ដោយ តាំង សារ៉ាដា
2017-04-06
RFA
ពលករខ្មែរត្រឡប់ទៅធ្វើការនៅប្រទេសថៃ ក្រោយបុណ្យចូលឆ្នាំតាមច្រកទ្វារអន្តរជាតិប៉ោយប៉ែត។ Photo: RFA
រដ្ឋាភិបាលថៃ នឹងអនុញ្ញាតឲ្យពលករខ្មែរស្របច្បាប់ និងពលករពីប្រទេសជិតខាងផ្សេងទៀត ដើម្បីចូលរួមពិធីបុណ្យចូលឆ្នាំប្រពៃណីជាតិរៀងៗខ្លួនដោយមិនយកថ្លៃប័ណ្ណចេញចូល។
កាសែតបាងកកប៉ុស្តិ៍ បានដកស្រង់សម្ដីរដ្ឋមន្ត្រីក្រសួងការងារថៃ លោក ស៊ីរីឆៃ ឌីស្តាគុល (Sirichai Distakul) ចុះផ្សាយកាលពីថ្ងៃពុធ ទី៥ មេសា ថា ប្រទេសថៃ ក៏នឹងប្រារព្ធពិធីបុណ្យចូលឆ្នាំរបស់ខ្លួនដូចជាប្រទេសដែលជាសមាជិកអាស៊ានដទៃទៀតដែរ ហេតុដូច្នេះហើយ រដ្ឋាភិបាលបានសម្រេចចិត្តអនុញ្ញាតឲ្យពលករចំណាកស្រុកដែលមកធ្វើការក្នុងប្រទេសថៃ ដូចជាកម្ពុជា ភូមា និងឡាវ អាចទៅលេងស្រុកកំណើតរបស់ពួកគេក្នុងឱកាសបុណ្យចូលឆ្នាំថ្មី ដោយមិនត្រូវឲ្យបង់ថ្លៃលើការចេញចូលប្រទេសថៃ ចាប់ពីថ្ងៃទី៥ ខែមេសា រហូតដល់ថ្ងៃទី៣០ ខែមេសា។ លោកបន្តថា បើមិនដូច្នោះទេ នោះពួកគេនឹងបាត់បង់ប័ណ្ណការងាររបស់ពួកគេ។
កាលពីឆ្នាំមុន យ៉ាងហោចណាស់មានពលរដ្ឋខ្មែរប្រមាណ ៨ពាន់នាក់ បានតម្រង់ជួរគ្នាសុំសិទ្ធិចូលធ្វើការក្នុងប្រទេសថៃ វិញ ដោយសារពួកគេទៅស្រុកកំណើតហួសកាលកំណត់។
ចំណែកប្រធានច្រកព្រំដែនអន្តរជាតិប៉ោយប៉ែត ខេត្តបន្ទាយមានជ័យ លោក វិច អូន មានប្រសាសន៍កាលពីថ្ងៃទី៤ មេសា ថា រយៈពេល ៤ថ្ងៃ គឺចាប់ពីថ្ងៃទី១ ដល់ថ្ងៃទី៤ ខែមេសា សមត្ថកិច្ចថៃ ចាប់បញ្ជូនពលករខ្មែរខុសច្បាប់តាមច្រកព្រំដែនប៉ោយប៉ែត ទាំងអស់ជិត ២ពាន់នាក់ (១.៩៤៥នាក់)។ លោកបន្ថែមថា ចំនួននេះខុសពីពេលមុនៗ ដែលសមត្ថកិច្ចថៃ ចាប់បញ្ជូនពលករតាមច្រកមួយនេះប្រមាណជាង ១០០នាក់ក្នុងមួយថ្ងៃ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
-
កម្មករអូសរទេះចោទប៉ូលិសអន្តោប្រវេសន៍ប៉ោយប៉ែតថាមិនធ្វើកាតចេញចូលផ្សារថៃឲ្យពួកគាត់
-
ពលករខ្មែរធ្វើការខុសច្បាប់នៅថៃជិត៥ម៉ឺននាក់ត្រូវបានចាប់បញ្ជូនមកកម្ពុជានៅឆ្នាំ២០១៦
-
អគ្គរាជទូតខ្មែរប្រចាំនៅប្រទេសថៃជួយពលករខ្មែរពីរនាក់មកកម្ពុជាវិញ
-
គ្រួសារពលករខ្មែរដែលថៅកែថៃបាញ់សម្លាប់ទាមទារសំណងជាង១ម៉ឺនដុល្លារ
-
ថៅកែដំឡូងមីជនជាតិថៃដែលបាញ់ពលករខ្មែរម្នាក់ស្លាប់ត្រូវសមត្ថកិច្ចចាប់ខ្លួន
-
សាច់ញាតិពលករខ្មែរម្នាក់ដែលថៅកែថៃបាញ់សម្លាប់ស្នើឲ្យអាជ្ញាធរជួយរកយុត្តិធម៌
-
គ្រួសារនៅខេត្តត្បូងឃ្មុំស្នើអាដហុកឲ្យជួយសមាជិកគ្រួសារម្នាក់ដែលថាកំពុងជាប់ឃុំនៅថៃ
-
ពលករខ្មែររាប់រយនាក់សម្រុកចេញទៅរកការងារធ្វើនៅថៃតាមច្រកទ្វារអន្តរជាតិប៉ោយប៉ែត
-
ថៃអនុញ្ញាតឲ្យពលករខ្មែរស្របច្បាប់ទៅចុះឈ្មោះបោះឆ្នោតនិងត្រឡប់ទៅធ្វើការវិញធម្មតា
-
គណៈកម្មការសិទ្ធិមនុស្សថៃថាខ្លួននឹងរៀបចំផ្ដល់ជំនួយនានាដល់ពលករខ្មែរធ្វើការនៅថៃ
Just do it because it is time to make money!!!!!!!!!!!!