ដោយ លោក លី វេហា | ថ្ងៃសៅរ៍ ទី២១ ខែតុលា ឆ្នាំ២០១៧
http://vodhotnews.com
សាលារាជធានីភ្នំពេញ
សាលារាជធានីភ្នំពេញបានប្រកាសពីការបញ្ចៀស និងផ្អាកចរាចរបណ្ដោះអាសន្ននៅលើផ្លូវជាតិលេខ៥ត្រង់ ចំណុចទីលានប្រជាធិបតេយ្យ ភូមិឃ្លាំងសាំង សង្កាត់ឬស្សីកែវ ខណ្ឌឬស្ស៊ីកែវដើម្បីរៀបចំពិធីមួយដែលមាន លោកនាយករដ្ឋមន្ត្រី ហ៊ុន សែន ចូលរួម។
សាលារាជធានីភ្នំពេញបានចេញសេចក្ដីជូនដំណឹងមួយចុះថ្ងៃទី ១៩ ខែ តុលា ស្ដីពីការបញ្ចៀសចរាចរបណ្ដោះ អាសន្នក្នុងពិធីបញ្ចុះបឋមសិលាសាងសង់ស្ពានបេតុងខ្សែកាបឆ្លងទន្លេសាប ដោយបញ្ចៀស និងបិទចរាចរ ជា បណ្ដោះអាសន្ននៅថ្ងៃទី ២៣ ខែ តុលា ដោយចាប់ពីម៉ោង ៧ និង ៣០នាទី រហូតដល់បញ្ចប់កម្មវិធី។
សេចក្ដីជូនដំណឹងដដែលបន្តថាដើម្បីឲ្យការប្រារព្ធពិធីខាងលើប្រព្រឹត្តទៅដោយរលូន រក្សាបានសន្តិសុខ សុវត្ថិភាព សណ្ដាប់ធ្នាប់ ព្រមទាំងបញ្ចៀសបានការកក់ស្ទះចរាចរនៅជុំវិញកន្លែងប្រារព្ធពិធី សាលារាជធានីប្រកាសបិទ និង បញ្ចៀសចរាចរបណ្ដោះអាសន្ននោះជុំវិញទីលានប្រជាធិបតេយ្យ៕