កម្ពុជា
រូបឯកសារ៖ លោកនាយករដ្ឋមន្ត្រី ហ៊ុន សែន ថ្លែងទៅកាន់អ្នកសារព័ត៌មាន នៅរាជធានីភ្នំពេញ កាលពីថ្ងៃទី១ ខែសីហា ឆ្នាំ២០១៨។ (AP Photo/Heng Sinith)
29 កក្កដា 2019
កាន់ វិច្ឆិកា
វីអូអេខ្មែរ
ខណៈដែលសេចក្តីស្នើច្បាប់ស្តីពី «លទ្ធិប្រជាធិបតេយ្យនៅកម្ពុជា» ដែលមានគោលបំណងដាក់ទណ្ឌកម្មមន្រ្តីជាន់ខ្ពស់របស់កម្ពុជាកំពុងស្ថិតក្នុងដៃរបស់ព្រឹទ្ធសភាអាមេរិក លោក ហ៊ុន សែន ព្រមានថា ការអនុម័តសេចក្តីស្នើច្បាប់នេះនឹងធ្វើឲ្យប៉ះពាល់ដល់ទំនាក់ទំនងការទូតរវាងប្រទេសទាំងពីរ។
លោកនាយករដ្ឋមន្រ្តី ហ៊ុន សែន នៅថ្ងៃចន្ទនេះ បានព្រមានខ្លាំងៗថា ការអនុម័តសេចក្តីស្នើច្បាប់ស្តីពី «លទ្ធិប្រជាធិបតេយ្យនៅកម្ពុជា» ឬ Cambodia Democracy Act នឹងបង្កឲ្យមានផលប៉ះពាល់ដល់ទំនាក់ទំនងទ្វេភាគី កម្ពុជា និងសហរដ្ឋអាមេរិក។
លោក ហ៊ុន សែន ថ្លែងបែបនេះក្នុងពេលចុះពិនិត្យការដ្ឋានសាងសង់ពហុកីឡដ្ឋានជាតិមរតកតេជោ ដែលកំពុងដំណើរការសាងសង់នៅសង្កាត់ព្រែកតាសេក ខណ្ឌជ្រាយចង្វារ រាជធានីភ្នំពេញ។ ពហុកីឡដ្ឋាននេះសាងសង់ឡើងក្រោមជំនួយឧបត្ថម្ភពីប្រទេសចិន។
ការលើកឡើងរបស់ប្រមុខរដ្ឋាភិបាលខ្មែរ ស្របពេលដែលសេចក្តីស្នើច្បាប់ស្តីពី«លទ្ធិប្រជាធិបតេយ្យនៅកម្ពុជា»កំពុងស្ថិតក្នុងដៃរបស់ព្រឹទ្ធសភាអាមេរិក។
សេចក្តីស្នើច្បាប់ដែលគាំទ្រដោយគណបក្សធំៗទាំងពីរនៅសហរដ្ឋអាមេរិកគឺគណបក្សសាធារណរដ្ឋនិងគណបក្សប្រជាធិបតេយ្យ បង្កើតឡើងក្នុងគោលបំណងជំរុញឲ្យមានការបោះឆ្នោតដោយសេរីនិងត្រឹមត្រូវ គោរពសិទ្ធិសេរីភាពនយោបាយ និងសិទ្ធិមនុស្សនៅប្រទេសកម្ពុជា និងដាក់ទណ្ឌកម្មសេដ្ឋកិច្ច និងទិដ្ឋាការលើមន្ត្រីយោធានិងមន្ត្រីស៊ីវិលកម្ពុជាណា ដែលបានបំផ្លាញលទ្ធិប្រជាធិបតេយ្យ និងរំលោភសិទ្ធិមនុស្ស។
លោកហ៊ុន សែន លើកឡើងថា ប្រសិនបើសហរដ្ឋអាមេរិកអនុម័តច្បាប់ដាក់ទណ្ឌកម្មមន្រ្តីជាន់ខ្ពស់កម្ពុជា នោះនឹងធ្វើឲ្យប៉ះពាល់ដល់ទំនាក់ទំនងការទូតរវាងប្រទេសទាំងពីរ។
«ដាក់ ទៀ បាញ់ ស្មើនឹងផ្តាច់ទំនាក់ទំនងយោធា ដាក់ ស ខេង ស្មើនឹងផ្តាច់ទំនាក់ទំនងខាងនគរបាល ដាក់ប្រាក់ សុខុន ស្មើនឹងផ្តាច់ទំនាក់ទំនងខាងទូត ដាក់ទៅលើ អូន ព័ន្ធមុនីរ័ត្ន ស្មើនឹងផ្តាច់ទំនាក់ទំនងផ្នែកសេដ្ឋកិច្ច»។
ក្នុងការថ្លែងនោះ លោកនាយករដ្ឋមន្ត្រីខ្មែរបាននិយាយបញ្ជោះទៅកាន់សហរដ្ឋអាមេរិកថា៖
«ហើយបើដាក់ចំខ្ញុំ ដាក់មក ដាក់មកចុះ!ហើយសុំរឹបអូសទៅថា គ្រាន់តែទ្រព្យសម្បត្តិរបស់ត្រកូល«ហ៊ុន»មានជាង២ពាន់លានដុល្លារ ខ្ញុំអំពាវនាវឲ្យអាមេរិក មិនចាំបាច់និយាយច្រើន កុំនិយាយច្បាប់ចេញអី ដកហូតពីឥឡូវទៅ»។
លោក ហ៊ុន សែន ដែលកំពុងដឹកនាំប្រទេសដោយឯកបក្សជឿថា សេចក្តីស្នើច្បាប់នេះនឹងមិនធ្វើឲ្យប៉ះពាល់ដល់កម្ពុជានោះទេ។ ហើយលោកសង្ឃឹមថា សេចក្តីស្នើច្បាប់នេះនឹងមិនអាចអនុម័ត និងដាក់ឲ្យប្រើប្រាស់ក្នុងរដ្ឋបាលរបស់លោកប្រធានាធិបតី ដូណាល់ ត្រាំ ឡើយ។
លោក ហ៊ុន សែន បានលើកជាឧទារណ៍ថា សេចក្តីស្នើច្បាប់មួយចំនួនដើម្បីដាក់ទណ្ឌកម្មប្រឆាំងនឹងប្រទេសវៀតណាមនិងប្រទេសមីយ៉ាន់ម៉ា ក៏នៅមិនទាន់បានអនុម័តដែរក្នុងរយៈពេលជាច្រើនឆ្នាំមកនេះ។
លោកបណ្ឌិត មាស នី អ្នកវិភាគនយោបាយឯករាជ្យ ប្រាប់ VOA ថាការណ៍ដែលក្រុមមន្ត្រីកម្ពុជានិងលោកនាយករដ្ឋមន្ត្រី ហ៊ុន សែន លើកឡើងម្តងហើយម្តងទៀតថា សេចក្តីស្នើច្បាប់នេះមិនប៉ះពាល់ដល់កម្ពុជានោះ គ្រាន់តែជាការព្យាយាមការពារ មុខមាត់ខ្លួនតែប៉ុណ្ណោះ។
«កាលណាច្បាប់នេះចេញមកធ្វើការអនុម័តហើយ វានឹងប៉ះពាល់មុនគេទៅដល់មុខមាត់របស់អ្នកដឹកនាំនីមួយៗនៅក្នុងការធ្វើដំណើរ ឬមុខមាត់នៅលើឆាកអន្តរជាតិនៅពេលឈ្មោះរបស់ខ្លួនបានត្រូវគេដាក់ចូលក្នុងបញ្ជីខ្មៅ។ ហើយតាមដឹងពីកន្លងមកហើយ កាលណាមានសហរដ្ឋអាមេរិកមួយដាក់ហើយ គឺអាចនឹងមានប្រទេសដទៃទៀតគេនឹងរួមគ្នាដាក់បន្តបន្ទាប់ទៀត»។
សភាតំណាងរាស្ត្រសហរដ្ឋអាមេរិកបានអនុម័តសេចក្តីស្នើច្បាប់ស្តីពីលទ្ធិប្រជាធិបតេយ្យនៅកម្ពុជា កាលពីថ្ងៃទី១៥ ខែកក្កដាកន្លងទៅ។ ក្រោយពេលព្រឹទ្ធសភាអនុម័ត សេចក្តីស្នើច្បាប់នេះនឹងត្រូវឆ្លងកាត់ការចុះហត្ថលេខាដោយប្រធានាធិបតីអាមេរិកដើម្បីផ្តល់សុពលភាពឲ្យក្លាយជាច្បាប់ផ្លូវការ។
ក្រុមមន្ត្រីរដ្ឋាភិបាលកម្ពុជាធ្លាប់បានលើកឡើងថា សេចក្តីស្នើច្បាប់ស្តីពីលទ្ធិប្រជាធិបតេយ្យនៅកម្ពុជា«ប្រឆាំងនឹងសន្តិភាព» របស់កម្ពុជាដោយ«មិនបានយល់ពីការពិតនៅកម្ពុជា»៕
សរអាមេរិក កំពុងភ័យស្លន់ស្លោរ ព្រោះខ្លាចរបបខ្មែរក្រហមភ្នំពេញ ផ្តាច់ទំនាក់ទំនងចោល?
Can anyone explains first Hun Sen urge US to expedite the process of freezing assets including his son and afterwards he said this freezing assets will damage the relationship between US and Cambodia? Don’t worry Mr Hun Sen, just look at North korea and Iran that not even included freezing assets. You should ask yourself, do you really want it to be against US?
លោក ហ៊ុនសែន កំពុងតែច្រឡំបល់និងច្បាប់ HR 526 ច្បាប់នេះអាមេរិកបានបង្កើតឡើងដើម្បីជំរុញអោយលោក ហ៊ុនសែន ងាកមករកភាពដើមវិញ។ទំនាក់ទំនងរវាងរបបភ្នំពេញនិងអាមេរិកកន្លងមកបានប៉ះពាលរួចហើយ អាមេរិកក៏បានបង្ហាញជំហរដល់របបក្រុងភ្នំពេញហើយដែរ ដើម្បីអោយប្រទេសទាំងពីរមានទំនាក់ទំនងល្អលោក ហ៊ុនសែន ត្រូវតែស្ដារលិទ្ធិប្រជាធិបតេយ្យឡើងវិញផ្ដល់អ្វីៗអោយគណបក្សសង្គ្រោះជាតិវិញនោះទើបអាចចៀសវាងពីច្បាប់ HR 526 បាន។
OH ….GOD …. please do not hurt USA they already knell down asking you to save their life. please do not kill them they are just human being like you and me.
OH ….GOD …. please do not hurt USA they already knell down asking you to save their life. please do not kill them they are just human being like you and me……………………………… yes..do it USA this guy is an evil indeed.
ហាស ! ហាស
ខ្លាចមិនច្បាស់ អញឲ្យអ្ហែងមើលខ្លឹមសារម្តងទៀត អាពូជលាងក្ត ជុន ចាន់បុត្រ
————
សម្ដេចតេជោ ប្រាប់អាមេរិកឲ្យរឹបអូស ទ្រព្យសម្បត្តិទាំងអស់ របស់ត្រកូលហ៊ុន ដោយមិនចាំបាច់មានច្បាប់ បើរកឃើញទុកនៅអាមេរិក
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងប្រាប់ឲ្យអាមេរិក រឹបអូសទ្រព្យសម្បត្តិទាំងអស់ របស់ត្រកូលហ៊ុនដោយ មិនចាំបាច់មានច្បាប់ អនុម័តនោះទេ ប្រសិនបើរកឃើញទុក នៅអាមេរិកមែន ។
ក្នុងឱកាសអញ្ជើញ ពិនិត្យការដ្ឋានសាងសង់ពហុ កីឡដ្ឋានជាតិ មរតកតេជោ ដែលបាននិងកំពុងដំណើរការសាងសង់ នៅសង្កាត់ព្រែកតាសេក ខណ្ឌជ្រាយចង្វារ នៅព្រឹកថ្ងៃទី២៩ ខែកក្កដា ឆ្នាំ២០១៩ សម្ដេចតេជោ ហ៊ុន សែន បានមានប្រសាសន៍ឲ្យអាមេរិករឹបអូស ទ្រព្យសម្បត្តិពីនាយឧត្ដមសេនីយ៍ ហ៊ីង ប៊ុនហៀង ប្រសិនបើមានលុយទុក នៅធនាគារអាមេរិក ។ សម្ដេចថា បើតាមសម្ដេចដឹង មានតែកូនលោក អ៊ិត ប្រាំង ទេដែលមានចំការទំពាំងបាយជូ នៅរដ្ឋមួយក្នុងទឹកដីអាមេរិក ហើយកូនលោក អ៊ិត ប្រាំង ប្រហែលជាមានសញ្ជាតិអាមេរិក បើអាមេរិករឹបអូសទ្រព្យសម្បត្តិជាតិសាសន៍ខ្លួនឯង ក៏រឹបអូសទៅ ។
សម្ដេចតេជោបញ្ជាក់ថា “ហើយសុំរឹបអូសទៅ ថាគ្រាន់តែទ្រព្យសម្បត្តិត្រកូលហ៊ុន នេះមានជាង ២ពាន់លានដុល្លារ ខ្ញុំអំពាវនាវឲ្យអាមេរិក មិនចាំបាច់ច្បាប់ចេញអី ដកហូតពីឥឡូវទៅ” ។
សម្ដេចបន្តថា សម័យនេះជាសម័យខ្មែរ នាំដើមទុនពីក្រៅស្រុកមករកស៊ី មិនមែនដូចសម័យមុនខ្មែរបញ្ជូនលុយ ទៅក្រៅស្រុក ទាំងដែលខ្លួនឯងក្រហើយ នាំលុយទៅទុកនៅធនាគារក្រៅប្រទេសទៀត រាប់ទាំង លន់ នល់ យកលុយទៅក្រៅប្រទេសផងដែរ ។ សម្ដេចថា មានបងប្អូនខ្មែរ នៅក្រៅប្រទេសច្រើនណាស់ បានមកទិញដីនៅក្នុងស្រុក ជាពិសេសដីនៅខេត្តកំពត គឺបងប្អូនមកពីអាមេរិក និងបារាំងជាអ្នកទិញ ។
ហើយបើមានមន្ត្រីណា សល់លុយច្រើនចាយមិនអស់ យកទៅទុកនៅធនាគារអាមរិក ហើយត្រូវអាមេរិក រឹបអូសខ្ញុំស្វាគមន៍ការរឹបអូស ព្រោះប្រាក់នោះបានមកពី អំពើពុករលួយ អាហ្នឹងដើម្បីឲ្យសម្ដេចបានឃើញមុខមាត់ពិត នៃមន្ត្រីដែលមានប្រាក់ចាយមិនអស់ យកទៅចោលនៅស្រុកគេ។
សម្ដេចតេជោគូសបញ្ជាក់ថា “ខ្ញុំអង្វរកអាមេរិក កុំនិយាយច្រើនពេក ដកតែម្ដងទៅថា ហ៊ុន មានី មានប៉ុន្មានរយលាន ហ៊ុន ម៉ានិត មានប៉ុន្មានរយលាន ដកទាំងអស់ទៅបើកូន ហ៊ុន សែន មានលុយច្រើនដល់ម្ល៉ឹងៗដកទាំងអស់ទៅ បើខ្ញុំមានលុយប៉ុណ្ណេះមែន ខ្ញុំមិនចាំបាច់ទៅសុំចិនទេ ស្តាតប៉ុណ្ណឹងខ្ញុំធ្វើខ្លួនឯង ព្រោះខ្ញុំស្លាប់ទៅ ខ្ញុំអត់យកទៅជាមួយទេ ខ្ញុំទុកមរតកខ្ញុំចោលហើយ ។ កីឡដ្ឋានសាងសង់រួច អស់ត្រឹម ៣០០លានដុល្លារ ហើយគេថាខ្ញុំមានលុយ ២ពាន់លានដុល្លារ ។ បើខ្ញុំមានលុយប៉ុននេះមែន ខ្ញុំសុខចិត្តចំណាយទាំងអស់ មួយចប់ស៊ីហ្គេមឆ្នាំ២០២៣” ។
ជាមួយគ្នានោះដែរ សម្ដេចតេជោនាយករដ្ឋមន្ត្រី បានប្រតិកម្មតបទៅកាន់ក្រុមប្រឆាំងថា ទោះបីគ្មានជំនួយពីបរទេសក៏កម្ពុជា មានសមត្ថភាពបើកប្រាក់ខែឲ្យ មន្រ្តីរាជការ និងកងកម្លាំងប្រដាប់អាវុធ លើសពី ១ឆ្នាំដែរ។
សម្ដេចតេជោ សង្កត់ធ្ងន់ថា “ខ្លះវាទៅជាឆ្កួត វាថាឥឡូវរដ្ឋាភិបាល អស់លុយចាយហើយ គ្រាន់តែអាមេរិកធ្វើច្បាប់មួយ រដ្ឋាភិបាលរកលុយបើកប្រាក់ខែឲ្យមិនបាន ផ្ដាំទៅអញសូមផ្ដាំ យើងសូមផ្ដាំ ខ្ញុំបាទសូមផ្ដាំជូន អស់លោកអ្នក បើទោះបីគ្មានប្រាក់ចំណូលបន្ថែម ក៏ហ៊ុនសែន មានលទ្ធភាពបើប្រាក់ខែ លើសពី១ឆ្នាំ” ។
សម្ដេចបន្ថែមថា ដោយមិនគិតប្រាក់បម្រុងអន្តរជាតិ ១៥ពាន់លានដុល្លារ សាច់ប្រាក់សុទ្ធដែលមាននៅរតនាគារ និងផ្ញើនៅធនាគារជាតិឡើងជិត ១៤លានលានរៀល (១លានលានរៀល ស្មើនឹងជិត ២៥០លានដុល្លារ) ៕