ដោយ ប្រាជ្ញ ចេវ
2017-02-04
RFA
ស្ដាប់ ឬ ទាញយកសំឡេង
អ្នកនាំពាក្យគណបក្សប្រជាជនកម្ពុជា លោក សុខ ឥសាន ក្នុងវេទិកាអ្នកស្ដាប់វិទ្យុអាស៊ីសេរី កាលពីថ្ងៃទី១០ ខែមីនា ឆ្នាំ២០១៦។ Photo: RFA
នៅពេលនេះ គណបក្សប្រជាជនកម្ពុជា កំពុងប្រមូលហត្ថលេខាតំណាងរាស្ត្រនៃគណបក្សនេះ ដើម្បីដាក់ទៅសភា សម្រាប់ស្នើធ្វើវិសោធនកម្មច្បាប់ស្ដីពីគណបក្សនយោបាយ តាមការចង់បានរបស់លោកនាយករដ្ឋមន្ត្រី ហ៊ុន សែន។ ទាក់ទងរឿងនេះ ប្រធានក្រុមតំណាងរាស្ត្រគណបក្សសង្គ្រោះជាតិ ទាមទារឲ្យគណបក្សកាន់អំណាចកែច្បាប់នេះឲ្យមានប្រយោជន៍ដល់គ្រប់គណបក្សនយោបាយ។
មិនមានអ្វីដែលជាឧបសគ្គចំពោះគណបក្សប្រជាជនកម្ពុជា ក្នុងដំណើរឆ្ពោះទៅធ្វើវិសោធនកម្ម ឬកែច្បាប់ស្ដីពីគណបក្សនយោបាយ ដែលគណបក្សនេះយល់ថា ធ្វើបានកាន់តែលឿន កាន់តែល្អ ព្រោះយល់ថាមាត្រាខ្លះនៃច្បាប់ហួសសម័យ ដូច្នេះត្រូវធ្វើឲ្យទាន់សភាពការណ៍។
អ្នកនាំពាក្យគណបក្សប្រជាជនកម្ពុជា លោក សុខ ឥសាន ឲ្យដឹងថា ក្រុមប្រឹក្សាផ្នែកច្បាប់របស់គណបក្សប្រជាជនកម្ពុជា ដែលមានសមាសភាពចម្រុះមកពីក្រុមប្រឹក្សាធម្មនុញ្ញ គណៈកម្មការទី៦ នៃរដ្ឋសភា ក្រសួងយុត្តិធម៌ និងទីស្ដីការគណៈរដ្ឋមន្ត្រី កំពុងពិនិត្យមើលសេចក្ដីព្រាងថ្មី។ ទោះយ៉ាងនេះក្ដី លោក សុខ ឥសាន មិនទាន់ឲ្យដឹងថា គណបក្សប្រជាជនកម្ពុជា កែប្រែមាត្រាណាខ្លះនៅឡើយទេ ដោយលោកបញ្ជាក់ថា ការធ្វើវិសោធនកម្មនេះ មិនមែនកែត្រឹមការហាមមិនឲ្យអ្នកមានទោសធ្វើជាប្រធាន និងអនុប្រធានគណបក្សនយោបាយប៉ុណ្ណោះទេ៖ «យើងត្រូវធ្វើឲ្យស្របតាមសភាពការណ៍ជាក់ស្ដែងថ្មី ហើយដែលយើងឆ្លងកាត់ការអនុវត្តកន្លងទៅមានចំណុចណាខ្វះចន្លោះ យើងត្រូវបំពេញបន្ថែម។ យើងធ្វើនេះមិនមែនសំដៅទៅបុគ្គល ក ឬបុគ្គល ខ នោះទេ។ យើងធ្វើសម្រាប់បុគ្គល ក និងបុគ្គល ខ នៃគណបក្សនយោបាយទាំងអស់»។
ច្បាប់ស្ដីពីគណបក្សនយោបាយដែលមាន ១១ជំពូក ៤៥មាត្រា បានបង្កើតឡើងកាលពីឆ្នាំ១៩៩៧។ តាមច្បាប់តំណាងរាស្ត្រ មួយភាគបួន ឬជាង ៣០រូបនៃតំណាងរាស្ត្រសរុប អាចស្នើសុំធ្វើវិសោធនកម្មច្បាប់។
អ្នកនាំពាក្យគណបក្សប្រជាជនកម្ពុជា លោក សុខ ឥសាន ឲ្យដឹងថា សំណើកែប្រែច្បាប់គណបក្សនយោបាយនេះ គណបក្សប្រជាជនកម្ពុជា នឹងប្រមូលហត្ថលេខារបស់តំណាងរាស្ត្រពី ៤០រូបទៅ ៥០រូប។
បើតាមលោក សុខ ឥសាន បែបផែននៃដំណើរការធ្វើវិសោធនកម្មច្បាប់មានដំណាក់កាលដូចជា ក្រោយពីបានប្រមូលហត្ថលេខារបស់តំណាងរាស្ត្ររួចហើយ ត្រូវប្រគល់ទៅគណៈអចិន្ត្រៃយ៍សភា ហើយគណៈអចិន្ត្រៃយ៍បញ្ជូនទៅគណៈកម្មការជំនាញនៃរដ្ឋសភា និងបន្ទាប់ពីគណៈកម្មការជំនាញត្រួតពិនិត្យរួចហើយ ត្រូវប្រគល់ត្រឡប់មកគណៈអចិន្ត្រៃយ៍សភាវិញ ទើបគណៈអចិន្ត្រៃយ៍កំណត់ថ្ងៃប្រជុំសភាដើម្បីអនុម័ត។
ប្រធានក្រុមតំណាងរាស្ត្រគណបក្សសង្គ្រោះជាតិ លោក សុន ឆ័យ សម្ដែងការហួសចិត្តចំពោះគម្រោងធ្វើវិសោធនកម្មនេះ ព្រោះលោកប្រាប់ថា ច្បាប់ស្ដីពីគណបក្សនយោបាយមិនទាន់អនុវត្តបានគ្រប់មាត្រាផង ស្រាប់តែពេលនេះត្រូវធ្វើវិសោធនកម្មទៀត។ លោកយល់ថា ដើម្បីឲ្យការធ្វើវិសោធនកម្មនេះមានសមធម៌ ត្រូវកំណត់ហិរញ្ញវត្ថុរបស់គណបក្សនយោបាយក្នុងពេលធ្វើការឃោសនាឲ្យស្មើៗគ្នា។ ផ្ទុយពីលោក ហ៊ុន សែន លោក សុន ឆ័យ នៅតែយល់ថា ប្រធាន ឬអនុប្រធានគណបក្សមួយ ប្រសិនបើសមាជិកនៃគណបក្សនោះគាំទ្ររួចហើយ មិនត្រូវមានច្បាប់ណាហាមប្រាមនោះទេ៖ «មេបក្សនៅក្នុងគណបក្សនយោបាយដែលមានការគាំទ្រពីសមាជិករបស់គេ ត្រូវតែការពារ មានសមាជិករបស់គាត់ដែលមានសិទ្ធិដោះដូរ មិនត្រូវមានច្បាប់ណាហាមប្រាមនោះទេ»។
លោក សុន ឆ័យ ក៏ចង់ឃើញវិសោធនកម្មច្បាប់ស្ដីពីការបោះឆ្នោតបន្ថែមទៀត ដើម្បីហាមមិនឲ្យមន្ត្រីយោធា និងមន្ត្រីរដ្ឋប្រើអំណាច និងតួនាទីរបស់ខ្លួនទៅឃោសនាគាំទ្រគណបក្សនយោបាយ។
ប្រធានគណៈកម្មាធិការអព្យាក្រឹត និងយុត្តិធម៌ ដើម្បីបោះឆ្នោតដោយសេរី និងត្រឹមត្រូវនៅកម្ពុជា និកហ្វិច (NICFEC) លោក សំ គន្ធាមី មានប្រសាសន៍ថា ក្នុងពេលកំពុងមានវិបត្តិនយោបាយដូចនេះ មិនត្រូវធ្វើវិសោធនកម្មច្បាប់នយោបាយឡើយ ព្រោះនឹងដាក់បន្ទុកទៅគណបក្សនយោបាយនៅក្រៅរដ្ឋាភិបាល។ លោកបន្តទៀតថា ច្បាប់ស្ដីពីគណបក្សនយោបាយសព្វថ្ងៃ នៅប្រើប្រាស់បាន ដែលមិនទាន់ហួសសម័យនៅឡើយទេ៖ «ប្រុងធ្វើវិសោធនកម្មដូចប្រញាប់ពេក។ ខ្ញុំមើលទៅវិសោធនកម្មនេះ មិនមែនជួយដល់គណបក្សនយោបាយទេ បែរជាធ្វើឲ្យផុយស្រួយទៅវិញទេ»។
ប្រធានគណបក្សប្រជាជនកម្ពុជា លោក ហ៊ុន សែន កាលពីថ្ងៃទី១ ខែមករា ប្រាប់ទៅក្រុមការងាររបស់លោក គួរលុបឈ្មោះគណបក្សនយោបាយដែលបានបញ្ជូនឈ្មោះទៅក្រសួងមហាផ្ទៃ រួចហើយ ប៉ុន្តែមិនអាចរកស្នាមមេដៃអ្នកគាំទ្រ ៤.០០០នាក់ក្នុងរយៈពេលកំណត់។ ចំណុចមួយទៀត លោក ហ៊ុន សែន ចង់យកគំរូតាមប្រទេសថៃ ដោយកំណត់ថា បើប្រធានគណបក្សណាប្រព្រឹត្តកំហុសធ្ងន់ធ្ងរ ត្រូវរំលាយគណបក្សចោល និងហាមមេដឹកនាំ និងគណៈកម្មការនាយកនៃគណបក្សមិនឲ្យធ្វើនយោបាយក្នុងរយៈពេលណាមួយ។
ចំណុចមួយទៀត លោក ហ៊ុន សែន ទាមទារឲ្យលុបឈ្មោះគណបក្សណាដែលទទួលជំនួយពីបរទេស ប៉ុន្តែបើជំនួយរបស់ពលរដ្ឋខ្មែរនៅក្រៅប្រទេស អនុញ្ញាតឲ្យទទួលបាន។ ចំណុចរសើបមួយទៀត លោក ហ៊ុន សែន នៅតែនិយាយដដែលថា នឹងហាមមិនឲ្យអ្នកមានទោស ធ្វើជាប្រធាន និងអនុប្រធានគណបក្សនយោបាយ។ ចំណែកលោក សម រង្ស៊ី ហៅឥរិយាបថចុងក្រោយរបស់លោក ហ៊ុន សែន បែបនេះ ថាព្រោះលោកនាយករដ្ឋមន្ត្រីកំពុងភ័យស្លន់ស្លោខ្លាចចាញ់ឆ្នោត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
-
ស្ថានទូតអាមេរិកថាមិនទទួលបានការពន្យល់ផ្លូវការពីកម្ពុជាចំពោះការលុបសមយុទ្ធយោធា
-
“សហរដ្ឋអាមេរិកមិនដែលពិចារណាលុបចោលបំណុលកម្ពុជាជំពាក់នោះទេ”
-
បទសម្ភាសន៍៖ លោក មាស នី ថានឹងបន្តវិភាគបើទោះបីជាមានការគំរាមកំហែង
-
“លោក ហ៊ុន សែន រំលោភរដ្ឋធម្មនុញ្ញបើសិនជាកែប្រែច្បាប់គណបក្សនយោបាយ”
-
លោក ហ៊ុន សែន ដាក់លក្ខខណ្ឌបក្សប្រឆាំងចំនួនពីរមុននឹងឲ្យរដ្ឋមន្ត្រីទៅឆ្លើយបំភ្លឺនៅសភា
-
អតីតអ្នកថតរូបអ្នកទោសនៅគុកទួលស្លែងគ្រោងបើកគណបក្សនយោបាយ
-
មន្ត្រីជាន់ខ្ពស់បក្សកាន់អំណាចថាបក្សខ្លួនគ្មានបំណងអាក្រក់លើបក្សសង្គ្រោះជាតិនោះទេ
-
លោក ហ៊ុន សែន ខឹងលោក កឹម សុខា ដែលមិនធ្វើតាមកិច្ចសន្យាសម្ងាត់
-
បក្សប្រឆាំងហៅការលុបចោលតំណាងក្រុមភាគតិចភាគច្រើនជាការលុបចោលស្ថាប័ន
-
លោក ហ៊ុន សែន ស្នើបន្ថែមច្បាប់មិនឲ្យអ្នកមានទោសធ្វើជាប្រធានឬអនុប្រធានបក្ស
Cpp veitcong dogs are the worse people who followed their dictator leader who gave TRAL ISLAND to Youn so cpp betray the nation and do everything followed dictator wanted.When dictator go to hell they will follow dictator too’so GOD will punish dictator&his followers soon.GOD bless all cambodian people’
Fuck you, Ah hun sen moron; go fuck your mother and papa in hell
please check this guy’s history what was this guy have been doing in the past. if I’m not wrong this guy must be a Vietcong germ. he spook Khmer fluent it look like he spook Vietnamese much better. I wonder this guy may have been Vietcong agent in CPP leadership for along time. we knew that HUN SEN is pure Khmer at lease he can think a bit about his own blood nation. at this moment Vietcong can do any thing they want over this poor nation . without international community they probably wipe out this nation and they announcing their UNITED ENDOCHEN three country as one nation. it is possible if their people come to live in Cambodia more and more. it just like CRIMIRE in Cambodia is not too late yet unless all Cambodian rising up again those policy of Vietcong. or all Cambodian politician coming together to save their country. another hand HUN SEN give up not to following Vietcong policy any more. there are a lot of nation’s hero in the world some of them they even give up their life for his nation. but not like HO CHIMIN he gave up his life in a policy to take over another nation. all Cambodian have to wakeup other wide this is the end of this poor nation