ដោយ ម៉ម មុនីរតន៍
2015-08-09
RFA
ស្ដាប់ ឬ ទាញយកសំឡេង
មន្ត្រីគណបក្សសង្គ្រោះជាតិ លោក មាជ សុវណ្ណារ៉ា (ឆ្វេង) និងសកម្មជនដទៃទៀត ត្រូវបានសមត្ថកិច្ចបញ្ជូនតាមរថយន្តយកទៅឃុំនៅពន្ធនាគារព្រៃស នៅថ្ងៃទី២១ កក្កដា ឆ្នាំ២០១៥។ RFA/Morm Moniroth
សកម្មជនគណបក្សសង្គ្រោះជាតិ ២នាក់ដែលទំនងថា ជាមនុស្សបន្ទាប់ នឹងត្រូវអាជ្ញាធរចាប់ខ្លួនក្នុងសំណុំរឿងអំពើហិង្សាក្បែរស្ពាននាគ អះអាងថា លោកបានទទួលដំណឹងពីការចាប់ខ្លួនដែរ ក៏ប៉ុន្តែរហូតមកដល់ពេលនេះ នៅមិនទាន់ឃើញដីកាចាប់ខ្លួនពីតុលាការនៅឡើយទេ។
ការអះអាងនេះ គឺនៅពេលដែលកាសែតក្នុងស្រុកបានចុះផ្សាយថា មានសកម្មជនចំនួន ២នាក់បន្ថែមទៀតហើយដែលត្រូវតាមចាប់ខ្លួន។ តួលេខនេះ នឹងធ្វើឲ្យចំនួនអ្នកដែលត្រូវតាមចាប់ខ្លួនអាចមានចំនួន ៤នាក់ទៀត នៅពេលដែលសកម្មជនចំនួន ១៤នាក់ហើយកំពុងឋិតនៅក្នុងឃុំ។
មន្ត្រីអង្គការឃ្លាំមើលសិទ្ធិមនុស្សចាត់ទុកថា ប្រសិនបើតុលាការក្រុងភ្នំពេញ បន្តចំណាត់ការដូចនេះ បញ្ជាក់ថា នឹងជំរុញឲ្យតុលាការបាត់បង់ជំនឿចិត្តលើនីតិវិធីរបស់ខ្លួនពីសាធារណជនកាន់តែខ្លាំងណាស់ដែរ។
មេធាវីក្ដីឲ្យជនជាប់ចោទបញ្ជាក់ថា ព័ត៌មានជុំវិញនៃការចាប់ខ្លួនពិតប្រាកដរបស់សកម្មជនគណបក្សសង្គ្រោះជាតិ ពាក់ព័ន្ធសំណុំរឿងព្រហ្មទណ្ឌ កាលពីខែកក្កដា ឆ្នាំ២០១៤ គិតមកដល់ពេលនេះ នៅពុំទាន់ជាផ្លូវការនៅឡើយទេ ខណៈមន្ត្រីតុលាការក្រុងភ្នំពេញ បដិសេធក្នុងការផ្ដល់ការអត្ថាធិប្បាយលម្អិតអំពីចំណាត់ការរបស់ខ្លួននេះ។
មេធាវីការពារក្ដីរបស់គណបក្សសង្គ្រោះជាតិ និងជាទីប្រឹក្សារបស់អនុប្រធានគណបក្សសង្គ្រោះជាតិផង គឺអ្នកស្រី ម៉េង សុភារី ឲ្យដឹងថា សំណុំរឿង ៥នាក់ដែលត្រូវបានចៅក្រមស៊ើបសួរសាលាដំបូងរាជធានីភ្នំពេញ ចេញដីកាតាមខ្លួនកាលពីថ្ងៃទី៤ កន្លងទៅនេះ គឺជាសំណុំរឿងជាប់ពាក់ព័ន្ធនឹងតំណាងរាស្ត្ររបស់គណបក្សជំទាស់ ៧រូបដែរ។
ជំនួយការរបស់លោក គង់ សុភា តំណាងរាស្ត្រមណ្ឌលស្វាយរៀង គឺលោក អូន ពៅ ហៅ ករុណា ពៅ ដែលជាយុវជនម្នាក់ក្នុងចំណោមសកម្មជនគណបក្សប្រឆាំង ៥នាក់ ដែលសង្ស័យថា មានក្នុងបញ្ជីឈ្មោះដែលត្រូវចាប់ខ្លួនដែរនោះ ឲ្យដឹងនៅថ្ងៃទី៩ ខែសីហា ថា គិតមកដល់ពេលនេះ លោកនៅពុំទាន់មានដីកាណាមួយត្រូវបានគេបញ្ជូនមក ដូចព័ត៌មានថា នឹងមានការចាប់ខ្លួននៅឡើយទេ។
បើទោះជាបែបណា លោក អូន ពៅ បន្តថា ថ្វីបើពុំមានដីកាដូចព័ត៌មានដែលបានចុះផ្សាយក្ដី ក៏ចៅសង្កាត់បានព្យាយាមប្រមូលប្រវត្តិរូបពីគ្រួសាររបស់លោក ដំណាលគ្នានឹងការចាប់ខ្លួនសកម្មជន ៣នាក់មុននេះដែរ។ លោកបន្ថែមថា ប្រសិនបើមានការចាប់ខ្លួនមែន នឹងមិនខ្លាច ឬតក់ស្លុតណាមួយឡើយ៖ «គោលជំហររបស់ខ្ញុំគឺឥតភ័យខ្លាច ការគំរាមកំហែងរបស់លោក ហ៊ុន សែន ទេ។ ប្រាប់ឲ្យច្បាស់បញ្ហាអស់ទាំងហ្នឹង។ ខ្ញុំចាត់ទុកថា រឿងនេះគឺជារឿងដដែលទេ»។
ក្នុងចំណោមយុវជន ៥នាក់ បន្ថែមនោះមាន ៣នាក់ហើយ ត្រូវបានចៅក្រមចេញដីកាឃុំខ្លួននៅពន្ធនាគារបណ្ដោះអាសន្ន និង ២នាក់ទៀត សមត្ថកិច្ចកំពុងស្វែងចាប់ខ្លួន។
ជុំវិញរឿងនេះ មន្ត្រីនាំពាក្យរបស់តុលាការក្រុងភ្នំពេញ លោក លី សុផាន់ណា បានបដិសេធក្នុងការផ្ដល់ព័ត៌មានលម្អិត ជុំវិញការអនុវត្តច្បាប់របស់តុលាការនេះ ដោយបង្វែរសំណុំរឿងឲ្យទៅសួរលោក កែវ មុនី ចៅក្រមស៊ើបសួរក្រុងភ្នំពេញ ដែលទទួលបន្ទុកក្នុងសំណុំរឿងនេះវិញ។
កាសែតក្នុងស្រុកបានចុះផ្សាយថា មានយុវជនគណបក្សសង្គ្រោះជាតិ ២នាក់បន្ថែមទៀត ត្រូវបានតុលាការចេញដីកាចាប់ខ្លួន។ ចំនួននេះ នឹងធ្វើឲ្យអ្នកដែលត្រូវចាប់ខ្លួនមានចំនួន៤នាក់។ បើទោះជាបែបណា មេធាវីការពារក្ដីឲ្យជនជាប់ចោទបានអះអាងថា អាចនឹងមានមនុស្សច្រើនជាងនេះបន្ថែមទៀត ដែលនឹងត្រូវចាប់ខ្លួន ពាក់ព័ន្ធសំណុំរឿងចូលរួមអំពើកុប្បកម្ម កាលពីថ្ងៃទី១៥ កក្កដា ឆ្នាំ២០១៤ ក្បែរស្ពាននាគ ជិតទីលានប្រជាធិបតេយ្យ។
មេធាវីការពារក្ដីឲ្យជនជាប់ចោទគឺអ្នកស្រី ម៉េង សុភារី ថ្លែងថា សំណុំរឿងសកម្មជនដែលត្រូវតុលាការចេញដីកាតាមចាប់ខ្លួនក្រោយនេះទៀត គឺជាសំណុំរឿងចាស់តែមួយជាមួយនឹងសំណុំរឿងរបស់អ្នកតំណាងរាស្ត្រទាំង ៧នាក់មុន ដែលតុលាការមិនទាន់បានបិទបញ្ចប់ ហើយបន្តស៊ើបអង្កេតនៅឡើយ៖ «អ្នកក្រោយដែលគេចាប់ក្រោយនេះ គឺស្ថិតក្នុងសំណុំរឿងចាស សំណុំរឿងដើម ហើយមិនដឹងថា តុលាការត្រូវបំបែកចេញពីហ្នឹងទៀត ឬអត់ទេ? ប៉ុន្តែបច្ចុប្បន្នគឺស៊ើបក្នុងសំណុំរឿងដើមហ្នឹង»។
លោក អំ សំអាត មន្ត្រីអង្គការលីកាដូ កត់សំគាល់ថា ការចាប់ខ្លួនសកម្មជនគណបក្សសង្គ្រោះជាតិ ធ្វើឡើងហាក់ពិបាកជឿទុកចិត្តណាស់ ដោយសារតែចំណាត់ការរបស់តុលាការនេះ គឺពុំបានបើកការស៊ើបអង្កេតឲ្យបានល្អិតល្អន់ ក្រៅពីផ្អែកតាមរបាយការណ៍របស់សមត្ថកិច្ច៖ «ទាក់ទង នឹង២នាក់ក្រោយដែលមានទៅសួរនាំរឿងសាវតារនេះ យើងគិតថា អាចសួរនាំ ហើយចេញដីកាចាប់ខ្លួន តាមសាវតារជាតិហ្នឹង ដែលសមត្ថកិច្ចកសាងសាវតារជាតិហ្នឹង ហើយបញ្ជូនទៅតុលាការ ដើម្បីចេញដីកាចាប់ខ្លួន។ ទាំងនេះយើងដែលឃើញកន្លងមកអ៊ីចឹង បានយើងគិតថា បើទិដ្ឋភាពបែបនេះមែន តើគួរឲ្យយើងជឿជាក់ប៉ុណ្ណា»។
សកម្មជនគណបក្សសង្គ្រោះជាតិ ចំនួន ១១នាក់ហើយ ត្រូវបានចៅក្រមសាលាដំបូងរាជធានីភ្នំពេញ លោក លឹម មករន្ទ ផ្ដន្ទាទោសដាក់ពន្ធនាគារ ចន្លោះពី ៧ ទៅ ២០ឆ្នាំ ក្រោមបទចោទដឹកនាំ និងចូលរួមក្នុងអំពើកុប្បកម្ម ដែលបានប្រព្រឹត្តកាលពីថ្ងៃទី១៥ ខែកក្កដា ឆ្នាំ២០១៤៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ជនរងគ្រោះ៖ សំណង៣៨លានមិនអាចព្យាបាលមុខរបួសដោយគ្រាប់កាំភ្លើង ឈូក បណ្ឌិត
- លោក ឈូក បណ្ឌិត ត្រូវសមត្ថកិច្ចចាប់ខ្លួន
- តុលាការខេត្តមណ្ឌលគិរីដោះលែងសកម្មជនការពារដីធ្លីសហគមន៍ព្នងបណ្ដោះអាសន្ន
- មេធាវីគ្រោងប្ដឹងទៅក្រុមប្រឹក្សាអង្គចៅក្រមឲ្យសើរើការកាត់ក្ដីសកម្មជនបក្សប្រឆាំង១១នាក់
- សាលាឧទ្ធរណ៍សម្រេចឲ្យជនជាប់ចោទបទប៉ុនប៉ងផ្ដួលរំលំរដ្ឋាភិបាល៧នាក់បន្តជាប់ឃុំ
- អង្គការលើកលែងទោសអន្តរជាតិអំពាវនាវឲ្យអាជ្ញាធរដោះលែងសកម្មជនបក្សប្រឆាំង
- អាជ្ញាធរប្ដេជ្ញាជាថ្មីក្នុងការតាមចាប់លោក ឈូក បណ្ឌិត
- HRW ចាត់ទុកការកាត់ទោសសកម្មជនបក្សប្រឆាំង១១នាក់ថាជាសាលក្រមនយោបាយ
- តុលាការខេត្តមណ្ឌលគិរីស៊ើបអង្កេតករណីអ្នកភូមិប្ដឹងអាជ្ញាធរដុតផ្ទះប្រជាពលរដ្ឋ
Strategic arrests to keep background activities of CNRP at bay,while sensitive issues over the border still vigorously continue.
Are these rules of laws or Rules of POWER???????
Samneang
Rules in both ways, rule of law and rule of power: we have been using the rule of power when we fought against enemy in the country and at the borders, commanding officers and soldiers as well as civilian populations must obey the executive supreme commanders who gave them the directions and orders, this is the rule of power. We have also managed our securities and orders by the rule of laws by enforcing the people from folks to respect the rule of laws and this is a democratic development in this kingdom. Wee will use the rule of laws to bring the leaders who creates chaos and social unrest to jail, this the rule of laws, not the rule of power?!!!
ហា ហា ហា មិនមែននៅសល់2នាក់ទៀតទេ គឺនៅសល់ច្រើនណាស់វើយ កំពុងតែរៀបចំ់់ឯកសារដើម្បីតាមចាប់ មិនអោយរួចខ្លួនទេវើយ សូម្បីតែម្នាក់
ហា ហា ហា សួរស្តី ពួកអាផ្កាប់មុខ cnrp យ៉ាងម៉េចហើយ បែកគ្នាប៉ុន្មានឆ្នាំ តើសល់ពីងាប់ប៉ុន្មាន ជាប់គុកបុ៉ន្មាន រត់ចោលស្រុកបុ៉ន្មាន នៅចាំអញអត់ អញគឺ th អ្នកខ្លាំង អ្នកមែន អ្នកឃ្លាំមើលកំណែទំរង់រដ្ឋាភិបាលអាណត្តិទី5 បាត់អញមួយរយ:នេះ ដោយជាប់លេងហ្វេសបុកវើយ បើអាណាខ្លាំងមកជួបគ្នាតាមង្វេសបុកវិញ ហា ហា ហា
It is not so difficult to arrest people and keep their bodies in jails or in confine areas, but the difficult part is to keep their spirits, the spirit of those whom want freedom and justice, the spirits of those whom want to live in a well respect by the World Communities.
Sometime, silence is the scariest thing. When most people are silencing, you have to be care full because you don’t know what they are going to do with your injustice behavior. Don’t realize too much on the guns/weaponries you have, most soldiers are the people’s son/daughters. They are the human being; they know what is bad and what is good for their children future. Many human histories have the proof.
You MAY enjoy the power that you get from forces and guns during your life time, but your family, especially your children may pay the heavy price. IN THE REALITY WORL, YOU WILL NEVER EVER HIDEN FROM THE TRUTH.
please use the rule of law to bring bad leader to face justice. we knew which leader who commit a lot of crime again humanity. every action that they have done can not hiding from public eye and ear . by have been done a lot of bad trick in front of million of people and they pretending no one will know about it. too bad to whom who support his master without limited . when one whole elephant dead you can not take a small basket to cover it. in some time I can tell person who acting to be a high educated guy . but only for some poor people who can not get their education. some PHD in Cambodia can not use around the world because it not up to international standard . it’s every dangerous for some people who did not know pretending knowing every thing. awake pretending sleeping , seeing pretending did not see any thing. after all it is very dangerous to himself and also his nation.