ដោយ៖ អុិត សូធឿត | ថ្ងៃព្រហស្បតិ៍ ទី7 មករា 2016, 03:22 PM
http://vodhotnews.com
លោកនាយករដ្ឋមន្ត្រី ហ៊ុន សែន នៅថ្ងៃព្រហស្បតិ៍ ប្រកាសថា តម្លៃធ្វើប័ណ្ណបើកបររថយន្តនឹងត្រូវបញ្ចុះយ៉ាងតិចពាក់កណ្ដាល ទោះតម្លៃថ្មីនៅមិនទាន់បានកំណត់នៅឡើយនៅពេលនេះ។
លោកនាយករដ្ឋមន្ត្រីបានថ្លែងឲ្យដឹងបែបនេះតាមរយៈវីដេអូឃ្លីបមួយដែលត្រូវបានបង្ហោះនៅលើទំព័រហ្វេសប៊ុករបស់លោកនៅរសៀលថ្ងៃនេះ ដែលលោកថា ដើម្បីពន្យល់បញ្ជាក់អំពីចំណុចសំខាន់ៗមួយចំនួនដែលជាកង្វល់របស់ពលរដ្ឋចំពោះការអនុវត្តន៍ច្បាប់ចរាចរណ៍ថ្មី។
លោក ហ៊ុន សែន មានប្រសាសន៍ថា លោកបានពិភាក្សាជាមួយរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុតាំងពីមុនដាច់ឆ្នាំ២០១៥ នៅពេលលោកប្រកាសឲ្យផ្អាកការផ្ដល់ប័ណ្ណបើកបរ គឺត្រូវបញ្ចុះតម្លៃឲ្យបានយ៉ាងតិចពាក់កណ្ដាល។ លោកមានប្រសាសន៍បញ្ជាក់ថា៖ “មានសំណួរចោទសួរថា តើប័ណ្ណបើកបររថយន្តមានការចុះថ្លៃឬទេ? ខ្ញុំអាច ខ្ញុំព្រះករុណាខ្ញុំអាចឆ្លើយជូនបាននៅពេលនេះថា តម្លៃគឺពិតជានឹងមានការធ្លាក់ចុះយ៉ាងហោចគឺពាក់កណ្ដាល”។
យោងតាមតារាងតម្លៃរបស់ក្រសួងសាធារណការ និងដឹកជញ្ជូន ការប្រឡងយកប័ណ្ណបរយានយន្ត នាពេលបច្ចុប្បន្នមានតម្លៃពី១៨ម៉ឺនរៀលទៅ២០ម៉ឺនរៀល៕
សរសេរមកលោក អុិត សូធឿត តាមរយ sothoeuth@vodhotnews.com
រឿងអស់សំណើចបីយ៉ាង ក្នុងបរិយាកាសនៃការអនុវត្តច្បាប់ចរាចរ ១មករា២០១៦៖
១. បូលីសប្រើ Menu ដូចភោនីយដ្ឋាន សម្រាប់ផាកវិន័យ!! ហាសហា
២. តាំងពីដូនតាមក ដូចមិនដែលជិះម៉ូតូមានប័ណ្ណបើកបរ? ហាសហា
៣. បូលីសសម័យតេជោ បានអនុវត្តចរាចរចាប់ពី០១មករា២០១៦ ដោយដាក់បូលីសជាង៣៧០០គោលដៅ!! ម្តាយអើយ ម្រងបង់មួយសំណាញ៉បានទាំងអស់ម្រង។