ដោយ៖ សេង វណ្ណៈ និង អ៊ឹង ចាន់ថន | ថ្ងៃពុធ ទី2 កញ្ញា 2015, 02:51 PM
http://vodhotnews.com
ស្តាប់សំឡេង៖ |
ចម្លងទុក |
គណបក្សសង្គ្រោះជាតិ ស្នើឲ្យសមត្ថកិច្ចស្រុកកណ្តាលស្ទឹង ខេត្តកណ្តាល រកមុខមនុស្សដែលអះអាងថា ពួកគេ បានផ្តល់ថវិកាដល់ទូរទស្សន៍ព្រះអាទិត្យ ហើយបានទាមទារដកលុយនោះ ឲ្យមកបើកប្រាក់របស់ពួកគេទៅវិញ។
លិខិតរបស់គណបក្សសង្គ្រោះជាតិ នៅថ្ងៃទី២ ខែកញ្ញានេះ ទៅកាន់អធិការនគរបាលស្រុកកណ្តាលស្ទឹង បានស្នើឲ្យសមត្ថកិច្ចបង្ហាញមុខឈ្មោះ ស សុគណ ដែលបានអះអាងថា ខ្លួនជាតំណាងពលរដ្ឋ៣៥គ្រួសារ ដែលបានបង់លុយជាង៥លានរៀលសម្រាប់ទ្រទ្រង់ទូរទស្សន៍ព្រះអាទិត្យ។ ប៉ុន្តែពួកគេមិនសុខចិត្តក៏បានទាមទារដកលុយទៅវិញ។
គណបក្សសង្គ្រោះជាតិបានទាមទារឲ្យបុគ្គលនោះត្រូវបង្ហាញមុខ និងបង្ហាញវិក្កយបត្រ ដើម្បីមកបើកលុយនោះទៅវិញ។
ប៉ុន្តែអធិការនគរបាលស្រុកកណ្តាលស្ទឹង លោក ម៉ែន ចន្ទរិទ្ធ ប្រាប់វីអូឌី (VOD) ថា មិនមានឈ្មោះ ស សុគុណ រស់នៅក្នុងកណ្តាលស្ទឹងនោះទេ៖ “ខ្ញុំក៏ជួយស្រាវជ្រាវឲ្យទៅ ប៉ុន្តែរកវា(ឈ្មោះ ស សុគណ)មិនឃើញចេះតែឆ្ងល់អត់មានឃើញក្នុងបញ្ជីស្នាមរបស់យើងគ្រប់គ្រងនៅក្នុងរដ្ឋបាលដែនដីរបស់យើងផងហ្នឹង។ មិនដឹងឈ្មោះហ្នឹងមកពីខាងណា ចេះតែឆ្ងល់ដែរ”។
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ មានប្រសាសន៍ថា ការដែលមនុស្សមួយក្រុមអះអាងថា ខ្លួនបានបង់លុយទ្រទ្រង់ទូរទស្សន៍គណបក្សនេះ ហើយមិនសុខចិត្តក៏ទាមទារលុយទៅវិញនោះ គឺគ្រាន់តែល្បិចរបស់អ្នកនយោបាយដែលគេរៀបចំឡើងដើម្បីបន្ទុចបង្អាក់កុំឲ្យពលរដ្ឋចូលរួមថវិកាគាំទ្រទូរទស្សន៍ព្រះអាទិត្យ។ លោកថា៖ “បើមិនមានឈ្មោះហ្នឹង មានន័យថា ឯកសារ និងព្រឹត្តិការណ៍ហ្នឹងចង់ដៃអ្នកណាម្នាក់ដែលយើងមិនអាចដឹងបាន ហើយក្នុងគោលបំណងធ្វើឲ្យប្រជាពលរដ្ឋបាត់ជំនឿលើគណបក្សសង្គ្រោះជាតិ”។
ការដែលមានព័ត៌មានថា សកម្មជនគណបក្សប្រឆាំងទាមទារដកប្រាក់របស់ខ្លួនចេញមូលនិធិទ្រទ្រង់ទូរទស្សន៍ព្រះអាទិត្យនោះ កើតឡើងក្រោយពេលដែលលោក ហ៊ុន សែន បានចម្អកឲ្យគណបក្សសង្គ្រោះជាតិ ថា មិនអាចបង្កើតទូរទស្សន៍ដោយខ្លួនឯងបាន គឺត្រូវពឹងលើការចូលរួមពីប្រជាពលរដ្ឋ។ ជាមួយគ្នានោះ អាជ្ញាធររដ្ឋាភិបាល ក៏បានហាមមិនឲ្យគណបក្សសង្គ្រោះជាតិ ដាក់ហិបប្រមូលលុយនៅទីសាធារណៈ ដើម្បីទ្រទ្រង់ទូរទស្សន៍របស់គណបក្សប្រឆាំងឡើយ៕
សូមសរសេរមកលោក សេង វណ្ណៈ តាមរយៈ sengvannakdmc@gmail.com និងលោក អ៊ឹង ប៊ុនថន តាមរយៈ chanthorn@vodhotnews.com
95% khmer diapora support SUN TV ..
លោក ហ៊ុន សែន បានចម្អកឲ្យគណបក្សសង្គ្រោះជាតិ ថា មិនអាចបង្កើតទូរទស្សន៍ដោយខ្លួនឯងបាន គឺត្រូវពឹងលើការចូលរួមពីប្រជាពលរដ្ឋ។ មកនិយាយថាអោយគេមិនមើលខ្លួនឯងសោះ ខ្លួនឯងនឹង
រាល់ថ្ងៃនឹងធ្វើអីខ្លះបានដោយខ្លួនឯង :)))))
គណបក្សសង្គ្រោះមិនអាចបង្កើតទូរទស្សន៍ដោយខ្លួនឯងបាន មិនដូចគណបក្សប្រជាជនលួចជាតិ ពុករលួយរាល់ថ្ងៃយប់ទេ !
អធិការនគរបាលស្រុកកណ្តាលស្ទឹង លោក ម៉ែន ចន្ទរិទ្ធ ប្រាប់វីអូឌី (VOD) ថា មិនមានឈ្មោះ ស សុគុណ
រស់នៅក្នុងកណ្តាលស្ទឹងនោះទេ៖ “ខ្ញុំក៏ជួយស្រាវជ្រាវឲ្យទៅ ប៉ុន្តែរកវា(ឈ្មោះ ស សុគណ)មិនឃើញចេះតែឆ្ងល់អត់មានឃើញក្នុងបញ្ជី។
បើប្រជាជនខ្មែរគិតច្បាស់ នោះនិងឃើញ (ឈ្មោះ ស សុគណ)មាននៅក្នុងបញ្ជីឈ្មោះខ្មោចរបស់គណបក្សប្រជាជនដែលដើរមួលបង្កាច់
បង្ខូចនិងសំអុយឈ្មោះគណបក្សសង្គ្រោះជាតិតែប៉ុណ្ណោះឯង !
លោក ហ៊ុន សែន បានចម្អកឲ្យគណបក្សសង្គ្រោះជាតិ ពិជាអន់ហើយអាប់ឱនខ្លួនខ្លាំងណាស់ នៅពេលគ្មានភស្ដុតាងបែបនេះ ។