ដោយ សូត សុខប្រាថ្នា
2016-01-08
RFA
យុវជនម្នាក់ដែលគំរាមសម្លាប់លោកនាយករដ្ឋមន្ត្រី ហ៊ុន សែន ត្រូវបានព្រះរាជអាជ្ញារងសាលាដំបូងរាជធានីភ្នំពេញលោក ទៀង សុខ ចោទប្រកាន់ចំនួន២ករណីគឺ ករណីគំរាមសម្លាប់ និងការប្រមាថ។
យុវជនរូបនេះឈ្មោះ ម៉ាន់ សំអ៊ាន់ អាយុ២៨ឆ្នាំ មានស្រុកកំណើតនៅភូមិម្នាវ សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ ត្រូវបានសមត្ថកិច្ចចាប់ខ្លួននៅពីថ្ងៃទី៦ មករា បន្ទាប់ពីយុវជនរូបនេះ ប្រើប្រាស់ហ្វេសប៊ុកឈ្មោះក្លែងក្លាយ គំរាមសម្លាប់លោក ហ៊ុន សែន តាមបណ្ដាញសង្គមនេះ។
ការចោទប្រកាន់ប្រកាន់ចំនួន២ករណី តាមក្រមព្រហ្មទណ្ឌមាត្រា២៣៣ ស្ដីពីការគំរាមថានឹងសម្លាប់ ដែលនឹងត្រូវជាប់ពន្ធនាគារ៦ខែ ទៅ២ឆ្នាំ និងពិន័យជាប្រាក់ពី១លាន ដល់៤លានរៀល។ ចំណែកមាត្រា៥០២ ស្ដីពីបទប្រមាទ ចំពោះអ្នករាជការសាធារណៈ ឬពលរដ្ឋទទួលអាណត្តិសាធារណៈ ដោយការបោះឆ្នោត នៅក្នុងក្របខ័ណ្ឌនៃមុខងារ នឹងត្រូវជាប់ពន្ធនាគារពី១ថ្ងៃ ទៅ៦ថ្ងៃ និងពិន័យជាប្រាក់ពី១ពាន់ ទៅដប់ម៉ឺនរៀល។
យ៉ាងណាក៏ដោយពេលដែលសមត្ថកិច្ចនាំយុវជនរូបនោះ មកកាន់តុលាការដើម្បីសាកសួរ នៅរសៀលថ្ងៃនេះ យុវជនរូបនោះបានស្រែកស្នើសុំការអន្តរាគមន៍ពីប្រមុខរដ្ឋាភិបាល។ ខណៈក្រុមគ្រួសារយុវជននេះ មិនទាន់ជឿថា យុវជន ម៉ាន់ សំអ៊ាន់ ប្រព្រឹត្តដូចការចោទឡើយ និងស្នើឲ្យធ្វើការស៊ើបអង្កេតចំពោះករណីនេះ។
សូមស្ដាប់សេចក្ដីរាយការណ៍បន្ថែមរបស់លោក សូត សុខប្រាថ្នា ដែលតាមដានរឿងនេះ៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- អ្នកជំនាញថាការលុបចោលប័ណ្ណបើកបរម៉ូតូជាឧបសគ្គក្នុងការទប់ស្កាត់គ្រោះថ្នាក់ចរាចរណ៍
- លោក ហ៊ុន សែន ប្រែចិត្តពីការកំណត់សញ្ជាតិមួយរបស់បក្សនយោបាយទៅសញ្ជាតិច្រើន
- ពលរដ្ឋគាំទ្រនាយករដ្ឋមន្ត្រីបញ្ជាឲ្យបញ្ចុះតម្លៃធ្វើប័ណ្ណបើកបរម៉ូតូ
- សង្គមស៊ីវិលស្នើផ្សព្វផ្សាយអប់រំច្បាប់ចរាចរណ៍ដល់ពលរដ្ឋឲ្យបានទូលំទូលាយ
- គណៈកម្មការចំពោះកិច្ចប្រជុំពិភាក្សាលើសេចក្ដីព្រាងច្បាប់ស្ដីពីសហជីពជាលើកដំបូង
- សមត្ថកិច្ចខេត្តកំពង់ឆ្នាំងឃាត់យានយន្ត១៥២គ្រឿងក្នុងរយៈពេល២ថ្ងៃនៃការអនុវត្តច្បាប់
- អគ្គស្នងការនគរបាលជាតិប្រកាសពន្យារពេលផាកពិន័យឡាននិងម៉ូតូដែលគ្មានប័ណ្ណបើកបរ
- ពលរដ្ឋជិត១០០នាក់តវ៉ាមុខតុលាការខេត្តសៀមរាបទាមទារឲ្យដោះលែងចៅសង្កាត់អំពិល
- ច្បាប់សំខាន់ៗដែលកើតឡើងក្នុងឆ្នាំ២០១៥និងច្បាប់ដែលគ្រោងបង្កើតឆ្នាំ២០១៦
នេះជាក្មេងពាលយកសម រង្សី និងកឹម សុខា ជាគំរូ!
why it come so fast to arrest this person what about the other crime that committed murder. answer this question Mr follower…………