នយោបាយ
លោក គី តិច មេធាវីតំណាងឲ្យលោកនាយករដ្ឋមន្រ្តីហ៊ុន សែន និយាយទៅកាន់អ្នកសារព័ត៌មាន នៅមុខសាលាដំបូងរាជធានីភ្នំពេញ នៅថ្ងៃសុក្រ ទី០៥ ខែសីហា ឆ្នាំ២០១៦។ (ឡេង ឡែន/VOA)
06 សីហា 2016
កាន់ វិច្ឆិកា
វីអូអេខ្មែរ
លោក ហ៊ុន សែន ក៏បានប្តឹងលោកស្រី ថាក់ ឡានី សមាជិកព្រឹទ្ធសភាគណបក្សសម រង្ស៊ី ដែលបានថ្លែងពាក់ព័ន្ធនឹងឃាតកម្មលើលោក កែម ឡី ដែរ។
នៅថ្ងៃសុក្រនេះ លោក គី តិច មេធាវីរបស់លោកនាយករដ្ឋមន្រ្តី ហ៊ុន សែន បានស្នើឲ្យតុលាការដាក់ទោសលោក សម រង្ស៊ី និងលោកស្រីថាក់ ឡានី សមាជិកព្រឹទ្ធសភាគណបក្សសម រង្ស៊ីឲ្យជាប់ពន្ធនាគារ បន្ថែមពីលើការទាមទារសំណង១០០រៀល បន្ទាប់ពីលោកនាយករដ្ឋមន្រ្តី ប្តឹងអ្នកទាំងពីរពាក់ព័ន្ធនឹងការថ្លែងរបស់ពួកគេដែលថា រដ្ឋាភិបាលកម្ពុជាប្រហែលជានៅពីក្រោយឃាតកម្មសម្លាប់លោកកែម ឡី នោះ។
មេធាវីរបស់លោកនាយករដ្ឋមន្រ្តី ហ៊ុន សែន គឺលោកគី តិចបានទាមទារឲ្យតុលាការដាក់ ពន្ធនាគារលោកសម រង្ស៊ី និងសមាជិកព្រឹទ្ធសភាជាសហការីរបស់លោកម្នាក់ទៀតដែលបាននិយាយថា ពួកគេជឿថា រដ្ឋាភិបាលនៅពីក្រោយការស្លាប់របស់លោកកែម ឡី។
ការចូលឆ្លើយបំភ្លឺនេះធ្វើឡើង ប៉ុន្មានថ្ងៃប៉ុណ្ណោះក្រោយពីលោកហ៊ុន សែនដាក់ពាក្យបណ្តឹងប្តឹងលោកសម រង្ស៊ី ដែលបានសរសេរលើទំព័រហ្វេសប៊ុកកាលពីថ្ងៃទី១០ខែកក្កដាឆ្នាំ២០១៦អំពីឃាតកម្មសម្លាប់លោកកែម ឡី។ លោកហ៊ុន សែនក៏បានប្តឹងលោកស្រីថាក់ ឡានី សមាជិកព្រឹទ្ធសភាគណបក្សសម រង្ស៊ី ដែលបានថ្លែងពាក់ព័ន្ធនឹងឃាតកម្មលើលោកកែម ឡីដែរ។
រូបឯកសារ៖ នៅក្នុងរូបថតដែលត្រូវចែកចាយយ៉ាងទូលំទូលាយតាមបណ្តាញសង្គម លោក សម រង្ស៊ី ប្រធានគណបក្សប្រឆាំងថតរូប selfie ជាមួយលោកនាយករដ្ឋមន្ត្រី ហ៊ុន សែន ដើម្បីបញ្ជាក់ពី«វប្បធម៌សន្ទនា»កាលពីថ្ងៃទី១២ ខែកក្កដា ឆ្នាំ២០១៥។
ក្រោយបញ្ចប់ការចូលបំភ្លឺ លោកគី តិច មេធាវីតំណាងលោក ហ៊ុន សែន បានប្រាប់ VOA ថា ការថ្លែងរបស់លោកសម រង្ស៊ី និងលោកស្រីថាក់ ឡានីគឺជាការទម្លាក់កំហុស និងបំភ្លៃការណ៍ពិតលើលោកហ៊ុន សែន និងរដ្ឋាភិបាលកម្ពុជា។ លោកបន្តថា សម្តីទាំងនោះជាការញុះញង់ក្នុងចេតនាធ្វើឲ្យមហាជនខឹង និងអាចបង្កឲ្យមានចលាចលនៅក្នុងសង្គម។
លោក គី តិច បន្ថែមថា លោកបានពិភាក្សាជាមួយលោក ហ៊ុន សែន ហើយសុំឲ្យតុលាការផ្តន្ទាទោសដោយដាក់ពន្ធនាគារអ្នកទាំងពីរ។
លោកមានប្រសាសន៍ថា៖
«សម្តេចចង់ឲ្យច្បាប់រកឲ្យឃើញដើម្បីកុំឲ្យមនុស្សដែលចេះតែដើរនិយាយបំផ្លើសទម្លាក់កំហុសទៅលើបុគ្គលដែលគេមានភាពស្អាតស្អំហ្នឹង ចេះតែដើរធ្វើបានៗ ចឹងសូមឲ្យច្បាប់រកយុត្តិធម៌ឲ្យសម្តេច ទី១ ទី២សុំឲ្យផ្តន្ទាទោសបុគ្គលប្រព្រឹត្តបទល្មើស»។
លោកបន្ថែមថា លោកបានស្នើសុំតំណាងអយ្យការកោះហៅសាក្សីសំខាន់ៗដែលចូលរួមក្នុងវេទិកាដែលលោកស្រីថាក់ ឡានី ថ្លែងនោះឲ្យចូលបំភ្លឺ។
លោក លី សុផាណា អ្នកនាំពាក្យសាលាដំបូងរាជធានីភ្នំពេញ និងជាអ្នកកាន់សំណុំរឿងនេះ ប្រាប់ VOA តាមរយៈតេលេក្រាមថា លោកកំពុងបន្តចំណាត់ការស៊ើបអង្កេតដើម្បីចោទប្រកាន់។
លោក សុក សំអឿន អ្នកជំនាញផ្នែកច្បាប់ និងជាមេធាវីឯករាជ្យមួយរូបមានប្រសាសន៍ថា បើតាមផ្លូវច្បាប់ ករណីនេះមិនអាចឈានដល់ការដាក់ទោសទណ្ឌនោះទេ។
លោកបន្ថែមថា៖
«អ្វីដែលគាត់និយាយគ្រាន់តែជាយោបល់ ជាគំនិត ជាមតិរបស់គាត់។ ហើយទី២ ប្រសិនបើគាត់និយាយសំដៅទៅលើរដ្ឋអំណាចទូទៅ តើអាការចោទប្រកាន់ហ្នឹងវាជាក់ស្តែង ឬអត់? មានន័យថា វាប្រាកដថា គាត់និយាយហ្នឹងវាអញ្ចឹង ឬអត់ ឬក៏គ្រាន់តែជាការទទួលខុសត្រូវរបស់រដ្ឋអំណាច។ តែប្រសិនបើក្នុងករណីដែលគាត់ចោទប្រកាន់តែម្តង គាត់ថា ប្រាកដហើយគឺពួកហ្នឹងជាអ្នកធ្វើ ប្រសិនបើក្នុងករណីបែបហ្នឹង វាគ្រាន់តែជាបទបរិហារកេរ្តិ៍ជាសាធារណៈ។ បទបរិហារកេរ្តិ៍ជាសាធារណៈអត់មានជាប់ពន្ធនាគារទេ»។
លោក សម រង្ស៊ី បានសរសេរលើទំព័រហ្វេសប៊ុកកាលពីថ្ងៃទី១០ខែកក្កដាឆ្នាំ២០១៦ថា លោក ជឿថា «ការបាញ់សម្លាប់លោកកែម ឡីថ្ងៃនេះជាអំពើភេវរកម្មមួយទៀតរៀបចំដោយរដ្ឋអំណាច»។
វីឌីអូមួយបង្ហោះកាលពីថ្ងៃសៅរ៍សប្តាហ៍មុនដោយអង្គភាពព័ត៌មាន Fresh News ដែលគេដឹងថា ស្និទ្ធនឹងគណបក្សប្រជាជនកម្ពុជា បង្ហាញថា លោកស្រីថាក់ ឡានី សមាជិកព្រឹទ្ធសភាគណបក្សប្រឆាំងថ្លែងថា លោកហ៊ុន សែននៅពីក្រោយការសម្លាប់លោកកែម ឡី។
លោកស្រីបានថ្លែងយ៉ាងដូច្នេះថា៖
«ហើយឥឡូវហ្នឹងហ៊ុន សែនមិនដឹងគិតយ៉ាងម៉េចទៀតទេ នៅ មិននៅ ចុះឡើងៗ ទៅបាញ់លោកកែម ឡី។ កែម ឡី អ្នកវិភាគនយោបាយឃើញទេ ដែលគាត់បានលើកឡើង។ នែ! Global Witness លើកមុនគាត់បានលើកឡើងអំពីទិដ្ឋភាពហ៊ុន សែនពុករលួយ កូនចៅពុករលួយ សល់លុយប៉ុន្មានលាននៅឯណា? ឯកសារ Global Witness មានទាំងអស់។ ច៎ា មានទាំងអស់ ក៏ប៉ុន្តែគេនិយាយតាមឯកសារតើ!»
VOA មិនអាចទាក់ទងលោកស្រីថាក់ ឡានី សមាជិកព្រឹទ្ធសភាគណបក្សប្រឆាំង ដើម្បីស្រាយបំភ្លឺបានទេ នាល្ងាចថ្ងៃសុក្រនេះ។
ប៉ុន្តែលោកស្រីបានប្រាប់ព្រឹត្តប័ត្រព័ត៌មាន The Cambodia Daily កាលពីថ្ងៃអាទិត្យថា លោកស្រីមិនបានថ្លែងថា លោកហ៊ុន សែនជាអ្នកនៅពីក្រោយការសម្លាប់លោកកែម ឡីនោះទេ ហើយលោកស្រីបានអះអាងថា ពាក្យសម្តីរបស់លោកស្រីត្រូវបានគេកាត់ត។
លោកសម រង្ស៊ី ប្រធានគណបក្សប្រឆាំងមិនបានឆ្លើយតបនឹងសារអេឡិចត្រូនិក ឬអ៊ីម៉េលនៃ VOA នៅឡើយទេ។
សាលាដំបូងរាជធានីភ្នំពេញទើបតែបានផ្តន្ទាទោសលោកសម រង្ស៊ីកាលពីចុងខែកក្កដាពីបទ«បរិហារកេរ្តិ៍»លោកហេង សំរិន ប្រធានសភាជាតិនៅលើទំព័រ Facebook។
លោកកែម ឡីគឺជាអ្នកវិភាគនយោបាយដ៏សំខាន់មួយរបស់ប្រទេសកម្ពុជា។ លោកត្រូវបានខ្មាន់កាំភ្លើងបាញ់សម្លាប់តែប៉ុន្មានថ្ងៃប៉ុណ្ណោះ បន្ទាប់ពីលោកបានផ្តល់ការអធិប្បាយលើរបាយការណ៍របស់អង្គការ Global Witness ដែលបានទម្លាយឲ្យដឹងពីការកសាងទ្រព្យសម្បតិ្តដ៏ច្រើនសន្ធឹកសន្ធាប់របស់ក្រុមគ្រួសារលោកនាយករដ្ឋមន្ត្រីហ៊ុន សែន។
របាយការណ៍អង្គការ Global Witness មានចំណងជើងថា«ការគ្រប់គ្រងដ៏ប្រទូសសារ៉ាយ៖ អាណាចក្រសាជីវកម្មរបស់គ្រួសារអ្នកដឹកនាំកម្ពុជា»បានចេញផ្សាយជាសាធារណៈកាលពីដើមខែកក្កដា ហើយបានបង្ហាញថា គ្រួសាររបស់លោកហ៊ុន សែនមានភាគហ៊ុនចុះបញ្ជីនៅក្នុងក្រុមហ៊ុនឯកជនក្នុងស្រុកចំនួន១១៤ ដែលមានដើមទុនចុះបញ្ជីសរុបចំនួនជាង២០០លានដុល្លារអាមេរិក។
តុលាការបានកោះហៅលោកស្រីថាក់ ឡានីចូលបំភ្លឺនៅរសៀលថ្ងៃទី៨ខែសីហា ហើយលោកសម រង្ស៊ីត្រូវឆ្លើយបំភ្លឺនៅព្រឹកថ្ងៃទី១៩ខែសីហាឆ្នាំ២០១៦៕
ខំឡើង លោក មេធាវី គី តិច ឬ គី ច្រើន !
Ky Tech you are a lawyer or liar ?
មេធាវី មានតួនាទីសាកសួរ ពីបណ្តឹងកូនក្តី និង បកស្រាយបំភ្លឺ ទៅអង្គចៅក្រម ហើយទុកនាទី នៃការសំរេចចិត្ត ដោយអង្គចៅក្រម នៅតុលាការប៉ុណ្ណោះ។
ហេតុអ្វី លោក គី តិច ទាមទារ ហួសសមត្ថកិច្ចរបស់ខ្លួន។ លើសពីនេះទៀត រឿងទាំងអស់នេះ ស្ថិតក្នងបទរដ្ឋប្បវេណី( បរិហាកេរ្តិ) សោះ តែឆ្លៀតថែមល្បោយ អោយក្លាយជាព្រហ្មទណ្ឌទៅវិញ??????។
នៅចំពោះមុខ រដ្ឋប្បវេណី តួនាទី វណ្ណៈ ឋានៈ មិនរាប់បញ្ចូលនោះទេ ព្រោះជនណាក៏ដោយ ស្ថិតនៅក្នុងភាពស្មើគ្នា នៅចំពោះមុខច្បាប់។
គួរអស់លោក ឈប់លែងល្ខោនខោលទៀតទៅ!!!!។
សូមមេត្តាចាប់អារម្មណ៏ថា ” នយោបាយខ្វះសិលធម៌ ដូចជាស្ករខ្វះជាតិផ្អែម”
ដូច្នោះដែរ។ គួរឈប់យកខ្មែរជាសត្រូវ ព្រោះទស្សនៈនយោបាយខុសគ្នាទៀតទៅ!!!!!!។ រាស្ត្រឈឺចាប់ និងធុញទ្រាន់ណាស់!!!!!!។
សំនៀង
មេធាវី មានតួនាទីសាកសួរ ពីបណ្តឹងកូនក្តី និង បកស្រាយបំភ្លឺ ទៅអង្គចៅក្រម ហើយទុកនាទី នៃការសំរេចចិត្ត ដោយអង្គចៅក្រម នៅតុលាការប៉ុណ្ណោះ។
ហេតុអ្វី លោក គី តិច ទាមទារ ហួសសមត្ថកិច្ចរបស់ខ្លួន។ លើសពីនេះទៀត រឿងទាំងអស់នេះ ស្ថិតក្នងបទរដ្ឋប្បវេណី( បរិហាកេរ្តិ) សោះ តែឆ្លៀតថែមល្បោយ អោយក្លាយជាព្រហ្មទណ្ឌទៅវិញ??????។
នៅចំពោះមុខ រដ្ឋប្បវេណី តួនាទី វណ្ណៈ ឋានៈ មិនរាប់បញ្ចូលនោះទេ ព្រោះជនណាក៏ដោយ ស្ថិតនៅក្នុងភាពស្មើគ្នា នៅចំពោះមុខច្បាប់។
គួរអស់លោក ឈប់លែងល្ខោនខោលទៀតទៅ!!!!។
សូមមេត្តាចាប់អារម្មណ៏ថា ” នយោបាយខ្វះសិលធម៌ ដូចជាស្ករខ្វះជាតិផ្អែម”
ដូច្នោះដែរ។ គួរឈប់យកខ្មែរជាសត្រូវ ព្រោះទស្សនៈនយោបាយខុសគ្នាទៀតទៅ!!!!!!។ រាស្ត្រឈឺចាប់ និងធុញទ្រាន់ណាស់!!!!!!។
សំនៀង
this problem is a nation cases that any lawyer like Mr KY TECH have to fair on his judgment carefully. the first question is>> why AH KUK . HUN SEN as the GOD in this nation make all Cambodian believe he was not an evil who order to kill Dr KEM LEY first be for he is trying to kill the other. as all Cambodia have known the murders of any nationalist never have been found out. this evil leader did a lot of harm to his own nation by 1st not enough knowledge to lead the nation/ 2nd anger short temper/3rd did all kind of evil just to stay in powers. all of that was came from this evil HUN SEN did not have enough education. I have no thought that HUN SEN a truly evil in this nation the reason why I said that. for 35 years this madness guy should resign and live in peace because he have been wealthy enough from the stolen this nation’s asset . instate he is trying to stay in powers until he is going hell that is not the wish of any humankind . for me if I was him I will let the young generation take over and keep myself as an adviser at the same time I enjoy myself white all those monies that I stool from the nation.( that is not me I rather used my brain to make honest money and live in peace)after all in this cases if HUN SEN all Cambodian found out the true that he was the one did all kind of those murder his lawyer will be guilty as HUN SEN .
តើអស់លោកជឿទេថាមេធាវីរបស់ហ៊ុន សែនជាខ្មែរនោះ ។