ដោយ VOD Admin | ថ្ងៃអាទិត្យ ទី២២ ខែតុលា ឆ្នាំ២០១៧ | ម៉ោង 5:01 PM
http://vodhotnews.com
លោកនាយករដ្ឋមន្ត្រី ហ៊ុន សែន
លោកនាយករដ្ឋមន្ត្រី ហ៊ុន សែន បានផ្ដាំទៅមេដឹកនាំតាមមូលដ្ឋានរបស់គណបក្សប្រឆាំងនៅថ្ងៃនេះ ឲ្យចុះចូលជាមួយគណបក្សកាន់អំណាច ប្រសិនបើពួកគេចង់រក្សាតំណែងរបស់ពួកគេ បន្ទាប់ពីគណបក្សប្រឆាំងត្រូវបានរំលាយ។
លោក ហ៊ុន សែន បានថ្លែងបែបនេះ អំឡុងពេលលោកជួបសំណេះសំណាលជាមួយក្រុមកម្មករកម្មការិនីប្រហែល ៤ពាន់នាក់ មកពីតាមបណ្ដារោងចក្រនានា នៅមជ្ឈមណ្ឌលកោះពេជ្រ នៅព្រឹកថ្ងៃអាទិត្យនេះ។
ក្នុងកិច្ចសន្ទនាដែលត្រូវបានផ្សព្វផ្សាយដោយទូរទស្សន៍ BTV លោក ហ៊ុន សែន ថ្លែងថា៖ «ឥឡូវ ខ្ញុំសូមផ្ដាំទៅមេឃុំ-ចៅសង្កាត់របស់គណបក្សសង្គ្រោះជាតិ ឬជំទប់ ឬសមាជិករបស់គណបក្សសង្គ្រោះជាតិ បើអ្នកចង់រក្សាតំណែងជាចៅសង្កាត់ ជាមេឃុំតទៅទៀត អ្នកប្ដូរជីវភាពមកចូលគណបក្សប្រជាជនកម្ពុជាទៅ បន្តទៅ។ គណបក្សរបស់អ្នករលាយហើយ អ្នកមិនអាចនៅធ្វើជាមេឃុំ ចៅសង្កាត់ ឬជំទប់ ឬសមាជិកក្រុមប្រឹក្សាបានទៀតទេ ក៏ប៉ុន្តែ នៅពេលបក្សអ្នករលាយ អ្នកចង់ទៅតាមបក្សក៏ទៅ ប៉ុន្តែ បើអ្នកចង់នៅធ្វើមេឃុំ អ្នកប្រកាសចាកចេញពីគណបក្សហ្នឹង ដែលគេរំលាយហើយ បើមិនប្រកាស ក៏វាអស់ដែរ ហើយគ្រាន់តែប្រកាសថា ខ្ញុំសុំចុះចូលគណបក្សប្រជាជន»។
លោក ហ៊ុន សែន បានថ្លែងបែបនេះ តែប៉ុន្មានថ្ងៃប៉ុណ្ណោះក្រោយពីសំណើកែប្រែច្បាប់ ៤ ពាក់ព័ន្ធនឹងការបោះឆ្នោត ត្រូវបានក្រុមតំណាងរាស្ត្របក្សកាន់អំណាច អនុម័ត ហើយសំណើច្បាប់ទាំង ៤នេះ កំពុងស្ថិតនៅក្នុងដៃរបស់ព្រឹទ្ធសភា។
សំណើវិសោធនកម្មច្បាប់ទាំង ៤នេះ ត្រូវបានគេមើលឃើញថា ជាការប៉ុនប៉ងឈានទៅរំលាយគណបក្សប្រឆាំង និងបែងចែកអាសនៈរបស់គណបក្សនេះទាំងនៅស្ថាប័នកំពូលៗ រហូតដល់ថ្នាក់មូលដ្ឋាន ដែលកើតចេញពីការបោះឆ្នោតជ្រើសរើសដោយប្រជាពលរដ្ឋ។
សំណើវិសោធនកម្មច្បាប់ទាំង ៤នេះ បានជំរុញឲ្យមានប្រតិកម្មបន្ថែមទៀតពីសហគមន៍អន្តរជាតិ ខណៈដែលស្ថានភាពប្រជាធិបតេយ្យនៅក្នុងប្រទេសនេះ ត្រូវបានក្រុមសិទ្ធិមនុស្សអន្តរជាតិមើលឃើញថា បានធ្លាក់ចុះបន្ថែមទៀត ក្រោយការចាប់ខ្លួនមេដឹកនាំគណបក្សសង្គ្រោះជាតិ លោក កឹម សុខា កាលពីថ្ងៃទី០៣ ខែកញ្ញាកន្លងមកនេះ។
អគ្គរាជទូតទទួលបន្ទុកផ្នែកសិទ្ធិមនុស្សរបស់ប្រទេសស៊ុយអែត អ្នកស្រី អេននីកា ប៊ិន ដេវីត (Annika Ben David) បានថ្លែងនៅក្នុងសន្និសីទសារព័ត៌មានបិទបញ្ចប់ដំណើរទស្សនកិច្ចរបស់អ្នកស្រីនៅកម្ពុជាកាលពីថ្ងៃទី១៩ ខែតុលាថា អ្នកស្រីព្រួយបារម្ភថា ស្ថានការណ៍វិវត្តថ្មីៗនៅក្នុងប្រទេសកម្ពុជា អាចនឹងប៉ះពាល់ជាអវិជ្ជមានដល់មុខមាត់ប្រទេសកម្ពុជា នៅលើឆាកអន្តរជាតិ។
អ្នកស្រី អេននីកា បានថ្លែងប្រាប់អ្នកសារព័ត៌មានថា៖ «នៅពេលណាគណបក្សសង្គ្រោះជាតិ ត្រូវបានរំលាយ ស៊ុយអែតនឹងពិចារណាឡើងវិញអំពីទំនាក់ទំនងជាមួយកម្ពុជា»។
ជុំវិញដំណើរវិវត្តន៍នៃស្ថានការណ៍ប្រជាធិបតេយ្យ និងការគោរពសិទ្ធិមនុស្សនៅកម្ពុជានេះដែរ សហភាពអន្តរសភា ហៅកាត់ថា IPU ដែលមានសមាជិកមកពីប្រទេសចំនួន ១៧៣ នៅទូទាំងពិភពលោក កាលពីថ្ងៃពុធកន្លងមកនេះ ក៏បានជជែកដេញអំពីស្ថានភាពនយោបាយ ការអនុវត្តច្បាប់ និងស្ថានភាពសិទ្ធិមនុស្សនៅកម្ពុជាផងដែរ។
ប្រធានសហភាពអន្តរសភា លោក Saber Hossain Chowdhury ដែលជាសមាជិកសភាមកពីប្រទេសបង់ក្លាដែសផងនោះ បានថ្លែងថា ស្ថាប័ន IPU នឹងបញ្ជូនក្រុមមន្ត្រីរបស់ខ្លួនមកកាន់ប្រទេសកម្ពុជា ដើម្បីស្វែងយល់ និងស្វែងរកការពិតជុំវិញបញ្ហានេះ។
សហរដ្ឋអាមេរិក និងសហភាពអឺរ៉ុប ដែលជាបណ្ដុំនៃសមាជិកចំនួន ២៨ប្រទេសនៅអឺរ៉ុប បានថ្កោលទោសចំពោះចំណាត់ការថ្មីៗរបស់រដ្ឋាភិបាលកម្ពុជាទៅលើបក្សប្រឆាំង និងបានទាមទារឲ្យដោះលែងដោយឥតលក្ខខណ្ឌ និងជាបន្ទាន់ នូវមេដឹកនាំបក្សសង្គ្រោះជាតិ លោក កឹម សុខា។
ទោះជាយ៉ាងណា រដ្ឋាភិបាលកម្ពុជា ច្រានចោលការប្រកាន់ទាំងនេះ ហើយថា ការចាប់ខ្លួនមេដឹកនាំបក្សប្រឆាំង លោក កឹម សុខា គឺជាការអនុវត្តច្បាប់ ដោយចោទលោក កឹម សុខា ថា «ក្បត់ជាតិ» និងឃុបឃិតជាមួយអាមេរិកដើម្បីផ្ដួលរំលំរដ្ឋាភិបាលស្របច្បាប់៕
too bad too late whatever you are trying to do is not going to help you at all. every thing that you have been doing was came from your evil mind. you are the problem maker and you are the only one who will responsible for all of this consequent that Cambodian and world organization will do to you. HUN SEN can not get away from the crime that he have been commit . as every one knew after we can find a crime the other crime that you have been commit will come along. after all what do you think Cambodian will punishing you in the future. I knew you reserve to hang in front of the public according to your evil action. by knowing you quit well you are too dumb to get yourself inn this position. the only you can was using your evil mind threatening the other by your military group who supported you it was not by the people mind and hart . the more you are doing your evil act the more closer to the end of your life that all I can see. my massage to HUN SEN just do it every thing is already too late . I want to see black or white right now . GOD bless Cambodia and it’s people
Veitcong mafia dictator is the evil dog ‘.Cambodian around the world and in cambodia knew that you are the worse person in khmer history’ you killed a lot of khmer people since you went to marky forest and working with youn-veitcong ‘and you bring Youn hanoi to invade cambodia ‘and you keep followed Youn-hanoi to kill khmer people’ and you&your mafia groups are the worse corruption in khmer history’ You and your youn-party created will be end soon. GOG will punish veitcong mafia dictator and his groups soon .GOD bless all cambodian people’
បើ”សំដី នាយករដ្ធមន្ត្រី” សម្រេច មុនតុលាការទៅហើយ តើបក្សប្រឆាំងទៅបំពេញកិច្ចនៅ”តុលាការរដ្ធអំណាច”បានការអ្វី?។តុលាការច្បាស់ជា ស្រែកដូច”សត្វសេក”អញ្ជឹង” ទុកផ្តល់សំណុំរាប់តោនក៍ដោយ។