ដោយ អាស៊ីសេរី
2022.08.07
RFA
លោក ហ៊ុន សែន នៅថ្ងៃអាទិត្យ ទី៧ ខែសីហា បញ្ជាឱ្យលុបចោលគម្រោងអភិវឌ្ឍនៅភ្នំតាម៉ៅទាំងអស់ ហើយឱ្យក្រុមហ៊ុនដាំដើមឈើដែលឈូសឆាយទាំងអស់ឡើងវិញ។ រូប៖ ហ្វេសប៊ុក SMP
លោក ហ៊ុន សែន នៅថ្ងៃអាទិត្យ ទី៧ ខែសីហានេះ បានបញ្ជាឱ្យលុបចោលរាល់គម្រោងអភិវឌ្ឍ និងការដោះដូរនៅភ្នំតាម៉ៅទាំងអស់ និងបានបញ្ជាឱ្យក្រុមហ៊ុនដែលឈូសឆាយព្រៃឈើនៅតំបន់ភ្នំតាម៉ៅត្រូវដាំដើមឈើឡើងវិញ។ សេចក្តីសម្រេចនេះ បានធ្វើឡើង បន្ទាប់ពីមានការរិះគន់ពីប្រជាពលរដ្ឋគ្រប់មជ្ឈដ្ឋាន និងពីសំណាក់យុវជនបរិស្ថានផងដែរ។
“សាធារណជន សាទរចំពោះការឈប់ឈូសឆាយព្រៃតំបន់ភ្នំតាម៉ៅ”
សាធារណជនសម្ដែងក្ដីរីករាយ ដែលលោកនាយករដ្ឋមន្ត្រី ហ៊ុន សែន ថ្ងៃទី ០៧ ខែសីហា បានចេញបញ្ជាឱ្យរក្សាទុកដីព្រៃតំបន់ភ្នំតាម៉ៅ ដោយឱ្យក្រុមហ៊ុនឈប់ឈូសឆាយ និងដាំដើមឈើនៅតំបន់នោះឡើងវិញ។ បញ្ជារបស់លោកនាយករដ្ឋមន្ត្រី ឱ្យបញ្ឈប់រាល់ការឈូសឆាយ បំផ្លាញព្រៃអភិរក្សការពារដោយព្រះរាជក្រឹត្យនៅតំបន់ភ្នំតាម៉ៅនេះ ធ្វើឡើងក្រោយពេលសាធារណជនទូទៅ រួមមានអង្គការសង្គមស៊ីវិល និងយុវជនស្រឡាញ់បរិស្ថានផង បានធ្វើយុទ្ធនាការ និងបញ្ចេញមតិយ៉ាងផុលផុសប្រឆាំងនឹងការបំផ្លាញធនធានធម្មជាតិដ៏មានតម្លៃនៅទីនោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។