ការឈឺឆ្អាលរឿង ស្រីមុំ ចន ច័ន្ទលក្ខិណា ត្រូវបានរិះគន់។ ហ្វេសប៊ុក
Tue, 17 May 2016
ស៊ូ វុទ្ធី
ភ្នំពេញប៉ុស្តិ៍
ភ្នំពេញ: បន្ទរតាមក្រោយសារបង្ហាញអំពីទំហំចិត្តគាំទ្រកញ្ញា ខុម ចាន់តារាទី ដែលថា ត្រូវបានអ្នកនយោបាយ យកខ្លួនប្រាណទៅលេងសើច និងថែមទាំងជំរុញឲ្យមានការដាក់ពាក្យប្តឹង បុគ្គលនយោបាយនោះ អ្នកនាង ចន ច័ន្ទលក្ខិណា ក៏ស្រោចនូវការរិះគន់ភ្លាមៗ ផ្អើលពិភពសិល្បៈ ពីទស្សនមហាជនលើកមតិចំអកនាងថា៖ «អ្នកនាង ចន ច័ន្ទលក្ខិណា អើយ ម៉េចក៏មិនប្រឹងជួយរកយុត្តិធម៌ឲ្យរៀមច្បងសិល្បៈរួមអាជីពផង ដែលខ្លះស្លាប់ ខ្លះពិការដោយភាពអយុត្តិធម៌នោះ?»។
រំលេចលើគណនីហ្វេសប៊ុក ក្នុងសម្លៀកបំពាក់បង្ហាញ ឡូហ្គូ កាកបាទក្រហម ដែលឈរស្និទ្ធនឹងប្រធានកាកបាទក្រហមកម្ពុជា នៅថ្ងៃទី ១៤ ខែឧសភា ឆ្នាំ ២០១៦ អ្នកនាង ចន ច័ន្ទលក្ខិណា បង្ហាញសារចែករំលែកការឈឺចាប់ដល់កញ្ញា ខុម ចាន់តារាទី (ស្រីមុំ) ដោយភ្ជាប់ន័យចំអកធ្ងន់ៗដល់អ្នកនយោយដែលជាប់ពាក់ព័ន្ធរឿងស្នេហាស្រីមុំ ថែមទៀត។
អ្នកនាង ចន ច័ន្ទលក្ខិណា លើកឡើងថា៖ «តាមរយៈការតាមដានរបស់ខ្ញុំលើបណ្តាញព័ត៌មាន និងហ្វេសប៊ុក ខ្ញុំពិតជាមានការសោកស្តាយយ៉ាងខ្លាំងចំពោះ កញ្ញា ខុម ចន្ទតារាទី ហៅ ស្រីមុំ ដែលត្រូវបានជនមានគំនិតទុច្ចរិត និងគ្មានការទទួលខុសត្រូវយកនាងមកលេងសើចដើម្បីបំពេញនូវសេចក្តីសប្បាយដោយអសីលធម៌របស់ខ្លួន»។
អតីតភរិយាលោក យុត្ថារ៉ា ឆានី រូបនេះ បានបន្ថែមថា៖ «ក្នុងនាមខ្ញុំជាស្ត្រីដូចគ្នា ខ្ញុំពិតជាមានការឈឺចាប់ណាស់នៅក្នុងករណីនេះ និងសូមគាំទ្រ ចំពោះការសម្រេចចិត្តរបស់ប្អូនស្រី ដែលបានដាក់ពាក្យបណ្តឹងទៅតុលាការដើម្បីស្វែងរកយុត្តិធម៌។ ក្នុងនាមបងជាស្ត្រីម្នាក់ និងសិល្បការិនីផ្សេងទៀត សូមគាំទ្រ និងលើកទឹកចិត្តដល់ប្អូនស្រីឲ្យមានភាពរឹងមាំបន្តការងារដើម្បីស្វែងរកយុត្តិធម៌ ដែលប្អូនត្រូវបានបំពានដោយជនទុច្ចរិត និងខ្វះការទទួលខុសត្រូវ។ យើងទាំងអស់គ្នាជាស្ត្រីនៅតែបន្តគាំទ្រ និងយកចិត្តទុកដាក់ចំពោះប្អូនស្រី»។
ចន ច័ន្ទលក្ខណា រងការរិះគន់ដោយភ្ជាប់នឹងតារាខ្មែរ ៤ ដួង។ ហ្វេសប៊ុក
ទន្ទឹមនេះ កញ្ញា ស្រីមុំ ក៏បានដាក់ពាក្យប្តឹង លោក កឹម សុខា ទាមទារសំណងខូចខាតកិត្តិយសចំនួន ៣០ ម៉ឺនដុល្លារ ខណៈមន្រ្តីសិទ្ធិមនុស្សបួននាក់ រួមជាមួយនឹងមន្រ្តី គជប ម្នាក់ទៀតក៏ត្រូវបានចាប់ខ្លួនទៅឃុំនៅពន្ធនាគារព្រៃស ដោយចោទពីបទពាក់ព័ន្ធអំពើពុករលួយ បង្គាប់ឲ្យ ស្រីមុំ ប្រឌិតចម្លើយ»។
ប៉ុន្តែសម្ដីឈឺឆ្អាលនេះបែរជារងការរិះគន់ពីមហាជនចំអកឡើងស្រងាកចិត្តជាមួយការលើកឡើងថា៖ «បើចង់រកយុត្តិធម៌ឲ្យមនុស្សស្រី ម៉េចក៏មិនខំប្រឹងរកយុត្តិធម៌ឲ្យរៀមច្បង និងមិត្តរួមអាជីពសិល្បៈ ត្រូវគេសម្លាប់ និងរងគ្រោះរហូតពិការដល់សព្វថៃ្ងផង»។
ប្រតិកម្មជំហរ អ្នកនាង ចន ច័ន្ទលក្ខិណា នោះ យុវតី ម្ចាស់គណនីហ្វេសប៊ុក LY Chan vetey ក៏សរសេរចំអកដោយពាក្យពេចន៍ធ្ងន់ៗថា៖ «នាងខ្ញុំ លី ច័ន្ទវត្តី សូមផ្តាំទៅបងស្រី ចន ច័ន្ទលក្ខិណា យកល្អកុំលូកដៃក្នុងរឿងនយោបាយអី បើបងនិយាយអត់ដឹងអីអ៊ីចឹង គឺវាបង្ហាញពីកម្សោយនៃការយល់ដឹងរបស់បងកាន់តែច្បាស់ឲ្យមហាជនសើចចំអកទៅវិញទេ។ បងលាងគូទខ្លួនឯងសិន ចាំបងនិយាយរឿងនេះ»។
ហ្វេសប៊ុកដដែល បន្ដរិះគន់ចំអកចំៗ និងភ្ជាប់នូវចម្ងល់ថា៖ «ចាំទេ លោក អេង រិទ្ធី លោក សាពូន មីដាដា និងលោក ករុណា ពេជ្រ។សង្ឃឹមថា ប្រជាប្រិយភាពបងនៅតែមាន បើមិនបញ្ចេញយោបល់ដ៏ល្ងង់ខ្លៅរបស់បង ហើយបើជ្រុលតំណាងឲ្យស្ត្រីស្វែងរកយុត្តិធម៌ឲ្យស្ត្រីខ្មែរ បងជួយស្វែងរកឲ្យអ្នកមីង ពិសិដ្ឋ ពិលីកា អ្នកមីង តាត ម៉ារីណា បងស្រី ទូច ស៊ុននិច និងបងស្រី ពៅ បញ្ញាពេជ្រ ផងបានទេ? ពួកគាត់ទើបជាជនរងគ្រោះពិតប្រាកដ មិនមែនឈុតឆាកល្ខោនទេ»។
កញ្ញា លី ច័ន្ទវត្តី បានក្រើនរំឭកថា៖ «ចាំណា! បងខ្ពស់ដោយសារអ្នកគាំទ្រ តែប្រយ័ត្នធ្លាក់បាក់កដល់បាត ក៏ដោយសារអ្នកគាំទ្រដែរ។ នេះគ្រាន់តែជាយោបល់ខ្ញុំ ក្នុងនាមអ្នកគាំទ្របងមួយរូប (ពីមុន)»។
ជុំវិញមតិចំអកឡយឡឺយកប់ៗមាត់ពីយុវតីនោះ គេនៅមិនទាន់ឃើញអ្នកនាង ចន ច័ន្ទលក្ខិណា ប្រតិកម្ម ឬក៏បកស្រាយយ៉ាងណាទេ ខណៈភ្នំពេញប៉ុស្តិ៍ ក៏មិនអាចទាក់ទងសុំការបំភ្លឺបាន ដែលទូរស័ព្ទខលចូលពុំមានអ្នកទទួល៕
Very true. This actress need to stay away from politic!!
Very true. This actress need to stay away from politic!! she retard
Oh’ dear’ you have to be careful what you say ‘ your popular will be gone ‘ Consideration before you talk ”cambodian people now not like 20 years ago’ ‘your brain still un-wise ‘ little baby’
She’s stupid who pro khom chantaraty .
Chan chanleakana want to be famous like thy sovantha and srey chamreun , all of them really true stupid and their will be dump and foolish .
Chan chanleakana sister you are very young you should stay away from a political and do your Own business better, very dangerous become a politician, just stay away.