លោក សូរ្យ ជ័យឧត្ដម | May 29, 2018 | 10:08 am
https://vodhotnews.com
លទ្ធផលនៃការចាប់លេខរៀងគណបក្ស សម្រាប់ការបោះឆ្នោតអាណត្តិទី ៦ នាព្រឹកថ្ងៃទី ២៩ ឧសភា ២០១៨
គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប. បានសម្រេចចាប់ឆ្នោតលេខរៀងគណបក្សនយោបាយនៅក្នុងសន្លឹកឆ្នោតសម្រាប់ការបោះឆ្នោតជាតិខាងមុខនេះហើយ ដោយគណបក្សកាន់អំណាចស្ថិតនៅលេខរៀងចុងក្រោយគេ។
ពិធីចាប់ឆ្នោតលេខរៀងគណបក្សនយោបាយដែលត្រូវបានផ្សាយតាមទូរទស្សន៍ជាតិនៅព្រឹកថ្ងៃនេះ បង្ហាញថា គណបក្សខ្មែររួបរួមជាតិរបស់លោក ញឹក ប៊ុនញៃ ស្ថិតនៅលេខរៀងទី១ ខណៈដែលគណបក្សប្រជាជនកម្ពុជា ស្ថិតនៅលេខរៀងទី២០ ដែលជាលេខរៀងចុងក្រោយគេនៃសន្លឹកឆ្នោត។
ចំណែកឯលេខរៀងទី៧ ដែលធ្លាប់កាន់កាប់ដោយអតីតគណបក្សសង្គ្រោះជាតិនៅអំឡុងការបោះឆ្នោតជាតិឆ្នាំ២០១៣នោះ បានទៅគណបក្សប្រជាធិបតេយ្យមូលដ្ឋាន ហើយលេខរៀងទី៤ដែលធ្លាប់កាន់កាប់ដោយគណបក្សប្រជាជនកម្ពុជាកាលពីឆ្នាំ២០១៣នោះ បានទៅគណបក្សសញ្ជាតិកម្ពុជា៕
CCIM/VOD
រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។