ដោយ លោក សូរ្យ ជ័យឧត្ដម | ថ្ងៃចន្ទ ទី២៣ ខែតុលា ឆ្នាំ២០១៧
http://vodhotnews.com
លោកនាយករដ្ឋមន្ត្រី ហ៊ុន សែន បានប្រកាសថា លោកនឹងប្ដឹង លោក លឺ ឡាយស្រេង បន្ទាប់ពីអតីតមន្ត្រីជាន់ខ្ពស់ហ៊្វុនស៊ិនប៉ិច រូបនេះ ត្រូវបានចោទថា បានប្រមាថព្រះមហាក្សត្រ និងបរិហាកេរ្តិ៍លោកនាយករដ្ឋមន្ត្រី ក្រោយសំឡេងសន្ទនាតាមទូរស័ព្ទត្រូវបានទម្លាយលើបណ្ដាញសង្គម។
សំឡេងសន្ទនាតាមទូរស័ព្ទរវាងលោក លឺ ឡាយស្រេង អតីតរដ្ឋមន្ត្រីក្រសួងព័ត៌មាន និងក្រសួងអភិវឌ្ឍន៍ជនបទមកពីកូតាគណបក្សហ៊្វុនស៊ិនប៉ិច និងលោកស្រី គី លំអង ត្រូវបានទម្លាយកាលពីថ្ងៃទី២១ ខែតុលានេះ នៅលើទំព័រហ្វេសប៊ុក «សីហា» ជាបណ្ដាញសង្គមមួយ ដែលធ្លាប់បានទម្លាយសំឡេងសន្ទនាឯកជនក្រុមមេដឹកនាំជាន់ខ្ពស់បក្សប្រឆាំងនាពេលកន្លងមក។
ក្នុងសំឡេងសន្ទនានោះត្រូវបានទម្លាយដោយទំព័រហ្វេសប៊ុក «សីហា» នោះ លោក លឺ ឡាយស្រេង និយាយថា៖ «បើមិនហ៊ានទេ ឲ្យដាក់រាជ្យទៅ ឲ្យគេធ្វើវិញម្ដង មាន់គ្រៀវអញ្ចឹងនោះ»។
អតីតមន្ត្រីជាន់ខ្ពស់ហ៊្វុនស៊ិនប៉ិចរូបនេះ បានលើកឡើងបន្តថា៖ «សុខៗ ហ៊ុន សែន ឲ្យជិត ១លាន[ដុល្លារ]ទៀតហើយ ចុះបើម្នាក់ ២ម៉ឺន[ដុល្លារ] ជិត ១លានបាត់ទៀតហើយ»។
បន្ទាប់ពីសំឡេងសន្ទនានោះត្រូវបានទម្លាយ អ្នកនាំពាក្យគណបក្សហ៊្វុនស៊ិនប៉ិច លោក ញ៉េប ប៊ុនជិន ត្រូវបានសារព័ត៌មាន Fresh News ដកស្រង់សម្ដីចុះផ្សាយកាលពីថ្ងៃទី២១ ខែតុលាថា គណបក្សរាជានិយមមួយនេះ កំពុងពិចារណាដាក់ពាក្យប្ដឹងលោក លឺ ឡាយស្រេង ដោយចោទអតីតសហការីរូបនេះថា បានប្រមាថព្រះមហាក្សត្រ និងប្រធានគណបក្សនេះ គឺសម្ដេចក្រុមព្រះ នរោត្ដម រណឫទ្ធិ។
បន្ថែមលើបណ្ដឹងពីគណបក្សហ៊្វុនស៊ិនប៉ិច លោក ហ៊ុន សែន នៅក្នុងពិធីសំណេះសំណាលជាមួយក្រុមកម្មកកម្មការិនីប្រហែល ៤ពាន់នៅមជ្ឈមណ្ឌលកោះពេជ្រកាលពីថ្ងៃម្សិលមិញនេះ បានប្រាប់ថា៖ «ខ្ញុំក៏កំពុងពិនិត្យថាតើប្ដឹង ឬមិនប្ដឹង ប៉ុន្តែ លទ្ធភាពភាគច្រើន ខ្ញុំនឹងប្ដឹង លឺ ឡាយស្រេង ដោយបានចោទខ្ញុំថា បានឲ្យហ៊្វុនស៊ិនប៉ិចម្នាក់ ២ម៉ឺនដុល្លារ។ អញ្ចឹង ក្រៅពីសម្ដេចក្រុមព្រះប្ដឹង ខ្ញុំនៅមានលទ្ធភាពប្ដឹង លឺ ឡាយស្រេង។ អញ្ចឹង សូមមេធាវីរបស់ខ្ញុំរៀបចំពិនិត្យមើល ខ្ញុំនឹងប្ដឹង លឺ ឡាយស្រេង»។
ទោះជាយ៉ាងណា នៅក្នុងវីដេអូឃ្លីបថ្មីមួយទៀតដែលផ្សាយលើទំព័រហ្វេសប៊ុករបស់លោកកាលពីថ្ងៃម្សិលមិញនេះ លោក លឺ ឡាយស្រេង បានសម្ដែងការសុំទោសចំពោះព្រះមហាក្សត្រ និងលោកនាយករដ្ឋមន្ត្រី ហ៊ុន សែន និងស្នើកុំឲ្យមានការចោទប្រកាន់លើ លោកស្រី គី លំអង ប៉ុន្តែ លោកពុំបានថ្លែងសុំទោសចំពោះសម្ដេចក្រុមព្រះ នរោត្ដម រណឫទ្ធិ នោះឡើយ។
សំឡេងសន្ទនាតាមទូរស័ព្ទរវាងលោក លឺ ឡាយស្រេង និងលោកស្រី គី លំអង ត្រូវបានទម្លាយ បន្ទាប់ពីមានការចោទសួរថា តើព្រះមហាក្សត្រ ព្រះករុណា នរោត្ដម សីហមុនី នឹងឡាយព្រះហស្ថលេខាលើសំណើកែប្រែច្បាប់៤ ពាក់ព័ន្ធនឹងការបោះឆ្នោត ឬយ៉ាងណា។
សំណើវិសោធនកម្មច្បាប់៤នោះ ត្រូវបានក្រុមតំណាងរាស្ត្របក្សកាន់អំណាចអនុម័តនៅដើមសប្ដាហ៍មុន ហើយកំពុងស្ថិតនៅក្នុងដៃស្ថាប័នក្រុមប្រឹក្សាធម្មនុញ្ញ មុននឹងបញ្ជូនទៅព្រះមហាក្សត្រឡាយព្រះហស្ថលេខា ដើម្បីចូលជាធរមាន។
សំណើវិសោធនកម្មច្បាប់ទាំង៤នេះ ត្រូវបានក្រុមអ្នកវិភាគចាត់ទុកជាការប៉ុនប៉ង ដើម្បីឈានទៅរំលាយគណបក្សប្រឆាំង និងបែងចែកអាសនៈសភារបស់គណបក្សនេះ ទៅឲ្យគណបក្សតូចៗ ក្នុងនោះមានទាំងគណបក្សហ៊្វុនស៊ិនប៉ិចផងដែរ៕
I’m felling bad about what RANARITH and HUN SEN trying to sue LY LAI SRENG the older generation that know the dangerous of this nation right now. he is an older generation Khmer nationalist who can not stand and watching when he seeing his nation in dangers. it was not just LY LAI SRENG all Khmer older generation are worry about political uncertainty in Cambodia. it is not only LY LAI SRENG who wonder why the king was not come to fulfil his duty as the king when his nation is in a very dangerous situation. all Khmer nationalist inside the country and out are very frustrated by seeing that bloody situation created by the evil HUN SEN . we Cambodian are keep watching this royal family who involve whit a dumb leader HUN SEN will do to his own nation. it can changing all Cambodian mind to rethink again about kingdom of Cambodia. what the point if the king is only the toy for the dumb leader of the world. I knew it was a powerful US $ that made this royal family keep quiet. what the point that HUN SEN leadership took those powerful AMERICKANG dollar from this nation treasury and gave a bit of it to this royal family just to keep them quiet. that will be the next question about kingdom of Cambodia . GOD bless Cambodia and it’s people