ុណ្ណោះ គ្មានពាក្យអ្វីមួយឡូហ្សិកនោះទេ រាប់ទាំង អា កើត រិទ្ធ ផងដែរ។