ដោយ៖ ឡាយ សាមាន | ថ្ងៃសៅរ៍ ទី8 សីហា 2015
http://vodhotnews.com
លោក ហ៊ុន សែន នាយករដ្ឋមន្ត្រីកម្ពុជា
លោកនាយករដ្ឋមន្ត្រីហ៊ុន សែន ដឹកនាំប្រតិភូជាន់ខ្ពស់រាជរដ្ឋាភិបាលកម្ពុជា ទៅចូលរួមពិធីប្រារព្ធខួបលើកទី ៥០ នៃទិវាបុណ្យឯករាជ្យជាតិរបស់ប្រទេសសឹង្ហបុរី រយៈពេល ២ ថ្ងៃ តាមការអញ្ជើញពីប្រធានាធិបតីនៃប្រទេសនោះ ។
សេចក្តីប្រកាសព័ត៌មានរបស់ក្រសួងការបរទេសកម្ពុជា ចេញផ្សាយកាលពីថ្ងៃទី៤ ខែសីហានេះ ឲ្យដឹងថា លោកនាយករដ្ឋមន្ត្រី ហ៊ុន សែន នឹងទៅចូលរួមនៃទិវាបុណ្យឯករាជ្យជាតិនោះរយៈពេលពីរថ្ងៃ ចាប់ពីថ្ងៃទី៨ ដល់ថ្ងៃទី១០ ខែសីហា ឆ្នាំ ២០១៥ ។ សេចក្តីប្រកាសបន្តថា ការចេញដំណើររបស់នាយករដ្ឋមន្ត្រីកម្ពុជា ទៅចូលរួមក្នុងពិធីនោះ ធ្វើឡើងតាមការអញ្ជើញរបស់នាយករដ្ឋមន្ត្រីនៃសាធារណរដ្ឋសឹង្ហបុរីលោក លី ស៊ានឡុង(Lee Hsien Loong) និងប្រធានាធិបតីនៃសាធារណរដ្ឋសឹង្ហបុរីលោក តូនី តាន់កេងយ៉ាំ (Tony Tan Keng Yarn)។
គួររម្លឹកថា ប្រទេសសឹង្ហបុរី តែងតែប្រារព្ធទិវាបុណ្យឯករាជ្យជាតិរបស់ខ្លួនជារៀងរាល់ឆ្នាំ នៅថ្ងៃទី៩ ខែសីហា បន្ទាប់ពីប្រទេសមួយនេះ បានប្រកាសឯករាជ្យផ្តាច់ចេញពីប្រទេសម៉ាឡេស៊ី នៅឆ្នាំ១៩៦៥ ៕
សូមសរសេរមកលោក ឡាយ សាមាន តាមរយៈ samean@vodhotnews.com