ដោយ វ៉ែន សុមេធ
2020-08-21
RFA
នាយករដ្ឋមន្ត្រី ហ៊ុន សែន និងភរិយា ព្រមទាំងកូនចៅ ក្នុងគ្រួសាររបស់លោក។
រូប៖ ហ្វេសប៊ុករបស់លោក
ភរិយារបស់សមាជិកបក្សប្រឆាំង លើកឡើងថា លោកនាយករដ្ឋមន្ត្រី ហ៊ុន សែន ស្រលាញ់គ្រួសារខ្លួនឯង ប៉ុន្តែបំបែកបំបាក់គ្រួសារពួកគេឲ្យរស់រងទុក្ខវេទនា ដោយសារតែមូលហេតុនយោបាយ។ ការលើកឡើងនេះ បន្ទាប់ពីពួកគេ មើលឃើញថា លោក ហ៊ុន សែន បានបង្ហោះរូបភាពជួបជុំក្រុមគ្រួសារសាច់ញាតិរបស់លោកយ៉ាងរីករាយស្ទើររាល់ថ្ងៃ ស្របពេលដែលរដ្ឋាភិបាល បានចាប់ប្ដីរបស់ពួកគេដាក់ពន្ធនាគារទាំងបំពាន និងថែមទាំងបង្ក្រាបដោយហិង្សាលើពួកគេជាស្ត្រីថែមទៀតដែលគ្រាន់តែប្រើប្រាស់សិទ្ធិសេរីភាពតវ៉ាទាមទាររកយុត្តិធម៌ជូនប្ដី។
ក្រុមភរិយាសមាជិកគណបក្សសង្គ្រោះជាតិ ដែលកំពុងជាប់ពន្ធនាគារ លើកឡើងថា ក្រុមគ្រួសារលោកនាយករដ្ឋមន្ត្រី ហ៊ុន សែន កំពុងតែមានក្តីសុខ នៅលើគំនរទុក្ខសោករបស់ពួកគេ និងប្រជា ពលរដ្ឋខ្មែរដែលកំពុងរងគ្រោះដោយអំពើអយុត្តិធម៌ដទៃទៀត។
ភរិយាសមាជិកគណៈកម្មាធិការប្រតិបត្តិគណបក្សសង្គ្រោះជាតិប្រចាំរាជធានីភ្នំពេញ លោក កាក់ កុម្ភារ គឺលោកស្រី ព្រំ ចន្ថា រៀបរាប់ថា លោកស្រីកាន់តែមានអារម្មណ៍ឈឺចាប់ នៅពេលឃើញលោក ហ៊ុន សែន បង្ហោះរូបភាពជួបជុំគ្រួសារយ៉ាងរំភើយ ដោយមិនខ្វាយខ្វល់ចំពោះសម្រែកយំអង្វរករកយុត្តិធម៌ និងថែមទាំងប្រើប្រាស់កម្លាំងសន្តិសុខ និងនគរបាល ប្រើអំពើហិង្សាទាំងកម្រោលលើពួកគាត់ជាស្ត្រីទន់ខ្សោយថែមទៀត ខណៈពេលពួកគាត់ គ្រាន់តែឈរស្រែកតវ៉ាដោយសន្តិវិធីរៀងរាល់ថ្ងៃសុក្រដើម្បីទាមទារឲ្យដោះលែងប្ដីពួកគាត់វិញ៖ «ឃើញគាត់ផុសមកអ៊ីចឹង ខ្ញុំមានអារម្មណ៍ក្ដុកក្ដួលណាស់ ដូចថា អយុត្តិធម៌សម្រាប់ពួកនាងខ្ញុំជាស្ត្រី ហើយទង្វើរបស់គាត់ (រដ្ឋាភិបាល) ធ្វើចាប់ឃុំឃាំងគាត់ (ប្តី) ហើយនឹងមិនឲ្យពួកខ្ញុំជួប ហើយឥឡូវមួយសប្ដាហ៍បានជួបតែម្ដង។ ពួកខ្ញុំមានអារម្មណ៍ក្ដុកក្ដួលខ្លាំងណាស់។ ធម្មតាអត់មានប្តីនៅជិត គឺអត់គាត់ មួយដូចអត់ចន្ទល់គ្រួសារអ៊ីចឹង។ ឃើញរូបភាពរបស់គាត់ (លោក ហ៊ុន សែន) ផុសមកអ៊ីចឹង គឺគាត់កំពុងមានក្តីសុខលើគំនរទុក្ខរបស់ពួកខ្ញុំ»។
លោកស្រី ព្រំ ចន្ថា បន្តថា ការណ៍ដែលពួកលោកស្រី នាំគ្នាចេញតវ៉ារៀងរាល់ថ្ងៃសុក្រ ព្រោះតែយល់ថា ប្ដីរបស់ពួកលោកស្រី គឺជាមនុស្សស្អាតស្អំ ស្រលាញ់សង្គមជាតិ មិនបានប្រព្រឹត្តអំពើខុសច្បាប់ដូចការចោទប្រកាន់នោះទេ។ មានវ័យ ៤៤ឆ្នាំ កំពុងតស៊ូចិញ្ចឹមកូនប្រុសពីរនាក់នៅក្នុងបន្ទប់ជួលតូចមួយក្នុងរាជធានីភ្នំពេញ គឺភរិយាសមាជិកបក្សប្រឆាំងរូបនេះ ទទូចឲ្យលោកនាយករដ្ឋមន្ត្រី ហ៊ុន សែន រៀនយល់អារម្មណ៍ឈឺចាប់ និងទុក្ខលំបាករបស់ពួកគេ ដែលកំពុងរស់នៅបែកបាក់ក្រុមគ្រួសារដោយសារតែមូលហេតុនៃការធ្វើទុក្ខបុកម្នេញផ្នែកនយោបាយពីសំណាក់អាជ្ញាធររដ្ឋាភិបាល៖ «ខ្ញុំមានផលប៉ះពាល់ច្រើនណាស់ ដែលធំបំផុតនោះគាត់ (ប្តី) ជាមេគ្រួសារ គឺអត់ពីគាត់មួយទៅ ហាក់ដូចជាបាត់អ្វីៗ គ្រប់យ៉ាងហើយកូនខ្ញុំកំពុងវ័យសិក្សា គឺរៀនអត់ ចូលនឹកឪពុក ហើយការងារផ្គត់ផ្គង់គ្រួសារធ្លាក់មកលើខ្ញុំទាំងអស់ ហើយឥឡូវនេះ ខ្ញុំក៏អត់មានការងារធ្វើ ហើយត្រូវបង់បំណុលធនាគាររាល់ខែទៀត និងត្រូវផ្ញើលុយឲ្យគាត់ចាយនៅក្នុងពន្ធនាគារ ហើយអារម្មណ៍មួយគឺគិតដល់គាត់ផង គិតដល់ខ្លួនឯងផង និយាយទៅ គឺពិបាកមែនទែនហ្មង។ រដ្ឋាភិបាល គួរតែដោះលែងគាត់មកវិញ ហើយទម្លាក់ចោលរាល់ការចោទប្រកាន់ដោយឥតលក្ខខណ្ឌ»។
មួយរយៈចុងក្រោយនេះ លោកនាយករដ្ឋមន្ត្រី ហ៊ុន សែនបានបង្ហោះរូបភាពជួបជុំក្រុមគ្រួសាររបស់លោកយ៉ាងមានក្តីសុខជាបន្តបន្ទាប់ និងហាក់បង្កប់នូវភាពរឹងមាំក្នុងការបន្តរក្សាអំណាចនយោបាយតពូជរបស់លោករយៈពេលយូរអង្វែងតទៅទៀត ខណៈលោកកំពុងតែបង្កើនការបង្ក្រាបលើសំឡេងប្រឆាំងដោយមិនរើសមុខ។ ជាក់ស្ដែងកាលពីថ្ងៃទី១១ ខែសីហា លោក ហ៊ុន សែន បានបង្ហោះរូបថតជួបជុំគ្រួសារធំរបស់លោកចំនួន ៣ជំនាន់ដែលមានសមាជិកប្រមាណ ៣០នាក់ ក្នុងនោះ មានភរិយារបស់លោក កូនៗបង្កើត និងចៅៗបង្កើតរបស់លោកផងដែរ។ ក្នុងកម្មវិធីជួបជុំគ្រួសារ៣ ជំនាន់របស់លោកនោះ ក៏មានកម្មវិធីច្រៀងរាំ និងផឹកស្រា ក្លែមម្ហូបអាហារថ្លៃៗផងដែរ។
រីឯភរិយាសមាជិកក្រុមប្រឹក្សាខេត្តកំពង់ធំជាប់ឆ្នោតរបស់គណបក្សសង្គ្រោះជាតិ លោក ស៊ុន ធន់ គឺលោកស្រី សេង ចាន់ថន ថ្លែងថា សកម្មភាពដែលលោក ហ៊ុន សែន កំពុងធ្វើទាំងនេះ គឺបង្ហាញថា មេដឹកនាំរូបនេះ ស្រលាញ់តែក្រុមគ្រួសារខ្លួនឯង ហើយលោកឥតខ្វល់ចំពោះបញ្ហាពលរដ្ឋកំពុងអត់ការងារធ្វើ បញ្ហាពលរដ្ឋជំពាក់បំណុលធនាគារនិងគ្រឹះស្ថានមីក្រូហិរញ្ញវត្តុវ័នករ និងការចាប់ចងសកម្មជននយោបាយ សកម្មជនសង្គម និងមេដឹកនាំសហជីពជាដើម។ លោកស្រី នៅតែអះអាងថា ប្តីលោកស្រី មិនបានប្រព្រឹត្តអំពើឧក្រិដ្ឋណាមួយនោះទេ ហើយលោក ហ៊ុន សែន ប្រាកដជាដឹងច្បាស់ថា ការចាប់ឃុំខ្លួនប្តីលោកស្រី បណ្ដាលឲ្យរស់នៅបែកបាក់ក្រុមគ្រួសារគ្នានេះ គឺធ្វើឡើងដោយបំពានច្បាប់និងមានចរិតនយោបាយសុទ្ធសាធ៖ «អយុត្តិធម៌ចំពោះពួកខ្ញុំដែលជាប្រជាពលរដ្ឋស្លូតត្រង់គេ (រដ្ឋាភិបាល ) ចាប់យកទៅធ្វើបាបយកទៅដាក់គុក ហើយយើងគ្រាន់តែតវ៉ាទាមទារ រាល់សប្ដាហ៍មកធ្វើបាបពួកខ្ញុំទៀតមកទាត់មកច្រានមកអូស ហើយមិនឲ្យខ្ញុំតវ៉ា ដូច្នេះខ្ញុំគិតថា វាអយុត្តិធម៌សម្រាប់ពួកខ្ញុំ។ពួកគាត់ (នាយករដ្ឋមន្ត្រី) ចេះជួបជុំគ្រួសារបាន ចុះចំណែកពួកខ្ញុំហេតុអីជួបជុំអត់បាន? គេអត់ឆ្លើយតបជាមួយពួកខ្ញុំសោះ ធ្វើឲ្យពួកខ្ញុំឈឺចាប់ជាទីបំផុត។ ពួកខ្ញុំនៅតែស្រែកទាមទារតវ៉ាជាបន្តបន្ទាប់ទៀត ដោយសារពួកខ្ញុំមិនមានកំហុស ហើយគេធ្វើបាបដោយអយុត្តិធម៌បែបនេះ»។
គិតចាប់តាំងពីខែមករា ឆ្នាំ២០២០មក របបក្រុងភ្នំពេញ បានចាប់ឃុំខ្លួនសមាជិកគណបក្សសង្គ្រោះជាតិជាង ២០នាក់ហើយ ដោយតុលាការ បានចោទប្រកាន់ពួកគេដូចៗគ្នាគឺពីបទរួមគំនិតក្បត់ ញុះញង់មិនឲ្យយោធាស្តាប់បង្គាប់ និងញុះញង់ឲ្យប្រព្រឹត្តបទឧក្រិដ្ឋជាអាទិ៍។ ភាគច្រើននៃករណីចាប់ខ្លួននេះ សមត្ថកិច្ចមិនបានបង្ហាញដីកាចាប់ខ្លួនឡើយ ហើយករណីខ្លះទៀតសមត្ថកិច្ចបានប្រើល្បិចបញ្ឆោតឱ្យពួកគេទៅជួបអ្នកនេះ ឬអ្នកនោះ រួចក៏ចាប់ខ្លួនតែម្ដង។ ករណីមួយចំនួនទៀត ប៉ូលិសចាប់មនុស្សទៅបាត់ដោយគ្មានផ្តល់ដំណឹងដល់ក្រុមគ្រួសាររបស់គេនោះទេ ទាល់តែសកម្មជនទាំងនោះទូរស័ព្ទមកប្រាប់វិញ ទើបគ្រួសារដឹងថា ពួកគាត់កំពុងជាប់ឃុំនៅពន្ធនាគារ។
ក្រោយការចាប់ឃុំខ្លួននោះ ប្រពន្ធ និងកូនៗ រួមទាំងសាច់ញាតិរបស់សមាជិកបក្សប្រឆាំង តែងតែជួបជុំគ្នាតវ៉ានៅខាងមុខសាលដំបូងរាជធានីភ្នំពេញ ជារៀងរាល់ថ្ងៃសុក្រ ចាប់តាំងពីថ្ងៃទី១៩ ខែមិថុនា មក ដើម្បីទាមទារឲ្យតុលាការ ដោះលែងអ្នកទាំងនោះវិញ។ ទោះយ៉ាងណា ការតវ៉ាដោយសន្តិវិធីរបស់ពួកគេ តែងតែត្រូវបង្ក្រាបដោយហិង្សា ជាពិសេសការតវ៉ាលើកទី៧ កាលពីព្រឹកថ្ងៃទី៣១ ខែកក្កដា កងសន្តិសុខខណ្ឌ ៧មករា បានរារាំងមិនឲ្យពួកគេជួបជុំតវ៉ានៅខាងមុខតុលាការឡើយ។ ក្រុមសន្តិសុខទាំងនោះបានដណ្ដើមបដាយកទៅហែកចោល និងរុញច្រានស្ត្រីអ្នកតវ៉ាមួយចំនួនផ្ទប់នឹងដី ហើយចាប់អូសតាមដងផ្លូវជាដើម ដោយមិនស្ដាប់ការយំអង្វរកររបស់ពួកគេឡើយ៖ «អាជ្ញាធរស្រុកខ្មែរនេះ គាត់ជាអាជ្ញាធរបែបណា? ហេតុអីក៏ព្រៃផ្សៃយ៉ាងនេះ? ធ្វើបាបតែស្ត្រីទន់ខ្សោយ គ្មានអាវុធ នៅក្នុងដៃ ទាមទារតែ តែឲ្យដោះលែង អ្នកទោសនយោបាយប៉ុណ្ណឹងសោះ។ សួរថាធ្ងន់ប៉ុណ្ណា? ពិបាកប៉ុណ្ណា? វាខុសច្បាប់នូវមាត្រាណា? ហេតុអី ក៏ពួកគាត់មិនប្រាប់ពួកខ្ញុំ? បានចាំបាច់មកធ្វើអូសទាញពួកខ្ញុំយ៉ាងនេះ? តើស្រុកខ្មែរយើងមានយុត្តិធម៌ទេ?»។
អតីតទីប្រឹក្សាលោកនាយករដ្ឋមន្ត្រី ហ៊ុន សែន គឺបណ្ឌិត សូ ណារ៉ូ លើកឡើងថា ជារឿងអភ័ព្វបំផុត សម្រាប់ប្រជាពលរដ្ឋកម្ពុជា ដែលមានមេដឹកនាំដូចលោក ហ៊ុន សែន ព្រោះលោក គឺជាមនុស្ស ដែលមានចរិតឃោរឃៅ បែងចែកពណ៌សម្បុរនយោបាយខុសឆ្ងាយពីមេដឹកនាំប្រទេសដទៃទៀត នៅលើពិភពលោក ដែលហ៊ានលះបង់ក្តីសុខផ្ទាល់ខ្លួន សម្រាប់ផលប្រយោជន៍ប្រទេសជាតិ និងប្រជាពលរដ្ឋរបស់គេ ដោយមិនប្រកាន់និន្នាការនយោបាយឡើយ។ ទោះយ៉ាងណាក្តី បណ្ឌិត សូ ណារ៉ូ ជឿជាក់ថា មេដឹកនាំដែលស្រលាញ់តែគ្រួសារខ្លួនឯង បក្ខពួកខ្លួនឯង និងច្បាមយកសេដ្ឋកិច្ចជាតិធ្វើមានបាននៅក្នុងក្រុមគ្រួសារខ្លួនឯង ហើយបង្កើតការឈឺចាប់ដល់ប្រជាជាតិបែបនេះ គឺនឹងមិនអាចរក្សាអំណាចបានគង់វង្សនោះឡើយ៖ «ល្អូកល្អិនក្នុងក្រុមគ្រួសាររបស់គាត់ (លោកនាយករដ្ឋមន្ត្រី ហ៊ុន សែន) ក្នុងបក្ខពួករបស់គាត់ សង់ទីស្នាក់ការធំៗ ជិះយន្តហោះសុទ្ធ តែលក្ខណៈឯកជន (Private jet) ហ៊ឺហាគ្រប់បែបយ៉ាង គ្រាន់តែអាពាហ៍ពិពាហ៍ចាយលុយរាប់សែនរាប់លានដុល្លារ ហើយផ្ទះសម្បែងវិញ គឺថា ខ្លាំងជាងព្រះបរមរាជវាំងទៀត។ ចំណែកមួយផ្នែកទៀត ដែលគាត់ (លោក ហ៊ុន សែន) ចាត់ទុកថា ជាសត្រូវជាដៃគូប្រឆាំងរបស់គាត់ គឺរហេមរហាម ហើយលោក ហ៊ុន សែន បង្កើតលេសគ្រប់បែបយ៉ាង ដើម្បីធ្វើទុក្ខបុកម្នេញគាត់ ដូចជា ការចាប់ចង ធ្វើទារុណកម្ម រហូតដល់ការកាប់សម្លាប់ទៀតក៏មាន។ ដូច្នេះទាំងនេះ គឺជាទុក្ខសោកនៃប្រទេសកម្ពុជា»។
យ៉ាងណាក៏ដោយចុះ ក្រុមភរិយារបស់សមាជិកបក្សប្រឆាំង អះអាងថា ប្រសិនរដ្ឋាភិបាល នៅតែមិនទម្លាក់ចោលការចោទប្រកាន់ និងដោះលែងប្ដីពួកគេឲ្យមានសេរីភាពឡើងវិញទេនោះ គឺពួកគេនឹងនៅតែបន្តការតវ៉ាដោយអហិង្សាជារៀងរាល់ថ្ងៃសុក្រ រហូតទាល់តែទទួលបានយុត្តិធម៌ ទោះបីប្រឈមការារាំង និងការយាយីបែបណាក្ដី។
កាលពីថ្ងៃទី៦ ខែសីហា អង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch) បានចេញសេចក្ដីការណ៍ទាមទារឲ្យអាជ្ញាធររដ្ឋាភិបាលបញ្ឈប់ការយាយី និងការបណ្តេញដោយហិង្សាលើក្រុមគ្រួសាររបស់សមាជិកគណបក្សសង្គ្រោះជាតិ ហើយអនុញ្ញាតឲ្យស្ត្រីទាំងនោះ បន្តការតវ៉ាដោយសន្តិវិធី ព្រោះការស្វែងរកយុត្តិធម៌ គឺមិនមែនជាបទឧក្រិដ្ឋនោះទេ។ អង្គការអន្តរជាតិមួយ នេះ ក៏បានទាមទារឲ្យរដ្ឋាភិបាល លោក ហ៊ុន សែន ដោះលែងសកម្មជននយោបាយដែលត្រូវបានចាប់ឃុំខ្លួនដោយមិនត្រឹមត្រូវទាំងនោះវិញផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ប្រពន្ធសកម្មជនបក្សសង្គ្រោះជាតិ ៧នាក់ចូលជួបមន្ត្រីទូតសហភាពអឺរ៉ុបតាមការអញ្ជើញ
- ភរិយាសកម្មជនបក្សប្រឆាំងលោក គង់ ម៉ាស់ ខកចិត្តដែលតុលាការបន្តឃុំខ្លួនប្ដីលោកស្រី
- តុលាការគ្រោងបើកសវនាការជម្រះក្តីពលរដ្ឋមួយរូប ដែលរិះគន់រដ្ឋាភិបាលតាមបណ្ដាញសង្គម
- មេធាវីថា មិនទាន់ទទួលបានដំណឹងពីការបន្តសវនាការលោក កឹម សុខា ឡើងវិញទេ
- សកម្មជនបក្សសង្គ្រោះជាតិម្នាក់នៅក្រុងភ្នំពេញធ្លាក់ខ្លួនឈឺនៅពន្ធនាគារព្រៃស
- អ្នកឃ្លាំមើលថា លោក កឹម សុខា ចេញក្រៅផ្ទះចំណេញជាងនៅក្នុងផ្ទះ
- សកម្មជនបក្សប្រឆាំងម្នាក់នៅបាត់ដំបងបារម្ភពីសុវត្ថិភាព ក្រោយទទួលលិខិតកោះហៅសាកសួរ
- បក្សប្រឆាំងបង្កើតគណៈកម្មាធិការព្រំដែននិងអន្តោប្រវេសន៍ ខណៈព្រំដែនកម្ពុជារងការយាយីពីវៀតណាមជាថ្មី
- បក្សប្រឆាំងចាប់ផ្ដើមធ្វើយុទ្ធនាការបញ្ចប់អំពើនិទ្ទណ្ឌភាព ដើម្បីរកយុត្តិធម៌ជូនជនរងគ្រោះ
- អាជ្ញាធរចាប់ខ្លួនសកម្មជនបក្សប្រឆាំង ២នាក់នៅបាត់ដំបងពីបទប្រមាថថ្នាក់ដឹកនាំរដ្ឋាភិបាល
to be honest I knew HUN SEN was not like his families at all there was a lot of lesson to be learned from the world dictator. every one now understanding HUN SEN is a new kind of dictator that was not just harmful to Cambodia but also to the whole world . there was three reason that HUN SEN was more skillful then any dictator in the past. No1 he is good at murdering so many people and no one can find out he did it yet. N2 HUN SEN was a pure communist person can be manipulated to be a better democratic people . N3 HUN SEN was good at at looking for the wealth for all his families members . world community now know HUN SEN is the worse dictator in the history of human kind . for me I’m have no mercy to HUN SEN even a bit the reason why ?? I was following this Cambodian treason’s leader from the start and I knew he was an uneducated full of angers in his hand was full of Cambodian blood. I do not wanted to tell over again I knew all Cambodian knew every thing about HUN SEN . we Cambodian should change our constitution to let people punishing the leader that KBOTH CHEATH( treason ) can be hang in front of public this is only the lesson to make the future of Cambodian to be a wear of it . let change that constitution right now
មីសំផឹង កាដួយស្អុយ សូ មេត្តា មីកាដួយអាយះស្ញេញ សៅ ឧសភា !
ពូជមីសំផឹង ង៉ែងហ្នឹង ខ្ចីលុយគេ អត់ចាំបាច់សងមែនទេ អ្ហាស ! មីកាដួយអាយះស្ញេញ ?
អ៉ែង មានមើលលក្ខ័ណ្ឌនៃការដែលង៉ែងដាក់ពាក្យសុំខ្ចីលុយគេអត់ ?
ខ្ចីលុយគេ វាទាល់មីសំផឹង ង៉ែងអស់ហ្នឹង ឲ្យគេរុកកាដួយ បានលុយ បានសងមែនទេ ?
ង៉ែងចេះតែធ្វើការងារ លក់កាដួយតែមួយមុខមែនទេ ?
ង៉ែងក្លាហាន ង៉ែងឆ្លើយសំនួរខាងលើនេះ មីសំផឹង !
សុំមើលម្តងទៀត នូវការសន្និដ្ឋានសភាពការណ៍
ទាក់ទងអង្គការ ខុមហ្វ្រែលរបស់ខ្ញុំ !
*******
សង្ឃឹមថាអាក្បាលទំពែក បិទអាចម៍គោ គល់ បញ្ញា
ហ៊ានធ្វើជាអ្នកក្លាហាន ផ្សាយចេញលទ្ធផលនៃការស្ទង់
មតិរបស់វានេះចុះ។
ហាសៗហាស
អានេះសង្ឃឹមខ្យល់ខ្លាំងពេក ដល់ថ្នាក់នៅមិននៅ
យកជ័រព្នៅមកត្បៀតឃ្លៀក ។
មិនប្រមាថទេ តែទាល់តែយូរ បានអាក្បាលទំពែក
ក្រយ៉ៅក្រឡាច់នេះហ៊ានផ្សាយរឿងផស់វា ។
ចាំឲ្យច្បាស់ អាទំពែក !
អែងមិនផ្សាយរឿងនេះអ្ហែងត្រូវបានប្រែឈ្មោះដោយស្វ័យប្រវត្តិ
ថាអាតិរច្ឆាន ក្បាលទំពែក ក្រយ៉ៅក្រឡាច់
បិទអាចម៍គោគល់បញ្ញាមិនខាន !
ពិតហើយខ្ញុំសន្និដ្ឋានយ៉ាងម៉េច ត្រូវបានបង្ហាញការពិតហើយ ។
ខ្ញុំនិយាយសនិដ្ឋានមិនខុសទេ ។
ឥឡូវនេះមិនបានប៉ុន្មានម៉ោង ក្រោយការដាក់ការសន្និដ្ឋាន
របស់ខ្ញុំអាតិរច្ឆានក្បាលទំពែកក្រយ៉ៅក្រឡាច់ បិទដុំអាចម៍គោ
គល់ បញ្ញា តាមរយះអាតិរច្ឆានពូជសំផឹងកន សាវ៉ាង្ស
ជាបរិវាអ្នកនាំពាក្យអង្គការកូនមីកាដួយអាយះស្ញេញ ដាក់
ឈ្មោះថាខុមហ្វ្រែល បានបដិសេធលទ្ធផលស្ទង់មតិ
ដែលរៀបចំឡើងដោយពួកអាពូជសំផឹង វានេះហេីយ។
ពិតហើយបើវាគឹតថា គ្រាន់តែជាការបញ្ចេញមតិរបស់សាធារណជន
ហេតុអីទើបពួកវារៀបចំឱកាសនៃការស្ទង់មតិនេះឡើង ?
តើពួកវាមានបំណងអីដោយប្រាកដ ដែលបានរៀបចំ
ឡើងសម្រាប់ការស្ទង់មតិនេះ ?
តើបច្ច័យធ្វើឡើង ដោយគ្មានហេតុមែនទេ ?
ហេតុដែលដែលពួកអ្ហែងធ្វើនាំឲ្យកើតបច្ច័យ
បានកើតមានរួចហើយ !
ចុះហេតុអី បានជាកូនមីកាដួយអាយះ អាចុយម៉្រាយ
អាពូជសំផឹងអ្ហែងហ្នឹង បដិសេធបច្ច័យ ដែល
កូនមីកាដួយអាយះអ្ហែងអស់ហ្នឹងទទួលបានទៅវិញ ?