ដោយ៖ ណាត សុភាព | ថ្ងៃសុក្រ ទី18 កញ្ញា 2015
http://vodhotnews.com
យុវជនចូលរួមសិក្ខាសាលាមួយ នៅរាជធានីភ្នំពេញ កាលពីពេលកន្លងមក
ថ្នាក់ដឹកនាំគណបក្សប្រឆាំងលោក សម រង្ស៊ី លើកឡើងថា តួលេខគណនារបស់ធនាគារពិភពលោកដែលថា អត្រាយុវជនអត់ការងារធ្វើនៅប្រទេសកម្ពុជាមានត្រឹមតែ០,៧% មិនត្រឹមត្រូវទេ ដោយលោកអះអាងថា សភាពការណ៍ជាក់ស្តែងយុវជនអត់ការងារធ្វើ អាចដល់ទៅ៧០% ខណៈពេលយុវជនរាប់សែននាក់ចំណាកស្រុកធ្វើការនៅក្រៅប្រទេស។
សាររបស់លោក សម រង្ស៊ី ដែលសរសេរនៅលើទំព័រហ្វេកប៊ុករបស់លោកកាលពីថ្ងៃទី១៦ ខែកញ្ញានេះមានខ្លឹមសារថា៖ “បើប្រើនិយមន័យដូចនៅប្រទេសជឿនលឿនរីកចំរើន អត្រាយុវជនអត់ការងារធ្វើត្រឹមត្រូវនៅកម្ពុជា មិនមែន 0,7% ទេ គឺអាចដល់ទៅ 70% បើយើងពិនិត្យមើលសភាពការណ៍ជាក់ស្តែងជុំវិញយើង ហើយគិតពីចំនួនយុវជនខ្មែររាប់សែននាក់ ដែលត្រូវចំណាកស្រុក ពីព្រោះរកការងារធ្វើនៅប្រទេសកម្ពុជាមិនបាន”។
លោក សម រង្ស៊ី ក៏បានយកតួលេខគណនារបស់ធនាគារពិភពលោក ចំពោះអត្រាយុវជនអត់ការងារធ្វើនៅប្រទេសកម្ពុជា មានត្រឹមតែ ០,៧% ធៀបជាមួយប្រទេសជឿនលឿនរីកចម្រើន (ដូចជា សហរដ្ឋអាមេរិក បារាំង អូស្ត្រាលី សិង្ហបុរី) តួលេខនេះឡើងដល់ទៅជាង ១០%?
មន្ត្រីទំនាក់ទំនងរបស់ធនាគារពិភពលោក គឺលោក ប៊ូ សារឿន សុំមិនអត្ថាធិប្បាយលើករណីនេះ ដោយលោកឲ្យអ្នកសារព័ត៌មានផ្ញើសំនួរតាមរយៈអ៊ីម៉ែល។
អ្នកស្រាវជ្រាវឯករាជ្យពីការអភិវឌ្ឍសង្គមលោក មាស នី លើកឡើងថា លោកមិនដឹងថា ធនាគារពិភពលោកធ្វើការស្រាវជ្រាវលើអត្រាអ្នកអត់ការងារធ្វើនោះនៅរដូវប្រជាពលរដ្ឋធ្វើកសិកម្ម ឬយ៉ាងណា? ប៉ុន្តែលោកថា បើធ្វើខុសពីរដូវប្រជាពលរដ្ឋធ្វើកសិកម្ម នោះអត្រាអ្នកអត់ការងារមានចំនួនកើនឡើងជាងរបាយការណ៍ធនាគារពិភពលោក។
លោក សម រង្ស៊ី បន្ថែមថា៖ "នៅប្រទេសគេ ពេលនិយាយពីការងារ សំដៅទៅការងារត្រឹមត្រូវ ដែលផ្តល់ឲ្យអ្នកធ្វើការម្នាក់ៗ នូវប្រាក់ចំណូលគ្រាប់គ្រាន់ ដើម្បីរស់បានយ៉ាងសមរម្យទៀងទាត់ និងថ្លៃថ្នូរ។ សម្រាប់កម្ពុជាវិញ ធនាគារពិភពលោក (World Bank) និងអង្គការពលកម្មអន្តរជាតិ (ILO) បានប្រើនិយមន័យការងារថា នរណាមានការងារធ្វើ ដរាបណាអ្នកនោះធ្វើការបានចាប់ពី១ម៉ោង ក្នុង១សប្តាហ៍ឡើងទៅ។ អ្វីដែលគេចាត់ទុកជាការងារនោះរួមមាន ការរើសសំរាម សុំទាន និងរកស៊ីផ្លូវភេទ ក៏អាចគិតថាជា «ការងារ» ដែរ"៕
សូមសរសេរមកលោោក ណាត សុភាព តាមរយៈ sopheap@vodhotnews.com
I SUPPORT YOU MANY MANY YOURTH NO WORK, IN CAMBODIA
មិនមែនអត់ការងារធ្វើ៧០%នោះ គឺ១០០% ព្រោះថា សម រង្សី និងប្រពន្ធ ក៏អត់ការងារធ្វើដែរ ។ អាឡប់! ខិតខំប្រៀបធៀប បាយប្រហុក ជាមួយហែមបែហ្គរ័ក៏ទៅរួចដែរ មើលរឿងនេះឃើញថាខាងធនាគារពិភពលោកគ្នាមួយហ្វូង អន់ជាងសម រង្សីម្នាក់ឯង!
រឿងដែលថាអត់ការងារធ្វើគឺការងារនៅក្នុងស្រុក ដែលរដ្ឋាភិបាលបង្កើតឲ្យមានសម្រាប់ប្រជាជនយើងធ្វើ តែនេះយុវជនយើងចូលជិតដល់លាននាក់ដែលចំណាកស្រុករត់រកការងារធ្វើ ដូចនេះវាអាចចូលដល់៦០ ឬក៏៧០%ហើយ តើធនាគារពិភពលោកមានតួរលេខអ្វីមកសំអាងព្រមទាំងស្ថិតិរបស់យុវជននិងប្រជាពលរដ្ឋយើងដែលកំពង់ចំណាកស្រុក យើងក៏មិនទទួលស្គាល់នូវការវាយតំឡៃនេះដែរ ។
មិនដឹងជាតួរលេខអ្វីទេគ្រាន់តែថៃចាប់បញ្ជួនមកវិញរាប់មឿននាក់ទៅហើយ 0,7% ដូចជាលើកហួស
ហេតុពេកទេហៃ។
សម រង្សី អាមេបោកៗឡើងមហាជនគ្រប់រូបស្គាល់ក្រយៅក្បាលវាអស់ហើយអាមួយនេះដែលមានស្អីវាមានតែសម្តីភូតភូរតែប៉ុណ្ណោះ។ វាតែមួយក្បាលសោះតែដិងជាងនាក់ធ្វើការនូវធនាគារពិភពលោកទៅទៀត។
គេវិភាគមេចបានយុវជនខ្មែរអត់ការងារ ០,៧% សូមជួយប្រាប់អរគុណ