ដោយ យ៉ង ចាន់តារា
2016-08-03
RFA
ស្ដាប់ ឬ ទាញយកសំឡេង
អ្នកស្រី ថាក់ ឡានី (ឆ្វេង) សមាជិកព្រឹទ្ធសភាគណបក្សសម រង្ស៊ី និងលោក សម រង្ស៊ី (ស្ដាំ) ប្រធានគណបក្សសង្គ្រោះជាតិ។ Photo supplied
សាលាដំបូងរាជធានីភ្នំពេញ កោះហៅអ្នកស្រី ថាក់ ឡានី ឲ្យមកបំភ្លឺនៅរសៀលថ្ងៃទី៨ សីហា និងលោក សម រង្ស៊ី នៅព្រឹកថ្ងៃទី១៩ សីហា ខាងមុខ ជុំវិញពាក្យបណ្ដឹងរបស់លោក ហ៊ុន សែន ប្ដឹងអ្នកទាំងពីរចំពោះការចោទប្រកាន់ថា លោក ហ៊ុន សែន ជាអ្នកសម្លាប់បណ្ឌិត កែម ឡី។ មន្ត្រីគណបក្សប្រឆាំង និងអង្គការសង្គមស៊ីវិល យល់ឃើញថា អ្វីដែលរដ្ឋាភិបាលគួរធ្វើ គឺពន្លឿនការរកយុត្តិធម៌ជុំវិញឃាតកម្មលើបណ្ឌិត កែម ឡី ដែលមិនមែនជាការវាយបំបាក់ដៃគូនយោបាយរបស់ខ្លួននោះទេ។
អ្នកនាំពាក្យសាលាដំបូងរាជធានីភ្នំពេញ លោក លី សុផាណា ឲ្យដឹងតាមបណ្ដាញសង្គមតេឡេក្រាម (Telegram) នៅថ្ងៃទី៣ សីហា ថា តុលាការកំពុងដំណើរការស៊ើបអង្កេតរឿងក្តីទាំងពីរនេះ ដោយពិនិត្យទៅលើពាក្យបណ្ដឹង ភស្តុតាង សាក្សី និងឯកសារផ្សេងទៀតដែលមានប្រយោជន៍ដល់ការស៊ើបអង្កេត។
លោកបញ្ជាក់ទៀតថា មេធាវីតំណាងរបស់លោក ហ៊ុន សែន គឺលោក គី តិច ក៏នឹងត្រូវមកបំភ្លឺលើពាក្យបណ្ដឹងរបស់ខ្លួនដែរនៅព្រឹកថ្ងៃទី៥ សីហា។
តុលាការចេញដីកាកោះហៅលោក សម រង្ស៊ី និងអ្នកស្រី ថាក់ ឡានី ឲ្យចូលខ្លួនមកបំភ្លឺតាំងពីថ្ងៃទី១ សីហា មកម្ល៉េះ ពោលគឺតែប៉ុន្មានម៉ោងប៉ុណ្ណោះក្រោយពេលលោក គី តិច យកពាក្យបណ្ដឹងទៅដាក់នៅតុលាការ។
លោក ហ៊ុន សែន តំណាងដោយមេធាវី គី តិច ប្ដឹងប្រធានគណបក្សសង្គ្រោះជាតិ លោក សម រង្ស៊ី និងសមាជិកព្រឹទ្ធសភាមកពីគណបក្ស សម រង្ស៊ី អ្នកស្រី ថាក់ ឡានី ទាក់ទងនឹងការចោទថា រូបលោក និងរដ្ឋាភិបាលជាអ្នកនៅពីក្រោយខ្នងនៃឃាតកម្មលើបណ្ឌិត កែម ឡី កាលពីថ្ងៃទី១០ កក្កដា។ លោកប្ដឹងសុំឲ្យតុលាការ ផ្ដន្ទាទោសលោក សម រង្ស៊ី និងអ្នកស្រី ថាក់ ឡានី តាមផ្លូវច្បាប់ និងទាមទារសំណងជំងឺចិត្តក្នុងម្នាក់ចំនួន ១០០រៀល។
មេធាវីការពារក្តីឲ្យលោក សម រង្ស៊ី និងអ្នកស្រី ថាក់ ឡានី គឺលោក សំ សុគង់។ លោកបញ្ជាក់ថា លោកមិនទាន់បានទទួលដីកាកោះនោះទេ ពីព្រោះលោកមិនទាន់បានដាក់ពាក្យទៅកាន់អយ្យការអមសាលាដំបូងរាជធានីភ្នំពេញ ដើម្បីសុំសិទ្ធិការពារក្តីនៅឡើយ។ លោកថានឹងដាក់ពាក្យការពារក្តីនៅថ្ងៃទី៤ សីហា។
មន្ត្រីជាន់ខ្ពស់គណបក្សសង្គ្រោះជាតិ លោក អេង ឆៃអ៊ាង ថ្លែងប្រាប់អាស៊ីសេរី កាលពីថ្ងៃទី១ សីហា ថា នេះជារូបភាពនៃការគាបសង្កត់លើគណបក្សប្រឆាំង។ លោកថា បើមិនចង់ឲ្យគេចោទប្រកាន់ រដ្ឋាភិបាលត្រូវតែវែកមុខចាប់ជនដៃដល់ និងអ្នកពាក់ព័ន្ធក្នុងការបាញ់សម្លាប់លោកបណ្ឌិត កែម ឡី មកផ្ដន្ទាទោសតាមផ្លូវច្បាប់ឲ្យបាន៖ «យើងមិនសប្បាយចិត្តជាមួយនឹងអ្នកនិយាយចោទប្រកាន់។ អ៊ីចឹងបើយើងចាត់វិធានការជាក់ស្តែងច្បាស់លាស់ នាំឃាតក នាំអ្នកពាក់ព័ន្ធយកមកផ្ដន្ទាទោសទៅ គឺអ្នកនិយាយហ្នឹង គឺវាអស់តម្លៃខ្លួនឯងទៅហើយ។ ហើយបើអ្នកនិយាយហ្នឹងជាអ្នកនយោបាយទៀត គឺធ្វើឲ្យប្រជាពលរដ្ឋកាន់តែលែងជឿជាក់ហើយ មិនចាំបាច់ទៅប្រើប្រាស់តុលាការទេ»។
អ្នកគ្រប់គ្រងបច្ចេកទេសការិយាល័យស៊ើបអង្កេតនៃអង្គការសិទ្ធិមនុស្សលីកាដូ (LICADHO) លោក អំ សំអាត សម្ដែងការសោកស្ដាយនៅពេលអ្នកនយោបាយចោទប្រកាន់ និងប្រើប្រាស់យន្តការតុលាការ ដើម្បីវាយបំបាក់គ្នាទៅវិញទៅមកបែបនេះ។ លោកថា បណ្ឌិត កែម ឡី បានទទួលមរណភាពទៅហើយ តែអ្នកនយោបាយបែរជាយកបញ្ហានេះទៅទាក់ទាញប្រជាប្រិយភាពរបស់ខ្លួនទៅវិញ។
លោកថា អ្វីដែលរដ្ឋាភិបាលត្រូវធ្វើនោះ គឺរឿងរកយុត្តិធម៌ជូនបណ្ឌិត កែម ឡី និងក្រុមគ្រួសារ ដើម្បីបង្ហាញភាពស្អាតស្អំរបស់ខ្លួន និងបំបាត់ការចោទប្រកាន់នានារបស់សាធារណជន៖ «ខ្ញុំគិតថា វាជាការការពារសិទ្ធិក៏ដោយ ប៉ុន្តែអ្នកនយោបាយទាំងអស់ យើងឃើញហើយថាតែងតែរកមធ្យោបាយ និងផលចំណេញទាញចេញពីបញ្ហាហ្នឹង។ អ៊ីចឹងអ្វីដែលសំខាន់ ត្រូវតែបង្ហាញការពិត និងយុត្តិធម៌សម្រាប់លោកបណ្ឌិត កែម ឡី ទើបជារឿងសំខាន់។ ហើយសូមឲ្យអ្នកនយោបាយទាំងអស់ ធ្វើយ៉ាងណាបញ្ឈប់យកបញ្ហាហ្នឹងធ្វើជាឧបករណ៍សម្រាប់ទាក់ទាញប្រជាប្រិយភាពនយោបាយ។ យើងត្រូវឆ្ពោះទៅរកយុត្តិធម៌សម្រាប់សង្គមទាំងអស់គ្នា»។
គិតចាប់តាំងពីឆ្នាំ១៩៩៣ មក យ៉ាងហោចណាស់មានមនុស្សជាង ១០០នាក់ត្រូវបានគេធ្វើឃាត ដោយសារការបំពេញមុខងាររបស់ខ្លួន ការបញ្ចេញមតិ ការជាប់ពាក់ព័ន្ធជាមួយអ្នកនយោបាយ និងហេតុផលផ្សេងទៀត។ អ្នកទាំងនោះរួមមាន អ្នកសារព័ត៌មាន សកម្មជនគណបក្សនយោបាយ សកម្មជនបរិស្ថាន សកម្មជនការពារដីធ្លី ព្រះសង្ឃ សិល្បករ សហជីព កម្មកររោងចក្រ និងចុងក្រោយ គឺអ្នកវិភាគបញ្ហាសង្គម និងនយោបាយ បណ្ឌិត កែម ឡី។
ជុំវិញរឿងឃាតកម្មទាំងនេះ អាជ្ញាធរមិនដែលវែកមុខចាប់ជនប្រព្រឹត្តិ ឬស្វែងរកអ្នកទទួលខុសត្រូវបានឡើយ។ ភាគច្រើន សមត្ថកិច្ចឆ្លើយថាមិនអាចកំណត់អត្តសញ្ញាណជនដៃដល់ ឬមិនមានភស្តុតាងគ្រប់គ្រាន់ដើម្បីចោទប្រកាន់។
អង្គការសង្គមស៊ីវិល និងបក្សប្រឆាំង ចាត់ទុកនេះជានិទ្ទណ្ឌភាព ហើយវានឹងជះឥទ្ធិពលអាក្រក់ដល់ដំណើរការនីតិរដ្ឋនៅកម្ពុជា និងជាពិសេស រួមចំណែកឲ្យមានការប្រព្រឹត្តអំពើឃាតកម្មបែបនេះទៀតនៅពេលខាងមុខ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
តុលាការកោះហៅលោក សម រង្ស៊ី និងអ្នកស្រី ថាក់ ឡានី តាមបណ្ដឹងលោក ហ៊ុន សែន
2016-08-03
វីដេអូ វិទ្យុអាស៊ីសេរី
អត្ថបទដែលទាក់ទង
- ពលរដ្ឋខ្លះនៅស្រុកអង្គរជុំចោទអាជ្ញាធរមូលដ្ឋានថាបង្ខំឱ្យពួកគេចូលជាសមាជិកបក្សកាន់អំណាច
- លោក ហ៊ុន សែន ប្ដឹងលោក សម រង្ស៊ី និងអ្នកស្រី ថាក់ ឡានី រឿងចោទថាសម្លាប់បណ្ឌិត កែម ឡី
- ឃាតកម្មនិងការសម្លាប់មនុស្សក្រៅច្បាប់កើតមានលើសពី១០០ករណីរយៈពេល២៣ឆ្នាំ
- មន្ត្រីបក្សប្រជាជនថាអាចនឹងដាក់ពាក្យប្ដឹងសមាជិកព្រឹទ្ធសភាបក្សប្រឆាំងនៅដើមខែសីហា
- អតីតអ្នកសម្របសម្រួលបញ្ចប់សង្គ្រាមស៊ីវិលនៅកម្ពុជាស្នើអន្តរជាតិដាក់ទណ្ឌកម្មកម្ពុជា
- សមាជិកព្រឹទ្ធសភាបក្សប្រឆាំងថាមិនបានចោទលោក ហ៊ុន សែន ជាអ្នកសម្លាប់លោក កែម ឡី
- មតិពលរដ្ឋជុំវិញខួប៣ឆ្នាំនៃការបោះឆ្នោតជ្រើសតាំងតំណាងរាស្ត្រអាណត្តិទី៥
- មេបក្សប្រឆាំងអំពាវនាវឲ្យម្ចាស់ហត្ថលេខីនៃកិច្ចព្រមព្រៀងក្រុងប៉ារីសប្រតិកម្មនឹងលោក ហ៊ុន សែន
- សមាជិកគណៈកម្មការទី២រដ្ឋសភារំពឹងថាសហភាពអឺរ៉ុបនឹងផ្ដល់ជំនួយដល់គណៈកម្មការរបស់ខ្លួន
- អ្នកឃ្លាំមើលការបោះឆ្នោតថាកម្ពុជាកំពុងតែជួបវិបត្តិសង្គមធ្ងន់ធ្ងរក្រោយការបោះឆ្នោត
ពូកែណាស់អាហៅតាមពាក្យបណ្តឹងហ្នឹងបេីគេអោយមានគណកម្មការជាតិនឹងអន្តរជាតិដេម្បីសុេីបអង្កេតអត់ធ្វេីតាមទេដ់ល់់ពេលគេថាថាគេហ្នឹងចោទ។
we love HUN SEN curt of plastic very much under this rough dump leader of Cambodia every thing is fake. so sad this country is a curse nation in 21st century not even one leader was honest working for their nation. all of them was working just to stabilize their leadership. expressly in this resent HUN SEN leadership it is more than a dictatorship of any nation that have been top down by the world community. the evil that cam from the dirt acting to be a GOD saving the world was showing his true color . no matter HUN SEN transform himself to be a person who recue his nation from the other evil but the truth was all these evil of the world was cam from the same policy of this nation’s predator. to be honest to our nation I myself want to reminding to all Cambodian if we are not wake up in 2018 that will be the end of this poor nation. there will be no GOD can help us unless we help our self first . the evident show that the un educate evil is so strong and the educate person have been hiding for their safety. after all I want to say AH KUK have to go other wide it will be the end .
Together ,Vietnamese and Hun Sen are playing game to fool Khmer and make Khmer think that Hun Sen is no longer a Vietnamese slave. So Khmer will vote for Hun Sen. Vietnam pretended to say that Hun Sen betray Vietnam and post that message in face book; and then Hun Sen pretended to say I’m not your slave any more, you are not my father, you are not my king, and I didn’t have to be honest with you. In fact these are big liar. Vietnam never want to let Cambodian goes from their hands and Hun Sen never dare to say such word without Vietnam’s permission
Hun Sen and his nepotism killed Dr. Kem Ley